Жаҳон янгиликлари дайжести
Арктика ҳудудининг юқори тезликдаги интернет билан таъминланиши, ЕИнинг Тоғли Қорабоғ аҳолисига 3 млн евро гуманитар ёрдам ажратиши, Беларусь фуқаролигини олиш учун янги қоидалари ва бошқа янгиликлар — «Газета.uz»нинг жаҳон янгиликлари дайжестида.
Қозоғистондан автомобилларни импорт қилиш 19 баробарга ошди
2020 йил январдан бери Ўзбекистон Қозоғистондан 67 млн долларлик миқдорда 3,1 минг дона автомобиль сотиб олди ва энг йирик импортчига айланди. Бу кўрсаткич 2019 йилга нисбатан 1872%га кўпроқ.
Мактабгача таълим муассасалари ноябрь ойининг охирига қадар очилади
Мактабгача таълим муассасалари ноябрь ойининг охирига қадар очилади. Иш фаолиятини бошлаш ва болаларни қабул қилиш ҳуқуқи фақат СЭСдан рухсат олган МТМларга берилади. Лекин, қурилиш ва реконструкция ишлари олиб борилаётган, ходимлари орасида коронавирус аниқланган МТМлар фаолияти тикланмайди.
«Болалар ҳар хил бўлгани билан уларнинг ҳуқуқлари тенг бўлиши лозим» — Зироат Мирзиёева
19 ноябрь куни бўлиб ўтган халқаро веб-форумда Зироат Мирзиёева ногирон болаларнинг таълими, уларга инклюзив муҳитни яратиш ва бунда пайдо бўлаётган тўсқинликлар ҳақида нутқ сўзлади. «Zamin» Халқаро фонди Васийлик кенгаши раиси ногиронлиги бўлган болалар таълими масаласи ҳанузгача жуда ачинарли аҳволда эканлигини таъкидлаган.
Қор ёғгандан кейин қор қопламининг баландлиги 6−14 см ни ташкил қилди
Чоршанба куни кечқурунгача Ўзбекистоннинг марказий ва шарқий ҳудудларидаги қор қопламининг баландлиги 6−14 см ни ташкил этди. Шунингдек, йўлларни кўра олиш имконияти камайди, йўллар музлади. Кун давомида ҳаво ҳарорати 5−3 даражадан ошмади. Ноябрь ойида бундай совуқ кунлар камдан-кам учрайди, дея изоҳ берди синоптиклар.
«Ўзбекистонда хизмат кўрсатган гидрометеоролог» унвони таъсис этилади
«Ўзбекистонда хизмат кўрсатган гидрометеоролог» унвонини таъсис этиш белгиланмоқда. Бундан ташқари, иккита Ўзгидромет бош директори лавозими жорий қилинади.
Тошкентда электробус синовдан ўтказилади
SamAuto компанияси 2021−2022 йилларда электробуслар ишлаб чиқаришни ўзлаштиришни режалаштирмоқда. Хитойлик BYD компаниясининг электробуси — пол қисми паст бўлган, зинапоялар ва подиумсиз — 51-йўналиш бўйлаб синовдан ўтказиш учун «Тошшахартрансхизмат»га топширилди. SamAuto ўз моделини ишлаб чиқиш учун йўловчилар ва ҳайдовчиларнинг фикр-мулоҳазаларини ўрганади.
Темир маҳсулотларини арзон нархда олмоқчи бўлган фуқаро $30 мингга алданди
Риштон туманида Қирғизистондан арзон темир маҳсулотларини олиб келиши учун танишига $30 минг АҚШ долларини берган фуқаро алданиб қолди. Унинг ишончига кирган шахс пулларни ўз эҳтиёжлари учун сарфлаб юборган.
Савдо-саноат палатаси тадбиркорлик субъектлари тоифасини аниқлашнинг янги тартибини таклиф қилди
Савдо-саноат палатасининг тадбиркорлик субъектлари тоифасини аниқлаш борасида таклиф қилаётган янги тартибига кўра, субъектлар кичик, ўрта ва йирик корхоналарга ажратилиб, уларнинг ўртача тушум миқдорлари белгилаб қўйилади.
«Вақф» хайрия жамоат фондига янги раҳбар тайинланди
Тошкент шаҳри Шайхонтоҳур тумани «Шайх Зайниддин» жоме масжиди имом-хатиби Абдураҳмонов Яҳё Убайдулло ўғли «Вақф» хайрия жамоат фонди бошқарув кенгаши раиси вазифасига тайинланди.
Евро халқаро тўловларда энг кўп қўлланадиган валютага айланди
Сўнги етти йил ичида халқаро тўловларда евро улуши энг юқори кўрсаткични қайд этди. Статистик маълумотларга кўра, жорий йилнинг октябрь ойида трансчегаравий тўловларнинг 37,8 фоизи еврода, 37,6 фоизи долларда амалга оширилди.
Хитой «Ўзбекистон ҳаво йўллари»нинг Сианьга парвозларини бекор қилди
23 ноябрдан бошлаб Тошкентдан Сианьга парвозлар тўхтатилиб, 4 ҳафта давомида рейслар бўлмайди. Парвозлар бекор қилинишининг сабаби 5 ноябрь куни 11 та йўловчиларда коронавирус инфекцияси аниқланиши бўлган.
ЎзМУда Гидрометеорология факультети ташкил этилади
Президент қарори билан 2021−2022 ўқув йилидан Ўзбекистон Миллий университетида Гидрометеорология факультети ташкил этилади. Россия ва бошқа хорижий таълим муассасалари билан ҳамкорликда қўшма таълим дастурлари йўлга қўйилади.
Глобал очлик индексида Ўзбекистон 30 ўринни эгаллади
2020 йилда Глобал очлик индексида энг яхши деб топилган мамлакатлар орасида Ўзбекистон ўтган йилги кўрсаткичларини яхшилаб, 30 ўринни эгаллади. Беларусь, Босния ва Герцеговина, Бразилия давлатлари рейтингда энг юқори поғонада бўлса, энг кичик кўрсаткичлар Мадагаскар, Тимор Лесте ва Чад мамлакатларида кузатилмоқда.
Самарқандда 20 нафар йўловчиси бор автобус йўл сирпанчиқлиги боис ағдарилиб кетди
Самарқанд вилояти Оқдарё туманида 20 нафар йўловчиси бор автобус йўл сирпанчиқлиги оқибатида йўл-транспорт ҳодисасига учради. Икки нафар йўловчи тан жароҳати олиб, тиббиёт бирлашмасига мурожаат қилган.
«Чилонзор туманида чинор ноқонуний кесилган» — Давлат экология қўмитаси
Давлат экология қўмитасининг хабар беришича, Тошкентнинг Гагарин кўчасида олтита дарахт қонуний равишда кесилган, чунки улар қуриб, касалланган деб топилган. Ижтимоий тармоқларда кенг муҳокамага сабаб бўлган чинор ноқонуний равишда кесилган, бунинг зарари эса 43 млн сўмга тенг.
«Уч мингдан ортиқ мактабларда ошхонанинг ўзи йўқ» — Алишер Қодиров
Қонунчилик палатаси спикери ўринбосари Алишер Қодиров уч мингдан ортиқ мактабларда ошхонанинг ўзи йўқлиги, борининг ҳам 60 фоизга яқини талаб даражасида эмаслигини таъкидлади. «Фарзандларимизни физиологик-депрессив ҳолатини юзага келишини ҳисобга олсак, ўқитувчиларга бўлган муносабати кескинлашиши, мактабга жиноятни кириб келгани бу — албатта овқатланиш билан боғлиқ масала», — деди Алишер Қодиров.
Анвар Асамов инвестициялар ва ташқи савдо вазирига ўринбосар этиб тайинланди
Давлат божхона қўмитаси раисининг биринчи ўринбосари лавозимида фаолият юритиб келган Анвар Асамов инвестициялар ва ташқи савдо вазирининг ўринбосари этиб тайинланди.
ЖССТ бачадон бўйни саратонига қарши курашиш стратегиясини тақдим этди
Жаҳон соғлиқни сақлаш ташкилоти бачадон бўйни саратонини бартараф қилишни тезлаштириш бўйича Глобал стратегияни ишлаб чиқди. Стратегияда тақдим этилган тавсияларни амалга ошириш 2050 йилга келиб касалланиш ҳолатларини 40 фоизга камайтиришга ва 5 миллион ўлимнинг олдини олишга имкон яратади.
Антимонополия қўмитаси UzAuto Motors иши бўйича суд қарори устидан апелляция берди
Антимонополия қўмитаси UzAuto Motors иши бўйича Тошкент шаҳар маъмурий суди қарори устидан апелляция шикоятини киритди. 30 октябрь куни Тошкент шаҳар маъмурий суди қўмита махсус комиссиясининг 19 августдаги қарорини ҳақиқий эмас деб топган эди.
Қўшимча имкониятларга эга булиш учун сайтда рўйхатдан ўтинг