Россия Украинадаги урушга Россия фуқаролигига эга 10 мингга яқин муҳожирни юборган
Россия ҳукумати Россия фуқаролигини олган 30 мингдан ортиқ одамни «овлаб», ҳарбий рўйхатга олган ва уларнинг 10 мингга яқини аллақачон Украинадаги урушга жўнатилган, деди Россия Тергов қўмитаси раҳбари Александр Бастрикин.
Сирдарёда бир киши газдан заҳарланиб вафот этди, 2 киши касалхонага ётқизилди
Гулистон шаҳридаги сув ҳайдаш насос станциясида «Сирдарё сув таъминоти» компаниясининг 3 нафар ходими газдан заҳарланди. Оқибатда улардан бири вафот этди, 2 нафари ўта оғир аҳволда касалхонанинг жонлантириш бўлимига ётқизилди.
«Бугунги кунда Ўзбекистонда электр энергияси ишлаб чиқариш билан боғлиқ муаммолар йўқ» — Энергетика вазирлиги
Энергетика вазирлиги Статистика агентлигининг май ойида электр ишлаб чиқариш камайиши бўйича маълумотларини изоҳлаб, қуёш ва шамол электростанциялари ҳисобига электр ишлаб чиқаришнинг ўсиши 5,8 фоизни ташкил этганини билдирди. Таъминот камайиши тарифлар ошганидан кейинги «тежамкорлик» билан боғлиқ.
«Ўзбекистон футбол бўйича жаҳон чемпионати йўлланмасини қўлга киритишига тўлиқ ишонаман» — Сречко Катанец
Футбол бўйича Ўзбекистон миллий терма жамоаси бош мураббийи Сречко Катанец ЖЧ-2026 учинчи саралаш босқичига қуръа ташлаш натижалари ҳақида гапирди. Унинг сўзларига кўра, барча ўйинлар қийин бўлади, аммо у терма жамоанинг жаҳон чемпионатига чиқишига ишонч билдирмоқда.
Ўзбекистонга ЖЧ-2026 саралашининг 3-босқичида кимлар рақиб бўлиши маълум бўлди
ОФК минтақаси бўйича ЖЧ-2026 саралашининг 3-босқичига қуръа ташланди. Унда Ўзбекистон «А» гуруҳидан жой олди ва Эрон, Қатар, БАА, Қирғизистон, КХДР терма жамоалари билан Жаҳон чемпионати йўлланмаси учун беллашади.
Yandex Go хизмати Урганч ва Хивада ишга тушди
Yandex Go такси хизмати Хоразм вилоятининг Урганч ва Хива шаҳарларида иш бошлади. Саёҳатлар учун йўл ҳақи нақд ёки иловага боғланган карта орқали тўланади, минимал нарх 2500 сўмдан бошланади.
Шавкат Мирзиёев Жиззах вилоятига боради
Пайшанба куни президент Жиззах вилоятига ташриф буюриб, йирик саноат объектлари билан танишади, янги лойиҳаларга старт беради. Шунингдек, Зомин туманида Халқаро мақом санъати фестивалини очиб беради.
Тошкентда 31 ёшли эркак 11 ёшли қизни мунтазам зўрлаб келгани айтилмоқда
Тошкентда 31 ёшли эркак иккинчи хотинининг 11 ёшли қизини мунтазам зўрлаб келганликда гумонланмоқда. Қонуний никоҳидан 5 фарзанди бўлган эркакка нисбатан жиноят иши очилди.
«Юксалиш» Тошкент жамоат транспорти йўловчиларининг фикрини ўрганди
«Юксалиш» ҳаракати Тошкент шаҳрида жамоат транспорти йўловчилари орасида сўровнома ўтказди. Улар тиғиз вақтлардаги тирбандлик, «пойгалар», йўл ҳаракати қоидалари ва жадвалининг бузилиши, кондиционерлар ёқилмаслиги, ажратилган йўлакларни назорат қилмаслик каби муаммоларни кўрсатди.
Тошкентда Spark скутер ҳайдовчисини қасддан уриб юборди (видео)
Пойтахтнинг Амир Темур кўчасида Spark ҳайдовчиси скутер ҳайдовчисини қувиб бориб, қарама-қарши йўлакка чиқиб кетди ва уни уриб юборди. Скутер бошқарувчиси касалхонага ётқизилди. Шаҳар ЙҲХБ йўл ҳаракати қоидаларига амал қилишга ва масофа сақлашга чақирди. Видео.
Ўзбекистонда зўравонликдан жабрланганлар қаерга мурожаат қилиши керак?
Тазйиқ ва зўравонликка учраганлар «102» телефон рақами орқали ИИВ навбатчилик қисми ёки профилактика инспекторларига, «112» ягона диспетчерлик хизмати ва 1146 «ишонч телефони»га мурожаат қилишлари мумкин. 24 соат ичида ҳимоя ордери расмийлаштирилади.
Президент: «Танқидий материаллар „мудраб“ ётган раҳбарларни „уйғотишга“ ёрдам бермоқда»
Ўзбекистон раҳбари ОАВ ходимларини касб байрами билан табриклади. Унинг таъкидлашича, журналистика нафақат «тўртинчи ҳокимият», балки мудофаа ва хавфсизлик каби ҳал қилувчи соҳага айланиб бормоқда. Президент ахборот майдонини сифатли ва рақобатдош контент билан тўлдириш зарурлигини таъкидлади.
Май ойида газ ишлаб чиқариш янги минимал даражага етди, электр энергияси ҳажми ҳам кескин камайди
Ўзбекистонда май ойида электр энергияси ишлаб чиқариш кескин пасайди (-58%). Газ қазиб олиш ҳажми ҳам 2020 йил августидан бери янги минимал даражага етди — 3,52 миллиард куб метр.
Шавкат Мирзиёев Туркия мудофаа вазири билан хавфсизлик масалаларини муҳокама қилди
Ўзбекистон президенти ва Туркия миллий мудофаа вазири ҳарбий-техника, хавфсизлик, терроризм, радикализмга қарши курашиш соҳаларида ҳамкорликни мустаҳкамлаш, мутахассислар тайёрлаш, қўшма тадбирлар ўтказиш масалаларини муҳокама қилди.
Қозоғистон собиқ иқтисодиёт вазири Куандик Бишимбаевнинг ҳукми ўзгаришсиз қолдирилди
Остона апелляция суди рафиқаси Салтанат Нукеновани қийноққа солиб ўлдирганликда айбланиб, 24 йилга озодликдан маҳрум этилган Қозоғистон собиқ иқтисодиёт вазири Куандик Бишимбаевга нисбатан чиқарилган ҳукмни ўз кучида қолдирди.
Нидерландия бош вазири Марк Рютте НАТОнинг янги бош котиби бўлади
Нидерландия бош вазири Марк Рютте НАТОнинг янги бош котиби бўлади. Сиёсатчи Европа Иттифоқининг нуфузли етакчиларидан бири саналади. У Украинани фаол қўллаб-қувватлайди, АҚШнинг собиқ президенти Дональд Трамп билан тил топиша олади ва низолардан қоча олиш қобилияти учун «Тефлон Марк» лақабини олган.
«Ўзмиллийбанк» Хитой тараққиёт банкининг 2 млрд юань кредит линиясини жалб қилди
25 июнь куни бўлиб ўтган 20-мажлис доирасида «Ўзмиллийбанк» ва Хитой давлат тараққиёт банки ЎМБга 2 млрд юань ажратувчи битимни имзолади.
ИИБ биносида вафот этгани айтилаётган фуқаро иши доирасида бир ходим қамоққа олинди
Бекобод шаҳри ИИБ биносида вафот этгани айтилаётган 43 ёшли эркак иши доирасида бир нафар ички ишлар ходими қамоққа олинди. Марҳумнинг акаси «Газета.uz»га берган интервьюсида бу воқеада жами 8 нафар ходим иштироки бўлганини айтмоқда.
Ўзбекистон ва Россия ИИВлари киберхавфсизлик бўйича тўғридан-тўғри алоқа ўрнатади
Тошкентда Ўзбекистон ва Россия ички ишлар вазирлари миграция оқимини тартибга солиш, кибержиноятчилик ва гиёҳванд моддаларнинг ноқонуний айланмасига қарши кураш бўйича ҳамкорликни муҳокама қилди. Владимир Колоколцевга Ўзбекистон ИИВнинг Мувофиқлаштириш ва мониторинг қилиш маркази ҳам кўрсатилди.
Зўравонликка учраган аёллар ва болаларга ижтимоий хизмат кўрсатишнинг маъмурий регламенти тасдиқланди
Вазирлар Маҳкамаси қарори билан тазйиқ ва зўравонликка учраган хотин-қизлар ва уларнинг вояга етмаган фарзандларига ижтимоий хизмат кўрсатишнинг маъмурий регламенти тасдиқланди.
Қўшимча имкониятлардан фойдаланиш учун сайтда рўйхатдан ўтинг