«Ўзбекистон темир йўллари» ва Škoda Group ўртасида 320 млн евролик 30 та электропоезд етказиб бериш бўйича шартнома имзоланди. Бош вазир Абдулла Арипов буни Ўзбекистон темир йўллари соҳаси учун инқилобий деб атади. Келгуси йилдан паст полли ҳаракат таркибларини ишлаб чиқариш бошланади. Фото.
2025 йилдан Швеция пойтахти Стокгольм марказига бензин ва дизель ёнилғисида юрадиган автомобилларнинг кириши тақиқланади. Шаҳар расмийлари бу қарорни ҳаво сифатини яхшилаш ва транспорт шовқинини камайтириш мақсадида қабул қилди.
Uzbekistan Airways авиакомпанияси Тошкентдан Тель-Авивга парвозларни давом эттирмоқда, деб хабар қилди Ўзбекистоннинг Исроилдаги элчихонаси.
Ўзбекистонда 25 октябрдан 1 декабргача кузги дарахт экиш мавсуми доирасида 85 млн туп кўчат экиш режалаштирилмоқда. Президент бу борада аввал йўл қўйилган хатоларни такрорламаслик шарт эканини таъкидлади. У ободонлаштириш бўлимларини хусусий секторга ўтказиш бўйича тажриба ўтказишни маъқуллади.
Президент Ўзбекистонга сайёҳларни кўпайтириш масалалари бўйича йиғилишда бу борада яқин хориж ва Хитой катта салоҳиятга эгалигини таъкидлади. Маданий тадбирларни кўпайтириш, фильмлар суратга олиш, туризм объектларида тозалик, хушмуомалаликни тарғиб қилиш бўйича кўрсатмалар берилди.
ОТБдан электромобилларни оммалаштириш учун $170 млн, Тошкентда тупроқ босиб қолиб вафот этган 2 қурувчи, метрополитендаги узилишлар сабаби, $75 мингга сотилган энг қиммат авторақам, Андижон давлат университетидаги 39,3 млрд сўмлик талон-торож ва бошқалар — «Газета.uz»нинг кун дайжестида.
Ўзбекистон Жанубий Кореянинг Hyundai Rotem компаниясидан 6 та тезюрар поезд, Чехиянинг Skoda компаниясидан 30 та электропоезд сотиб олишни режалаштирмоқда. Бунинг учун давлат кафолати остида 535 млн евро миқдорида кредитлар жалб этилади.
01 777 RRR автомобиль рақами кимошди савдосида 894 млн сўмга сотилиб, Ўзбекистонда юридик шахслар учун энг қиммат «чиройли» рақам бўлди. Бир ярим соатлик савдода нарх 3 баробарга ошди.
Халқаро валюта жамғармаси 2023 йил якунларига кўра Ўзбекистон иқтисодиётининг ривожланишига баҳосини бироз яхшилади. Мамлакат ялпи ички маҳсулоти 5,5 фоизга ошиши кутилмоқда. Худди шу кўрсаткич 2024 йил учун ҳам прогноз қилинмоқда.
Тошкент ҳокимлиги Хитойнинг BYD компаниясидан 2000 дона K9UD eBus электробусларини харид қилади. 200 та автобуснинг биринчи партияси 2024 йилда келтирилиши керак.
Қозоғистон Ўзбекистонга нефть етказиб бериш ҳажмини оширишни кўриб чиқишга тайёр, агарда «Ўзбекистон томони Хитойга қараганда яхшироқ нарх ва шартларни таклиф қилса». Мамлакат Энергетика вазирлиги Россия нефти Ўзбекистон бозорида қозоқ нефтининг сиқиб чиқараётгани ҳақидаги хабарларни рад этди.
Учтепа туман ҳокимлиги коллектор қурилишида 5 нафар ходимни тупроқ босиб қолганини маълум қилди. Қайд этилишича, улардан 2 нафари вафот этди, 1 нафари касалхонада, қолганларнинг аҳволи қониқарли баҳоланмоқда.
Ўзбекистоннинг Исроилдаги элчихонаси мамлакат ҳудуди ва Ғазо секторида мажбуран ушлаб турилганлар орасида ўзбекистонликлар борлиги ҳақида маълумот келиб тушмаганини билдирди. Шунингдек, Исроилда яшаётган Ўзбекистон фуқароларидан алоқага чиқиш сўралди.
Тошкентнинг Учтепа туманида уч нафар қурувчини тупроқ босиб қолгани айтилмоқда. Улар ФВБнинг 16 нафар қутқарувчилари томонидан 2 соатдан буён қидирилмоқда.
«Чилонзор» қозонхонаси фаолиятини тўхтатиши сабаб Чилонзор ва Учтепа туманларининг бир қанча ҳудудларида 12 октябрда иссиқ сув таъминоти ўчирилади.
Ўзбекистон ССР Қурилиш вазирлиги, Наманган ва Самарқанд вилоятларини бошқарган Назир Ражабов 84 ёшида вафот этди.
Қорақалпоғистондаги Судочье кўллар тизими «Рамсар» конвенциясининг халқаро аҳамиятга эга бўлган сув-ботқоқ ҳудудлари рўйхатига киритилди. Бунгача Денгизкўл (2001), Айдар-Арнасой кўллар тизими (2008) ҳамда Тўдакўл ва Қуймазор сув омборлари (2020) мазкур рўйхатдан жой олган.
12−13 октябрь кунлари кучли ёмғирлар ёғиши кутилаётгани сабабли Ўзбекистоннинг 9 та вилоятида сел-сув тошқини юзага келиши мумкин.
Тошкент шаҳри аҳолиси 10−17 октябрь кунлари Янгиҳаёт туманидаги мавзе ва кўчаларни номлаш бўйича таклифларини йўллаши мумкин. «Газета.uz» аввалроқ пойтахтдаги 200 га яқин географик объектнинг номи йўқлиги ҳақида ёзганди.
Тошкентда 18 ёшли Equinox ҳайдовчиси телефондан фойдаланиб кетаётганда, светофорда турган бошқа машинага катта тезликда бориб урилди. Йўл-транспорт ҳодисаси оқибатида Nexia-3 ҳайдовчиси ва йўловчиси жабрланган.
Қўшимча имкониятларга эга булиш учун сайтда рўйхатдан ўтинг