Президент шайх Нуриддин Холиқназар орқали Маккадаги ўзбекистонлик ҳожилар ҳолидан хабар олди
Шавкат Мирзиёев Макка шаҳрида бўлиб турган Мусулмонлар идораси раиси Нуриддин Холиқназар билан телефонда мулоқот қилди. У муфтийдан фуқароларнинг шароити, саломатлиги ва кайфияти ҳақида сўради, Ўзбекистонга қайтгач, «ҳожилар ёшлар тарбияси ва оилалар тотувлигида ибрат бўлишларига» умид билдирди.
2023 йилда Ўзбекистон ва ЕИ ўртасидаги савдо айланмаси 11 фоизга ўсди — Евроиттифоқ элчиси
Ўзбекистон ва Европа Иттифоқи ўртасидаги товар айирбошлаш 2023 йилда 11 фоизга ўсиб, 5,13 млрд еврога етди. ЕИ элчиси Шарлотта Адриан иттифоқ Ўзбекистоннинг Жаҳон савдо ташкилотига аъзо бўлишини қўллаб-қувватлашда давом этишини таъкидлади.
Газ баллонли автомобилларни ҳайдашда нималарга эътибор бериш керак? Тавсиялар
Ёнғин техникавий экспертизаси лабораторияси мудири Якубжон Рустемов газ баллонли автомобилларни ҳайдашда нималарга эътибор бериш кераклиги бўйича тавсиялар берди. Унинг айтишича, қоидаларни билмаслик, баъзида эса бепарволик оқибатида бахтсиз ҳодисалар сони йилдан-йилга ошмоқда.
Президент Бухорони 2045 йилгача ривожлантириш концепцияси, «Янги Ўзбекистон» массиви ва боғи лойиҳалари билан танишди
Бухоро ҳудудини 3831 гектарга кенгайтириш режалаштирилмоқда. Шаҳарда «Янги Ўзбекистон» массиви ва «жуда баланд бўлмаган стела»ли истироҳат боғи, тарихий обидалар макетлари, рақамли панорама ва бошқа объектлар қурилади. Президентга шаҳарни 2045 йилгача ривожлантириш концепцияси тақдим этилди.
Тошкентда фуқароларни АҚШга ноқонуний юбормоқчи бўлганлар қўлга олинди
Учтепа туманида ҳуқуқ-тартибот идоралари ходимлари фуқароларни АҚШга ноқонуний жўнатиш ҳолатларига чек қўйди. Қўлга олинганлардан бири бунинг учун 42 минг доллар, иккинчиси эса 17 минг доллар сўраган.
Йилнинг дастлабки 5 ойида давлат бюджети дефицити 29 трлн сўмдан ошди
Ўзбекистонда январь-май ойларида давлат бюджети дефицити 29 трлн сўмдан ортиқни ташкил этди. Майдаги даромад ва харажатлар орасидаги фарқ ой бошига шаклланган қолдиқ ва ой давомида муомалага чиқарилган давлат қимматли қоғозлари ҳисобига қопланган.
АҚШ Мексика билан чегарани ноқонуний кесиб ўтганларга бошпана беришга вақтинча чеклов киритди
АҚШ президенти Жо Байден Мексикадан чегарани ноқонуний кесиб ўтган муҳожирларга бошпана беришни вақтинча тақиқлади. Бу чоралар уларни депортация қилишни осонлаштиради, деди Оқ уй. Тақиқ АҚШ жанубий чегарасидаги тирбандлик юзага келган даврда ҳам амал қилади.
Сабине Маҳл БМТнинг Ўзбекистондаги доимий координатори этиб тайинланди
Сабине Маҳл БМТнинг Ўзбекистондаги доимий координатори этиб тайинланди, у бу лавозимда 1 июндан иш бошлади. Тайинловга қадар у 2019 йилдан бери БМТнинг Грузиядаги доимий вакили эди, Индонезия, Фаластин ва Қирғизистондаги БМТ Аёллар бўлимларига раҳбарлик қилган, шунингдек, ЕХҲТда ишлаган.
Президент — Бухорода янги аэропорт қурилиши сабаблари ҳақида
Бухоро вилоятида 226 млн доллар эвазига янги аэропорт қурилади, аввалроқ мавжуд аэропортнинг ўзида янги терминал қуриш кўзда тутилганди. Президентнинг таъкидлашича, ҳозирги ҳаво бандаргоҳи «сайёҳлар оқимини икки баравар ошириш режаси учун кичиклик қилмоқда».
Президент ва туризм соҳаси вакиллари нималарни муҳокама қилди?
Шавкат Мирзиёев туризм соҳасидаги тадбиркорлар билан мулоқот ўтказди. Президент туроператорларни молиявий қўллаб-қувватлаш, ҚҚСни субсидия шаклида қайтариш муддатини узайтириш, пенсиядаги сайёҳлар учун алоҳида виза режимини жорий этиш бўйича топшириқлар берди ва бошқа масалаларни муҳокама қилди.
Сардоба туманига янги ҳоким тайинланди
Зиядулла Каримов Сирдарё вилоятининг Сардоба туманига ҳоким бўлди. У бунга қадар Давлат активларини бошқариш агентлигининг ҳудудий бошқармаси бошлиғи лавозимида ишлаган.
Самарқандда ўқувчи бошқарувидаги Nexia уриб юборган 6 ёшли қиз вафот этди
Ургут туманида 9-синф ўқувчиси бошқарувида бўлган Nexia-2 юқори тезликда 6 ёшли қизни уриб юборди. Қиз шифохонада вафот этди. Бола машинани уйидан отасининг рухсатисиз олиб чиқиб кетгани аниқланди.
Май ойида 67,8 млрд сўмлик электр ва табиий газдан ноқонуний фойдаланилгани аниқланди
Май ойида Ўзбекистонда 971 та ҳолатда истеъмолчиларнинг табиий газ ва электр энергиясидан ноқонуний фойдалангани аниқланди. Бунда давлат манфаатларига 67,8 млрд сўмлик зарар етказилган. Бундай ҳолатларнинг энг кўпи Навоий, Сурхондарё ва Андижон вилоятларига тўғри келди.
Бадиий таржима соҳасида Огаҳий номидаги халқаро мукофот таъсис этилди
Ўзбекистонда бадиий таржима соҳасида Муҳаммад Ризо Огаҳий номидаги халқаро мукофот таъсис этилди. Танлов 2025 йилдан бошлаб ҳар икки йилда бир марта ўтказилади. Ғолибларга БҲМнинг 300 баравари миқдорида бир марталик пул мукофоти берилади.
Алкоголь ва тамаки бозорини тартибга солиш инспекцияси ташкил этилмоқда
Иқтисодий жиноятларга қарши курашиш департаменти қошида Алкоголь ва тамаки бозорини тартибга солиш инспекцияси ташкил этилмоқда. Шунингдек, 1 октябрдан истеъмол ва техник этил спирти ҳамда алкоголь маҳсулотларини ишлаб чиқаришда қўшимча лицензия талаблари киритилади.
Президент Каппадокиядаги каби ҳаво шарлари ҳудудини яратиш бўйича топшириқ берди
Ўзбекистонда Туркия Каппадокияси мисолида ҳаво шарлари ҳудудини яратиш режа қилинмоқда. Президент Мўйноқ аэропортида парашютдан сакраш тизимини йўлга қўйиш мумкинлигини айтди. Экология, транспорт ва мудофаа вазирларига экстремал туризмни ривожлантириш дастурини қабул қилиш топширилди.
Японияда автоконцернлар иштирокидаги можаро авж олмоқда, Toyota ва Mazda етказиб беришни тўхтатди — Reuters
Японияда Toyota, Suzuki, Mazda, Honda ва Yamaha компаниялари иштирокида можаро келиб чиқди. Расмийлар компаниялар автомобиль сертификати маълумотларини сохталаштирганини аниқлади. Концернлар баъзи моделларни етказиб беришни тўхтатди.
АҚШнинг манфаатлари Украина ва Исроилникидан фарқ қилади — NYT
АҚШ Украина ва Исроилни «қанча керак бўлса, шунча» қўллаб-қувватлашга ваъда берган, бироқ улар аралашган можаролар кескин нуқтага етгани сабабли уч давлатнинг миллий манфаатлари бир-биридан фарқ қилмоқда, деб ёзмоқда New York Times.
Тошкентда мотордаги носозлик сабаб Nexia-3 ёниб кетди. Жабрланганлар йўқ
Тошкентнинг Шайхонтоҳур туманида Nexia-3 машинасининг мотор қисмида ёнғин келиб чиқди. Ҳолат ўт ўчирувчилар томонидан бартараф этилди. Жароҳатланганлар йўқ.
Олмалиқда 19 ёшли қиз ўз жонига қасд қилгани юзасидан текширув ишлари бошланди
Тошкент вилоятида ўзини 16 қаватли бино томидан ташлаб, ҳалок бўлган 19 ёшли қиз иши бўйича терговга қадар текширув ишлари бошланди. Ҳолат юзасидан суд-тиббий экспертиза тайинланди.
Қўшимча имкониятлардан фойдаланиш учун сайтда рўйхатдан ўтинг