Туркиядаги ўзбекистонликлар тармоқлардаги экстремистик контентлардан огоҳлантирилди
Март ойида Туркияда ўзбекистонлик фуқаро ИШИДга алоқадорликда гумонланиб, қўлга олинганди. Бироқ айблов тасдиқланмагач, у қўйиб юборилди. Туркиядаги бош консулхона ижтимоий тармоқлардаги экстремистик каналларга кирмаслик, мутаассиблик руҳидаги нашида ва маърузаларни сақламасликни тавсия қилди.
Тошкентнинг Гулбозор маҳалласида туризм кўчаси очилди
Президент пойтахтнинг қадимий қисмида жойлашган, сайёҳлик кўчаси барпо этилган Гулбозор маҳалласида бўлди. Ҳудуд кечаю кундуз фаолият юритиши ва Шайхонтоҳур туманида ташкил этилаётган «туризм ҳалқаси»нинг бир қисми бўлиши мумкин.
Юнусободдаги 14 та давлат ташкилоти ўрнида амалга ошириладиган лойиҳалар учун йирик девелоперлар таклиф этилади
Юнусобод туманида 14 та давлат ташкилоти 24,5 гектарни эгаллаб турибди. Бош вазир ва Тошкент ҳокимига йирик девелоперлар учун уларнинг ўрнида савдо объектлари қуриш таклифини бериш топширилди. Шунингдек, Евро-5 стандартидаги машиналар харид қилишнинг янги механизмлари ишлаб чиқиш вазифаси қўйилди.
Техник жиҳатдан тартибга солиш агентлигида тайинловлар амалга оширилди
Абдурауф Абдуқаюмов Техник жиҳатдан тартибга солиш агентлиги директорининг биринчи ўринбосари, Одилжон Тохиров эса ўринбосар этиб тайинланди. Шунингдек, Азамат Абдурахманов агентликнинг техник жиҳатдан тартибга солиш соҳасида назорат инспекцияси бошлиқ бўлди.
«Ҳоким топшириқ берди». Раҳбарларни Open Budget учун овоз йиғишга мажбурлаган Қизилтепа ҳокими ўринбосари иши текширилмоқда
Навоий вилояти Қизилтепа тумани ҳокими ўринбосари Ўлмас Истамов қатор раҳбарларга Open Budget учун овоз йиғишда сусткашлик қилганини айтиб, уларни «ноинсоф» деб атади. «Кечгача 50 тадан овоз йиғмасанг, ҳаммангни йўқотаман», дея таъкидлаган Истамовга нисбатан хизмат текшируви тайинланди.
«Ўзсаноатқурилишбанк»нинг Яшнобод филиали ўрнида 21 қаватли бино қурилади — президент
Пойтахтдаги Махтумқули кўчасида жойлашган «Ўзсаноатқурилишбанк»нинг Яшнобод филиали ўрнида 21 қаватли бино қуриш режа қилинмоқда. Президентнинг сўзларига кўра, бу ташаббусни банк раҳбари киритган. Бошқа банклар раҳбарларига ҳам худди шундай лойиҳаларни амалга ошириши бўйича кўрсатмалар берилди.
Тошкент шаҳри планетарийсига таъмирлаш ва бошқа харажатлар учун 1,4 млрд сўм ажратилди
Пойтахт ҳокими Шавкат Умурзоқов ва халқ депутатлари кенгаши томонидан Тошкент шаҳри планетарийсига макетлар сотиб олиш, жорий таъмирлаш, ёнғин хавфсизлиги тизимини йўлга қўйиш ҳамда кириш қисмига Planetariy сўзини ўрнатиш учун қарийб 1 млрд 450 млн сўм ажратилди.
Тошкентда 15 та автомобиль иштирокидаги ЙТҲда 2 киши жароҳатланди
Яшнобод тумани Махтумқули кўчасида «КамАЗ» ва 14 та енгил автомашина иштирокида ЙТҲ рўй берди. Жароҳат олган 2 кишига биринчи ёрдам кўрсатилди. Ҳодиса катта тирбандликни келтириб чиқарди.
Тошкентдаги Юнусобод деҳқон бозорини олти қаватли қилиш таклиф этилмоқда
Ўзбекистон президентининг айтишича, хорижий инвесторлар Юнусобод деҳқон бозорига 40 миллион доллар сармоя киритиш ва уни ер остида икки қават, ер устида олти қаватли бозорга айлантиришни таклиф қилган. Унинг сўзларига кўра, бозор бир қаватли бўлгани учун «димиқиб кетган».
Комилжон Каримов Вестминстер университети ректорлигига қайтди
Олий таълим вазирининг собиқ биринчи ўринбосари Комилжон Каримов Тошкентдаги Халқаро Вестминстер университетининг ректори бўлди. У бу лавозимда 2015−2020 йилларда ҳам ишлаган. Яна бир собиқ вазир ўринбосари Шаҳло Турдиқулова эса Фанлар академияси вице-президенти бўлди.
Олий таълим вазирига янги ўринбосарлар тайинланди
Шохрух Далиев олий таълим, фан ва инновациялар вазирининг биринчи ўринбосари, Отабек Маҳкамов эса вазир ўринбосари этиб тайинланди.
Йирик ЙТҲ туфайли эски ТошМИ яқинида катта тирбандлик юзага келди (фото)
Пойтахтдаги эски ТошМИ яқинидаги Махтумқули кўчасида иккита юк машинаси ва кўп сонли енгил автомобиллар иштирокида ЙТҲ содир бўлди — воқеа жойида бўлган «Газета.uz» мухбири 15 га яқин машинани санади. Марказ томон ҳаракат вақтинча тўхтаб қолди. Фото.
ДХХ уч нафар мансабдорни пора олишда гумонлаб, қўлга олди
ДХХ Андижон, Қашқадарё ва Тошкентда катта миқдорда пора олаётган мансабдор шахсларни ушлади. Уларга нисбатан жиноят иши очилиб, тергов олиб борилмоқда.
Тошкент вилоятида 5-қаватдан қулаб вафот этган аёлнинг эри ушланди
Бекобод туманида эри билан жанжал вақтида 5-қаватдан ўзини ташлаб вафот этган аёлнинг эри ушланди. Аввалроқ унинг қўшнилари аёл пастга тушиб кетиши олдидан «яшашни истамайман, калтакларингдан тўйиб кетдим», дея бақирганини эшитганди.
Қозоғистонда 8 нафар ўзбекистонлик ЙТҲда вафот этгани бўйича ҳукумат комиссияси тузилди
Президент топшириғига кўра, Қозоғистондаги ЙТҲда вафот этган 8 нафар ўзбекистонликнинг жасади Мудофаа вазирлигининг махсус ҳаво борти орқали ватанга қайтарилади. Уларни олиб келиш ва дафн маросимларини ўтказиш бўйича ҳукумат комиссияси тузилди.
Истеъмол маҳсулотларидаги антипиренлар саратондан ўлим хавфини ошириши мумкин: тадқиқот
Тадқиқотчилар ёнувчанликни камайтириш учун турли хил истеъмол маҳсулотларига қўшиладиган ёнишдан сақлайдиган моддалар — антипиренлар саратон касаллигидан ўлим хавфини сезиларли даражада ошириши мумкинлигини аниқлади.
Президент Янги Тошкентдаги бинолар қурилишига тамал тоши қўйди
Шавкат Мирзиёев Янги Тошкент шаҳридаги илк иншоотлар қурилишини бошлаб берди. Бу ерда, хусусан, «Янги Ўзбекистон» университети, Миллий кутубхона, Миллий театр, Адабиёт музейи қурилади. Давлат раҳбари ўз нутқида: «Булар маърифатли жамият барпо этиш ғоямизнинг асоси ва намунаси бўлади», — деди.
Техник хато сабаб пенсионерларнинг 3 фоизига ҳисобланган пенсия бекор қилинган, пуллар қайтарилади — Халқ банки
Техник хатолик туфайли пенсия олувчиларнинг 3 фоизи карталарига пенсия ўтказиш бекор қилингани ҳақида билдиришнома олган. Пенсия жамғармаси ва Халқ банки пуллар қайтарилишига ишонтирди. Барча пенсионерлар 5 апрелгача пенсиясини олади.
Чет элликларнинг Россияда вақтинча бўлиш муддатини йилига 90 кунгача қисқартириш режалаштирилмоқда
Россия ИИВ хорижликларнинг мамлакатда вақтинча бўлиш муддатини йил давомида 90 кунгача қисқартиришни, шунингдек, киришда мажбурий бармоқ излари ва барча миграция ҳужжатлари ўрнини босувчи ягона шахсий гувоҳнома жорий этишни таклиф қилди.
Президент Тошкентдаги болалар мусиқа ва санъат мактабида бўлди (+фото)
Шавкат Мирзиёев Тошкент шаҳридаги 1-болалар мусиқа ва санъат мактаби билан танишди. У ўтган йили республика бюджети маблағлари ҳисобидан қурилган эди. Жорий ўқув йилида 145 нафар бола биринчи синфга қабул қилинган. Фото.
Қўшимча имкониятлардан фойдаланиш учун сайтда рўйхатдан ўтинг