Тошкентда Nexia-3 ТАПОиЧ кўпригидаги бетон тўсиққа урилди
Душанба тонгида Мирзо Улуғбек туманида Nexia-3 ТАПОиЧ кўприкдаги бетон тўсиққа урилди. Воқеага 21 ёшли фуқаронинг бошқарувни йўқотиши сабаб бўлган. Икки йил аввал кўприкдан Matiz ҳам қулаб тушганди.
Кремль дон битими «амалда бекор қилинганини» эълон қилди
Россия президентининг матбуот котиби Дмитрий Песков 17 июлдан бошлаб Туркия ҳамда БМТ иштирокида Украина билан тузилган дон шартномаси амалда тугатилганини маълум қилди. У бунга битимдаги Россия талаблари бажарилмаганини сабаб сифатида келтирган.
Эрон ҳукумати «ахлоқ полицияси» қайтганини эълон қилди
Оммавий намойишлардан сўнг ғойиб бўлган «ахлоқ полицияси» Эрон кўчаларига қайтди. Пиёда ва автомобиль патруллари аёлларнинг ҳижоб ўраш мажбуриятини назорат қилади.
Июнь ойида Ўзбекистонда сезилган инфляция минимал даражага етди
Ўзбекистонда сезилган инфляция даражаси июнь ойида минимал даражага — 12,9 фоизга етди, бу расмий йиллик инфляциядан 3,9 фоизга юқори. Нархлар ўсиши тармоқ ва ҳудудлар кесимида, шунингдек, турли даромадга эга аҳоли гуруҳлари ўртасида қандай қабул қилинаётгани ҳақида асосий маълумотлар.
Қашқадарёда тадбиркор Қизил китобга кирган 753 туп ўсимликка зарар етказди
Деҳқонобод туманида Қизил китобга киритилган 753 туп тожик каврагининг илдизи ковланиб, кесиб ташланди. Ўсимлик дунёсига жами 372 млн 735 минг сўм зарар етган. Ҳолат бўйича ҳужжатлар прокуратурага юборилди.
Ҳафта давомида ҳарорат пасайиб боради
Ўзбекистонда ҳафта боши бироз иссиқ — кундуз кунлари +35…+40 даража, жанубда +42…+44 даража бўлади. Ҳафта ўртасидан ҳарорат фони +33…+38 даражагача пасайиши, асосан қуруқ ва кам булутли об-ҳаво бўлиши кутилмоқда.
Қрим кўпригида портлаш содир бўлди
Қрим кўпригида портлаш содир бўлди ва унда ҳаракатланиш вақтинча тўхтатилди. Расмий маълумотларга кўра, воқеа оқибатида икки киши ҳалок бўлган, бир нафар бола яраланган.
Банкларда долларнинг сотув курси 11 630−11 640 сўм этиб белгиланди
Тижорат банклари 17 июль куни аҳолидан 1 АҚШ долларини 11 520−11 580 сўмдан сотиб олмоқда, сотув курси эса 11 630−11 640 сўм.
Ўзбекистонлик енгил атлетикачилар ОЧни 4 та медаль билан якунлади
Ўзбекистонлик енгил атлетикачилар Таиландда ўтказилган Осиё чемпионатини 4 та медаль — 1 та олтин, 2 та кумуш ва 1 та бронза билан якунлади.
Фарғонада тўрт эркак бир аёлни дўппослаб, зўрлагани айтилмоқда
Бешариқ туманида тўрт эркак оилали, икки фарзанди бор аёлни зўрлагани айтилган видео тармоқларда тарқалди. Фарғона вилояти ИИБ ҳолат тўрт ой олдин содир бўлганини маълум қилди. Гумонланувчилар ушланган.
Бухорода браконьер экология инспекторига ўқ узди
Қоровулбозор туманида рейд ўтказаётган туман Экология бўлими бошлиғи Мирали Ҳожиев хизмат вақтида яраланди. Унга ҳудудда ноқонуний ов қилаётган браконьер ўқ узди. Ҳозирда инспекторнинг аҳволи яхши, браконьерлар ушланиб, терговга қадар текширув ҳаракатлари олиб борилмоқда.
Қўқонда биринчи «Туркий тилли ёшлар халқаро фестивали» бўлиб ўтди
11−15 июль кунлари Қўқонда биринчи «Туркий тилли ёшлар халқаро фестивали» ўтказилди. Унда Озарбайжон, Туркия, Қирғизистон ва Қозоғистондан ёшлар қатнашди. Фестивал доирасида спорт мусобақалари, маҳорат дарслари, B2B учрашувлар, давра суҳбатлари ва диққатга сазовор жойларга саёҳатлар ташкил этилди.
Жиззахда Lacetti ва Cobalt тўқнашиши оқибатида ҳайдовчилар вафот этди
Жиззах вилоятининг Шароф Рашидов туманида Lacetti ва Cobalt тўқнашиши оқибатида икки ҳайдовчи воқеа жойида ҳалок бўлди. Машиналарда бўлган 3 нафар йўловчи шифохонанинг жонлантириш бўлимига ётқизилди.
«Кимгадир тегишли тизимни молиялаштириш деган талқин ноўрин». Пойтахт ҳокимлиги — «Пахтакор»га 7 млрд cўм ажратилиши ҳақида
Тошкент шаҳар ҳокими қарори билан «Пахтакор» футбол клубига пойтахт бюджетидан 7 млрд сўм ажратиш белгиланди. Қарор жамоатчилик норозилигига учради. Шундан сўнг ҳокимлик қарор бўйича изоҳ берди.
Новвой, наққош, гўшт кесувчи. 18 ёшга тўлмаганлар фаолияти тақиқланган ишлар рўйхати тасдиқланди
Вазирлар Маҳкамаси қарори билан 18 ёшга тўлмаган шахсларнинг меҳнати тақиқланган ишлар рўйхати тасдиқланди. Рўйхатда новвой, хамир қорувчи, музқаймоқ тайёрловчи, тиббий маҳсулотларини тахловчи каби ишлар ўрин олган.
Республиканинг 4 та вилоятида «103 Med-data» автоматлаштирилган бошқарув тизими жорий этилди
«Тез ёрдам»нинг Андижон, Самарқанд, Жиззах ва Сурхондарё филиалида «103 Med-data» автоматлаштирилган бошқарув тизими жорий этилди. Тизим тез ёрдам машиналарини бошқаришни мониторинг қилиш, диспетчерлик хизматини реал вақтда бошқариш, маълумотнома ҳамда ҳисоботларни автоматик яратиш имконини беради.
Сурхондарёда ғалладан бўшаган майдонлар ёқиб юборилиши сабаб жами 106 млн сўмлик зарар етказилди
Қумқўрғон туманида бир қанча фермер хўжаликлари ғалладан бўшаган ер майдонларини ёқиб юборгани аниқланди. Бунинг оқибатида тупроқ унумдорлигига жами 106 млн сўмлик зарар етказилган. Етказилган зарар ҳуқуқбузарлардан ундирилиши қайд этилди.
Yaponamama Самарқандда иккинчи филиалини очмоқда
16 июль санасида Yaponamama пан-осиё ресторанининг 17-филиали очилиш маросими бўлиб ўтади. Маросимда меҳмонларни шоу-дастурлар ва бепул суши-ролларнинг тарқатилиши кутилмоқда.
Россиядаги эри билан жанжаллашиши оқибатида фарзандларини калтаклаган аёлга нисбатан жиноий иш очилди
Самарқанд вилоятида 27 ёшли аёл Россияда ишловчи эри билан жанжаллашиши оқибатида икки нафар вояга етмаган қиз фарзандларини калтаклаб, уни тасвирга олиб, эрига жўнатган. Унга нисбатан жиноий иш очилди.
Нима тайёрлаймиз: Бақлажондан таом ва салатлар
Бақлажондан тайёрланган котлетлар, паштет, газак, салат, бақлажон чипс ва бошқалар — Zira.uz бақлажондан турли ноодатий таомларни тайёрлаб кўрди. Мазали егулик ва салатларнинг рецепти билан танишинг.
Қўшимча имкониятларга эга булиш учун сайтда рўйхатдан ўтинг