Россиядан газ импорт қилиш фақатгина иқтисодий талабдан келиб чиқиб амалга оширилмоқда — энергетика вазири
Жўрабек Мирзамаҳмудов нега Ўзбекистон октябрь ойида Россиядан ҳам газ импорт қилишни бошлаганига изоҳ берди. «Асосий сабаб — ортиб бораётган талаб, ўсиб бораётган истеъмол», — деди энергетика вазири. У, шунингдек, Россиядан газ олиб келиш учун тайёр инфраструктура бўлганини қайд этди.
Божхона қўмитаси ходими суғурта компанияси билан тил бириктирганликда гумонланиб ҳибсга олинди
Божхона қўмитаси ходими суғурта компанияси билан тил бириктириб, 145 млрд сўмни ўзлаштирганликда гумонланиб ушланди. Қўмита раисининг ўринбосари у ойлаб кузатилгани ва ноябрь охирида ишдан бўшатилганини маълум қилди. Жиноий гуруҳнинг бир неча аъзолари чет элга қочиб кетгани айтилмоқда.
Олий судга 3 нафар судья сайланди
Сенатнинг 48-ялпи мажлисида Элза Шамсутдинова ва Баходир Эргашев 10 йил муддатга, Анвар Элмурадов эса муддатсиз даврга Олий суд судьяси этиб сайланди. 8 нафар судья лавозимидан озод этилди.
Сенат дарахт ва буталарни ноқонуний кесганлик учун жазони кучайтириш бўйича ўзгартиришларни маъқуллади
Сенатда маъқулланган қонунга кўра, дарахтларни ноқонуний кесган фуқаролар 8,5 миллион сўмдан 25,5 миллион сўмгача, мансабдорлар эса 17 миллион сўмдан 34 миллион сўмгача жарима ёки 15 суткалик қамоқ жазоси билан жазоланади. 1 туп дарахт кесган шахс унинг ўрнига 100 туп дарахт экиши белгиланмоқда.
Kimyo университети ректори Жанполат Кудайбергенов вафот этди
Ўзбекистондаги биринчи хусусий олий ўқув юрти бўлган Тошкент Kimyo халқаро университети ректори Жанполат Кудайбергенов 45 ёшида вафот этди.
«Буни бажаролмасак, ишлашга нолойиқмиз». Энергетика вазири — 2024 йилдан энергоресурсларга бўлган ички талабни 100 фоиз қондириш вазифаси ҳақида
Энергетика вазири Жўрабек Мирзамаҳмудов YouTube`даги «Ўзи нима гап?» лойиҳасига берган интервьюсида 2024 йилдан энергоресурсларга бўлган ички эҳтиёжни 100 фоиз қоплаш вазифаси қўйилганини билдирди. «Агар буни бажаролмасак, нафақат мен, балки тизимдаги барча масъуллар ишлашга нолойиқмиз», — деди у.
RABAD қурилиш савдо маркази бизнес эгалари ва ижарачиларга истиқболли савдо биноларини таклиф этади
Уч қаватли кўп функцияли савдо марказидаги чакана савдо майдони тадбиркорлар ва дўкон эгалари учун кўчмас мулк сифатида ва тижорат билан шуғулланиш учун фойдали сармоядир.
АҚШга ноқонуний йўллар билан кетган 119 нафар ўзбекистонлик ватанга қайтарилди
АҚШга ноқонуний киришга уринган 120 га яқин Ўзбекистон фуқароси ватанига қайтарилди. Фуқароларнинг аксарияти Мексика орқали чегарани кесиб ўтишга ҳаракат қилган. «Икки−уч йилда топганимизни 3 ойда бериб келдик», — дейди улардан бири.
Фариддин Насриев Ўзбекистоннинг Эрондаги элчиси бўлди
Фариддин Насриев Ўзбекистоннинг Эрондаги элчиси бўлди. У шу пайтгача Қозон шаҳридаги бош консулликни бошқариб келаётганди.
11 ойда 5,5 мингта кибержиноят содир этилди, уларнинг 70 фоизи банк карталари билан боғлиқ
Ўзбекистонда 2023 йилнинг 11 ойида 5,5 мингта кибержиноят содир этилди, шундан 70 фоизи банк карталари билан боғлиқ фирибгарлик ва ўғрилик жиноятларидир. Президент барча электрон тўлов тизимлари учун ягона киберхавфсизлик талабларини ишлаб чиқиш топшириғини берди.
Қирғизистон парламенти давлат байроғини ўзгартириш тўғрисидаги қонунни қабул қилди
Қирғизистон парламенти давлат байроғини ўзгартириш ҳақидаги қонунни муҳокамаларсиз қабул қилди. Расмийлар байроқдаги қуёш нурлари шаклини баъзилар кунгабоқарга ўхшатгани сабабли ўзгартирмоқчи. Президент бу унинг ташаббуси эканини тан олиб, ўзгаришлар учун «кўп маблағ керак эмаслигини» айтди.
Тошкентда ҳаракатланиб кетаётган автобусда ёнғин чиқди
Мирзо Улуғбек туманида 151-сонли Mercedes-Benz автобусида юқори босимли ҳаво қувурининг ёрилиши туфайли қисқа туташув, унинг ортидан ёнғин юз берди. «Тошшаҳартрансхизмат»га кўра, ҳодиса оқибатида ҳеч ким жароҳат олмаган, автобус двигателига зарар етган.
Маҳаллалар рақамлаштирилиб, «Халқ назорати» платформасига эътибор кучайтирилади
Президент IT соҳасига доир йиғилишда маҳалла қўмиталари ходимлари планшет ва компьютерлар билан таъминланса ҳам, рақамли ечимлардан тўлиқ фойдаланилмаётганини танқид қилди. «Рақамли маҳалла» тизимини ишга тушириш, «Халқ назорати» платформасини такомиллаштириш бўйича кўрсатмалар берилди.
Тошкентда яна 5 киши жиноий фаолиятда гумонланиб қўлга олинди
Пойтахт ИИББ товламачилик, безорилик ва гиёҳвандлик воситаларини ноқонуний сотишда гумонланаётган яна беш нафар шахс қўлга олинганини маълум қилди.
«Ҳар бир соҳа рақамли технологиялар билан ҳамоҳанг бўлмаса, мамлакат ривожланмайди» — президент
Шавкат Мирзиёевга икки томонлама солиққа тортишнинг олдини олиш, IT-park ҳудудида Англия ҳуқуқини жорий этиш, резидентлар учун солиқ имтиёзларини 2040 йилгача узайтириш, сунъий интеллект асосида биометрик идентификация қилиш, электр таъминоти биллингига доир режалар юзасидан тақдимот қилинди.
ССВ бир корхона таъсисчилари иштирокида 435 млн сўмлик тендер ўтказди
Соғлиқни сақлаш вазирлиги ўз эҳтиёжлари учун ҳамда тиббиёт форумларига ташриф буюрадиган меҳмонларга совға сифатида тендер орқали 435 млн сўмлик кундалик, блокнот, ручка ва бошқаларни харид қилди. Тендер бир корхонанинг таъсисчилари ўртасида ўтказилган.
Тошкентда Spark уриб юборган пиёда вафот этди
Юнусобод туманида Spark автомашинаси фуқарони уриб юборди. Оқибатда йўловчи воқеа жойида вафот этди.
Қурилиш соҳасида айрим биноларни қуриш учун зарур бўлган ишчилар сони меъёри жорий этилади — Жамшид Қўчқоров
Қурилиш соҳасида иш ўринларини қонунийлаштириш учун 1 апрелдан айрим объектларни қуриш учун зарур бўлган ишчилар сони меъёрини жорий этиш режалаштирилмоқда, деди бош вазир ўринбосари Жамшид Қўчқоров. Унга кўра, бу биринчи босқичда давлат бюджетидан молиялаштириладиган қурилишларга қўлланилади.
2024 йилда IT хизматларини ривожлантириш учун 65 млрд сўм ажратилади
2024 йилдан IT компаниялари бўш турган биноларга бир йил муддатга бепул жойлаштирилади. 50 дан ортиқ мутахассисни ишли қилган компанияларнинг бир йиллик иш ҳақи харажатининг 15 фоизгача қисми қоплаб берилади. Шавкат Мирзиёев соҳа учун 65 млрд сўм ажратилишини маълум қилди.
Ўзбекистонда айрим хизматлар учун тўловни нақд пулда қабул қилиш тўхтатилиши мумкин — бош вазир ўринбосари
Бош вазир ўринбосари Жамшид Қўчқоров яширин иқтисодиётга қарши курашиш мақсадида нақд пул муомаласини қисқартириш бўйича президент қарори лойиҳаси тайёрланганини маълум қилди. Унинг сўзларига кўра, гап айрим тўловларни фақат банк карталари орқали тўлаш ҳақида бормоқда.
Қўшимча имкониятлардан фойдаланиш учун сайтда рўйхатдан ўтинг