ЖССТ тиббиётда сунъий интеллектдан фойдаланишда эҳтиёт бўлишга чақиради
ЖССТ тиббиётда ChatGPT, Bard ва шунга ўхшаш платформалар билан ишлашда хавфларни ўрганишга чақирди. Ташкилот, айниқса, сунъий интеллектга эга чатботлар томонидан яратилиши мумкин бўлган ёлғон маълумотлардан хавотирда.
Ўзбекистонда «яшил энергия» сертификатлари жорий этилади
Ўзбекистонда электр энергиясининг қайта тикланувчи манбалардан фойдаланган ҳолда ишлаб чиқарилганини тасдиқловчи «яшил энергия» сертификатлари тизими босқичма-босқич жорий этилади. Сертификатлар эркин муомалада бўлади ва бир шахсдан иккинчи шахсга ўтказилиши мумкин.
Тошкентда гуруҳ бўлиб одам ўғирлаган ва пулларини олиб қўйган 4 нафар шахс қамалди
Олмазор туманида одам ўғирлаш, босқинчилик ва бошқа жиноятларни содир этган 4 нафар судланувчи 13,5 йилдан 15 йилгача бўлган муддатларга қамалди. Улар ЙПХ ходими кийимида фуқарони ўғирлаб, пулларини олиб қўйган, шунингдек, ўлдириш билан таҳдид қилган.
Қозоғистондаги ЙТҲда 2 нафар ўзбекистонлик ҳалок бўлди
Қозоғистоннинг Ақтўбе вилоятида Toyota ва Lacetti автомобиллари тўқнашиши оқибатида 2 нафар ўзбекистонлик ҳалок бўлди. Яна 6 киши шифохонага етказилди. Мамлакат ИИВ ҳолат юзасидан тергов ҳаракатлари бошланганини билдирди.
Мактабгача таълим қамровини кенгайтириш бўйича 5 йиллик дастур ишлаб чиқилади
Ўзбекистонда мактабгача таълим қамровини кенгайтириш бўйича беш йиллик дастур ишлаб чиқилади. Президент мутасаддиларга таълим сифатини яхшилаш, давлат-хусусий шериклик муносабатларини ривожлантириш бўйича кўрсатмалар берди.
Банкларда долларнинг сотув курси 11 430 — 11 475 сўм этиб белгиланди
Тижорат банклари 17 май куни аҳолидан 1 АҚШ долларини 11 360 — 11 415 сўмдан сотиб олмоқда, сотув курси эса 11 430 — 11 475 сўм.
Фарғонада хандақ қазиётган ишчини тупроқ босиб қолди
Ёзёвон туманида хандақ қазиётган ишчини тупроқ босиб қолди. Фуқарога ФВБ ходимлари ёрдам кўрсатди. Воқеага ишчининг хавфсизлик қоидаларига риоя қилмагани сабаб бўлгани айтилмоқда.
Ўзбекистонликларнинг нархлар сунъий оширилишига бўлган хавотири кескин ошди
Аҳоли ва тадбиркорларнинг инфляцион кутилмалари апрель ойида пасайишда давом этди, деб хабар берди Марказий банк. Шу билан бирга, респондентлар орасида нархлар ва иш ҳақининг сунъий оширилишини кутилаётган инфляциянинг асосий омиллари деб ҳисобловчилар улуши кескин ошган.
16 май куни Ўзбекистонда содир бўлган энг муҳим хабарлар дайжести
Ўзбекистонда Mastercard`нинг ваколатхонаси очилиши, Нукус воқеалари бўйича апелляция суди, туман бош имомлигидан бўшатилган «shukurullohdomla», қўлга олинган Hello Tashkent, salam Tashkent гуруҳи админлари, метрода ёш қизга шилқимлик қилган 24 ёшли йигит ва бошқалар — «Газета.uz»нинг кун дайжестида.
«Сўз эркинлиги борасидаги ислоҳотларга адекват баҳо бериш керак» — президент матбуот котиби
Президент матбуот котиби Шерзод Асадов Ўзбекистонда сўз эркинлиги даражасини изоҳлаб, 2016 йил охиридан буён бу борадаги ислоҳотлар натижаларига адекват баҳо бериш кераклигини айтди. Комил Алламжонов эса сўз эркинлиги даражасини 5,5 балга баҳолаб, ҳали қилинадиган ишлар кўплигини айтди.
18−19 май кунлари Сиан шаҳрида «Хитой-Марказий Осиё» саммити бўлиб ўтади
18−19 май кунлари Сиан шаҳрида «Хитой-Марказий Осиё» биринчи саммити бўлиб ўтади. Унда Ўзбекистон, Қозоғистон, Қирғизистон, Тожикистон ва Туркманистон раҳбарлари иштирок этади.
Korzinka кассаларида картадан нақд пул ечиш хизмати йўлга қўйилди
Марказий банк «Тартибга солиш қумдони» махсус ҳуқуқий режими жорий этилган Korzinka супермаркетлар тармоғи кассаларида банк карталаридан нақд пул ечиш хизмати йўлга қўйилганини маълум қилди. Синов жорий йил 1 ноябрига қадар давом этади.
Ўзбекистон бўйлаб музейлар куни нишонланади
18 май — Халқаро музейлар куни муносабати билан Ўзбекистон давлат музейлари ташриф буюрувчиларни бепул қабул қилади. Давлат санъат музейида Баҳодир Жалолнинг «Мангуликдаги чизиқ» кўргазмаси очилади ва рассом билан учрашув ўтказилади, Миниатюра музейида хаттотлик бўйича маҳорат сабоқлари ўтказилади.
Тошкентда метрода ёш қизга шилқимлик қилган шахс 5 суткага қамалди
12 май куни Тошкент шаҳрида метро вагони ичида ёш қизга шаҳвоний шилқимлик қилган йигитга нисбатан суд ҳукми ўқилди. Унинг аввал ҳам маъмурий жавобгарликка тортилгани сабаб жазо енгиллаштирилмади. Йигит 5 суткага қамалди.
Шукрулло Эгамбердиев Тошлоқ тумани бош имомлигидан бўшатилди
Ўзбекистон мусулмонлари идораси Тошлоқ тумани бош имоми Шукрулло Эгамбердиевни лавозимидан озод қилди. Идоранинг «Газета.uz»га маълум қилишича, бунга унинг сўнгги 6 ой давомида аҳолининг норозилигига учраган видеолари сабаб бўлган.
ЕТТБ 2023 йилда Марказий Осиё мамлакатлари иқтисодиёти ўсишини прогноз қилмоқда
Марказий Осиё давлатлари ноқулай геосиёсий вазиятга чидамлилик кўрсатмоқда. ЕТТБ прогнозига кўра, минтақа иқтисодиёти 2023 йилда 5,2 фоизга ўсади ва келгуси йилда ҳам ўсишда давом этади.
Uzum экотизими кафе, ресторан ва дўконлардан Uzum Tezkor етказиб бериш сервисини ишга туширди
Энди Uzum фойдаланувчилари ўзларининг севимли муассасаларидан таом буюртма қилиш имкониятига эга. Тез орада дўконлардан озиқ-овқат маҳсулотларига буюртма бериш ҳам мумкин бўлади.
Хитой тажрибаси асосида камбағалликдан чиқариладиган 14 та туман номи маълум бўлди
Хитой тажрибаси асосида камбағалликдан чиқариш дастури (йўл-транспорт ва бошқа инфратузилмани яхшилаш бўйича) Ўзбекистоннинг 14 туманида, жумладан, Тошкентнинг Чилонзор туманида ҳам амалга оширилади. 2024 йилдан бошлаб ушбу дастур бутун республика бўйлаб жорий этилиши мумкин.
Ўзбекистон Халқаро велосипедчилар иттифоқи рейтингида юқорилади
Ўзбекистонда эркаклар ва аёллар ўртасида велоспортнинг шоссе тури бўйича «Oqtosh-Chorvoq Mountain» кўп кунлик мусобақаси ўтказилди. Унда қатнашган миллий терма жамоа Халқаро велосипедчилар иттифоқи рейтингида бир неча поғонага кўтарилди.
Mastercard Ўзбекистонда ваколатхонасини очади
Mastercard Ўзбекистонда биринчи расмий ваколатхонасини очади. Шунингдек, компания ЕТТБ билан кичик бизнес эгалари, айниқса, аёллар учун рақамли имкониятларни кенгайтириш бўйича ўзаро англашув меморандумини имзолади.
Қўшимча имкониятларга эга булиш учун сайтда рўйхатдан ўтинг