Маҳаллий хусусий инвесторлар преференцияларга эга бўлади
Фақатгина хорижлик инвесторларга берилаётган преференциялар эндиликда маҳаллий хусусий сармоядорларга ҳам тақдим этилади. Улар ўз ҳисобларидан 25 млн долларлик лойиҳани бошласалар, ташқи муҳандислик-коммуникация тармоқлари бюджет ҳисобидан қилиб берилади.
Молиявий назорат департаменти шифокорлар рағбат пули кечикканини аниқлади
Май ойи ўрталарида Давлат молиявий назорат департаменти коронавирусга чалинган беморларни даволаётган ёки карантиндаги шахсларни кузатаётган тиббиёт ходимларига 19,6 млрд сўмлик рағбатлантириш пулларини тўлаш кечикканини аниқлади. Бундан ташқари, ушбу ишда қатнашмаётган ходимларга ҳам пул тўлангани маълум бўлди.
Twitter Трапмнинг хабарини ишончсиз деб белгилади
Дональд Трампнинг Twitter даги хабарларига биринчи маротаба ишончсиз бўлиши мумкинлиги ва қўшимча текширув кераклиги ҳақидаги махсус белги берилди. АҚШ президенти Twitter ни сўз эркинлигини бўғишда айблади.
Инқирозга қарши курашиш жамғармасининг даромад ва харажатлари маълум қилинди
Инқирозга қарши курашиш жамғармасининг ҳисобига 7,44 трлн сўм келиб тушган бўлса, жамғарма харажатлари эса 3,306 трлн сўмга тенг бўлди. Маблағларнинг катта қисми иқтисодиётни қўллаб-қувватлашга ва тиббиёт соҳасига йўналтирилган. Сув таъминоти ва ирригация тадбирларига 504 млрд сўм сарфланган.
«Бензин импортига акциз солиғини ошириш мақсадга мувофиқ эмас» — Монополияга қарши курашиш қўмитаси
Монополияга қарши курашиш қўмитаси «Ўзбекнефтгаз» АЖ томонидан бензин маҳсулоти импортига акциз солиғини 5 фоиздан 20 фоизга ошириш етарлича иқтисодий асослантирилмаган ва мақсадга мувофиқ эмас деб ҳисоблайди.
Коронавирус беморлари сони 3300 нафардан ошди
Коронавирус беморлари сони 43 нафарга ортиб, жами 3333 кишини ташкил этмоқда. Янги ҳолатлар Навоийда (35), Тошкент (6) ва Наманган (2) вилоятларида ва Тошкент шаҳрида (4) қайд этилди.
Коронавирус ҳолатлари сони 3300 тага яқинлашди
Ўзбекистонда тасдиқланган коронавирус ҳолатлари сони кун давомида 75 тага ўсиб, 3290 тага етди. Тўққизта янги COVID-19 ҳолати карантинга олинганлар орасида аниқланди.
Самарқандда коронавирус бемори вафот этди
Самарқандда коронавирус инфекциясига чалинган 63 ёшли эркак ўткир нафас ва юрак қон-томир етишмовчилигидан вафот этди. COVID-19 натижасида вафот этганлар сони 14 нафарга етди.
Россия Ғалаба парадини июнда ўтказадиган бўлди
Россия президенти Владимир Путин мамлакада коронавирус тарқалиши ўзининг чўққисига чиққанини маълум қилиб, 24 июнь куни Москвада Ғалаба парадини ўтказишга топшириқ берди.
Диёр Имомхўжаев ЎзПФЛ бош директори вазифасини бажарувчи этиб тайинланди
ПФЛ бош директори ўринбосари вазифасида ишлаб келаётган Диёр Имомхўжаев ПФЛ бош директори вазифасини бажарувчи этиб тайинланди.
Сўнгги икки ҳафтада 734 кишида COVID-19 аниқланди
Охирги 14 кун ичида 49 мингдан зиёд киши карантинга олиниб, 734 кишида коронавирус аниқланган.
Андижон вилоятида пиёдалар марафони ўтказилди. Бу — карантин қоидаларига зид
Андижон вилоятининг туман ва шаҳарларида «Соғлом ҳаёт учун 5000 қадам» пиёда марафонлари ўтказилмоқда. Хабар қилинишича, акция президент топшириғи ижроси юзасидан ўтказилмоқда. Бироқ бу — карантин талабларига зид. Вилоятнинг Избоскан туманида эса Россиядан келган эркакда коронавирус аниқланган.
Эпидемиологик вазият ёмонлашган ҳудудларда карантин чоралари кучайтирилиши кутилмоқда
Кейинги 10 кунда айниқса Тошкент шаҳри, Навоий, Самарқанд ва пойтахт вилоятларида аҳоли орасида коронавирус юқтириш ҳолатларининг ўсиши қайд этилмоқда. Президент Республика комиссияси ва вилоятлар ҳокимларига эпидемиологик вазият ёмонлашган ҳудудларнинг тоифасини қайта кўриб чиқиш ҳамда карантин чораларини кучайтириш бўйича таклиф киритишни топширди.
Тўрткўл туманига янги ҳоким тайинланди
Қорақалпоғистон Республикаси Жўқорғи Кенгесининг махсус фармойиши билан Рустам Шамуратов Тўрткўл тумани ҳокими лавозимига тайинланди.
АҚШ Марказий Осиё меҳнат муҳожирлари ҳимояси учун 2 млн доллар ажратади
АҚШ ҳукумати COVID-19 пандемияси вақтида Марказий Осиёда меҳнат муҳожирларини ҳимоя қилишга 2 млн доллар ажратади. Лойиҳа доирасида уларга юридик ёрдам кўрсатилиб, муқобил турмуш тарзи қўллаб-қувватланади.
Коронавирус ҳолатлари 20 тага кўпайди
Ўзбекистонда коронавирус ҳолатлари 20 тага кўпайиб, жами 3281 тага етди. Янги ҳолатларнинг 15 таси карантинга олинганлар орасидан аниқланди. Кун давомида 66 та янги COVID-19 ҳолати тасдиқланди.
Адлия вазирига ўринбосарлар тайинланди
2017−2020 йилларда Давлат экология қўмитаси раиси лавозимида ишлаб келган Баҳром Қўчқоров ва 2015−2017 йилларда Адлия вазирлигини бошқарган Музраф Икромов адлия вазири ўринбосарлари этиб тайинланди.
Андижонда аҳоли орасида коронавирус аниқланди
Андижон вилоятининг Избоскан туманида яшовчи фуқарода коронавирус инфекцияси аниқланди. Бемор билан мулоқотда бўлган 51 киши карантинга олинди.
Давлат фуқаролик хизмати тўғрисидаги қонун лойиҳаси эълон қилинди
Давлат фуқаролик хизмати тўғрисидаги қонун лойиҳаси жамоатчилик муҳокамаси учун эълон қилинди. Қонун қабул қилинса, давлат хизматчилари ҳар йили даромадлари тўғрисидаги декларацияни тақдим этиши ва манфаатлар тўқнашуви ҳақида хабар бериши керак бўлади. Давлат хизматчилари меҳнатига ягона тизим асосида ҳақ тўланади.
Ҳукумат футбол клубларини хусусий секторга ўтказишни тавсия қилмоқда
Ўзбекистонда футбол клубларини хусусий секторга ўтказиш ҳамда футбол соҳасини бозор механизмлари асосида бошқаришга ўтказиш тавсия этилмоқда. Клубларни молиялаштириш ҳомийлик хайриялар ва хусусий инвестицияларни кенг жалб этиш орқали амалга ошириш кўзда тутилмоқда.
Қўшимча имкониятларга эга булиш учун сайтда рўйхатдан ўтинг