12 октябрь куни Ўзбекистонда содир бўлган энг муҳим воқеалар дайжести
Кузги дарахт экиш мавсумини эълон қилган президент, Ўзбекистонни Россиянинг Украинага бостириб киришини қоралашга чақирган Европарламент, собиқ эри томонидан 5 соат калтакланган аёл, 16 октябрдан тикланадиган шимолий вокзал фаолияти ва бошқалар — «Газета.uz»н инг кун дайжестида.
Қирғизистон Россия билан бирлашган ҲҲМ тизимини яратиш бўйича келишувни ратификация қилди
Қирғизистон Россия билан бирлашган ҲҲМ тизимини яратиш бўйича келишув имзолади. Ҳужжат «ҳар икки давлат ҳаво ҳудудининг ишончли ҳимоясини таъминлайди» ва «Қирғизистоннинг РФ билан стратегик муносабатларни мустаҳкамлашга содиқлигини тасдиқлайди», — дея таъкидлади Садир Жапаров матбуот хизмати.
Нидерландия мижозлар маълумотларини йиғиш билан боғлиқ хавотирлар туфайли «Яндекс»нинг такси хизматини текшириш бошланди
Нидерландия Yango такси хизматини (Россиянинг «Яндекс» компаниясига тегишли) РФ махсус хизматлари унинг ёрдамида европалик фойдаланувчилар маълумотларини йиғиши мумкинлиги борасидаги хавотирлар сабаб текширишни бошлади. Компания регулятор билан ҳамкорлик ва ЕИ талабларига риоя қилаётгани билдирди.
ЕИ ва БМТТД Ўзбекистонда афғонларни ўқитиш ва касбга тайёрлаш лойиҳасининг иккинчи босқичини бошлади
ЕИ ва БМТ Тараққиёт дастури амалга оширган Ўзбекистонда вақтинча яшаётган Афғонистон фуқароларини ўқитиш ва касбга тайёрлаш бўйича лойиҳанинг биринчи босқичида 330 дан ортиқ киши иштирок этди. Термизда лойиҳанинг 400 нафар Афғонистон фуқаросини қамраб олган иккинчи босқичи бошланди.
Яна чигит иши: Тадбиркор Қашқадарёдан 60 тонна чигитини олиб чиқишда тақиққа учраганини айтмоқда
Жиззахлик тадбиркор Қашқадарёдан 60 тонна чигитини олиб чиқишда тақиққа учради. Унинг «Газета.uz»га маълум қилишича, вилоят ҳокимининг оғзаки буйруғи билан юк машинаси 5 кундан бери «Умакай» ЙПХ масканида ушлаб турилибди. Бундай ҳолат Қашқадарёда биринчи марта юз бераётгани йўқ.
Хитойдаги таэквондо гран-присида 5 ўзбекистонликнинг 4 нафари медаль олди
Хитойда Осиё ўйинларидан 2 кун ўтиб бошланган таэквондонинг WT йўналиши бўйича гран-при мусобақасида Ўзбекистон терма жамоаси 1 та кумуш ва 3 та бронза медалга эга чиқди: Мадинабону Маннопова, Улуғбек Рашитов, Жасур Жайсунов учинчи, Никита Рафалович эса иккинчи ўринни олди.
Сентябрда электромобиллар савдоси пасайди
Ўзбекистонда сентябрь ойида электромобиллар савдоси камайди. Бозорда йил бошидан буён илк бор қисқариш кузатилди. Янги маҳаллий енгил автомобиллар савдоси ўсишда давом этмоқда.
Сурхондарёдаги айрим боғчаларда UNICEF дастури асосида кўп тилли гуруҳлар очилди
UNICEF Сурхондарёда болаларнинг кенгайтирилган ва инклюзив таълим олиши учун Термиз шаҳри, Термиз ва Музработ туманларидаги айрим боғчаларда кўп тилли гуруҳлар очди. Унга Европа Иттифоқи 1,6 млн евро молиявий ёрдам кўрсатди.
Исроил — Фаластин урушининг олтинчи куни. Асосий янгиликлар
Исроил ҲАМАС ҳужуми оқибатида ҳалок бўлган хорижликлар бўйича маълумот берди, Ғазо секторида электр энергияси ишлаб чиқариш учун ёқилғи тугагани сабабли ҳудуддаги ягона электр станцияси фаолиятини тўхтатди. Ҳудуддаги шифохоналарда антибиотиклар, ёқилғи ва бошқа керакли буюмлар тугаб қолган.
Чехия Ўзбекистоннинг фойдали қазилмаларига қизиқмоқда, эвазига уларни қазиб олиш технологияларини таклиф қилиши мумкин
Чехия Ўзбекистоннинг қазилма бойликларига қизиқмоқда, эвазига уларни қазиш ва қайта ишлаш технологиялари, шунингдек, сув ресурсларини бошқариш соҳасида таклиф бериши мумкин. Чех мудофаа саноати Ўзбекистон Қуролли кучларига Совет иттифоқи даври ҳарбий техникаларига муқобилларни таклиф қилишга тайёр.
«Толибон» Қўштепа канали қурилишининг 2-босқичига старт берди
Афғонистонда узунлиги 280 км, эни 100 метр бўлиши кутилаётган Қўштепа канали қурилишининг 2-босқичига старт берилди. «Толибон» вакиллари канал қурилиши бўйича Ўзбекистондан ташвишланмасликни сўради.
Санъат музейида Tashkent Modernism.Index кўргазмаси бўлиб ўтади
17 октябрь куни Ўзбекистон давлат санъат музейида илк бор апрель ойида Миланда тақдим этилган Tashkent Modernism.Index кўргазмаси очилади. Хоҳловчилар икки ҳафта давомида кўргазмага боришлари мумкин ва кириш бепул.
Камол Мухторов Ўзбекистоннинг ЮНЕСКОдаги элчиси бўлди
Президент администрациясида ишлаб келган Камол Мухторов Ўзбекистоннинг ЮНЕСКОдаги доимий вакили этиб тайинланди. Аввалги вакил Умид Шадиев Туризм қўмитаси раиси этиб тайинланганди.
Тошкент шимолий вокзали фаолияти 16 октябрдан тикланади
Тошкент шимолий вокзали 16 октябрдан ўз фаолиятини тиклайди. У ердан «Афйросиёб», «Шарқ», «Насаф», «Ўзбекистон» поездлари ва «Тошкент-Волгоград» поезди ҳаракатланади. 16 октябрдан Жанубий вокзалдан Хўжакент, Гулистон, Ангрен, Ховос ва Бекободга поездлар жўнайди.
Тошкент вилоятида аёл собиқ эри уни 5 соат давомида калтаклаганини айтмоқда
Зангиота туманида аёл собиқ эри уни 5 соат калтаклаб, шифохонага келтиргани, ҳолатга масъуллар эътибор қаратмаганини айтиб, мурожаат қилди. Видео тармоқларда тарқалгач, ҳокимликлар, Оила ва хотин-қизлар қўмитаси ва ИИБ вакиллари аёл билан учрашиб, ҳолатни назоратга олди. Аёл пойтахтда даволанмоқда.
Автомобилларга марказий вокзалларга кириш учун рухсат берилиши мумкин
Президент қарори билан Ўзбекистонда автомобилларнинг марказий вокзалларга киришига рухсат берилиш мумкин. Станциялар ҳудудида савдо ва хизмат кўрсатиш нуқталари ҳам ташкил этилади.
Европарламент Ўзбекистонни Россиянинг Украинага бостириб киришини қоралашга чақирди
Европарламент Ўзбекистон Россиянинг Украинага нисбатан ҳарбий ҳаракатини қораламаганидан афсусда эканини билдирди ва расмийларни шунга чақирди. Европа Иттифоқи органи, шунингдек, «Россия давлат компаниялари ва Ўзбекистон газ секторидан фойда кўрувчи инсайдерларга берилган имтиёзлардан» афсусда.
Тошкентда ЙТҲга сабабчи бўлган 18 ёшли Equinox ҳайдовчиси фақат жарима билан қутилди
Рулда кетаётганини видеога олиб, светофорда Nexia-3 билан тўқнашган Equinox ҳайдовчиси ҳайдовчилик гувоҳномаси йўқлиги ва йўл ҳаракати қоидаларини бузгани учун атиги 1 млн 650 минг сўм миқдорида жаримага тортилди. Суд Nexia-3 ҳайдовчисига ҳам гувоҳномаси йўқлиги учун худди шу миқдорда жарима солди.
Ўзбекистон ва Чехия ўртасида 800 млн евродан зиёд инвестиция ва савдо битимлари имзоланди
Бош вазир Абдулла Арипов бошчилигидаги ҳукумат делегациясининг Чехияга расмий ташрифи якунида 800 млн евродан зиёд инвестиция ва савдо шартномалари, шунингдек, реадмиссия ва транзит, дипломатик паспорт эгаларини виза талабларидан озод этиш каби битимлар имзоланди.
Тошкентда фуқаро қалбаки 40 млн сўмни 18 млн сўмга сотганликда гумонланиб ушланди
Яшнобод туманида фуқаро қалбаки 40 млн сўмни 18 млн сўмга сотишда гумонланмоқда. Ҳолат юзасидан жиноят иши қўзғатилди.
Қўшимча имкониятлардан фойдаланиш учун сайтда рўйхатдан ўтинг