«Сардоба иши» бўйича ёпиқ суд жараёни бошланди
21 декабрь куни судланувчилар М. Холматов ва бошқалар (жами 17 киши) га нисбатан жиноят ишини кўриб чиқиш бўйича ёпиқ суд жараёни бошланди.
Қонунга зид изоҳлар учун жавобгарлик жорий қилинди
ОАВ ва блогларда қолдирилган изоҳлар учун жавобгарлик жорий этилмоқда. АОКА қонунга зид изоҳлар ҳақида ресурс эгаси ва блогерларни огоҳлантиради, 24 соат ичида изоҳлар ўчирилмаса, судга мурожаат қилиши мумкин.
Дам олиш кунлари қор ёғиши кутилмоқда
Дам олиш кунлари ҳарорат пасаяди ва якшанба куни 3 даража, совуқ -2 даража илиқ атрофида бўлади. Якшанба куни ёғингарчилик бўлади, у совуқ фонда қор кўринишида давом этади. Айрим ҳудудларида шамол 15−20 м/с гача кучайиши кутилмоқда.
Андижон вилоятида 738 млн сўмлик пиротехника ва тропикамид мусодара қилинди
Андижонда юк машинасида умумий қиймати 738 млн сўм бўлган пиротехника маҳсулотлари ва «Тропикамид» препарати ноқонуний олиб кетилаётгани аниқланди.
Самарқандда тезюрар автобуслар ишга туширилади
2021 йил сентябрь ойига қадар Самарқанд шаҳрида тезюрар автобус линиясини ишга тушириш режалаштирилмоқда. 12 километрлик узоқликдаги линия учун Хитойдан катта сиғимга эга автобуслар сотиб олиниши кўзда тутилмоқда.
Жиззах шаҳрини манзарали дарахтлар ва гуллар билан безаш учун 2 млрд сўм сарфланган
Жиззах вилояти ҳокимлиги Ягона буюртмачи хизмати инжиниринг компанияси ноябрь ойида Жиззах шаҳри кўчаларини кўркамлаштириш мақсадида дарахтлар ва гуллар экиш учун буюртмачиларни танлаб олиш мақсадида эълон қилган танловда My Flower МЧЖ ютган. Маблағлар вилоят ҳокими Салиев Эргаш фармойиши билан маҳаллий бюджетнинг ошириб бажарилган қисмидан ажратилган. Маълум бўлишича, субъектининг 50,80% улуши Салиева Наргиза Эргашевнага тегишли.
Коррупция ҳақида хабар берганлар тўғрисидаги маълумот давлат сири этиб белгиланиши мумкин
Коррупция тўғрисида ахборот бераётганларнинг шахси сир сақланиши, ўзи ва яқин қариндошларининг ижтимоий-ҳуқуқий ҳимоя қилиниши давлат томонидан кафолатланади. Бу борадаги қонун лойиҳаси Коррупцияга қарши курашиш агентлиги томонидан жамоатчилик муҳокамаси учун эълон қилинди.
Қашқадарёда жанжал пайтида ўғлини ҳимоя қилган эркак вафот этди
Қашқадарё вилоятида икки шахс орасидаги адоват туфайли жанжал юзага келган. Улардан бирини ҳимоя қилиш учун келган ота тан жароҳати олиб, шифохонада вафот этди.
Бухорода аёл ва вояга етмаган икки нафар бола ис газидан заҳарланиб вафот этди
Бухоро вилоятида 29 ёшли аёл, унинг 6 ва 2 ёшли фарзандлари ис газидан захарланиш туфайли ҳосил бўлган нафас ва юрак қон томири етишмовчилигидан вафот этди.
2021 йилда дунёдаги биринчи тўлақонли сунъий юрак сотувга чиқади
Дунёдаги биринчи тўлақонли сунъий юрак 2021 йилнинг иккинчи чорагидан сотувга чиқарилиши мумкин. Франциянинг Carmat компанияси ушбу қурилмани яратиш бўйича ишларни 27 йил олдин бошлаган эди.
Жаҳон янгиликлари дайжести
Майа Санду Молдова президенти лавозимига киришгани, Хитойнинг Alibaba Group устидан терговни бошлаши, Трампнинг ҳарбий бюджет лойиҳасига қарши чиққани, Исроилда йилнинг учинчи локдауни жорий этилиши ва бошқа янгиликлар — «Газета.uz»нинг жаҳон янгиликлари дайжестида.
Пандемия сабаб журналистларнинг муаммолари жиддийлашди — ЮНЕСКО
ЮНЕСКОнинг маълум қилишича, 2020 йилда ўз вазифасини бажариш давомида 59 нафар журналист ўлдирилган. Ташкилот пандемия бошланиши билан журналистларнинг хавфсизлиги борасидаги муаммолар ҳам жиддийлашганини айтмоқда.
Сўнгги 11 ойда оилавий зўравонликка учраган 10 мингга яқин хотин-қизга ҳимоя ордери берилди
Танзила Норбоеванинг маълум қилишича, 2020 йилнинг декабрь ойига қадар реабилитация марказлари томонидан 5 876 нафар тазйиқ ва зўравонликка учраган аёлга ёрдам кўрсатилган ва 11 138 нафар хотин-қизга ички ишлар органлари томонидан ҳимоя ордери берилган.
Ўзбекистонда STEM соҳасидаги хотин-қизлар иштироки пастлигича қолмоқда
Ўзбекистонда хотин-қизларнинг илм-фан, технология, инжиниринг ва математика (STEM) соҳаларида иштироки пастлигича қолмоқда. Иш ҳақи кам бўлган ижтимоий соҳаларда аёллар кўпроқ фаолият юритади, эркаклар кўпроқ маошли техник соҳаларда ишлайдилар. Бунинг сабаблари ва ечимлари тўғрисида БМТ Тараққиёт Дастури ва Маҳалла вазирлигининг тадқиқотида.
Абдулазиз Камилов Мисрнинг янги элчисини қабул қилди
Абдулазиз Камилов Миср Араб Республикасининг янги элчиси Амира Фаҳмийни қабул қилиб, Ўзбекистонга тайинлангани билан табриклади ва масъулиятли дипломатик миссиясини бажаришида муваффақият тилади.
Ўзбекистонга Ҳиндистон вакциналари ҳам олиб келиниши режалаштирилмоқда
Ҳиндистонда иккинчи ва учинчи клиник синовлари ўтказилаётган 3 турдаги вакциналар Ўзбекистонга олиб келиниши кутилмоқда.
Алишер Шодмонов гидроксихлорохин АҚШ президенти мақтагани учун сотиб олинганини айтди
Собиқ соғлиқни сақлаш вазири Алишер Шодмонов карантин эндигина бошланганида ЖССТнинг ўзида ҳам даволаш бўйича исботланган ҳеч қандай усул бўлмаганини айтди. Шундан келиб чиқиб, «АҚШ президенти биринчи бўлиб гидроксихлорохинни мақтаб чиқди, шу заҳоти буни сотиб олиш масаласи бошланди», — дея таъкидлади.
Навоийдаги ҳайвонот боғи раҳбари шаҳар маъмурий судидан огоҳлантириш олди
Навоий вилоятидаги хусусий ҳайвонот боғида ҳайвонларнинг рухсатномасиз ва шароитларида камчиликлар билан сақланаётгани аниқланди. Ҳайвонот боғи директори Навоий шаҳар маъмурий судидан огоҳлантириш олди ва унга беш кун ичида камчиликларни бартараф этиш тўғрисида буйруқ берилди.
Техник хатолик туфайли 3 йил олдин вафот этган фуқарога жарима белгиланди
Сирдарёда ЙПХ ходими уч йил олдин вафот этган фуқарога нисбатан баённома тузган. Аниқланишича, техник хатолик туфайли жарима исм-фамилияси бир хил бўлган самарқандлик маҳрумнинг номига расмийлаштириб қўйилган.
Юнусобод метроси қурилишидаги фавқулодда ҳолат бўйича жиноят иши қандай якун топди?
2019 йилнинг декабрь ойида Юнусобод метро линияси қурилишида тупроқ ўпирилиши натижасида 6 киши ҳалок бўлган эди. Тошкент прокуратурасининг «Газета.uz» сўровига жавобида илк бор фавқулодда ҳолат юз беришида сабабчи бўлган тўрт нафар мутахассиснинг номини очиқлади. Идора нима сабабдан уларга нисбатан айблилик тўғрисидаги масалани ҳал қилмасдан жиноят иши тугатилганига изоҳ берди.
Қўшимча имкониятлардан фойдаланиш учун сайтда рўйхатдан ўтинг