Президент: Tax Gap амалиёти ва ҚҚС гувоҳномасини тўхтатиб туриш бекор қилинади
Президент 1 октябрдан ҚҚСни қайтаришда солиқ узилиши коэффициенти (tax gap) бекор қилинишини билдирди, сўровда қатнашган тадбиркорларнинг 70 фоизи буни адолатсиз деб ҳисоблайди. «Кудбиев, бу сенга ва тизимингга баҳо», — деди у. ҚҚС гувоҳномасининг амал қилишини тўхтатиб туриш ҳам бекор қилинади.
Халқимиз энергетика соҳасида қилган ишларимиз натижасини қишда сезади — президент
Ўзбекистон газ ва нефтни сотиш эвазига юқори иқтисодий ўсишни таъминлай олмайди, деди президент. «Бизда бундай ресурслар йўқ. Бори ҳам, халқимиз кўпаймоқда, ўзимизга керак, четга сотолмаймиз. Биз бу борада кўп ишлар қиляпмиз. Бу йил халқимиз нима ишлар қилганимизни қишда сезади», — деди у.
Марказий Осиёнинг беш мамлакати президентлари сентябрь ўрталарида Душанбеда учрашади
14−15 сентябрь кунлари Душанбе шаҳрида Марказий Осиёнинг беш мамлакати раҳбарларининг маслаҳат учрашуви бўлиб ўтади. Тожикистон, шунингдек, саммит доирасида 12 та параллел тадбир, жумладан, иқтисодий форум, олимлар форуми ва фаол аёллар учрашувини ўтказишни таклиф қилди.
«Қишлоқ қурилиш банк» Бизнесни ривожлантириш банкига айлантирилади — президент
Президент Шавкат Мирзиёев тадбиркорлар билан учрашувда «Қишлоқ қурилиш банк» Бизнесни ривожлантириш банкига айлантирилишини маълум қилди. Янги банк тадбиркорларга 1 октябрдан бошлаб 5−7 йил муддатга имтиёзли кредитлар ажратади.
Банкларда доллар курси 12 075−12 125 сўм этиб белгиланди
Тижорат банклари 18 август куни аҳолидан 1 АҚШ долларини 12 005−12 040 сўмдан сотиб олмоқда, сотув курси эса 12 075−12 125 сўм.
Тошкент маҳаллий аэропорти биноси олдига автомобиллар кириши мумкин бўлади
Тошкент аэропорти маҳаллий терминали олдидаги панжара демонтаж қилиниб, реконструкция ишлари бошланди. Бинога машинада кириб бориш ва 5 дақиқагача қолиш мумкин. Йил охирига қадар Ўзбекистондаги барча халқаро аэропортлар олдидаги майдоннинг реконструкция қилиш ишлари якунланади.
Тадбиркорлар куни муносабати билан соҳа вакилларининг бир гуруҳи мукофотланди
Тадбиркорлар куни муносабати билан Шавкат Мирзиёев бир гуруҳ соҳа вакилларини мукофотлаш тўғрисида фармон имзолади.
Европа Иттифоқи Ўзбекистон давлат идораларига 213 минг еврога тенг техник жиҳозларни топширди
Европа Иттифоқи молиялаштирадиган Марказий Осиёда чегараларни бошқаришга кўмаклашиш дастури Ўзбекистоннинг ДХХ Чегара қўшинлари, Божхона институти, Ташқи ҳамда Ички ишлар вазирлигига жами 213,3 минг еврога тенг техникаларни топширди.
Шавкат Мирзиёев тадбиркорлар билан очиқ мулоқот ўтказмоқда
Тошкентда Ўзбекистон президенти ва бизнес вакилларининг навбатдаги очиқ мулоқоти бошланди. Давлат раҳбари томонидан тадбиркорликни ривожлантириш учун шарт-шароитларни яхшилаш бўйича янги ташаббуслар илгари сурилиши кутилмоқда. Аввалроқ, тадбиркорлар кўпроқ нимадан норози экани маълум қилинганди.
Қозоғистонда коррупционерлардан тортиб олинган маблағлар ҳисобидан 62 та мактаб қурилди
Қозоғистонда 76 минг ўринли 62 мактаб қурилиши коррупция ишлари бўйича қўлга киритилган ва махсус жамғармага тушадиган маблағлар ҳисобидан молиялаштирилди. Бугунги кунда жамғарма ҳисобида 328 миллион долларга яқин маблағ мавжуд.
Дам олиш кунлари ҳарорат бироз кўтарилади
Ўзбекистонда салқин ҳаво чекина бошлади ва ҳарорат аста-секин кўтарилмоқда. Дам олиш кунлари ҳарорат кундуз кунлари +35…+37, шимолда, жанубда ва чўл ҳудудларда +38…+39 даражагача бўлади.
Ўзбекистон ва Қирғизистон савдо айланмасини ошириш ва ҳамкорликни муҳокама қилди
2023 йилнинг 5 ойи давомида Ўзбекистон ва Қирғизистон ўртасидаги товар айирбошлаш ҳажми 13,3 фоизга ўсиб, 215,8 млн долларга етди, дея хабар қилинди ҳукуматлараро қўшма комиссиянинг Чўлпонотадаги йиғилишида. Томонлар бу кўрсаткични 2 млрд долларга етказиш имконияти мавжудлигини таъкидлади.
Зойир Мирзаев Қибрай туманидаги раҳбарларни ёппасига ишдан олди
Тошкент вилояти ҳокими Зойир Мирзаев Қибрай туманидаги деярли барча раҳбарларни ишдан бўшатиб, уларнинг фаолиятини текширишга топшириқ берди. Ҳоким бўш ўринларга ёшлар ишга олиниши, ҳудудга «янги қон» кераклигини таъкидлади.
«Янгийўл тумани ғалладан бўшаган ерларни ёқиш бўйича „чемпион“ бўлди» — Зойир Мирзаев
Тошкент вилояти ҳокими Зойир Мирзаев Янгийўл тумани ғалладан бўшаган 171 гектар ерни ёқиб, «чемпион» бўлганини таъкидлади. Аввалроқ Тошкентда бир неча бор тутун ва кучли куйинди ҳиди сезилганди, бироқ расмийлар ҳаво сифати ёмонлашгани бўйича бирор изоҳ бермаган.
Қорақалпоғистонга молия вазири тайинланди
Рустам Султонов Қорақалпоғистон молия вазири этиб тайинланди. У ушбу лавозимга қадар «Халқ банки», «Асакабанк» ва Ўзбекистон Ҳисоб палатасида масъул лавозимларда ишлаган.
Музаффар Рашидов Қибрай туманига ҳоким бўлди
Оҳангарон тумани прокурори лавозимида ишлаб келган Музаффар Рашидов Тошкент вилояти Қибрай тумани ҳокими этиб тайинланди.
17 август куни Ўзбекистонда содир бўлган энг муҳим воқеалар дайжести
Тугатилган Президент администрацияси раҳбари лавозими, бошқа ишга ўтган Сардор Умурзоқов, Ўзбекистон ташқи қарз олган ташкилотлар, ўтиш балини тўплолмаган 439 минг абитуриент, туғуруқхонада вафот этган эгизак туққан қашқадарёлик ёш аёл, турли тайинлов ва бошқалар — «Газета.uz»нинг кун дайжестида.
АҚШ КХДР ва Россия ўртасида қурол савдоси билан шуғулланувчи Қозоғистон компаниясига қарши санкциялар жорий қилди
Қозоғистонда рўйхатдан ўтган компания, шунингдек, Россия ва Словакиянинг яна иккита фирмаси Шимолий Корея ва РФ ўртасида қурол-яроғ битимларида қатнашгани учун АҚШ санкцияларига дучор бўлди.
UNG Petro шохобчаларида Аи-92 бензини нархи 9200 сўмгача кўтарилди
UNG Petro яна Аи-92 бензин нархини 9200 сўмга кўтарди. Чегирма эълон қилинишидан олдин — март ойида ҳам шу нархда сотилаётган эди.
Президент администрацияси раҳбарининг ҳудудлардаги ёрдамчилари лавозимлари тугатилди
2022 йил ноябрь охирида ташкил этилган Президент администрацияси раҳбарининг ҳудудлардаги ёрдамчилари лавозимлари тугатилди. Ушбу янги лавозимлар «ҳудудлар билан тўғридан-тўғри алоқаларни йўлга қўйиш ва жойлардаги вазиятни ҳисобга олган ҳолда тезкор чоралар кўриш зарурлиги» билан изоҳланган эди.
Қўшимча имкониятлардан фойдаланиш учун сайтда рўйхатдан ўтинг