Фарғонада корхона салкам бир йилдан бери табиий газдан ноқонуний фойдаланиб келгани аниқланди
Қувасой шаҳридаги корхона 2022 йилнинг июнидан бери табиий газдан ноқонуний фойдаланиб келгани оқибатида давлат манфаатларига 18 млрд 314 млн сўм зарар келтирди.
Ўзбекистон Туркиянинг Ҳатай вилоятида 100 та турар жой контейнери ўрнатади
Туркиядаги Сайҳун таълим ва маданият уюшмаси Ҳатай вилоятида 100 та йиғма турар жой контейнери ўрнатади. Контейнерларда ётоқхона, ошхона, ҳаммом ва ҳожатхона бор. Унга бемалол бир оила сиғиши мумкин.
Ноқонуний ушлаб қолинган 27,1 млрд сўм фойда солиғи тадбиркорларга қайтарилди — Солиқ қўмитаси
Солиқ қўмитаси бюджетдан ноқонуний ундирилган 27,1 млрд сўмлик фойда солиғи тадбиркорларга қайтарилишини маълум қилди. Қўмита маълумотларига кўра, бундай ҳисобдан чиқариш 367 та корхонага таъсир кўрсатди.
Банкларда доллар курси бироз тушди
Тижорат банклари 29 март куни аҳолидан 1 АҚШ долларини 11 280 — 11 400 сўмдан сотиб олмоқда, сотиш курси эса 11 420 — 11 470 сўм.
Тошкентда 6 ёшли қизга тегажоғлик қилган эркакка нисбатан жазо кучайтирилди
Прокурор протестидан сўнг апелляция суди аввалроқ 6 ёшли қизчага тегажоғлик қилиб, 10 йилга қамалган Тошкентда яшовчи эркакка нисбатан жазони кучайтирди. У 15 йил муддатга озодликдан маҳрум этилди.
28 март куни Ўзбекистонда содир бўлган энг муҳим хабарлар дайжести
Яна ўринбосарликка қайтган Бахтиёр Раҳмонов, тадбиркорлардан ноқонуний ушлаб қолинган фойда солиғи қайтарилиши, газ портлаб, вафот этган эр-хотин ва 2 набира, яна қимматлаётган помидор нархи, апрелдан пенсиялар, майдан давлат ходимлари ойлиги ошиши ва бошқалар — «Газета.uz»нинг кун дайжестида.
Исроил бош вазири норозилик намойишлари туфайли суд ислоҳотини кейинга қолдирди
Исроил бош вазири Биньямин Нетаньяху оммавий норозилик ва иш ташлашларга сабаб бўлган суд-ҳуқуқ ислоҳоти тўғрисидаги қонун лойиҳасини қабул қилишни кечиктирди. Лойиҳа танқидчилари ислоҳот мамлакатдаги назорат ва мувозанат тизимига путур етказишини таъкидламоқда.
Ўзбекистонда 40 та йирик корхона ва банклардаги давлат улуши «халқчил IPO» орқали сотилади
Президент Ўзбекистонда давлат улуши «халқчил IPO» орқали сотиладиган 40 та йирик корхона ва банк рўйхатини тасдиқлади. Илк бор НКМК ва ОКМК, Ўзметкомбинат, «Ўзтелеком», Миллий банк, Саноатқурилишбанк каби йирик корхоналарнинг ўртача 2 фоиз акциялари аҳолига таклиф этилади.
Тошкентда Spark пиёдани босиб кетди
Олмазор туманида Spark йўлдан ўтаётган эр-хотинни уриб, зарбдан сўнг ерга йиқилган аёлни босиб кетди. Аёл шифохонада вафот этди.
Ўзбекистонда 1 апрелдан пенсиялар, 1 майдан эса давлат ходимлари ойликлари ошади
Ўзбекистон президенти 1 апрелдан пенсиялар, 1 майдан бошлаб эса давлат хизматчиларининг иш ҳақи ва базавий ҳисоблаш миқдорини ошириш тўғрисидаги қарорни имзолади. Ўсиш ўртача 7% ни ташкил қилади.
Термиз аэропортининг хавфсизлик технологиялари Германия ҳисобидан янгиланди
Германия Қуролли Кучлари Термиз аэропортида хавфсизлик ва кузатув технологияларини янгилаш учун 1 млн евродан ортиқ маблағ ажратди.
Адлия вазири Ўзбекистонда p2p ўтказмалари учун электрон ҳисоб-варақа жорий этиш тўғрисида изоҳ берди
1 майдан бошлаб тўлов ташкилотлари жисмоний шахслар ўртасидаги пул ўтказмалари учун электрон ҳисоб-варақаларни расмийлаштириши керак. Адлия экспертизаси вақтида қарор лойиҳасида бу банд бўлмаган. Адлия вазири Акбар Тошқулов вазиятга изоҳ берди.
ЕИнинг санкциялар бўйича махсус вакили Ўзбекистонга келишни режалаштирмоқда
Европа Иттифоқининг санкциялар бўйича махсус вакили Дэвид О’Салливан Ўзбекистонга ташриф буюриши кутилмоқда. ЕИнинг Тошкентдаги делегацияси «Газета.uz»га ташриф апрель ойи охирида бўлиши мумкинлигини маълум қилди.
Hi-tech bank банкрот деб эълон қилинди
Тошкент туманлараро иқтисодий суди қарори билан Hi-tech bank банкрот деб топилди. Банкни тугатиш комиссияси ҳам ўз фаолиятини якунлади.
Қорақалпоғистонда шох-шаббалар ёқилиши оқибатида терак буталарига зарар етди
Хўжайли туманида фуқаро шох-шабба ва ўсимлик қолдиқларини ёқиб юбориши оқибатида терак буталари зарарланди. Унга нисбатан 1,5 млн сўм жарима ва табиатга келтирган зарарни қоплаш учун 1,8 млн сўм даъво ҳисобланди.
Бухородаги уч киши қулаган аттракциондан фойдаланиш тақиқланган бўлган
Бухородаги «Сомонийлар» истироҳат боғида уч киши, жумладан, ёш бола қулаган аттракциондан фойдаланиш тақиқланган бўлган.
Ўзбекистонда иссиқхона помидори нархи қимматлашишда давом этмоқда — EastFruit
Ўзбекистонда ўтган ҳафтада қизил думалоқ помидорнинг ўртача улгуржи нархи 29 фоизга ва ўтган йилга нисбатан деярли 2 бараварга ошди. Аввалроқ маҳсулот нархининг ошишига январь ойидаги аномал совуқ сабаб сифатида кўрсатилганди.
Саудия Арабистонида Маккага зиёратчиларни олиб кетаётган автобус ёниб кетди
27 март куни Саудия Арабистонида Маккага зиёратчиларни олиб кетаётган автобус тўқнашув сабаб ёниб кетди. Оқибатда 20 нафар йўловчи вафот этди, 29 киши жароҳат олди. Улар орасида ўзбекистонликлар йўқ.
Ўзбекистонга Испаниядан 800 мингдан ортиқ доза Pfizer вакцинаси келтирилди
Душанба куни Ўзбекистон COVAX дастури доирасида Испаниядан коронавирусга қарши яна 800 640 доза Pfizer вакцинасини қабул қилиб олди.
Адлия вазирлиги қоидаларни бузган абитуриентлар 5−7 йилгача тестдан четлатилиши бўйича таклифни рад этди
2022 йилда ДТМ томонидан қоидаларни бузган абитуриентлар 5−7 йилгача тестдан четлатилиши бўйича таклиф киритилганди. Адлия вазирлиги бу таклифни «инсон ҳуқуқларига тўғри келмагани» учун рад этган.
Қўшимча имкониятлардан фойдаланиш учун сайтда рўйхатдан ўтинг