Тошкент вилоятида уч нафар шахс тадбиркорга «Ангрен» ЭИЗ ҳудудидан 16 гектар ер олиб беришни ваъда қилиб, бунинг эвазига $1,4 млн сўраган. Улар келишилган суммадан $300 мингни олаётганда ушланди. Гумонланувчиларга ҳолат бўйича тегишли моддалар билан жиноят иши қўзғатилди.
Қозоғистоннинг Тошкентга яқин бўлган ҳудудида тонги соат 04:39 ва 05:16 да икки зилзила содир бўлди. Унинг кучи Тошкент туманида сезилди.
Жиззахда юз берган ЙТҲда Cobalt трактор тиркамасига урилиши оқибатида машинада бўлган мактаб ўқувчиси ҳалок бўлди, ҳайдовчи ва уч нафар вояга етмаган йўловчи жароҳатланди. Қорақалпоғистонда содир бўлган аварияда эса икки нафар вояга етмаган шахс жабрланди, улардан бири машина бошқарувида бўлган.
Зўравонлик учун жазо кучайтирилиши, Самарқандда аёлга тегажоғлик қилгани учун 10 суткага қамалган «мулла», МДҲ Ташқи ишлар вазирлари Кенгаши йиғилишида иштирок этадиган Ўзбекистон делегацияси, 2030 йилда 41 млндан ошадиган аҳоли, нобуд бўлган тимсоҳ ва бошқалар — «Газета.uz»нинг кун дайжестида.
Тошкент вилояти Чирчиқ шаҳрида 3 нафар шартнома асосида ишлайдиган ҳарбий хизматчи банкоматларни бузишга уринди. Ҳолат юзасидан Чирчиқ шаҳар ИИБ томонидан жиноят иши очилди. Улар тергов давомида гумонланувчи тариқасида жалб қилиниб, 1 нафарига нисбатан қамоқ эҳтиёт чораси қўлланилди.
Ташаббусли бюджет фуқароларнинг дахлдорлик ҳиссини сезиларли даражада ошириши ва ҳаёт сифатини яхшилаши мумкин. Қолаверса, у барқарор ривожланиш мақсадларига эришишда самарали воситага айланиши мумкин, деб ёзади БМТ Тараққиёт дастурининг Ўзбекистондаги доимий вакили Матильда Димовска.
Фирибгарлик ҳолатларининг олдини олиш мақсадида «Ўзмиллийбанк» картадаги пул маблағларини ҳимоя қилишга ёрдам берадиган қоидалар билан ўртоқлашди.
Сенат раиси зўравонлик ҳолатларига қарши курашиш учун қонунларга ўзгартиш ва қўшимчалар киритиш бўйича ҳужжатлар пакети тайёрлангани ва яқинда президентга ахборот берилишини маълум қилди. «Жамоатчилик вакиллари „Ҳамма жим ўтирибди“, деган фикрда бўлмаслиги керак», — дея таъкидлади Танзила Нарбаева.
2022 йил давомида тажриба тариқасида Нукус ва Тошкент шаҳарларида ҳамда 2023 йилдан бошлаб қолган ҳудудларда «Имкониятлар маркази» фаолияти ташкил этилади. Улар ногиронлиги бўлган шахсларнинг ҳуқуқлари ва қонуний манфаатларини ҳимоя қилади ва касб-ҳунарга ўқитишга кўмаклашади.
АҚШ долларининг сўмга нисбатан расмий курси 12,94 сўмга қимматлаб, 11 108,25 сўм этиб белгиланди. Шунингдек, евро ва рубль курслари ҳам кўтарилди.
17 октябрь куни Ўзбекистоннинг шимолий ҳудудларига, 18−19 октябрда республиканинг қолган ҳудудларига совуқ ва нам ҳаво массалари кириб келади. Бу кунларда ҳаво ҳарорати 8−10 даражага пасайиши кутилмоқда. Айрим ҳудудларда кучли ёмғир ёғиши мумкин.
МБ ҳисоботига кўра, сентябрь ойида аҳоли томонидан сезилган инфляция динамикаси пасайиб, 14,8 фоизни ташкил этди. Ҳудудлар бўйича юқори кўрсаткичлар Бухоро, Наманган вилоятлари ва Тошкент шаҳрида, паст кўрсаткичлар Навоий, Андижон ва Сурхондарё вилоятларида қайд этилди.
Нейропсихолог Нафиса Усмонхўжаева ва махсус таълимга муҳтож болаларни ўқитиш бўйича мутахассиси Керри-Лин ду Пласси болаларга индивидуал ёндашув ва инклюзивликнинг муҳимлиги ҳақида ўз фикрларини билдирдилар.
13 октябрдан Ўзбекистон ва Эрон ўртасида ишбилармон ва илмий доиралар, шунингдек, сайёҳлик гуруҳлари учун соддалаштирилган виза тартиби жорий этилди.
БААнинг WizzAir Abu Dhabi лоукостер авиакомпанияси 13 декабрдан Самарқандга парвозларни амалга оширади. Чипталар нархи 40 доллардан бошланади. Компания веб-сайтида дастлабки рейсларнинг нархи 90 доллар эканлиги кўрсатилган.
Транспорт вазирлиги ва Uzbekistan Airports вакилларининг Malaysia Airports Holdings Berhad (MAHB) компанияси билан бўлиб ўтган учрашувида Бухоро аэропортини модернизация қилиш ва давлат-хусусий шериклик асосида бошқариш учун тадбиркорларни жалб қилиш механизмлари муҳокама қилинди.
Президент қарори билан 2025 йилнинг 1 январига қадар 21 турдаги хомашё ва ярим тайёр маҳсулотлар импорт божидан озод қилинди. Шунингдек, «божхона ҳудудида қайта ишлаш» режими доирасида барча ташқи иқтисодий фаолият иштирокчиларига божхона тўловлари тўланишини таъминлаш талаби бекор қилинди.
Остонада ўтаётган Осиёда ҳамкорлик ва ишонч чоралари бўйича кенгаш саммити доирасида Шавкат Мирзиёев Туркия президенти Режеп Таййип Эрдоған билан учрашди.
Марказий банк 13 октябрь кунги ўзбек сўмининг АҚШ долларига нисбатан расмий курсини 11 095,31 сўм этиб белгилади. Шундан келиб чиқиб тижорат банклари ҳам долларнинг сотиш ва сотиб олиш бўйича янги қийматини эълон қилди.
Шавкат Мирзиёев Остонада Осиёда ҳамкорлик ва ишонч чоралари бўйича кенгашнинг олтинчи саммитида нутқ сўзлади. Унда президент янги геосиёсий воқелик бутун Осиё қитъаси барқарорлигига салбий таъсир кўрсатаётганини айтди. Афғонистон масаласи ҳам иккинчи даражага тушиб қолганини таъкидлади.
Қўшимча имкониятларга эга булиш учун сайтда рўйхатдан ўтинг