Зарафшон дарёсида 829 дона балиқ нобуд бўлгани аниқланди
Навоий вилояти Экология бошқармаси Зарафшон дарёсининг Кармана туманидан оқиб ўтувчи қисмида 829 дона балиқ нобуд бўлганини аниқлади. Бу «Навоийазот» ва «Навоий ИЭС» корхоналарининг дарёга ташлайдиган оқова сувларидан сабабли юзага келган бўлиши мумкин. Экологлар лаборатор текширувлар ўтказмоқда.
Ўзини ўзи банд қилганлар учун фаолият турлари рўйхати кенгайтирилди
1 ноябрдан бошлаб якка тартибдаги тадбиркорлар шуғулланиши мумкин бўлган фаолият турлари рўйхати яна 10 тага ортади. Уларнинг орасида — риэлторлик хизматларини кўрсатиш, уй-рўзғор буюмларини ижарага бериш, автомобиль бозоларида воситачилик қилиш, кулолчилик ва бошқалар мавжуд.
Ҳафта бошида ҳаво илиқ бўлади, пайшанбадан салқинлашади
Ҳафтанинг биринчи ярмида бироз иссиқ об-ҳаво сақланиб қолади, ҳарорат +34…+39 даража атрофида бўлади. Пайшанба кунидан эса ҳаво салқинлаша бошлайди, ҳарорат +30…+35 даражагача пасаяди. Ҳафта давомида фақат Қорақалпоғистонда қисқа муддатли ёмғирлар ёғиши кутилмоқда.
Президентнинг шу ҳафтадаги иш режаси маълум қилинди
Шавкат Мирзиёев бу ҳафта Парламентлараро иттифоқ бош котиби Мартин Чунгонгни қабул қилади. Қолаверса, сентябрь ўртасида Самарқандда ўтказиладиган ШҲТ саммитига тайёргарлик жараёнлари муҳокама қилинади.
Ўзбекистон Афғонистондаги масжидда содир этилган террорчилик ҳаракатини қатъий қоралади
Ўзбекистон ТИВ Афғонистоннинг Ҳирот шаҳридаги масжидда содир бўлган террорчилик ҳаракатини қатъий қоралади. «Бу каби қабиҳ ҳаракатлар Афғонистонда узоқ муддатли ва барқарор тинчлик ҳамда миллий тотувликнинг ўрнатилишига тўсқинлик қилади», — дейилади баёнотда.
Ўзбекистонда 5 баллик магнит бўрони бўлиши кутилмоқда
Ўзбекистонда душанбадан 5 баллик магнит бўронлари кузатилади, сешанба кунига келиб бўрон таъсири камая бошлайди. Мутахассисларнинг фикрича, бу вақтда артериал гипертония ва бронхиал астмаси борлар азият чекади, кўпчиликда орқа бош мияда оғриқ туради, шу боис камроқ ҳаракат қилиш тавсия этилади.
«Туристлар олдида шарманда бўламиз». Тошкентдаги меҳмонхоналарда тонг саҳардан ҳужжатлар текширилди
Тошкент шаҳар ИИББ ходимлари пойтахтдаги меҳмонхоналарда тонги соат 5:00 дан бошлаб дам олаётганларни уйғотиб, ҳужжатларини текширмоқда. ИИВ бу ҳолатни «дунёда одатий ва тўғри қабул қилинади», дея изоҳлади. Туризм вазирлиги эса ИИВдан текширув нега ўтказилганини тушунтиришни сўраб, хат киритди.
«Мактаб дарсликлари ижараси учун тўлов Конституцияга зид» — депутат
Депутат Расул Кушербаев давлат умумий ўрта таълим давлат томонидан кафолатлангани учун мактаб дарсликлари ижараси учун тўловнинг мавжудлигини Конституцияга зид, деб ҳисоблайди. Парламент аъзоси тушунтириш бериши учун Конституциявий судга мурожаат қилишни режалаштирмоқда.
ШҲТ саммити сабабли Самарқандга кириш тақиқланади, 16 та кўчада транспорт ҳаракати чекланади (харита)
14−17-сентябрь кунлари бўлиб ўтадиган ШҲТ саммити муносабати билан Самарқанднинг 16 та кўчаси, шу жумладан, жамоат транспорти ҳаракати учун ёпилади. Бу кунларда шаҳарга кириш ҳам ёпилади, транзитчилар учун айланма йўллар ташкил этилади (харита).
Ўзбекистон Россияга қарши санкцияларга риоя қилмоқчи — АҚШ элчиси
Ўзбекистон расмийлари Россияга қарши санкцияларга риоя қилиш истаги борлигини ва уларни четлаб ўтувчи давлатга айланиш ниятида эмаслигини тасдиқлади, деди АҚШнинг Тошкентдаги элчиси Дэниел Розенблюм. Унинг сўзларига кўра, мамлакат ҳукумати АҚШ билан санкциялар режими бўйича маслаҳатлашган.
USM Алишер Усмонов номидан фойдаланилган сохта рекламалардан огоҳлантирди
Ижтимоий тармоқларда Ўзбекистон аҳолисини USM холдингига алоқадорлиги айтилаётган лойиҳаларга сармоя киритишга, шунингдек, шерик бўлишга ёки Алишер Усмоновдан ёрдам олишга чақирувчи рекламалар тарқалмоқда. Компания буни фойдаланувчиларни алдаш учун яратилган фирибгарлик лойиҳалари деб атади.
ХТВ мактаб дарсликлари ижараси нархлари ошганига изоҳ берди
Жорий ўқув йилида мактабларда ўқув дарсликларининг ўртача ижара нархи икки бараварга ошди. ХТВ буни қоғоз нархлари ва транспорт харажатлари ошгани билан изоҳлади.
Роза Отунбаева БМТ бош котибининг Афғонистон бўйича махсус вакили бўлди
Қирғизистоннинг собиқ президенти Роза Отунбаева БМТ бош котибининг Афғонистон бўйича махсус вакили этиб тайинланди.
Ўзбекистон Янгиобод ва Чоркесардаги уран майдонларини рекультивация қилиш учун 7 млн евро олади
ЕТТБ Ўзбекистонга Янгиобод ва Чоркесардаги уран майдонларини рекултивация қилиш учун 7 млн евро грант ажратади. 2023 йилда бошланиши режалаштирилган ишлар эски уран конларини ёпиш, ифлосланган саноат иншоотларини демонтаж қилиш, дренаж каналларини реконструкция қилиш ва бошқаларни ўз ичига олади.
«Бу шов-шувли сиёсийлаштириш ва популистик ваҳима учун сабабми?» Сенатор — Шавкат Мирзиёев нутқига Россия ОАВлари ва депутат муносабати ҳақида
Президент Қатағон қурбонларини хотирлаш кунида мамлакатни озод қилишга урингани учун тоталитар тузум репрессиясига учраган ўзбекларни тилга олди. Унинг сўзларини Россия ОАВлари «СССРни ўзбек миллатининг гултожларини йўқ қилишда айблаш» деб талқин қилди, Дума депутати эса буни спекуляция деб атади.
ОТМларда «суперконтракт» миқдорлари 10 фоизга камайтирилди
2022/2023 ўқув йили учун фақат бакалавриат таълим йўналишларининг табақалаштирилган (супер) тўлов-контракт суммаси 10 фоизга камайтирилди.
Фото: Шавкат Мирзиёев Ислом Каримов хотирасига ҳурмат бажо келтирди
Шавкат Мирзиёев бундан 6 йил аввал вафот этган Ислом Каримов ҳайкали пойига гулчамбар қўйди. «Биринчи президентимизга ҳурмат ўз тарихимизга ҳурмат ифодасидир», — дейилади президент матбуот хизмати хабарида.
Ўзбекистон Покистонга инсонпарварлик ёрдами жўнатди
Аҳолиси кучли сув тошқинларидан азият чеккан Покистонга Ўзбекистондан инсонпарварлик ёрдами жўнатилди. Оғирлиги салкам 40 тонна бўлган юк таркибида ўсимлик ёғи, ун, гуруч, гўшт консервалари ва бошқалар бор.
Қасим-Жомарт Тоқаев муддатидан олдин президентлик сайловлари ўтказилишини эълон қилди
Қозоғистонда муддатидан олдин президентлик ва парламент сайловлари ўтказилади, январь ойидаги намойишлар иштирокчиларининг бир қисми амнистия қилинади, дея маълум қилди президент Қасим-Жомарт Тоқаев. У президентлик ваколатини қайта сайланиш ҳуқуқисиз 7 йиллик муддат билан чеклашни таклиф қилди.
1 сентябрь куни «Янги Ўзбекистон» боғида мушакбозлик бўлади
Мустақиллик байрами шарафига пайшанба куни соат 21:00 да «Янги Ўзбекистон» боғида мушакбозлик бўлади.
Қўшимча имкониятларга эга булиш учун сайтда рўйхатдан ўтинг