Жаҳон янгиликлари дайжести
Туркияда содир бўлган зилзила қурбонлари сони 2 нафарга етгани, Краснодардаги нефть базасига дронлар ҳужуми уюштирилгани, АҚШ Хитойнинг 12 та компаниясини Россияга ёрдам бергани учун «қора рўйхат»га киритгани ва бошқалар — «Газета.uz»нинг жаҳон янгиликлари дайжестида.
Февраль ойида «Газета.uz» жамоаси тайёрлаган махсус материаллар
100 ёшга тўлган «Муштум» журналининг ҳалигача эскирмаган долзарб мавзулари, таниқли шахслар, жамоат фаолларидан ўқилиши мақсадга мувофиқ китоблар рўйхати, Туркиядаги зилзила оқибатлари, Украинадаги урушнинг глобал иқтисодиётга таъсири ва бошқалар — «Газета.uz» февраль ойида нималар ёзгани ҳақида.
Қишнинг сўнгги кунида Ўзбекистонда содир бўлган энг муҳим хабарлар дайжести
Аи-80 бензини нархи ошмаслиги, ёввойи ҳайвон ва қушларни овлаш мавсуми якунлангани, хонадонларга бериладиган электр 50 фоизга кўпайиши, комиссия учун ходимлардан пул йиғгани сабаб ишдан кетган мактаб директори, пора билан ушланган прокуратура ходимлари ва бошқалар — «Газета.uz»нинг кун дайжестида.
«АҚШ Марказий Осиё мамлакатларига нисбатан Россияга қарши санкциялар оқибатларини юмшатишга ёрдам беради» — Энтони Блинкен
АҚШ Россияга қарши санкциялар Марказий Осиё учун иқтисодий салбий таъсир кўрсатишини тушунади, шу боис уларни юмшатиш ва камайтириш учун барча саъй-ҳаракатларини қилади, деди АҚШ давлат котиби. У МОда савдони диверсификация қилиш ва иш ўринлари яратиш учун $25 млн ажратилишини маълум қилди.
Ўзбекистон президенти амалий ташриф билан Озарбайжонда бўлади
Президент Шавкат Мирзиёев амалий ташриф билан Озарбайжонда бўлади. Давлат раҳбари Бокуда бўлиб ўтадиган Қўшилмаслик ҳаракати саммитида иштирок этади. Мазкур ҳаракат ҳарбий-сиёсий блоклар ва ташкилотларда иштирок этмасликни ўз ташқи сиёсатининг асоси этиб эълон қилган 120 та давлатни бирлаштирган.
АҚШ давлат котиби Энтони Блинкен Ўзбекистонга келди
АҚШ давлат котиби Энтони Блинкен бошчилигидаги Америка делегацияси Тошкент халқаро аэропортига қўнди. Тошкентда унинг «минтақавий ва икки томонлама масалалар бўйича ҳамкорликни янада ривожлантириш» бўйича музокаралар ўтказиши режалаштирилган. У 1 март куни Ҳиндистонга жўнаб кетади.
Тошкент ҳокимлиги «Росатом» конструкторлик бюросига инфратузилма соҳасида ҳамкорликни таклиф қилди
Тошкент ҳокимлиги «Росатом»нинг энергия самарадорлиги ва инфратузилма ечимлари лойиҳа бюросини Ўзбекистон пойтахтининг электр ва иссиқлик таъминотини яхшилаш ҳамда коммунал инфратузилмани модернизация қилишга жалб этмоқчи.
Япония Ўзбекистондаги учта таълим муассасасига грант ажратди
Япония Ўзбекистон Мактабгача ва мактаб таълими вазирлигига Урганчдаги мактабда санитария ҳолатини яхшилаш ҳамда Термиздаги иккита боғчани ўқув жиҳозлари билан таъминлаш учун грантлар ажратди.
ЎзДЖТСУ Фарғона филиалида 356 абитуриентнинг баллари ўзгартирилгани аниқланди
ЎзДЖТСУ Фарғона филиалида ўтказилган касбий имтиҳонларда 356 нафар абитуриент тўплаган балларга сохта ёзувлар киритилиб, уларнинг 322 нафарига балл қўшиб берилгани, 34 нафарининг баллари эса камайтирилгани аниқланди. Натижада юқори балл тўплаган 145 нафар абитуриент ўқишга кира олмаган.
Ўзбекистон ва Покистон товар айирбошлаш ҳажмини 1 млрд долларга етказиш бўйича ҳаракатлар режасини келишиб олди
Ўзбекистон ва Покистон савдо ҳажмини 1 млрд долларга етказиш учун савдогарларни қўллаб-қувватлаш воситаларини жорий этиш, автомобиль ва транзит ташиш тартиб-қоидаларини уйғунлаштириш ҳамда икки давлат ўртасида электрон тижоратни ривожлантиришни ўз ичига олган ҳаракатлар режасини келишиб олди.
МБ санкциялар ва экспортга оид тақиқлар билан боғлиқ хатарлар сабаб бир қатор банкларни огоҳлантирди
Марказий банкнинг Банк назорати қўмитаси томонидан Ўзмиллийбанк, Микрокредитбанк, Алоқабанк, Туронбанк, Қишлоққурилишбанк, Асакабанк, Капиталбанк, Анорбанк ва Равнақ-банк йўл қўйган камчиликлари учун огоҳлантирилди.
Даулетмурат Тажимуратовнинг адвокати Олий судга апелляция шикоятини киритди
Қорақалпоғистондаги июль воқеалари бўйича жиноий ишда судланган Даулетмурат Тажимуратовнинг укаси ва адвокати Ринат Тажимуратов Ўзбекистон Олий судига апелляция шикоятини киритди. У жазони енгилроғига алмаштириш ва моддий зарарни тўлашдан озод қилишни сўради.
Food City баҳорги ярмарка ва чегирмалар акциясини эълон қилди
1−8 март кунлари Food City савдо мажмуасида баҳорги ярмарка ва чегирмалар акцияси бўлиб ўтади.
Самарқанддан Тошкентга олиб келинаётган қарийб 2,6 тонна истеъмолга яроқсиз гўшт аниқланди
Самарқанд-Тошкент йўналишида ҳаракатланиб келаётган Isuzu Сирдарё йўл-патруль хизмати масканида тўхтатилганда унда истеъмолга яроқсиз салкам 2,6 тонна гўшт борлиги аниқланди. Ҳолат юзасидан суриштирув олиб борилмоқда.
Самарқандда ўқувчини уриб, қулоқ пардасини йиртган директорнинг озодлиги 2 йилга чекланди
Ургут туманидаги мактабда директор ўқувчини ургани оқибатида боланинг қулоқ пардаси йиртилганди. Суд ҳукмига кўра, собиқ директорга нисбатан 2 йилга озодликни чеклаш жазоси тайинланди. Шунингдек, унинг 3 йилга таълим соҳасида мансабдор сифатида ишлаши тақиқланди.
Давлат органлари ўртасида хавф туғдирадиган маҳсулот ҳақида тезкор хабар бериш тизими яратилади
Техник жиҳатдан тартибга солиш агентлиги техник жиҳатдан тартибга солиш соҳасидаги махсус ваколатли давлат органи этиб белгиланди. Давлат назорати органлари ўртасида юқори хавф туғдирадиган маҳсулот ҳақида тезкор хабар бериш тизими яратилади.
Ўзбекистонда 1 мартдан Аи-80 бензини нархи ошмайдиган бўлди
Президент қарори билан АИ-80 бензини учун акциз солиғини «ноль» ставкада қўллаш муддати 2023 йил 31 декабрга қадар узайтирилди. Шунга кўра, бензин нархи март ойидан ошмайди.
1 мартдан ёввойи ҳайвон ва қушларни овлаш мавсуми якунланади
28 февраль ёввойи ҳайвон ва қушларни овлашга рухсат этилган сўнгги кун бўлиб, 1 мартдан ов мавсуми якунига етади. Овчилардан уларга берилган йўлланмаларни 10 кун муддатда тегишли тартибда топшириш сўралди.
UzAuto Motors Malibu XL нархларини эълон қилди
UzAuto Motors янгиланган Chevrolet Malibu XL сотуви бошлангани ҳақида хабар берди. Redline линияси услубида ишлаб чиқилган автомобиллар 3 та комплектацияда тақдим этилиб, 334,8 млн сўмдан 374,1 млн сўмгача (ҚҚСсиз) сотилади.
Қорақалпоғистонда комиссия учун ходимлардан 20 минг сўмдан пул йиққан мактаб директори ишдан бўшатилди
Хўжайлидаги 21-мактаб директори ходимлардан комиссия учун 20 минг сўмдан йиққани сабабли ишдан бўшатилди. Маблағ баннерларни янгилаш мақсадида йиғилгани айтилмоқда, аммо ходимлар пул комиссияни овқатлантириш учун сарфланишини билдирди.
Қўшимча имкониятлардан фойдаланиш учун сайтда рўйхатдан ўтинг