Нукусдаги портлашда ҳалок бўлган марҳума — Нурзада Утамбетова
«Газета.uz» қутқарув ишлари давомида Нукусдаги уй вайроналари остидан жасади топилган яна бир инсоннинг шахсига аниқлик киритди. У Нурзада Утамбетова бўлиб, узоқ йиллар «Ҳудудий электр тармоқлари» компаниясининг Қорақалпоғистондаги филиалида фаолият юритган ва нафақага чиққан бўлган.
Даулетмурат Тажимуратовнинг қийноқлар ҳақидаги баёноти текширилиши керак — HRW
Human Rights Watch ташкилоти Даулетмурат Тажимуратовнинг ҳибсда қийноққа солингани ҳақидаги даъволари текширилиши кераклигини билдирди. Инсон ҳуқуқлари ташкилоти, шунингдек, «ҳуқуқ-тартибот органлари асоссиз ўқотар қуролдан фойдалангани учун» ҳануз ҳеч ким жазоланмаганини эслатиб ўтди.
Ўзбекистонда ўтган йили қарийб 70 млн долларлик электромобиль импорт қилинган
Ўзбекистонга 2022 йилда хориждан 69,8 миллион АҚШ доллари эвазига 2180 дона электромобиль олиб келинган. Импорт 2021 йилгига нисбатан 1371 тага ошган.
Шимолий Сўх ерости газ сақлаш иншооти яна қайта ишга туширилиши мумкин — президент
Шавкат Мирзиёев бир вақтлар ёпилган, ҳажми 2,5−3 млрд куб метр бўлган Шимолий Сўх ерости газ сақлаш иншооти яна қайта ишга тушишини маълум қилди. Иншоотнинг асосий газ сақлаш қисми Қирғизистонда, компрессорлар эса Ўзбекистон ҳудудида. Иншоотдан умумий фойдаланиш борасида музокаралар олиб борилади.
Uzbekistan Airways Россияга парвозлар сонини кўпайтирмоқда
Uzbekistan Airways Express 26 мартдан Тошкент-Омск, 28 мартдан Тошкент-Нижний Новгород, 27 мартдан Наманган-Оренбург ҳамда 31 мартдан Наманган-Нижневартовск йўналиши бўйича янги қатновларни йўлга қўяди.
«Қизил китоб»га киритилган сақоқушни ўлдирганларга қонуний чора кўрилади — Табиат ресурслари вазирлиги
Жиззах вилояти Арнасой туманидаги кўлда «Қизил китоб»га киритилган сақоқушни тутиб, ўлдирган шахснинг маълумотлари қонуний чора кўриш учун прокуратурага юборилди. У «Ҳайвонот дунёсини муҳофаза қилиш ва ундан фойдаланиш тўғрисида»ги ва «Ов қилиш тўғрисида»ги қонунларни бузган.
«Ҳаммани ларзага келтирди». Сенатор Тошкентда вафот этган 12 ёшли қиз воқеасига муносабат билдирди
Сенатор Гулнора Маруфова Янгиҳаётда мурдаси зўрлик ва қотиллик аломатлари билан топилган 12 ёшли қиз воқеасига муносабат билдирди. Унинг сўзларига кўра, нормал ҳолатдаги одам бу қотилликни, албатта, қоралайди. «Қизчанинг ота-онасига ҳам тўзим берсин, бу жуда оғир ҳолат», — деди Маруфова.
Банкларда доллар курси икки кунлик тушишдан сўнг яна кўтарилди
Тижорат банклари 2 февраль куни аҳолидан 1 АҚШ долларини 11 215 — 11 305 сўмдан сотиб олмоқда, сотиш курси эса аксарият банкларда 11 340 сўм.
Олмаота ва Ал-Кувайтдан Самарқандга тўғридан-тўғри рейслар йўлга қўйилади
FlyArystan авиакомпанияси 18 мартдан Олмаотадан Самарқандга парвозларни тиклайди. Jazeera Airways авиакомпанияси эса Ал-Кувайт ва Самарқандни 15 февралдан тўғридан-тўғри рейслар билан боғлайди.
АҚШ Ўзбекистон фуқаросига қарши санкциялар киритди
АҚШ Молия вазирлиги санкцияларига тушган 10 нафар шахс рўйхатида Ўзбекистон фуқароси Макс Пифлакс ҳам бор. У «Россия ҳарбий-саноат комплексини қўллаб-қувватлаш бўйича чекловлардан қочаётган» шахс сифатида қайд этилган.
ДХХ Самарқандда 10 кг гиёҳванд моддаларнинг ноқонуний айланмасига чек қўйди
Самарқандда фуқаро 2 кг опий гиёҳвандлик моддасини сотаётган вақтда қўлга олинди. Унинг хонадони текширилганда яна 8 кг шундай модда топилди. Ҳолат юзасидан жиноят иши қўзғатилиб, тергов олиб борилмоқда.
Ўзбекистонда эрта турмуш ва эрта туғруқ масаласи долзарблигича қолаётгани айтилди
«Оила ва хотин-қизлар» илмий-тадқиқот институти директори Нодира Эгамбердиевага кўра, Ўзбекистонда эрта турмуш ҳалигача долзарб муаммо бўлиб қолмоқда. Баъзан 18 ёшга тўлмаганлар ўртасида туғруқ ҳолатлари ҳам кузатилмоқда. «Бу муаммоларни ўргандик ва ҳудудларга мос режалар ишлаб чиқдик», — деди у.
1 февраль куни Ўзбекистонда содир бўлган энг муҳим хабарлар дайжести
Янгиҳаётда ўлдириб кетилган 12 ёшли қиз, ота-оналарга болаларини мактабдан ўзлари олиб кетишини сўраган Оила бошқармаси, Афғонистонга темир йўл қатнови вақтинча тўхтатилгани, «заправка»лар очилиши,Кушербаевга янги тайинлов, онлайн мактаб шаҳодатномаси ва бошқалар — «Газета.uz»нинг кун дайжестида.
Хотин-қизларга жинсий зўравонлик ҳолатлари камайган, аммо руҳий ва иқтисодий зўравонлик ортмоқда — сенатор
Сенатор Гулнора Маруфова Ўзбекистонда хотин-қизларга нисбатан жинсий зўравонлик ҳолатлари камайгани, аммо руҳий ва иқтисодий зўравонлик ортганини маълум қилди. «Бунда, албатта, қонун бўйича ишлар олиб бориляпти, жамиятимиз ҳам бефарқ бўлмай, нафрат билан муносабат билдиряпти», — деди у.
Президент — Ўзбекистонда муқобил энергиядан фойдаланишни қандай ошириши ҳақида
Шавкат Мирзиёев энергия ресурслари тақчиллиги шароитида қайта тикланадиган энергия манбаларидан фойдаланишни кўпайтириш бўйича таклифларни санаб ўтди. Давлат аҳолидан электр энергиясини бир кВт/соатига 1000 сўмдан сотиб олишни бошлайди, иссиқхоналар ва ғишт заводларини кўмирга ўтказади ва ҳоказо.
Расул Кушербаев табиат ресурслари вазири маслаҳатчиси бўлди
Қонунчилик палатасининг собиқ депутати Расул Кушербаев Ўзбекистон Табиат ресурслари вазирлигида иш бошлади. У вазир Азиз Абдуҳакимовнинг маслаҳатчиси бўлади. Бу лавозим унга президент администрацияси томонидан таклиф қилинган.
«Адолатсиз ҳукм чиқарилди» — Даулетмурат Тажимуратовнинг укаси
Нукус воқеалари иши бўйича 16 йилга қамалган Даулетмурат Тажимуратовнинг укаси Ринат Тажимуратов «Газета.uz»га берган интервьюсида суд иши ва апелляция бериш режалари ҳақида гапирди. Унинг айтишича, айблов «тўлиқ ютқазди», акасининг айби ва ташқи кучларнинг эҳтимолий таъсирини исботлай олмади.
Пойтахт Оила бошқармаси ота-оналардан фарзандларига мактабга бориб-қайтишда ҳамроҳлик қилишни сўради
Тошкент шаҳри Оила ва хотин-қизлар бошқармаси Янгиҳаётда 12 ёшли қизнинг мурдаси зўрлик ва қотиллик аломатлари билан топилганидан сўнг ота-оналарга мурожаат қилди. Бошқарма улардан фарзандларининг мактабга бориш-келишида ҳамроҳлик қилишни ҳамда доимо алоқада бўлишни сўради.
Умумий ўрта таълим тўғрисидаги электрон шаҳодатномаларни бериш тартиби белгиланди
Вазирлар Маҳкамасининг қарори билан умумий ўрта таълим тўғрисидаги электрон шаҳодатномаларни бериш тартиби ҳақидаги низом тасдиқланди. Энди битирувчилар шаҳодатномани электрон платформадан шахсини тасдиқловчи ҳужжатлар тўғрисидаги маълумотларни киритиш орқали бепул юклаб олади.
2 февралдан барча ҳудудлардаги газ «заправка»лар фаолияти босқичма-босқич тикланади
2 февралдан барча ҳудудлардаги «заправка»лар фаолияти босқичма-босқич тикланади. АГТКШлар фаолияти маҳаллий ҳокимликларнинг рўйхати асосида йўлга қўйилади. Чекловлар газ қувурларида босимнинг кўтарилиб боришига мос равишда ўзгартириб борилади.
Қўшимча имкониятлардан фойдаланиш учун сайтда рўйхатдан ўтинг