Хасан Майчеев: «Бировнинг ишини бузиш ниятим йўқ эди ва рассомдан узр сўрашга тайёрман»
Оксана Чусовитина тасвирланган граффитига етказилган зарарни тўғрилаш сўралган пойтахтдаги мураллар муаллифи Хасан Майчеев воқеа аслида қандай бўлганини сўзлаб берди. У бошқаларнинг ишини бузиш нияти бўлмаганлигини айтиб, ҳамкасбидан узр сўради. Шанбага ўтар кечаси Inkuzart граффитидаги ўзининг логосини ўчириб ташлади.
Солиқ ҳуқуқбузарликлари ҳақида хабар берганларни мукофотлаш тартиби белгиланди
Ҳукумат қарори билан солиқ ҳуқуқбузарликлари ҳақида хабар берганларга жариманинг 20 фоизи миқдорида пул мукофотини тўлаш тартиби белгиланди. Фуқаролар терминал мавжуд эмаслиги, нақд ва карта орқали тўловда тафовут, товарларни қалбаки маркировкалаш ва хизмат кўрсатиш қоидаларини бузиш каби ҳолатларни аниқласа Soliq мобил иловаси орқали хабар бериши мумкин.
Қозоғистондаги авария қурбонлари сони ошди. Жабрланганлар эвакуация қилинди
Қозоғистоннинг Жамбил вилоятида автобус ЙТҲга учраши оқибатида жабрланган 23 нафар ўзбекистонлик эвакуация қилинди. Вафот этган икки фуқаро жасади яшаш манзиллари — Бухоро ва Хоразм вилоятларига юборилди. Шанба куни жароҳат олганларнинг яна бири оламдан ўтди.
Навоий вилояти ҳокимининг ўринбосари ўзгарди
Учкўприк тумани ҳокими Акмалжон Маҳмудалиев Навоий вилояти ҳокимининг қишлоқ ва сув хўжалиги масалалари бўйича ўринбосари этиб тайинланди. У мазкур лавозимда Саъдулло Истамовнинг ўрнини эгаллади.
Нима тайёрлаймиз: гулкарамдан таомлар
Қовурилган гулкарам, газ печи ҳамда пишлоқли клярда пиширилган гулкарам, товуқ гўшти билан тайёрланган котлетлар, гулкарамли крем шўрва — Zira.uz гулкарамдан тайёрланадиган таомлар рецептлари рўйхатини тақдим этади.
Келинини ўлдирган қайнона ҳибсга олинди
Тошкент вилоятида жанжал оқибатида қайнона келинини пичоқлаб қўйди, у касалхонада вафот этди. Келиннинг уч нафар фарзанди бор эди.
Ўзбекча Википедиянинг фаол муҳаррирларига 50 млн сўмгача пул берилади
Ўзбекистонда интернетда ўзбек тилидаги сифатли маълумотларни кўпайтириш ва иқтидорли талабаларни муносиб рағбатлантиришга қаратилган WikiStipendiya марафонига старт берилди. Ўзбекча Википедиянинг энг фаол муҳаррирлари 50 млн сўмгача бир марталик стипендияни қўлга киритиши мумкин. Апрель ойида Википедиянинг ўзбекча саҳифалари 14,6 млндан ортиқ маротаба кўрилган.
Фарғона вилоятининг экспорт салоҳиятини $1 млрдга етказиш мумкин — президент
Шавкат Мирзиёев Фарғона фаоллари билан суҳбатда энди иш бошлаган пайтлари вилоятнинг экспорт салоҳиятини 50 млн долларга етказиш мўлжаллангани, ўтган йили эса бу миқдор 801 млн долларга етганини айтди. «Ҳозир 1 млрд доллар экспорт тўғрисида гаплашяпмиз», — деди у. Шунингдек, президент тадбиркорларга шароит яратиб, «уларни сийласак, улар халқни сийлайди», дея таъкидлади.
Яна бир ҳоким ёрдамчиси $300 олаётганда қўлга тушди
Қашқадарёнинг Ғузор туманида ҳоким ёрдамчиси 300 доллар олаётган вақтда қўлга олинди. У маҳаллий фуқарога вилоят тез тиббий ёрдам марказига фельдшер бўлиб ишлашга киритишни ваъда қилганлиги айтилмоқда. Туман ҳокимияти «ҳоким ёрдамчиси аввалги иш жойидаги имконияти туфайли пора олгани, ҳозирги лавозими унга бундай ваколатлар бермаслигини» таъкидлади.
«Бу инсон ҳуқуқларини очиқдан-очиқ поймол қилиш». Ҳуқуқшунос «тонировка» ҳақида
Ҳуқуқшунос Камолиддин Баҳавадинов «тонировка»га қўйилган талаб мантиқсизликдан бошқа нарса эмаслиги ва унга қўйилган нарх «космик» даражада қимматлигини танқид қилди. «Одам ёзда ўзини бироз қулай ҳис қилиши учун 6 ойлик ойлигини емай, ичмай бериши шахсан мен учун мантиқсизлик. Бу инсон ҳуқуқларини очиқдан-очиқ поймол қилиш», — деди у. Қолаверса, машина орқа ён ойнасига парда тақишга рухсат борлиги ва «тонировка» мумкин эмаслигини ҳеч ким тушунтириб бера олмаслигини айтди.
Андижонда собиқ ҳоким ёрдамчиси осилган ҳолда топилгани айтилмоқда
Марҳамат тумани ҳокимининг «Полвонтош» маҳалласи бўйича собиқ ёрдамчиси, 38 ёшли фуқаро ўз хонадонидаги молхонада осилган ҳолда топилди. Унга нисбатан тазйиқ, ҳақорат ва бошқа ноқонуний ҳаракатлар содир этилмагани айтилмоқда. Ҳолат юзасидан тергов ҳаракатлари олиб борилмоқда.
Самарқанд йўлидаги ЙТҲда 4 нафар фуқаро ҳалок бўлди
Нуробод тумани ҳудудидан ўтувчи йўлда Nexia автомобили бетон тўсиққа урилиб, пастликка ағдарилган. Машинада ёнғин чиқиб, 4 нафар йўловчи вафот этган. Ҳайдовчи оғир тан жароҳатлари билан касалхонага ётқизилган.
Тожикистон президентининг Ўзбекистонга ташриф буюриши кутилмоқда
Душанбе шаҳрида МДҲ Ташқи ишлар вазирлари кенгашининг навбатдаги мажлиси бўлиб ўтмоқда. Унда Ўзбекистон ва Тожикистон ТИВ раҳбарлари Тожикистон президентининг Ўзбекистонга бўлажак ташрифи ва бошқа соҳалардаги икки томонлама ҳамкорлик масалаларини муҳокама қилди.
Тошкентда Афғонистон бўйича халқаро конференция бўлиб ўтади
Ўзбекистон ташқи ишлар вазири в.б. Владимир Норов халқаро ҳамжамиятнинг Афғонистондаги вазиятга эътибори сусайиб бораётганини таъкидлади, гарчи «у ердаги вазият оғир иқтисодий инқироз ва қийин гуманитар вазият кескинлигича қолиб, минтақавий хавфсизлик ва барқарорликка таҳдидлар сақланиб қолмоқда». У июль ойида Тошкентда Афғонистон бўйича халқаро конференция ўтказилишини маълум қилди.
БАА президенти 73 ёшида вафот этди
Жума куни БАА президенти шайх Халифа бин Зоид Ол Наҳаён 73 ёшида вафот этди. Амирликда 40 кунлик миллий мотам эълон қилинди.
Энг кўп даромад оладиган спортчилар рўйхати эълон қилинди
Forbes’нинг энг кўп ҳақ тўланадиган спортчилар рўйхатида Лионель Месси етакчилик қилмоқда. У ўтган 12 ой ичида умумий ҳисобда 990 млн доллардан кўпроқ даромад олган атлетлар ўнталагида энг даромадли (130 млн доллар) спортчи бўлиб турибди. Мессидан кейин Леброн Жеймс (121,2 млн доллар) ва Криштиану Роналду (115 млн доллар) жой олган.
БМТ Инсон ҳуқуқлари кенгаши РФнинг Украинадаги тахминий жиноятларини тергов қилиш учун овоз берди
БМТнинг Инсон ҳуқуқлари бўйича кенгаши Россия томонидан Украинада инсон ҳуқуқлари бузилгани ҳақидаги тахминларни текшириш бўйича резолюцияни қабул қилди. 33 та мамлакат тергов учун овоз берди, Хитой ва Эритрия қарши чиқди, 12 мамлакат, шу жумладан Ўзбекистон бетараф қолди. БМТнинг Инсон ҳуқуқлари бўйича Олий комиссари Мишель Бачелет «Киевнинг шимолидаги ҳудудларида суддан ташқари қотилликлар кўлами даҳшатли» эканлигини таъкидлади.
Ўзбекистонликларни эвакуация қилиш учун Қозоғистонга махсус ишчи гуруҳ юборилди
Бош вазир Абдулла Арипов Қозоғистоннинг Жамбил вилоятида автобус ва трактор иштирокидаги аварияда жабрланган ўзбекистонликларни эвакуация қилиш ва ҳодиса сабабларини ўрганиш учун қўшни давлатга махсус ишчи гуруҳни юборди. Унга фавқулодда вазиятлар вазири ўринбосари Азизбек Латифжонов бошчилик қилмоқда.
Дам олиш кунлари ҳаво булутли бўлади ва ёмғир ёғади
Шанба куни Ўзбекистоннинг марказий ва шарқий ҳудудларида момақалдироқли қисқа муддатли ёмғир ёғади, ҳарорат +20 даражагача пасаяди. Якшанба куни эса ҳарорат +28 даражагача кўтарилиб, ҳаво булутли бўлиши кутилмоқда.
Айрим ҳокимлар йиллар давомида ер сотиш билан шуғулланиб келган — президент
Президент айрим ҳокимлар йиллар давомида ер сотиш билан шуғулланиб келганини айтди. Унга кўра, ер муносабатларида ҳокимларнинг ваколати тугатилганига қарамай, ер участкаларини ноқонуний сотиш ҳолатлари ҳамон учраб турибди. Маълум бўлишича, Фарғона вилояти ҳокимлиги ходими ер ажратиш бўйича қарор қабул қилиш учун ҳоким Хайрулла Бозоровнинг имзосини қалбакилаштирган.
Қўшимча имкониятларга эга булиш учун сайтда рўйхатдан ўтинг