Тошкентда мижоз талашган маклер ҳамкасбини жароҳатлади
Чилонзор туманида мижоз талашган маклер ҳамкасбини номаълум жисм билан жароҳатлади. Оқибатда жабрланувчи қорин олди девори санчилиб кесилган жароҳати, талоқ ва буйрак шикастланиши билан шифохонага мурожаат қилган.
Қорақалпоғистонда Cobalt ва Nexia-2 тўқнашуви оқибатида бир киши вафот этди
Кегейли туманида Cobalt ва Nexia-2 иштирокида йўл-транспорт ҳодисаси сабаб ҳайдовчилардан бири вафот этди. Икки киши шифохонага ётқизилди.
Пойтахт ИИББ: «Фатзорб» оздирувчи дорисида кучли таъсир қилувчи модда аниқланди
Тошкент шаҳар ИИББ пойтахтда 252 дона «Фатзорб» дорисини сотаётганларни ушлади. Оздирувчи маҳсулот дея сотилаётган дори таркибида «Сибутрамин» кучли таъсир қилувчи модда борлиги аниқланди.
Дам олиш кунлари илиқ ҳаво кузатилади
Ўзбекистонда келаси ҳафта кутилаётган совуқ олдидан дам олиш кунларида ҳаво нисбатан илиқ бўлади. Мамлакатнинг аксарият ҳудудларида ёмғир ёғади. Баъзи жойларда шамол кучаяди.
Самарқандда эркак хотини ва 5 ойлик боласини ўлдириб, ўзини осди
Оқдарё туманида эркак хотинини қайчи билан уриб, бешикда ётган 5 ойлик боласини эса бўғиб ўлдирди. Сўнгра ўзини осиб, жонига қасд қилди. Ҳодисага оилавий келишмовчилик сабаб бўлгани айтилмоқда.
Қозоғистон бош прокурори: январь воқеаларида Ўзбекистон фуқаролари ҳам қатнашган
Қозоғистонда 2022 йил январь ойида бўлиб ўтган тартибсизликлар бўйича жиноят ишида Ўзбекистон фуқаролари ҳам иштирок этмоқда. Олдин ҳам Қозоғистон бош прокуратураси воқеа сабабли очилган ишларга 11 нафар Ўзбекистон фуқароси жалб қилингани ҳақида хабар берганди.
Банкларда долларнинг сотиш курси 11 345 сўмгача кўтарилди
Тижорат банклари 6 январь куни аҳолидан 1 АҚШ долларини 11 220 — 11 320 сўмдан сотиб олмоқда, сотиш курси эса 11 345 сўм.
Андижонда айиқ зоопарк ходимини тишлаб ўлдирди
Андижон вилоятидаги ҳайвонот боғида ёввойи айиқ боғ ходимига ташланиб, бўйин қисмидан тишлаб олди. Оқибатда ходим оғир тан жароҳати олиб, ҳодиса жойида вафот этди.
Фарғонада мактаб ўқувчилари Gentra’ни ёқиб юборди
Тармоқларда мактаб ўқувчилари гугурт ёрдамида Gentra автомобилининг олд қисмини ёқиб юборгани тасвирланган видео тарқалди. Фарғона вилояти ИИБ ҳолат бўйича вояга етмаганларнинг ота-оналарига маъмурий ҳужжатлар расмийлаштирилганини маълум қилди. Машинага етказилган моддий зарар қопланди.
Тошкентда 6 ёшли қизчага тегажоғлик қилган эркак 10 йилга қамалди
Тошкентда 47 ёшли эркак жинсий эҳтиёжларни ғайритабиий шаклда мажбуран қондириш айби билан 10 йилга озодликдан маҳрум қилинди. У ўтган йилнинг ёзида 6 яшар қизалоққа тегажоғлик қилганликда гумонланиб қўлга олинганди.
Путин Рождество байрами муносабати билан Украинадаги бутун фронт чизиғида ўт очишни тўхтатишни буюрди
РФ президенти Мудофаа вазирлигига 6 январь соат 12:00 дан 7 январь соат 24:00 гача Украинадаги бутун жанговар тўқнашувлар чизиғи бўйлаб ўт очишни тўхтатиш режимини жорий этиш бўйича топшириқ берди. Аввалроқ Патриарх Кирилл шундай мурожаат билан чиққан эди.
Термизда кўчиришга қаршилик қилган бозор ишчилари жаримага тортилди, қамалганлар ҳам бор
Термизда собиқ «Юбилейний» бозорининг 9 нафар ишчиси янги жойга кўчиришга қаршилик қилганлари учун жаримага тортилди, 4 киши эса 5 суткага маъмурий қамоққа олинди. Аввалроқ ИИБ ходимлари аёл кишини автобусга мажбуран олиб кетаётгани акс этган видео тарқалган эди.
Ўзбекистон Энергетика вазирлиги аёзли кунларда энергия таъминотидаги эҳтимолий узилишлардан огоҳлантирди
Ўзбекистон Энергетика вазирлиги келаси ҳафтада кутилаётган совиши муносабати билан йирик корхоналарга газ ва электр энергияси етказиб бериш қисқариши, ИЭСларга газ етказиб бериш кўпайишини маълум қилди. Шу билан бирга, жадвалга кўра, энергия таъминотида қисқа муддатли узилишлари мумкин.
5 январь куни Ўзбекистонда содир бўлган энг муҳим хабарлар дайжести
Талаба, ўқувчи ва боғча болаларига таътил узайтирилгани, Бухорода ўзини осиб вафот этган 2 аёл, кутилаётган аномал совуқ ҳаво, Тошкент вилоятида «Док-1 Макс» дан заҳарланган 9 бола, Жиззаҳда колониядан қочган 2 маҳкум, қамоқдан чиққан собиқ бош прокурор ва бошқалар — «Газета.uz»нинг кун дайжестида.
Ўзбекистондаги болалар боғчаларида 10−18 январь кунлари таътил деб эълон қилинди
Совуқ тушиши кутилаётгани муносабати билан Ўзбекистондаги мактабгача таълим ташкилотларида 10−18 январь кунлари таътил деб эълон қилинди.
Ўзбекистон Афғонистонда қизларнинг ОТМларда ўқиши тақиқланганидан хавотир билдирди
Ўзбекистон Ташқи ишлар вазирлиги Афғонистонда қизларнинг ОТМларда ўқиши тақиқланганидан хавотирда эканини маълум қилиб, ушбу қарор қайта кўриб чиқилишига умид билдирди.
Афғонистонда содир бўлган зилзила бутун Ўзбекистон бўйлаб сезилди
Пайшанба куни кечқурун Афғонистон ҳудудида содир бўлган зилзила Ўзбекистон бўйлаб 3−4 баллик кучда сезилди.
Таълим муассасаларида қишки таътил муддати узайтирилди
Ўзбекистонда аномал совуқ об-ҳаво кириб келиши муносабати билан барча бўғиндаги таълим муассасаларида қишки таътил муддати 17 январгача узайтирилди.
McDonald’s Қозоғистонни тарк этмоқда
McDonald’s бренди етказиб беришдаги муаммо сабабли Қозоғистонни тарк этмоқда. Bloomberg маълумотларига кўра, McDonald’s Қозоғистондаги франшиза эгасига котлет учун гўштни россиялик етказиб берувчидан олишни тақиқлаган. Маҳаллий ва европалик етказиб берувчилар билан ишлаш зарарга учратиши мумкин.
Ўзбекистоннинг баъзи ҳудудларида электр энергияси таъминоти бўйича чекловлар жорий қилинади
Сурхондарё, Қашқадарё ва Бухоро вилоятларида «тизимда қувват танқислиги кузатилган вақтларда» жадвал асосида электр энергияси таъминоти бўйича чекловлар киритилиши маълум қилинди.
Қўшимча имкониятлардан фойдаланиш учун сайтда рўйхатдан ўтинг