Ўзбекистон ва Туркманистон ўртасида Стратегик шерикликни чуқурлаштириш тўғрисида декларацияни имзоланди
Ўзбекистон ва Туркманистон президентлари Стратегик шерикликни чуқурлаштириш тўғрисидаги декларацияни имзолади. Қолаверса, икки мамлакат ўртасида электр энерегетикаси, божхона иши, ветеринария ва чорвачилик, кинематография ва бошқа йўналишлар юзасидан келишувларга эришилди.
21 октябрь учун банклар белгилаган доллар курси
Марказий банк 21 октябрь кунги ўзбек сўмининг АҚШ долларига нисбатан расмий курсини 11 136,41 сўм этиб белгилади. Тижорат банклари доллар курсининг янги қийматини эълон қилди.
Аёллар ва болалар бўйича ўтказилган сўров натижалари якунига кўра қонунлар ўзгариши мумкин — Танзила Нарбаева
Сенат раиси аёллар ва болалар бўйича ўтказилган сўров натижалари асосида амалдаги қонунлар янгиланиши мумкинлигини таъкидлади. ЮНИСЕФнинг Ўзбекистондаги ваколатхонаси раҳбари Мунир Мамедзаде бу борада нафақат ҳокимият, балки жамиятнинг ўзи ҳам иштирок этиши муҳимлигини қайд этди.
22−26 октябрь кунлари 4 та ҳудудда ёмғир ёғади
22−26 октябрь кунлари Ўзбекистон ҳудудига Каспий денгизи ҳудудларидан нам ҳаво, Волга бўйи ҳудудларидан совуқ ҳаво массалари келади. Қорақалпоғистон Республикаси, Хоразм, Бухоро, Навоий вилоятларида вақти-вақти билан ёмғир ёғади.
Ўзбек ва хорижий тиллар бўйича луғат ва сўзлашгичларнинг янги авлодини яратиш кечиктириб бўлмас вазифа — президент
Шавкат Мирзиёев 21 октябрь — давлат тили байрами билан ўзбек халқини табриклади. Бу борада ахборот-коммуникация технологияларининг тилини ўзбекчалаштириш, ўзбек ва хорижий тиллар бўйича луғат ҳамда сўзлашгичларнинг янги авлодини яратиш кечиктириб бўлмас вазифадир, дея таъкидлади президент.
СЭС хизматига тегишли автомобиль ҳайдовчиси билан тушунтириш ишлари олиб борилди
Тошкентда хавфли ҳаракатланган автомобиль Санитария-эпидемиология хизмати раҳбарининг ўринбосарига бириктирилган, дея маълум қилди СЭС матбуот хизмати. Ҳайдовчи оила аъзоларидан бирининг соғлиги ёмонлашгани сабабли қоидабузгани айтилмоқда. У билан «тушунтириш-тарғибот ишлари» олиб борилди.
20 октябрь куни Ўзбекистонда содир бўлган энг муҳим хабарлар дайжести
Ўзбекистоннинг олтин-валюта захиралари бир ойда қарийб $584 млнга камайгани, Жиззахда тепловоз билан тўқнашган юк автомобили, мамлакатда сил касаллигини даволаш самарадорлиги ортгани, жаримага тортилган СЭС хизматига тегишли Lacetti хайдовчиси ва бошқалар — «Газета.uz»нинг кун дайжестида.
Термиз шаҳрининг собиқ ҳокими ва унинг ўринбосарлари ҳибсга олинди
Ҳуқуқ-тартибот органлари Термиз шаҳрининг собиқ ҳокими Исроил Худойбердиев, унинг икки нафар ўринбосари ва яна 4 нафар мансабдорни ҳибсга олди. Улар «Яшил дунё» савдо мажмуаси қурилиши давомида 14,8 млрд сўмни ўзлаштирганликда гумонланмоқда.
Президент Туркманистонга жўнаб кетди
Ўзбекистон президенти Шавкат Мирзиёев президент Сердар Бердимуҳамедовнинг таклифига биноан расмий ташриф билан Туркманистонга жўнаб кетди. Ташриф давомида, жумладан, Ашхободда «Тошкент» боғини очиш ва Чегараолди савдо марказини қуриш бўйича лойиҳани биргаликда бошлаб бериш режалаштирилган.
Лиз Трасс Буюк Британия бош вазири лавозимидан истеъфога чиқди
Сайланганига 45 кун бўлган Буюк Британиянинг бош вазири Лиз Трасс Консерваторлар партияси депутатлари норозилиги сабаб истеъфога чиқиши ҳақида эълон қилди.
СЭС хизматига тегишли Lacetti хайдовчиси йўл қоидасини қўпол бузгани учун жаримага тортилди
Пайшанба куни Санитария-эпидемиологик осойишталик ва жамоат саломатлиги хизматига тегишли Lacetti автомашинаси йўлда машиналарга ҳалақит бериб, ҳуқуқбузарлик содир этгани акс этган видео ижтимоий тармоқда тарқалди. ИИББ ЙҲХБ суриштирув олиб бориб, машина хайдовчисига 3 млн сўм жарима қўллади.
«Ўзбекгидроэнерго» тадбиркорларни ГЭС қуришга таклиф этмоқда
«Ўзбекгидроэнерго» АЖ микро ва кичик ГЭСлар қуришни таклиф қилмоқда, тадбиркорлар ўз эҳтиёжи ва сотиш мақсадида электр энергия ишлаб чиқариш имкониятига эга бўладилар.
ПМТИ экспертлари «қўнғироқ ҳуқуқи»нинг иқтисодиётга таъсирини ўрганди
«Қўнғироқ ҳуқуқи» ёки унинг непотизм кўринишидаги шакли инсон капиталининг ривожланишига тўсқинлик қилади, дейди ПМТИ мутахассислари. Фаворитизм ва қариндош-уруғчилик эса самаралироқ ходимларнинг мартабаси ошмаслигига ва оқибатда «ақлнинг» мамлакатдан чиқиб кетишига сабаб бўлади.
Жаҳонда силни даволаш самарадорлиги 85 фоизга, Ўзбекистонда эса 91 фоизга етди — ССВ
Жаҳон миқёсида дориларга мослашувчан сил билан касалланган беморларнинг даволаш самарадорлиги 85 фоиз, Ўзбекистонда эса 91 фоизга тенг. ССВнинг маълум қилишича, мамлакатда хавф гуруҳига кирувчи аҳоли орасида касалланиш 2 маротаба, хасталик туфайли ўлим ҳолатлари 6 маротабага камайди.
АҚШ Ўзбекистонга 141 минг долларлик 2 та портатив рентген ускуналарини тақдим қилди
USAID Ўзбекистонга иккита портатив рентген аппарати совға қилди. Улар силга қарши скрининг хизматлари билан Тошкент вилоятининг чекка ҳудудлари аҳолисини қамраб олиш имконини беради. Бундай қурилмаларни бошқа ҳудудларга ҳам етказиш режалаштирилган.
Олтин-валюта захиралари бир ойда қарийб $584 млнга камайди
Октябрь ойи бошида Ўзбекистоннинг расмий захира активлари бир ойда 583,8 млн долларга камайиб, 33,4 млрд долларни ташкил этди. Ялпи халқаро захиралар хажми йил бошидан бери 1,64 млрд долларга ёки 4,7 фоизга камайишни қайд этди.
Ўзбекистон ва Озарбайжон мудофаа вазирлари 2023 йилга мўлжалланган ҳамкорлик режасини имзолади
Ўзбекистон ва Озарбайжон Мудофаа вазирликлари ўртасида 2023 йилга мўлжалланган ҳамкорлик режаси имзоланди. Икки мамлакат вазирлари ҳарбий, ҳарбий-техникавий, ҳарбий-таълим соҳаларидаги ҳамкорликни, шунингдек, минтақавий хавфсизликни таъминлаш масалаларини муҳокама қилди.
Жиззахда тепловоз юк автомобили билан тўқнашди
Шароф Рашидов туманида юк автомобили ва тепловоз иштирокида ЙТҲ содир бўлди, бир киши жароҳатланди.
Юнусободдаги дўконларнинг бирида ёнғин содир бўлди
Тошкент шаҳри Амир Темур кўчасида жойлашган дўконлардан бири ёниб кетди. Воқеа жойига 3 та ёнғин-қутқарув экипажи жалб этилди. Ёнғин оқибатида тан жароҳати олган ёки ҳалок бўлганлар йўқ, деб хабар берди ФВВ.
Қибрайда 90 гектар ерни $30 минг эвазига сотмоқчи бўлган шахс ушланди
Ҳуқуқ-тартибот идоралари ходимлари томонидан Қибрай туманида 90 гектар ерни $30 минг эвазига, Бухорода эса 8 сотих ерни $7500 эвазига сотишда гумон қилинган шахслар қўлга олинди. Ҳолатлар юзасидан жиноят ишлари қўзғатилди.
Қўшимча имкониятлардан фойдаланиш учун сайтда рўйхатдан ўтинг