ДХХ 4 кишини Буюк Британияга ноқонуний жўнатмоқчи бўлган шахсни қўлга олди
Наманганлик шахс 4 нафар самарқандлик фуқарони мансабдор танишлари орқали Буюк Британияга ишлаш учун юборишга келишган. У бунинг учун 12 минг доллар олган вақтида ушланди. Унинг устидан тергов ишлари кетмоқда.
Дам олиш кунлари Тошкентда қаерларга бориш мумкин? (23−24 ноябрь)
Тўққизта кинопремьера, француз фильмлари фестивали, модалар намойиши, спектакллар, BYD фестивали, кўргазмалар, ижодий маҳорат дарслари, болалар учун шоу-дастурлар ва дам олиш кунларидаги бошқа қизиқарли тадбирлар — Afisha.uz жамланмасида.
Тошкентда 4 млн донадан ортиқ пиротехника буюмлари йўқ қилинди
Тошкентнинг Яшнобод туманидаги ФВБ қисмида 4 млн 65 минг донадан зиёд салют ва петардалар дастлаб сувда бўктирилиб, яроқсиз ҳолатга келтирилди ва махсус хандаққа кўмиб юбориш йўли билан йўқ қилинди.
Иссиқхоналарга газ етказиб беришда чекловлар йўқ — Энергетика вазирлиги
Энергетика вазирлиги иссиқхона хўжаликларига газ етказиб беришда чекловлар мавжудлигини рад этди. «Иссиқхона эгалари белгиланган тўловларни амалга оширган ҳолда табиий газдан фойдаланиш имкониятига эга», — дейилади хабарда.
Ўзбекистонда дарахтларни қасддан қуритиш ва ноқонуний ов учун белгиланган жазолар кучайтирилди
Кимёвий, биологик ва бактериологик воситалардан фойдаланган ҳолда қасддан дарахтларни қуритиш, уларга шикаст етказиш эндиликда БҲМнинг 75 бараваригача жаримага сабаб бўлади. Электр токи ҳамда портловчи ва кимёвий моддалар билан ов қилганлар эса 5 йилгача озодликдан маҳрум қилинади.
Германия канцлери Олаф Шольц иккинчи муддатга сайланмоқчи, унинг потенциал рақиби номзодини қўйишдан бош тортди
Германия мудофаа вазири Борис Писториус бўлажак сайловларда Социал-демократик партиядан канцлерликка номзодини кўрсатишдан бош тортди ва амалдаги канцлер Олаф Шольцни қўллаб-қувватлади. Партия аъзолари аввалроқ Писториусни ўз номзодини кўрсатишга чақирганди.
Хориждаги фаол ўзбекистонликларни рағбатлантириш учун «Ватандош» гувоҳномаси жорий қилинди
Хорижда яшаб Ўзбекистоннинг иқтисодий, ижтимоий ҳаётида фаол бўлган ватандошларни рағбатлантириш учун «Ватандош» гувоҳномаси жорий этилди. Гувоҳнома олган номзод ва унинг оила аъзоларига мамлакат визаси, айрим давлат хизматлари ва турар жой бўйича рўйхатдан ўтиш масалаларида имтиёзлар берилади.
Бош вазир Вазирлар Маҳкамасининг 2030 йилгача бўлган Ҳаракат дастурини тақдим этди. Асосий маълумотлар
Абдулла Арипов Вазирлар Маҳкамасининг 2030 йилгача бўлган Ҳаракат дастурини тақдим этди. «Ҳукуматни чинакам халқ хизматчисига айлантириш, оддий инсонларнинг муаммоларини ҳал этиш — фаолиятимизнинг асосий мезони», — деди у. «Газета.uz» ҳукумат раҳбарининг нутқидаги асосий тезисларни келтиради.
«Ўзбекистонда камида ҳар етти ўқувчидан биттаси мактабда ўзини хавфсиз ҳис қилмайди» — МҲТИ
Макроиқтисодий ва ҳудудий тадқиқотлар институти Ўзбекистондаги мактабларда буллинг ёки безорилик ўқувчиларнинг академик ютуқларига қандай таъсир қилишини ўрганди. Таҳлилларга кўра, камида ҳар етти ўқувчидан биттаси мактабда ўзини хавфсиз ҳис қилмайди ва зўравонлик ёки безориликка гувоҳ бўлган.
«Т-Банк»: Россиядан Ўзбекистонга 100 минг рублгача қандай ўтказиш мумкин
Энди «T-Банк» билан Россиядан Ўзбекистонга 100 минг рублгача маблағни комиссиясиз ўтказиш мумкин.
Дам олиш кунлари ёғингарчилик кутилмайди
Дам олиш кунлари Ўзбекистон бўйича ҳаво бироз булутли бўлади, ёғингарчилик кутилмайди. Ҳарорат кундузи +10…+15, кечалари 0…−3 даража бўлиши кутилмоқда.
1 мартдан ёлғиз она ёки отага болалари боғчага бориши учун моддий ёрдам берилади
Болаларни ижтимоий ҳимоя қилишни яхшилашга қаратилган фармон имзоланди. Унга кўра, ёлғиз она ёки отага болалари боғчага бориши учун моддий ёрдам берилади. 30 ёшга тўлган фуқароларга оилавий болалар уйини ташкил этишга рухсат этилади. Ҳомиладорлар учун «Оналар маскани» хизмати йўлга қўйилади.
Умра тадбирларини ўтказиш учун лицензия олган турфирмалар рўйхати эълон қилинди
Диний қўмита Умра тадбирларини ташкил этиш ва ўтказиш фаолиятини амалга ошириш учун лицензия қўлга киритган 12 та турфирма рўйхатини эълон қилди. Рўйхатда бўлмаган фирмаларнинг мазкур фаолият билан шуғулланиш тақиқланади.
Тошкентда ногиронлиги бор шахслар учун «Ижтимоий такси» лойиҳаси ишга тушди
ИҲМА Тошкентда Yandex Go билан биргаликда ногиронлиги бор шахслар учун «Ижтимоий такси» лойиҳасини ишга туширди. Хизмат иловада нарх ўзгармаган ҳолда махсус функцияларни, масалан, ногиронлар аравачасидаги фойдаланувчиларга ёрдам, нутқи ва эшитиш қобилияти заиф одамлар учун чатни ўз ичига олади.
Тошкентдаги Фурқат ва Бешёғоч кўчаларининг айрим қисмлари 19 кунга ёпилади
Тошкент шаҳри Чилонзор туманида кабель тармоқларини ўтказиш ишлари бошлангани сабабли Фурқат ва Бешёғоч кўчаларининг айрим қисмларида 22 ноябрдан 10 декабргача ҳаракат чекланади.
Тошкент вилоятида 19 ёшли ҳомиладор қиз операция вақтида вафот этди
Ижтимоий тармоқларда Тошкент вилояти Бўка туманида шифокорлар айби билан ҳомиладор қиз ва унинг ҳомиласи ҳалок бўлгани ҳақида видео тарқалди. ССВ шифокорлар беморнинг соғлиғи ёмонлашгани сабабли операция қилишга қарор қилганини маълум қилди. Текширув ишлари бошланди.
Шавкат Мирзиёев Россия бош прокурори билан учрашди
Президент Россия бош прокурори Игорь Краснов бошчилигидаги делегацияни қабул қилди. Томонлар икки мамлакат бош прокуратураларининг терроризм, экстремизм, ноқонуний миграция, сунъий интеллект соҳаларидаги ҳамкорлиги масалаларини муҳокама қилди.
Ўзбекистоннинг Бельгиядаги элчиси Ғайрат Фозилов Нидерландиядаги элчи этиб ҳам тайинланди
Ўзбекистоннинг Бельгиядаги элчиси Ғайрат Фозилов бир вақтнинг ўзида Нидерландиядаги элчи этиб ҳам тайинланди. У Нидерландия ТИВ Протокол департаменти директори Ханс Акербумга ишонч ёрлиқлари нусхаларини топширди.
2025 йилда 200 мингдан ортиқ Ўзбекистон фуқаросини иқтисодий ривожланган мамлакатларга ишга юбориш режалаштирилмоқда — бош вазир
Ўзбекистон ҳукумати 2025 йилда 200 мингдан ортиқ фуқарони иш ҳақи юқори бўлган мамлакатларга ишга жойлаштиришни режалаштирмоқда. Бош вазир Абдулла Арипов касбий маҳорат ва чет тилларига ўқитиш учун барча шарт-шароитлар яратилишини таъкидлади.
Ўзбекистонда пайшанбани «Жисмоний тарбия ва спорт куни» деб белгилаш таклиф қилинмоқда
Ўзбекистонда ҳар пайшанба кунини «Жисмоний тарбия ва спорт куни» деб белгилаш таклиф қилинди. ОТМлар ва ҳокимликларда ёшлар спорт лигалари ташкил этиш, спорт клублари очиш режалаштирилмоқда.
Қўшимча имкониятлардан фойдаланиш учун сайтда рўйхатдан ўтинг