Токио-2020. Ўзбекистонлик таэквондочи Улуғбек Рашитов финалда ғалаба қозониб, олимпиада чемпиони бўлди
Токиодаги Олимпия ўйинларида таэквондо йўналиши бўйича иштирок этаётган ўзбекистонлик Улуғбек Рашитов финал баҳсида британиялик рақиби Бредли Синден устидан ғалаба қозониб, олимпиада чемпиони бўлди.
Самарқандда 5 ёшли қизалоқ ЙТҲ оқибатида вафот этди
Самарқанд вилоятининг Ургут туманида Cobalt автомашинаси йўлни кесиб ўтаётган 5 ёшли пиёдани уриб юборган. Қизалоқ воқеа жойида вафот этган.
Токио-2020. Оксана Чусовитина спортдаги фаолиятини якунлади
Ўзбекистонлик спорт гимнастикачиси Оксана Чусовитина олимпиада ўйинларида саралаш баҳсларида 11-ўринни эгаллади ва финал йўлланмасини қўлга кирита олмади. Мазкур олимпиада Чусовитина учун саккизинчи олимпиада бўлди. Аввалроқ, у олимпиададан кейин фаолиятини якунлашини маълум қилган эди.
Ўзбекистонга Испаниядан «Афросиёб» поезди олиб келинди
24 июль куни Ўзбекистонга Испаниянинг Билбао шаҳридан жўнатилган «Афросиёб» поезди Россиянинг Санкт-Петербург шаҳрида вагонлари йиғилиб, яхлит ҳолатга келтирилганидан сўнг, темир йўл орқали олиб келинди. Аввалроқ, поезд 2 та локомотив ва 11 та вагондан иборат эканлиги эълон қилинган.
Энди хориждаги ўзбекистонликлар давлат хизматларидан электрон тарзда фойдаланиши мумкин
Хориж мамлакатларида доимий истиқомат қилаётган Ўзбекистон фуқароларига давлат хизматларидан онлайн фойдаланиш имконияти яратилади. Улар давлат божи ва бошқа тўловларни чет эл валютасида халқаро тўлов тизимлари орқали тўлайди.
Нима тайёрлаймиз: тоблатма
Макаронли, картошка ва қўзиқоринли, фрикаделкали, резавор мева ҳамда творогли — Zira.uz мазали ва тўйимли тоблатмалар рецептларининг рўйхатини тақдим этади.
24 июль куни 731 кишида коронавирус аниқланди
Кеча Ўзбекистонда 731 нафар кишида коронавирус инфекцияси қайд этилди. 494 нафар кишида пневмония аниқланиб, 6 нафар бемор вафот этди.
1 январдан хорижга чиқиш паспорти учун тўлов арзонлаштирилади
Президент фармони билан 1 январдан хорижга чиқиш паспорти, тадбиркорлик субъектларини рўйхатдан ўтганлиги тўғрисида янги намунадаги гувоҳнома, адвокатлик бюро, фирма ва ҳайъатларини рўйхатдан ўтказиш учун тўлов миқдорлари арзонлаштирилади. Хусусий бандлик агентликлари реестрига киритиш хизмати эса бепул бўлади.
Афғонистон ҳукумати 31 та вилоятда комендантлик соати жорий қилди
Шанба куни Афғонистоннинг 31 та вилоятида комендантлик соати эълон қилинди. ИИВ расмий вакили ушбу қарор «Толибон» ҳаракатини чеклаш мақсадида қабул қилинганини айтмоқда. Ҳозирда 10 дан ортиқ туманларда ҳукумат ҳарбийлари ва толиблар ўртасида фаол тўқнашувлар давом этмоқда.
2022 йилдан аҳоли ва тадбиркорлардан 15 турдаги ҳужжат ва маълумотларни сўраш тартиби бекор қилинади
1 январдан бошлаб давлат органлари томонидан молиявий ҳисоботлар нусхалари, жисмоний шахсларнинг сўнгги 12 ойдаги иш ҳақи тўғрисидаги, тадбиркорлик субъекти давлат рўйхатидан ўтганлиги, давлат божи, йиғимлар ва алимент тўланганлиги, кам таъминланганлик ва фуқаронинг «Ёшлар дафтари» ёки «Аёллар дафтари»га киритилганлиги ҳақидаги жами 15 турдаги маълумотларни сўраш тартиби бекор қилинади. Ушбу маълумотлар «Электрон ҳукумат» платформаси орқали онлайн олинади.
Токио-2020. 25 июль учун Ўзбекистон спортчилари иштироки жадвали
Токио-2020 Олимпия ўйинларининг иккинчи кунида еттита спорт тури бўйича 11 нафар ўзбекистонлик иштирок этади.
«16 февраль воқеалари»да айбланган 5 фуқаро оқланди
1999 йилнинг 16 февраль куни пойтахтдаги портлашлар сабаб жиноий жавобгарликка тортилган 5 фуқаро оқланди. Оқланганлар «16 февраль воқеалари»нинг асосий ижрочилари деб топилганлар эмас. Улар собиқ божхона ходимлари ҳисобланади.
Ҳарбий хизматчи чўкаётган аёл ва унинг фарзандини қутқариб қолди
Ҳарбий хизматчи 2 ёшли фарзанди билан бирга Тошкентдаги Анҳор каналида чўкаётган аёлни қутқариб қолди.
24 июль куни Ўзбекистонда содир бўлган энг муҳим хабарлар дайжести
Хорижий давлатлар раҳбарлари Шавкат Мирзиёевни туғилган куни билан табриклаши, янги чиқарилган қарорлар, Тошкентнинг Сергели, Бектемир, Мирзо Улуғбек ва Яшнобод туманлари чегараси ўзгариши, Токио олимпиадасининг биринчи кунида ўзбекистонлик спортчиларлар бирорта ҳам ғалабага эришмагани — «Газета.uz»нинг 24 июлдаги энг муҳим хабарлари дайжестида.
Ўзбекистонлик курашчилар Жаҳон чемпионатида 5 та медални қўлга киритишди
Венгриянинг Будапешт шаҳрида бўлиб ўтаётган спорт курашлари бўйича ўсмирлар ўртасидаги Жаҳон чемпионатида ўзбекистонлик курашcилар 5 та медални қўлга киритишди.
Жаҳон янгиликлари дайжести
Aфғонистоннинг 31 та провинциясида комендантлик соати эълон қилингани, Австралия ва Франциядаги норозилик намойишлари, коронавируснинг янги штамми аниқлангани ва бошқа янгиликлар — «Газета.uz»нинг жаҳон янгиликлари дайжестида.
Жаҳонгир Отажоновнинг иши судга оширилди — Тошкент ИИББ
Тошкент ИИББ собиқ хонанда Жаҳонгир Отажоновнинг видеомурожаатда айтган гапларида ҳақорат аломатлари бор деб топди. Иш бўйича тўпланган ҳужжатлар судга оширилди.
Токио-2020. Биринчи кунда ўзбекистонликлар бирорта ҳам ғалабага эришмади
Токиодаги ёзги Олимпиаданинг биринчи кунида баҳсларга киришган қарийб барча ўзбекистонлик спортчилар мағлубиятга учраб, мусобақаларни тарк этди. Фақатгина эшкак эшувчилар ярим финалда қўшимча ўрин учун курашиш имкониятини сақлаб қолдилар.
Тошкентнинг Сергели, Бектемир, Мирзо Улуғбек ва Яшнобод туманлари чегараси ўзгарди
Тошкентнинг Сергели, Бектемир, Мирзо Улуғбек ва Яшнобод туманлари ҳудудига Тошкент вилоятининг Зангиота, Қибрай, Юқори Чирчиқ ва Ўртачирчиқ туманларидан 7,8минг гектардан кўпроқ ер майдонлари қўшиб берилди. Шу билан бирга, Сергели ва Бектемир туманларидан 171,3 гектар ер майдони Тошкент вилоятига ўтказилди.
Ташқи савдо айланмаси ўсмоқда, бироқ ҳозирча пандемиягача бўлган даражага етмади
Ўзбекистон ташқи савдо айланмаси ҳозирча пандемиягача бўлган даражага етгани йўқ, бироқ ўсишда давом этмоқда. 2021 йилнинг биринчи ярми якунларига кўра, ташқи савдо ҳажми 13,6 фоизга ўсиб, 18 млрд долларга етди. Ташқи иқтисодий фаолият бўйича 10 та ҳамкор давлатлар рўйхатига Украина ҳам кирди.
Қўшимча имкониятларга эга булиш учун сайтда рўйхатдан ўтинг