Тошкент шаҳри Миробод туманида жойлашган Бош прокуратура академияси бино ва иншоотлари аукционга чиқарилди. Лотнинг бошланғич нархи 171,5 млрд сўм, бўнак пули (закалат) эса 8,5 млрд сўмни ташкил этади.
Қарши шаҳрида Nexia-3 ҳайдовчиси пиёдани уриб, воқеа жойидан қочиб кетди. Йўловчи шифохонага ётқизилди. ЙТҲни Касби туманида яшовчи фуқаро содир қилгани аниқланди.
Тижорат банклари 24 январь куни аҳолидан 1 АҚШ долларини 11 240 — 11 345 сўмдан сотиб олмоқда, сотиш курси эса аксарият банкларда 11 365 сўм.
Наманганда ЙПХ автомобилида туғуруқхонага олиб кетилаётган аёл қиз фарзанд кўрди. Шифокорлар томонидан кўрсатилган тиббий ёрдам сабаб она-боланинг саломатлигига ҳеч қандай зиён етмади.
Туркияда президентлик ва парламент сайловлари муддатининг маълум қилингани, Хитойда бир ҳафтада қарийб 13 минг кишининг коронавирусдан вафот этгани, Нурсултон Назарбоевнинг юрак жарроҳлик амалиётидан сўнг шифохонадан чиққани ва бошқалар — «Газета.uz»нинг жаҳон янгиликлари дайжестида.
Ўзбекистонда 1991 йилгача қурилган 31 мингта кўп қаватли уйнинг фасад қисми базальт қопламага ўтказилиб, муқобил энергия манбалари ҳисобига иссиқ сув ва электр билан таъминланади. Янги қуриладиган уйларга энергия самарадорлиги юқори қурилиш материаллари ва жиҳозларидан фойдаланиш мажбурий бўлади.
Қозоғистонда собиқ McDonald’s ресторанлари қайта очилди, аммо номсиз ҳолда. Пешлавҳаларда рус тилида ёзилган «Биз очиқмиз» сўзларидаги «М» ҳарфи эса сариқ рангга бўялган бўлиб, аввалги логотипни эслатади. Таомлар ассортименти ва таъмлари ўзгармаган.
VeoliaТошкентда сифатсиз иссиқлик таъминоти учун тўловни мустақил равишда қайта ҳисоблаб чиқади. Бироқ агар иситиш ёки иссиқ сув билан боғлиқ муаммолар уй ичидаги инфратузилма билан боғлиқ бўлса, унда қайта ҳисоблаш бўлмайди, дея огоҳлантирди компания.
Статистика агентлиги давлатлар ўртасидаги статистик маълумотлардаги тафовутларни «нормал ва табиий» деб атади. Бу товар номенклатураси кодларини белгилашга ёндашувлар билан товарларнинг божхона қийматини баҳолашнинг ўзига хос хусусиятлари ва товарларни ҳисобга олиш вақтларидаги фарқ билан боғлиқ.
Ўзгидромет маълум қилишича, 23 январь эрталаб Тошкентдаги ҳисоблагичлар ҳавонинг юқори даражада ифлосланганини (жаҳон AQI рейтингида 1-ўрин) кўрсатди. Зарарли ифлослантирувчи моддаларнинг мавжудлиги рухсат этилган чегаралардан ошмади, дейилади хабарда.
Миллиардер Алишер Усмонов Россия саноатчилар ва тадбиркорлар иттифоқи бошқаруви бюроси аъзолигидан чиқишга ариза топширди. РБК маълумотларига кўра, у «нафақага чиққан ва фаол меҳнат фаолиятини якунлашга қарор қилган».
Ўзбекистон ва Хитойнинг газ экспорти бўйича маълумотлари 159,5 млн долларга фарқ қилмоқда. Энергетика вазири Хитой статистикада туркман газининг транзитини ҳисобга олганини маълум қилди. «Газета.uz» ҳисоблаб, ҳатто транзитни қўшганда ҳам статистика кескин фарқ қилаётганини аниқлади.
Бухоро ихтисослаштирилган «Жайрон» питомнигидаги 31 бош туркман қулони «Судочье-Акпетки» давлат буюртма қўриқхонасига қўйиб юборилди.
Ўзбекистон бўйлаб ариқ, дарё, кўл, ҳаттоки шаршаралар музлаши кузатилди. ФВВ муз қопламалари қалин бўлмагани учун ёрилиш эҳтимоли юқори эканини билдириб, фуқароларни кўл устидаги музларда учмасликка чақирди.
Энергетика вазирлиги Афғонистонга иссиқлик электр станциялари учун ёнилғи танқислиги сабабли электр энергияси етказиб бериш тўхтатилганини тасдиқлади. 25 январдан қўшни мамлакатга электр экспортини тиклаш режалаштирилмоқда.
Ички ишлар органлари ходимлари, касб маданияти бўйича янги кодексга мувофиқ, хушмуомала, эътиборли, эҳтиёткор, фуқаролар ва ҳамкасбларига нисбатан бағрикенг бўлиши лозим. Улар фуқароларга қўпол муомалада бўлмаслиги, шаъни ва қадр-қиммати камситилишига йўл қўймаслиги керак.
Россиянинг «Азимут» авиакомпанияси Минералние Води ва Самарқанд ўртасида тўғридан-тўғри рейсларни йўлга қўйди. Мунтазам қатновлар ҳафтада бир марта — душанба кунлари амалга оширилиши режалаштирилган.
Республика бўйлаб синф хоналарида ҳаво ҳароратини меъёр даражасида сақлаш имконияти бўлмаган 717 мактабда III чорак масофавий шаклда бошланди. Мактабгача ва мактаб таълими вазирлиги уларни босқичма-босқич анъанавий шаклга ўтказиш чоралари кўрилишини маълум қилди.
«Муваффақиятли тажриба»дан келиб чиқиб «Ургут» эркин иқтисодий зонасини Қорақалпоғистоннинг Беруний тумани ва Қашқадарёнинг Китоб туманидаги объектлар ҳисобидан кенгайтирилади. Қарор янги иш ўринлари яратиш ва аҳоли даромадларини оширишга қаратилган.
Афғонистон ТИВ раҳбари вазифасини бажарувчи Амирхон Муттақий Ўзбекистонни шартномада кўрсатилган миқдорда электр етказиб беришга чақирди. «Таъминот узиб қўйилган, халқ муаммоларга дуч келмоқда», — дейди у. Ўтган ҳафтада электр етказиш техник носозлик туфайли узилгани маълум қилинганди.
Қўшимча имкониятларга эга булиш учун сайтда рўйхатдан ўтинг