Тошкентда қурилиш бўйича йирик лойиҳалар «кўп қаватли уйлар нархлари ошишининг олдини олиш учун керак», дея таъкидлади Жаҳонгир Ортиқхўжаев. Унинг сўзларига кўра, 2,5−3 йил аввал уйларнинг нархи 1 кв. метри учун 1500 доллардан кам бўлмаслиги прогноз қилинган. «Агар Тошкент шаҳрида қурилишни тўхтатиб қўйсак, нархлар кескин ошиши кузатиларди», — деди ҳоким.
Лионель Месси «Барселона» клуби сафида 644-голини урди ва бир клуб сафида урилган голлар сони бўйича рекордни янгилади. У «Сантос» клуби сафида 643 гол урган бразилиялик афсона Пелени ортда қолдирди.
Қирғизистонда қурилиши ва жиҳозланиши тўлиқ Ўзбекистон томонидан молиялаштирилган 200 ўринли юқумли касалликлар шифохонаси фойдаланишга топширилди.
Инновацион ривожланиш вазири Иброҳим Абдураҳмонов коронавирусга қарши вакцина синовлари пойтахтдаги учта поликлиникада бўлиб ўтаётганлигини маълум қилди. У ўзи ҳам бир ой олдин ушбу вакциналар билан эмланганлигини, ҳозиргача ўзида ножўя таъсирини сезмаганлигини айтмоқда.
Энергетика вазирлигининг хабар беришича, АСКУЭ тизими истеъмолчиларнинг 100 фоизини қамраганидан сўнг тўлиқ тартибда ишлай бошлайди. Бугунги кунгача 72% истеъмолчиларга ушбу турдаги ҳисоблагичлар ўрнатилган. Ушбу тизимга тўлиқ уланиш 2021 йил апрелигача режалаштирилган.
Соғлиқни сақлаш вазирлиги коронавируснинг янги штамми бўйича изоҳ берди. Унга кўра, янги штамм асосан болалар ва йошларда учрамоқда. Бундан ташқари, коронавирусга қарши вакциналарни касалликнинг янги штамларига мослаштириб бориш мумкинлиги қайд этилди.
Қорақалпоғистон Жўқорғи Кенгеси раиси Мурат Камалов Тошкент шаҳар ҳокими Жаҳонгир Ортиқхўжаевга Нукусда ўрнатилган янги йил арчаси учун миннатдорчилик билдирди.
Намагандаги кафелардан бирида 21 ёшли фуқаро атрофдагиларни тинчини бузиб, ўткир кесувчи жисм билан 24 ёшли фуқарони оғир жароҳатлади. Ҳозирда унга нисбатан жиноят иши қўзғатилиб, «қамоққа олиш» тарзидаги эҳтиёт чораси қўлланилган.
Истеъмолчилар ҳуқуқларини ҳимоя қилиш агентлиги Ucell алоқа оператори томонидан Al-Chiroq акцияси доирасида 337,9 мингдан зиёд абонент ҳисобидан кўрсатилмаган хизмат учун пул ечиб олинганини аниқлади. Пуллар эгаларига қайтарилди.
Telegram’да фаол фойдаланувчилар сони 500 миллионга яқинлашмоқда. Фойдаланувчилар сони билан бирга компания ҳаражатлари ҳам ошаётгани сабаб, Павел Дуров 2021 йилдан бошлаб Telegram’ни тижоратлаштиришини маълум қилди.
«Ўзбекистон тарихида бир йилда бунча компенсация тўлаб берилмаган». Бу йили «снос"лар бўйича ер ёки пул кўринишига тўловлар 700−800 млрд сўмни ташкил этди, дея маълум қилди Тошкент ҳокими Жаҳонгир Ортиқхўжаев. У 2021 йил сўнггига қадар барча бузилишлар бўйича қарзларни тўлашга ваъда берди.
Ҳиротда жойлашган Алишер Навоий мақбарасининг қайта таъмирланиши ва ободонлаштирилишида Ўзбекистон Афғонистонга ёрдам беради.
Уй-жой коммунал хизмат кўрсатиш вазирига хорижлик мутахассис Оливье Норман маслаҳатчи этиб тайинланди. У қишлоқ аҳоли пунктларини ичимлик суви билан таъминлаш лойиҳаларини шакллантириш масалаларида вазирлик масъул ходимларига кўмаклашади.
Ўзбекистонлик теннисчи Темур Исмоилов келишилган учрашувларда қатнашганлиги учун 12 минг долларга жаримага тортилди ва 7 йилга дисквалификация қилинди.
«Россия темир йўллари» компанияси Ўзбекистон ва Тожикистондан келтириладиган мева ва сабзовот маҳсулотларини ташишда 50% лик чегирма жорий қилди. 2021 йил давомида тўлиқ амалда бўлади.
Тошкентда 47 йўналишдаги Mercedes-Benz русумли автобуснинг двигателида ёнғин юзага келди. Жабрланганлар йўқ.
Эквадорда COVID-19 нинг янги турлари қайд этилди. Олимларнинг айтишига кўра, уларнинг Буюк Британиядаги коронавируснинг янги штамми билан алоқаси йўқ.
Испаниянинг Балеар университетида Тошкент давлат стоматология институтининг филиали ташкил этилади. Келишувга кўра, ҳар иккала олий таълим муассасаси томонидан йилига 30 нафар педагоглар жалб этилади.
Ўзбекистон, Жаҳон банки, Masdar компанияси (БАА) ва Осиё тараққиёт банки 100 МВт кучга эга бўлган Ўзбекистондаги илк қуёш электростанциясини молиялаштириш бўйича кредит ва суғурта шартномаларини имзолашди. Навоидан 35 узоқликда жойлашадиган станция 2021 йилдан бошлаб «Миллий электр тармоқлари» га электр энергиясини етказиб беради.
Сурхондарё вилоятининг Шеробод туманида маҳаллалардан бирининг имом вакили жомеъ масжиди биноси ичида масжид котибини пичоқлади. Котиб шифохона йўлида вафот этди.
Қўшимча имкониятларга эга булиш учун сайтда рўйхатдан ўтинг