Йил бошидан буён ўзбек корхоналари 6,1 млрд долларлик маҳсулотларни экспорт қилди, бироқ глобал бозорда талаб ва таклифнинг пасайиши қайд этилмоқда. Президент пандемиянинг ташқи иқтисодий фаолиятга салбий таъсирини камайтириш бўйича топшириқлар берди. Ушбу чоралар ҳисобига экспорт йил якунлари бўйича 17,1 млрд долларга етиши мумкин.
Andeli электр техник жиҳозларининг Ўзбекистондаги расмий диллери ҳисобланган Stab.uz интернет дўкони ўз мижозларига 30 та тоифадаги 1500 дан ошиқ маҳсулот билан танишиш, осонгина сотиб олиш ва уйгача етказиб бериш имкониятини яратади. Харидор нафақат қулай нарх ва сифат, балки расмий кафолатга ҳам эга бўлади.
«Ўзбекистон 24» телеканали Янгийўл туман ИИБ ходими 10 минг доллар, СамДУ катта ўқитувчиси ва ходими 6000 доллар ҳамда СамДЧУ ўқитувчиси 2000 доллар пора олаётганда ушлангани ҳақида хабар қилди.
ЎзФА Ўсимлик моддалари кимёси институти олимлари коронавирус РНКсини тез ва арзонга ажратиш усулини топгани маълум қилинди.
Project Hope ижтимоий ёрдам ташкилоти Ўзбекистонга шахсий ҳимоя воситалари, коронавирусни аниқлаш тестлари ва 600 минг долларлик миқдорда тиббиёт жиҳозлари юборди.
Навоийлик тиббиёт ходимининг президентга мурожаатидан кейин олиб борилган ўрганишларда у фаолият кўрсатаётган шифохонада айрим ходимларнинг коронавирусга чалингани тасдиқланди.
Инвестициялар ва ташқи савдо вазирининг маслаҳатчиси, 2001−2009 йилларда Ўзбекистоннинг Япониядаги элчиси бўлиб фаолият олиб борган Мирсобит Очилов вафот этди.
«Сергели» автомобиль бозорини Тошкент вилоятига кўчириб, унинг ҳудудида Car Box Service автомобилларга хизмат кўрсатиш лойиҳасини амалга ошириш режалаштирилмоқда.
Самарқанд туманидаги М-39 автомобиль йўлида MAN юк автомашинаси ва Malibu енгил автомашинаси тўқнашуви натижасида Malibu автомашинасининг 3 нафар йўловчиси вафот этди. Ҳолат юзасидан жиноят иши қўзғатилган.
Коронавирус беморлари сони 121 нафарга ортиб, жами 9199 кишини ташкил этмоқда. Янги ҳолатларининг 69 нафари Сурхондарё вилоятида, 48 нафари Тошкент шаҳрида ва 4 нафари Тошкент вилоятида қайд этилди. Шундан 19 нафари аҳоли орасида аниқланди.
COVID-19 беморлари билан алоқада бўлган ёки бирга яшаб келган ўзбекистонлик меҳнат мигрантлари Москвада касаллик ва инфекцияга қарши антитаначалар мавжудлигини бепул текшириш имкониятига эга бўладилар. Касалланганларни даволашади, соғломларига эса иш жойига қайтиш учун расмий тиббий маълумотнома берилади.
2 июль куни Ўзбекистонда 297 та коронавирус ҳолати аниқланиб, умумий кўрсаткич 9078 тага етди. Кунлик ўсиш борасида янги рекорд қайд этилди.
Жаҳон банки иштирокида COVID-19 инфекциясига қарши шошилинч чоралар кўриш лойиҳаси амалга оширилади. Бунинг учун, банк томонидан 95 млн АҚШ доллари миқдорида қарз ажратилиб, бу маблағларга соғлиқни сақлаш тизимини мустаҳкамлаш ҳамда кам таъминланган оилалар ва ишсизларга вақтинчалик нафақалар бериш кўзда тутилган.
Монополияга қарши курашиш қўмитаси хорижда ишлаб чиқарилган товарлар учун истеъмол кредитлари беришни, шу билан бирга, кредитнинг ўзини нақд ва хорижий валютада берилишини таклиф қилди.
Россия-Қозоғистон чегарасида яна Ўзбекистон фуқароларининг тўпланиши кузатилмоқда, дея хабар беради ТИВ. Мазкур вазият тўғрисидаги маълумотлар Махсус комиссияга тақдим этилди. ТИВ Россияда бўлиб турган фуқаролардан Россия-Қозоғистон давлатлараро чегарасини кесиб ўтиш пунктларига боришга уринмасликни ва ҳозирда бўлиб турган жойларида қолишларини сўради.
Коронавирус ҳолатлари 92 тага кўпайиб, жами 8996 нафарга етди. Янги ҳолатларнинг 53 нафари аҳоли орасида қайд этилди. Кун давомида мамлакатда 215 та янги COVID-19 ҳолати тасдиқланди.
Бухоро вилоятининг Пешкў туманида Cobalt автомобили ва юк машинасининг тўқнашуви оқибатида уч киши воқеа жойида вафот этган.
Сардор Абдуллаев Тошкент шаҳар ҳокимининг ахборот технологияларини жорий этиш бўйича ўринбосари этиб тайинланди.
Microsoft компанияси LinkedIn Learning, Microsoft Learn ва GitHub Learning Lab платформаларининг ўқув материалларини бепул тақдим этди. Ушбу лойиҳа билан 2020 йил охиригача 25 млн кишига янги касбни ўзлаштиришда ёрдам бериш режалаштирилган. Ўқув курслари 2021 йил март ойининг охиригача бепул бўлади.
Қозоғистоннинг биринчи президенти Нурсултон Назарбоев коронавирусдан тузалди. Унинг коронавирус инфекциясига топширган тести манфий натижа бергани ҳақида маълум қилинди.
Қўшимча имкониятларга эга булиш учун сайтда рўйхатдан ўтинг