БМТТД Ўзбекистон маҳаллаларига 100 та ноутбук топширди
БМТТД Япония ҳукуматининг молиявий кўмаги билан маҳалла қўмиталари учун 100 та ноутбук ва роутерларни тақдим этди. Ускуналар маҳаллий давлат ҳокимияти органлари ходимларига электрон ҳужжат айланиши тизимида ишлашга имкон беради ва шу билан фуқароларга давлат хизматларини кўрсатишни тезлаштиради.
Тошкент вилоятида Фармацевтика техник университети очилади
Қибрай туманида фармацевтика кластери доирасида Фармацевтика техник университети ташкил этилади. Университет дори воситалари, тиббий буюмлар ва тиббий техника ишлаб чиқаришга ихтисослашади. Бундан ташқари, Қибрай туманида муассасаниниг таркиби, ходимлар сонини тасдиқлайдиган Кластер дирекцияси ташкил этилди.
Тошкентда вафот этган беморнинг қариндошлари шифокорларни дўппослашди
4-сон шаҳар клиник шифохонасида вафот этган 52 ёшли беморнинг фарзандлари шифокорларни дўппослаган. Тиббий ходимларнинг аҳволи оғир деб белгиланмоқда. Соғлиқни сақлаш вазирлиги ушбу ҳолат юзасидан ҳуқуқни муҳофаза қилувчи органларга мурожаат йўллаган.
Ўзбекистонда ҳавонинг кескин совиши, ёмғир ва қор ёғиши кутилмоқда
23 февралдан бошлаб Ўзбекистонга совуқ ва нам ҳаво массаси кириб келади. 25−26 февраль кунлари ҳаво ҳарорати кечаси −7… −12, кундузлари −2… −7 даражагача пасайиши кутилмоқда. Қорақалпоғистонда ҳарорат кечаси −17… −22 гача, кундузи −10… −15 гача, Хоразмда кечаси −12… −17 гача кундузи −5… −10 даражагача пасаяди.
Франция компанияси Ўзбекистондаги сув таъминотини ривожлантиришга кўмаклашади
Франциянинг «SUEZ» компанияси Тошкент ва Самарқанд шаҳарларида сув таъминоти тизимларини такомиллаштириш учун лойиҳаларни амалга оширади. Франция томонидан Тошкент шаҳрида сув таъминоти тизимини яхшилаш лойиҳасини амалга ошириш учун 145 млн евро ажратилади. Бундан ташқари, Қорақалпоғистон Республикаси, Бухоро ва Қашқадарёдаги умумтаълим мактабларини ичимлик суви билан таъминлаш бўйича ишлар йўлга қўйилади.
«Энг маъқулини, халқимизга фойдаси кўпроқ вакцинани сотиб оламиз» — президент
Шавкат Мирзиёев Ўзбекистон аҳолиси учун коронавирусга қарши вакцинани харид қилиш чоралари кўрилаётганини маълум қилди. «Энг маъқулини топамиз. Бизнинг иқлимимизга мос, халқимизга фойдаси кўпроқ бўладиган вакцинани сотиб оламиз», деди президент.
«Сизларга қўшни бўламан». Наманган вилояти ҳокими президент борган маҳаллада яшашини айтди
Наманган вилояти ҳокими Шавкат Абдуразоқов президент режалаштирилмаган тарзда борган «Бунёдкор» маҳалласида муаммолар ўз ечимини топгунига қадар яшашини айтди. «Бугун шу ерга контейнер ўрнайди ва унга „вилоят ҳокимининг уйи“ деб ёзиб қўйилади», — деди ҳоким. Бошқа ҳудудлардаги муаммолар ҳам шу тарзда ҳал этилиши маълум қилинди.
Ўзбекистонда сунъий интеллект ёрдамида кўкрак бези саратонига ташхис қўйилади
Президент қарори билан Ўзбекистонда яқин икки йил ичида сунъий интеллектдан соғлиқни сақлаш соҳасида, жумладан, аёлларда кўкрак бези саратонига ташхис қўйишда фодаланиш кўзда тутилмоқда. Қолаверса, пневмонияни аниқлашда қўллаш ҳам режада бор.
Шавкат Мирзиёев БМТнинг Инсон ҳуқуқлари бўйича кенгаши йиғилишида иштирок этади
Ўзбекистон президенти БМТнинг Инсон ҳуқуқлари бўйича кенгаши йиғилишида нутқ сўзлайди. Шавкат Мирзиёев мамлакатда демократик янгиланишларни чуқурлаштиришнинг устувор йўналишлари ҳамда Инсон ҳуқуқлари бўйича кенгаш доирасидаги ишларнинг асосий вазифаларига тўхталиб ўтади.
Самарқандда камбағалликни қисқартириш учун депутатларга 50 млн сўмдан ажратилади
Самарқанд вилояти кенгаши депутатларига аҳоли муаммоларини ҳал қилиш учун 3 млрд сўм ажратилади. Ҳар битта депутат 50 млн сўмдан маблағни камбағалликни қисқартиришга йўналтиради. Шунингдек, вилоятда аҳолини касб-ҳунарга ўқитиш учун 10 миллиард сўм ажратилади.
Фарғонадаги ЙТҲда бир ёшли қизча ҳалок бўлди
Фарғона вилоятида Matiz автомашинасининг дарахтга бориб урилиши оқибатида 1 ёшли қизча ҳалок бўлди. Машина ҳайдовчиси ва икки нафар йўловчиси тан жароҳатлари билан шифохонага ётқизилган.
Нима тайёрлаймиз: хушбўй иссиқ ичимликлар
Ушбу мавсумнинг энг хушбўй ва роҳатбахш ичимликлари Zira.uz тайёрлаб қўйган рўйхатда сизни кутмоқда.
Жаҳон янгиликлари дайжести
НAТОнинг Ироқдаги контингентини саккиз баравар ошириши, Туркиянинг март ойидан бошлаб карантин чекловларини сусайтириши, БМТнинг атроф-муҳит дастури бўйича янги ҳисоботи ва бошқа янгиликлар — «Газета.uz»нинг жаҳон янгиликлари дайжестида.
«Бу сизнинг юзингиз». Президент ИИБ таянч пункти аҳволи учун ҳоким ва прокурорни танқид қилди
Шавкат Мирзиёев Наманган шаҳри ҳокими ва прокурорини «Бунёдкор» маҳалласининг ҳолати учун танқид қилди. «Бу сизнинг юзингиз», — деди у, ИИБ таянч пунктининг оқланмаган деворларини кўрсатиб.
Президент режалаштирилмаган тарзда «Бунёдкор» маҳалласига ташриф буюрди
Наманган вилоятида бўлиб турган президент Шавкат Мирзиёев ёшлар кутубхонасига ташриф буюриш ўрнига, режалаштирилмаган тарзда Наманган марказидан 18 км узоқликда бўлган «Бунёдкор» маҳалласига йўл олди. Президент у ерда маҳаллий аҳоли билан суҳбатлашди.
«Наманганга ўттиз йиллик тарихда бунча маблағ келмаган» — Шавкат Мирзиёев
Шавкат Мирзиёев Наманган вилоятига 2021−2022 йилларда умумий қиймати 23 трлн 700 млрд сўмлик инвестиция лойиҳалари амалга оширилиши ҳақида маълум қилди. Бундан ташқари, Наманган шаҳри инфратузилмасини яхшилашга, лойиҳаларни молиялаштириш ва лимончиликни ривожлантиришга 60 млн доллар ажратилади. «Агар шуни тўғри, самарали йўналтириб ишлатсак, вилоятнинг иқтисодиёти жадал ривожланади, ҳамма туманларга саноат кириб боради, одамлар ишли бўлади», — деди президент.
Самарқандда ҳаракатланиб кетаётган поезд 44 ёшли эркакни уриб юборди, у вафот этди
Самарқанд вилоятида темир йўлни белгиланмаган жойидан кесиб ўтаётган 44 ёшли эркакни поезд уриб юборди. Олган жароҳатлар оқибатида фуқаро воқеа жойида вафот этган.
2020 йилда йўл-транспорт ҳодисалари оқибатида 1962 киши ҳалок бўлган
Ўзбекистонда 2020 йилда 6982 та ЙТҲлар содир бўлгани қайд этилди. ЙТҲлар оқибатида вафот этганлар сони эса 1962 нафар кишини ташкил этди.
«Улар топшириқларимни муҳокама қилмасди» — президент Хайрулла Бозоров ва Ўктам Барноев ҳақида
Президент Фарғона вилояти ҳокими Хайрулла Бозоров ва бош вазирнинг собиқ ўринбосари, марҳум Ўктам Барноевни ҳудудлар ривожланишига қўшган ҳиссаси учун мақтади. Шавкат Мирзиёевнинг сўзларига кўра, улар президентнинг топшириғини «вақтида» ва «муҳокама қилмасдан» бажаришарди.
Ўзбекистонда «Nike» ва «Adidas» кроссовкалари ишлаб чиқарилади
2021 йилдан бошлаб Ўзбекистонда «Nike» ва «Adidas» бренди остида кроссовкалар ишлаб чиқарилади. Лойиҳа 2022 йил 3-чорагида тўлиқ қувватда ишга тушиши режалаштирилган бўлиб, заводда йилига жами 3 млн жуфт спорт пойабзали ишлаб чиқарилиши кутилмоқда.
Қўшимча имкониятлардан фойдаланиш учун сайтда рўйхатдан ўтинг