Самарқандда фуқароларни қўрқитиб, пул ундиришда айбланган аёл ва спортчилар ушланди
Жомбой туманида фуқароларни қўрқитиб, яланғоч ҳолатда тасвирга тушириш ва улардан пул ундириш билан шуғуллангани айтилган аёл ва спортчилар ушланди. Самарқанд ИИБ улар бир йигитни шантаж қилиб, 1500 доллар олаётганда қўлга тушганини маълум қилди.
Ўзбекистонда 11 март куни умумхалқ хайрия ҳашари ўтказилади
Ҳукумат фармойиши билан Ўзбекистонда 11 март, шанба куни умумхалқ хайрия ҳашари ўтказилади.
АҚШ Россияга қарши санкцияларни четлаб ўтувчи белгиларни санади. Улар орасида Ўзбекистон орқали товарлар етказиш ҳам бор
АҚШ Россияга қарши санкцияларни четлаб ўтишга қарши курашишда тавсиялар бериб, шубҳали ўтказмаларга эътиборли бўлишга чақирди. Товарларни қатор давлатлар, хусусан, Ўзбекистон орқали етказиш, харидорнинг маҳсулотдан якуний фойдаланиш бўйича маълумотларни тақдим қилмаслиги ва бошқалар санаб ўтилган.
Элнур Абдураимов мексикалик боксчига қарши жангда жароҳат сабаб муддатидан аввал мағлуб бўлди
Мексикада ўтган бокс оқшомида ўзбекистонлик Элнур Абдураимовнинг мезбон боксчига қарши жанги олган жароҳати сабаб муддатидан аввал тугатилди. Бу унинг профессионал боксдаги илк мағлубияти бўлди.
Тошкентда ҳуқуқ-тартибот идоралари ходимлари ўнлаб ўсмирларни «профилактик суҳбат» учун олиб кетди
Ижтимоий тармоқларда Тошкентда ўнлаб ўсмирларнинг ҳибсга олингани муҳокама қилинмоқда. Улар ИИБга «профилактик суҳбат учун» олиб кетилган. Ҳуқуқ-тартибот идораларининг айтишича, Форумлар саройи яқинида «Рёдан» тарафдорларининг чақирувлари сабаб 50 нафар ўсмир йиғилган.
Автомактаб ўқитувчилари ИИВ академиясида малака оширади
Эндиликда автомактаб ўқитувчи ва ҳайдовчи-йўриқчилари ҳар 3 йилда Ички ишлар вазирлиги Академиясида қайта тайёрланади ва малакасини оширади. Ҳайдовчи-йўриқчилар учун малака ошириш курси 1 млн 350 минг сўм, ўқитувчиларни қайта тайёрлаш курси 1,2 млн сўм, малака ошириш курси эса 2,1 млн сўм бўлади.
Фото: ИИВ марафони Ўзбекистонда кўчалар қанчалик хавфли эканини кўрсатди
ИИВ Жамоат хавфсизлиги департаменти Ўзбекистон бўйлаб «Хавфсиз ҳаёт учун» вело ва пиёда юриш марафонини ўтказди. Иштирокчилар «Хавфсиз йўллар тарафдоримиз», «Умр тезликдан муҳим», «Йўлларда болаларни асранг», «Стоп безорилик», «Коррупцияга қаршимиз» каби плакатларни кўтариб чиқди.
Байрам куни ёмғирли ҳаво бўлади, ҳафта эса иссиқ бўлиши кутилмоқда
7 мартдан Туркманистондан қуруқ ва жуда илиқ ҳаво кириб келади. Кундузи ҳарорат +28 даражагача, жанубда ва чўл ҳудудларда +30 даражагача кўтарилади. Бироқ 8 ва 10 мартда республика бўйича баъзи жойларда ёмғир ёғади.
Карлар ўртасидаги Осиё чемпионатида ўзбекистонлик таэквондочилар 14 та медаль олди
Қирғизистонда илк бор ўтаётган қарлар ўртасидаги Осиё чемпионатида Ўзбекистондан фақат таэквондочилар иштирок этди. Улар мусобақада 14 та медаль — 3 та олтин, 2 та кумуш, 9 та бронза жамғарди.
Самарқанддаги ёпилаётган кутубхона китоблари макулатурага топширилмайди, ходимлар иш ўрни ҳам сақлаб қолинади
Булунғур туманидаги 74 йиллик кутубхона ёпилиб, бино аукционда сотиб юборилгани ва ходимлар ишсиз қолгани ҳақида хабар тарқалганди. Самарқанд давлат архитектура ва қурилиш университети бино эскиргани учун ёпилиши, китоблар макулатурага топширилмаслиги ва ходимлар ишсиз қолмаслигини билдирди.
Мудофаа вазирлигининг тиббий отряди Туркиядан қайтди
Туркияда 24 кун давомида зилзила оқибатларини бартараф этишда иштирок этган Мудофаа вазирлигининг ҳарбий хизматчилари Тошкентга қайтди. Улар жами 3860 нафар фуқарога тиббий ёрдам кўрсатган.
Тошкент ва Самарқандда умумий қуввати 1 400 МВт бўлган иккита қуёш фотоэлектр станцияси қурилади
Тошкент ва Самарқанд вилоятларида умумий қуввати 1 400 МВт бўлган иккита қуёш фотоэлектр станцияси, Тошкент, Бухоро ҳамда Самарқанд вилоятларида умумий қуввати 1 200 МВт бўлган учта энергия сақлаш тизимлари қурилади.
Банкларда долларнинг сотиш ва сотиб олиш курси яна кўтарилди
Тижорат банклари 6 март куни аҳолидан 1 АҚШ долларини 11 320 — 11 365 сўмдан сотиб олмоқда, сотиш курси эса 11 380 — 11 430 сўм.
Блогер Фарҳод Манноповнинг вафоти бўйича жиноят иши қўзғатилди
Блогер Фарҳод Маннопов (MittiVine)нинг вафот этгани юзасидан Жиноят кодексининг 116-моддаси (Касб юзасидан ўз вазифаларини лозим даражада бажармаслик) билан жиноят иши қўзғатилди.
Ўзбекистонлик дзюдочилар «Катта дубулға» турнирини иккинчи ўринда якунлади
Тошкент шаҳрида ўтказилган дзюдо бўйича «Катта дубулға» турнирини Ўзбекистон терма жамоаси 3 та олтин, 1 та кумуш ва 4 та бронза медали билан иккинчи ўринда якунлади.
Қашқадарёда чойхонада ўтирган ИИО ходимини тасвирга олган фуқаролар 15 суткага қамалди
Шаҳрисабзда дам олиш куни чойхонада ўтирган ИИО ходими ёнига келиб, уни рухсатсиз тасвирга олган ва ижтимоий тармоқларда тарқатган 5 нафар эркак 15 суткага қамалди.
Фарҳод Маннопов вафоти бўйича шифокорларга хизмат текшируви тайинланди
Блогер Фарҳод Маннопов вафоти бўйича шифокорларнинг хатти-ҳаракатлари юзасидан хизмат текшируви тайинланди. Бош прокуратура ҳолат юзасидан жиноят иши қўзғатилгани ва шифокорлар қамоққа олингани ҳақидаги хабарларни рад этди.
Сирдарё вилоятида эркак коллеж ҳудудида хотини ва ўзини пичоқлаб ўлдирди
Янгиер шаҳрида эркак коллеж ҳовлисида ўзи ва хотинини пичоқлаб ўлдирди. Воқеага оилавий келишмовчилик сабаб бўлгани айтилмоқда. Ҳолат юзасидан жиноят иши қўзғатилди.
Қашқадарёда ҳокимлик биноси олдига мол ҳайдаб борган фуқаро етти суткага қамалди
Ғузор туманида фуқаро акаси терговга жалб қилинганига норозилик сифатида чорва молларини туман ҳокимлиги биноси олдига ҳайдаб борди. Суд қарори билан у 7 суткага қамалди.
Журналист Шуҳрат Деҳқонов 52 ёшида вафот этди
«Нуроний» газетаси бош муҳаррири, журналист Шуҳрат Деҳқонов 52 ёшида вафот этди. Унинг ўлимига давомли қанд касаллиги сабаб бўлгани айтилмоқда.
Қўшимча имкониятлардан фойдаланиш учун сайтда рўйхатдан ўтинг