Паралимпия ўйинлари: 8-кунда Ўзбекистондан 9 нафар спортчи қатнашади
Паралимпия ўйинларининг саккизинчи кунида Ўзбекистон делегациясининг 9 нафар аъзоси спортнинг 4 та тури бўйича иштирок этади. Тақвим.
Ўзбекистонда давлат тиббий суғуртаси тизими қачондан жорий этилиши маълум қилинди
Давлат тиббий суғуртаси тизимини 2024 йил 1 октябрдан бошлаб Тошкент шаҳри ва Сирдарё вилоятида, 2025 йил 1 январдан Қорақалпоғистон Республикасида жорий этиш таклиф этилмоқда. Бошқа ҳудудларда эса 2026 йил якунига қадар йўлга қўйиш режалаштирилган.
Фарғонада UzAuto Motors автотрейлери ЙТҲга учради (видео)
Фарғона вилоятида UzAuto Motors автотрейлери ҳайдовчининг бошқарувни йўқотиши оқибатида йўлдан чиқиб кетди. Компания 8 та Cobalt зарар кўргани, жароҳатланганлар йўқлигини маълум қилди.
Тошкент метросида поезддаги носозлик туфайли қатнов графиги бузилди
Тошкент метрополитенининг Чилонзор йўлидаги «Халқлар дўстлиги» бекатида поездда носозлик юзага келгани сабабли ҳар икки йўналишда ярим соатга яқин ҳаракат тўхтаб қолди.
Бразилия суди Х’ни блоклашни буюрди, Starlink ижтимоий тармоққа киришни чеклашга рози бўлди
Бразилия Олий суди Х’га (Twitter) киришни чеклашга қарор қилди ва блокни четлаб ўтганлик учун жарималар жорий қилди. Бунга ижтимоий тармоқ эгаси Илон Маск мамлакатда қонуний вакил тайинлашдан бош тортгани сабаб бўлди. Миллиардерга тегишли Starlink тортишувлардан сўнг тармоқни блоклашга рози бўлди.
Тошкент вилоятида Jetour сув тақсимлаш иншоотига тушиб кетди
Тошкент вилояти Бўстонлиқ туманида Jetour автомобили кўприкдан ўтаётиб Ғазалкент сув тақсимлаш иншоотига тушиб кетди. ФВВ қутқарувчилари махсус техника ёрдамида автомобилни сувдан олиб чиқди. Ҳайдовчи жароҳатланмади.
Боғчалар, мактаблар, шифохоналар, аэропортлар. 2024−2030 йиллар учун ДХШ лойиҳалари рўйхати
Президент 2024−2030 йилларда давлат-хусусий шерикликни ривожлантириш чора-тадбирлари тўғрисидаги қарорни имзолади. Лойиҳалар орасида мактаблар, шифохоналар қуриш, аэропортларни модернизация қилиш ва уларни бошқарувга ўтказиш, ичимлик суви таъминоти, канализация тизимини яхшилаш ва бошқалар бор.
Мактабларнинг бўш ерларида ДХШ асосида боғча қуришга рухсат бериш режалаштирилмоқда
Президентга олиб кирилган тақдимотга кўра, мактабгача таълим қамровини кенгайтириш учун мактабларнинг бўш ерларида ДХШ асосида боғча қуришга рухсат бериш, «Боланинг ривожланиш харитаси»ни юритиш, шунингдек, олимпиада ғолиблари мукофотларини даромад солиғидан озод этиш режалаштирилмоқда.
Самарқандда бир туп терак кесган фуқаро 9 млн сўм жаримага тортилди
Самарқанднинг Пахтачи туманида маҳалласидаги бир туп терак дарахтини ўзбошимчалик билан кесиб ташлаган фуқаро 8,5 млн сўм жарима ва 680 минг зарарни тўлайдиган бўлди.
Шавкат Мирзиёев «Тошкент-Шарқий» аэропорти қурилишини яна бориб кўрди. У келаси йил очилиши мумкин
Президент қарийб 7 йилдан бери қайта қурилаётган «Тошкент-Шарқий» аэропорти қурилиши билан танишди. У терминалларнинг ташқи кўриниши ва интерьери, инфратузилмаси бўйича кўрсатмалар берди. Манбаларга кўра, аэропорт келгуси йилда очилиши мумкин. Фото.
Россияда марказий осиёлик мигрантларга фуқаролик беришга вақтинчалик мораторий жорий этиш таклиф қилинмоқда
РФ давлат думасининг «Адолатли Россия — Ҳақиқат учун» фракцияси раҳбари Сергей Миронов «Марказий Осиё давлатлари» аҳолисига РФ фуқаролигини беришга 2026 йилгача мораторий жорий этишни таклиф қилди. Унинг фикрича, «гастербайтерларни оммавий паспортлаштириш коррупционерлар мафияси учунгина фойдали».
Тошкентда мусиқа фестивали ўтказилиши сабаб бир қатор кўчалар машиналар учун ёпилади
Тошкент шаҳрида 6−8 сентябрь кунлари йирик мусиқа фестивали бўлиб ўтади, шу сабабли Миллий кутубхона ва Hyatt меҳмонхонаси атрофидаги 3 та кўчанинг айрим қисмлари машиналар ҳаракати учун ёпилади.
«Қонунчилигимизда совет мафкураси, даври ва рамзларини тарғиб қилиш тақиқланиши лозим» — Алишер Қодиров
«Миллий тикланиш» партияси етакчиси Алишер Қодиров СССРни тиклашни тарғиб қилган самарқандлик пенсионерни жиноий жавобгарликка тортиш ҳақидаги суд қарорини қўллаб-қувватлади. Депутатнинг фикрича, Ўзбекистон қонунчилигида совет мафкураси, даври ва рамзларини тарғиб қилиш тақиқланиши керак.
Ўринбосарларини ҳақоратлаган Қўшработ ҳокимига ҳайфсан берилди
Қўшработ тумани ҳокими Дилшод Шакарбоев қурилиш ва камбағаллик бўйича ўринбосарларини турли ҳақоратли сўзлар билан сўкди. Самарқанд вилояти ҳокими фармойиши билан унга ҳайфсан жазоси берилди. Бу — унинг иккинчи ҳайфсани.
АҚШ ҲАМАС етакчиларига 7 октябрь куни Исроилга уюштирилган ҳужум бўйича айблов қўйди
АҚШ ҳукумати ҲАМАС етакчиси Яҳё Синвар ва гуруҳнинг қатор раҳбарларига 2023 йил 7 октябрь куни Исроилга қилинган ҳужум муносабати билан расман жиноий айбловларни эълон қилди.
Тошкентнинг қатор ҳудудларида иссиқ сув вақтинча ўчирилади — рўйхат
Тошкентнинг қатор ҳудудларида сентябрь-октябрь ойларида вақтинча иссиқ сув бўлмайди. Veolia Energy Tashkent`нинг билдиришича, бу пайтда эскирган коммуникациялар алмаштирилади ва иссиқлик таъминоти ишончлилигини оширадиган бошқа ишлар бажарилади. Рўйхат.
Қашқадарёда солиқ ходимлари мактабдаги 2-синф ўқувчилари орқали ота-оналарига эслатма-хат йўллади
Нишон туманидаги 14-мактабда солиқчилар 2-синф ўқувчиларига мол-мулк ва ер солиқларини тўлаш ҳақида эслатма-хат тарқатиб, уни ота-оналарига етказишларини сўради. Болалар омбудсмани бола манфаатлари бузилишига оид ушбу ҳолатни ўрганаётганини, Солиқ қўмитаси хизмат текшируви тайинланганини билдирди.
Ўзбекистон кетма-кет иккинчи ой олтин сотиб олиш бўйича дунёда етакчилардан бўлиб қолмоқда
Ўзбекистон Марказий банки кетма-кет иккинчи ой дунёдаги энг йирик олтин харидорлари қаторидан жой олди. Июнь ойида мамлакат 9 тонна қимматбаҳо металл сотиб олган бўлса, июль ойида кўрсаткич 9,6 тонна бўлди.
Тошкент-Самарқанд ва Тошкент-Андижон пулли йўллари қурилишининг саналари ва нархлари тасдиқланди
Тошкент-Самарқанд пулли йўлини қуриш ишлари 2024 йилда бошланади. Тошкент-Андижон пулли йўлини қуриш эса 2026 йилда бошлаш режалаштирилган.
Паралимпиада 2024: Сервер Ибрагимов ўқ отиш бўйича кумуш медаль олди
Паралимпиячи Сервер Ибрагимов 50 метрга тўппончадан отиш баҳсларида кумуш медали соҳибига айланди. У Рио-2016 ёзги Паралимпия ўйинларида бронза медални қўлга киритганди.
Қўшимча имкониятлардан фойдаланиш учун сайтда рўйхатдан ўтинг