Жума куни пойтахтнинг Яшнобод, Юнусобод ва Чилонзор туманларидаги айрим ҳудудларда электр таъминоти вақтинча тўхтатилади.
Россияда бўлган эрига жаҳл қилиб, боласини қийнаганини тасвирга олган ва турмуш ўртоғига юборган каттақўрғонлик аёл жазога тортилди. 23 ёшли она судда бу ишни эрини қўрқитиш мақсадида қилганини айтди. Суд ҳукмига кўра, судланувчи аёл 7,5 млн сўм жарима тўлайдиган бўлди.
Uzbekistan’s club нодавлат нотижорат ташкилоти Адлия вазирлигида давлат рўйхатидан ўтказилди. ННТнинг асосий мақсади халқаро миқёсда муваффақиятларга эришган, Ўзбекистон тараққиётига ҳисса қўшган ўзбекистонликлар билан ишлаш.
Мирзо Улуғбек туманида Isuzu автобуси билан тўқнашган Lacetti ҳайдовчиси ҳалок бўлди.
Тошкентда ҳимоя ордери талабларини бузиб, жаримага тортилган АҚШ фуқароси, Наманганда ЖҚБ собиқ бошлиғига қийноқ учун енгил жазо тайинлангани, ёниб кетган Қўқон бозори ҳақида гапирган Шавкат Мирзиёев, эски банкнот ва тангаларни алмаштириш тиклангани ва бошқалар — «Газета.uz»нинг кун дайжестида.
Uzbekistan Airways Чехиянинг LET L-410-E20 енгил самолётларини харид қилиш бўйича шартнома имзолади. Улардан Ўзбекистонда ички йўналишларда фойдаланиш режалаштирилган.
Жаҳон банки 2023 йилда пул ўтказмалари ўсиши секинлашишини башорат қилмоқда. Бу, айниқса, Европа ва Марказий Осиёда яққол сезилади, деб ҳисоблайди экспертлар.
15 июндан 15 сентябрга қадар «Ўзмиллийбанк»дан Solfy тўлов картаси билан Baraka Market`да харидларни амалга ошириб, Таиландга саёҳат ва бошқа қимматли совғаларни ютиб олиш имконияти мавжуд.
Наманган вилояти ИИБ Жиноят қидирув бўлими бошлиғи Умид Рауповга тергов изоляторида сақланаётган шахсни қийноққа солгани учун уч йил муддатга озодлик чеклаш жазоси тайинланди. Суд жабрланувчининг даъволари йўқлиги ҳамда судланувчининг айбига қисман иқрорлигини инобатга олиб, жазони енгиллаштирди.
ССВ маълум қилишича, «Анҳор — Локомотив» кўнгилочар боғида аттракциондан йиғилган икки фуқаронинг ҳолати ўрта оғир даражада. Ҳолат юзасидан жиноят иши қўзғатилди.
Қўшкўпир туманида 83 туп ҳар хил катталикдаги дарахтни қўпорган ва 3 туп дарахтга шикаст етказган ферма раисининг озодлиги 2 йилга чекланди. Шунингдек, 193,8 млн сўм миқдорида ўсимлик дунёсига етказилган зарарни ҳам қоплаши белгиланди.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси Click тўлов ташкилоти Uzum компаниялар гуруҳи билан бирлашув битимига олдиндан розилик олиш бўйича мурожаат қилмаганини ва компаниялар бирлашиши тўғрисида расмий битим тузилмаганини маълум қилди.
ССВ Intermed Innovation хусусий клиникаси лицензиясини суд орқали бекор қилинганини маълум қилганди. Шундан сўнг, Intermed Innovation компанияси лицензияни бекор қилиш бўйича суд жараёнини ноқонуний деб атаган эди. Вазирлик клиниканинг баёнотига нисбатан муносабат билдирди.
Мирзо Улуғбек туманидаги хонадонларнинг бирида қурилиш вақтида уйнинг бир қисми қулаб тушди, оқибатда икки яшар қизалоқ девор остида қолди. ФВВ ходимлари қизни қутқариб, шифокорга топширган.
Шавкат Мирзиёев Хитой раиси Си Цзиньпинга 70 ёшга киргани муносабати билан табрик йўллади. Шунингдек, уни Ўзбекистонга расмий ташриф билан келишга таклиф қилди.
2020 йилдан бери Ўзбекистон транспорт вазири сифатида ишлаб келаётган Илҳом Махкамов эндиликда Баскетбол федерациясига ҳам раислик қилади.
Май ойида пойтахтдаги иккиламчи кўчмас мулкнинг ўртача нархи 2,5 фоизга кўтарилиб, ўтган йилнинг шу даврига нисбатан 27 фоизга ошди. Шаҳардаги ижара нархлари эса йил бошидан бери 12,1 фоизга камайди.
Шавкат Мирзиёев ёнғиндан зарар кўрган Қўқондаги бозор бир ой ичида тўлиқ тиклаб берилишини маълум қилди. «Қўқонлик тадбиркорларимиз хотиржам бўлсин, биз ҳеч кимни ўз ҳолига ташлаб қўймаймиз», — деди президент.
Тошкентда 61 ёшли АҚШ фуқароси Максим Пенсон ҳимоя ордери талабларини бузгани ва безорилиги сабаб жаримага тортилди. У турмуш ўртоғи С.Разаковани турли сўзлар билан ҳақорат қилиб, аёлига нисбатан тазйиқ ўтказган. Суд уни 990 минг сўм жаримага тортди.
Нукусда 27 ёшли аёл кўп қаватли уйнинг 4-қаватидан қулаши оқибатида ҳалок бўлди. Аёлнинг руҳиятига ўтган йилнинг сентябрида эгизак чақалоқларидан айрилгани салбий таъсир кўрсатгани айтилмоқда.
Қўшимча имкониятларга эга булиш учун сайтда рўйхатдан ўтинг