Пара Осиё ўйинларининг 2-кунида 18 та медални қўлга киритган Ўзбекистон терма жамоаси умумий рўйхатда 4-ўринда бормоқда. Пара каноэ баҳсларида илк бор иштирок этган жамоанинг барча 6 нафар аъзоси олтин медалга сазовор бўлди.
Қозоғистон радикализм ва ҳуқуқий нигилизмнинг исталган кўринишига нисбатан муросасизлик сиёсатини давом эттиради, деди Қосим-Жомарт Тоқаев. У давлатда «қонун ва тартиб диктатураси»ни таъминлашга чақирди ва қонунга зид ҳамда барқарорликни бузувчи сўз ва ҳаракатларни «қатъий бостириш»га ваъда берди.
Қишлоқ хўжалиги вазири Азиз Воитов лавозимидан озод этилди, у 2022 йил август ойи охиридан буён вазирликни бошқариб келаётганди.
25 октябрь куни соат 10:00 дан 18:00 гача Яккасарой, Миробод, Бектемир туманларининг айрим маҳаллаларида газ ўчирилади.
Қарши туманига ташриф буюрган президент нафақат шифохона, балки мактабга ҳам режадан ташқари бориб кўрди. У ўқитувчи ва ўқувчилар билан суҳбатлашди, мактаб шароитлари, дарсликлар сифати билан қизиқди, деб хабар қилди давлат раҳбари матбуот хизмати.
Шавкат Мирзиёев Қашқадарёга сафари давомида режадан ташқари Қарши тумани тиббиёт бирлашмасига ҳам ташриф буюрди. Ҳозир муассаса аҳолини бутунлай қамраб ололмайди. «Кўрганларимдан хулоса қилиб, бу ерда янги шифохона қурамиз», — деди президент.
Шавкат Мирзиёев Қашқадарёга ташрифи чоғида уч йил аввал туман ҳокими, собиқ бош вазир ўринбосари ва собиқ қишлоқ хўжалиги вазири билан қарама-қаршиликларда банкрот ёқасига келиб қолган Sulton Tex Group корхонаси фаолияти билан танишди.
Шавкат Мирзиёев Ички ишлар органлари ходимлари куни билан соҳа вакилларини табриклаб, тизимни «чинакам халқчил тузилма»га айлантириш зарурлигини таъкидлади. Президент тизимдаги давлат хизматларининг 80 фоизи электрон шаклга ўтказилиб, бюрократия ва сарсонгарчилик бартараф этилишини билдирди.
Тошкент аэропортида Москвадан учиб келаётган самолётда маст ҳолда йўловчиларга ва борт кузатувчиларига халал берган шахс қўлга олинди. У 990 минг сўм миқдорида жарима тортилди.
Президент йўлларда одамлар ўлиб кетаётганига депутатлар бефарқ қолаётганини танқид қилганидан сўнг, халқ вакиллари «ёнишни» бошлади. Улар ЙТҲларни камайтириш учун «ГАИ» аралашувидан воз кечиш, магистралларда тезликни 80−90 км/соатга пасайтириш ва фоторадарларни кўпайтириш кабиларни таклиф қилмоқда.
Россия Давлат думаси Арманистон ҳайдовчилик гувоҳномаларини мамлакат ҳудудида тан олиниши номаълум муддатга қолдирди. Дума спикери Вячеслав Володин Арманистон бу орқали имтиёзларга эга бўлишини, лекин унинг расмийлари «рус тили мақомини мустаҳкамлаш бўйича ҳеч қандай чора кўрмаётганини» таъкидлади.
Яшнобод туманида Nexia ҳайдовчиси тартибга солинмаган пиёдалар ўтиш жойида 37 ҳафталик ҳомиладор аёлни уриб юборди. У олган жароҳатлари туфайли касалхонада вафот этди, ўлимидан аввал туққан ўғли ҳам ҳалок бўлди. Суд ҳайдовчига нисбатан уч йил синов муддати билан шартли қамоқ жазосини тайинлади.
2024 йил 1 январдан солиқ органлари тадбиркорларнинг танловига кўра, айрим солиқлар, жумладан, ҚҚС бўйича ҳисоботларни автоматик тарзда шакллантиради. Сотув чекларидаги техник хатоларни тузатиш муддатлари ҳам узайтирилмоқда.
Европа Иттифоқи ва Марказий Осиё давлатлари минтақалараро сиёсий мулоқот, савдо, энергетика ва хавфсизлик каби соҳаларда алоқаларни чуқурлаштириш бўйича йўл харитасини тасдиқлади. Томонлар, шунингдек, санкциялардан қочишга қарши курашда ҳамкорлик қилишга келишиб олди.
Шавкат Мирзиёев йиғилишда боғлар ва узумзорларнинг қаторлари орасига экин экиш масаласига тўхталиб ўтди. Илмий-тадқиқот институтлари иқлимга мос экин турлари, агротехника бўйича илмий тавсиялар бериб боради.
Kun.uz Ўзбекистон президенти маслаҳатчиси Шуҳрат Ғаниев иштирокидаги йиғилишдан лавҳани эълон қилди. У кластерлар фермерларга қараб ўтирмасдан пахта териб кетишига рухсат берди, шунингдек, бу жараёнга Ички ишлар вазирлиги ва Бош прокуратура раҳбарларининг ўринбосарларини жалб қилди.
«Док-1 Макс» иши бўйича суд мажлисида Солиқ қўмитаси вакили сиропни беморларга тавсия қилган ва унинг кўпроқ сотилишига ҳисса қўшган шифокорлар, ҳамширалар, шунингдек, дорихона сотувчилари ва раҳбарларини мукофотлаш учун миллиардлаб пул тўлаб келинганини маълум қилди.
Тармоқларда Хонқа туманидаги хусусий боғчаларнинг бирида тарбиячи болаларни калтаклаётгани акс этган видео тарқалди. Вилоят мактабгача ва мактаб таълими бошқармаси унинг ишдан бўшатилганини билдирди.
Инвестициялар, саноат ва савдо вазири ўринбосари сифатида ишлаб келган Ойбек Ҳамраев Самарқанд вилояти ҳокимига ўринбосар этиб тайинланди.
Ханчжоу шаҳрида ўтаётган Пара Осиё ўйинларининг 1-кунида Ўзбекистон терма жамоаси 20 та медалга эга чиқди. Энг кўп соврин пара каное, пара дзюдо, пара енгил атлетика ва пара таэквондо спорт йўналишларида олинди.
Қўшимча имкониятлардан фойдаланиш учун сайтда рўйхатдан ўтинг