Зойир Мирзаев қатъий огоҳлантирилди, Чирчиқ ҳокимига «ҳайфсан» берилди
Шавкат Мирзиёев раислигидаги селекторда Тошкент вилояти ҳокими огоҳлантирилди, Чирчиқ шаҳар ҳокимига «ҳайфсан» берилди. Шунингдек, «Ҳудудий электр тармоқлари» раҳбари Мустафоев, «Узтрансгаз» раҳбари Норматов ва «Ўзбекнефтгаз» раҳбари Абдуллаев ҳам лавозимидан озод этилди.
Пойтахт ҳокими Жаҳонгир Ортиқхўжаев ишдан бўшатилди
Шавкат Мирзиёев аҳолини энергия билан узлуксиз таъминлаш бўйича йиғилиш ўтказмоқда. Ўз фаолиятида жиддий камчиликларга йўл қўйгани учун Тошкент шаҳри ҳокими Жаҳонгир Ортиқхўжаев лавозимидан озод этилди. Шу пайтгача биринчи ўринбосар бўлиб келган Бахтиёр Раҳмонов ҳоким в.б. этиб тайинланди.
Банкларда доллар курси яна ошди
Тижорат банклари 16 январь куни аҳолидан 1 АҚШ долларини 11 290 — 11 345 сўмдан сотиб олмоқда, сотиш курси эса 11 375 сўм.
Коронавирус енгил ва симптомларсиз кечмоқда — СЭС
Аномал совуқ кунларда ўткир респиратор касалликлар кўпайиши мумкин. Коронавирус енгил ва симптомларсиз кечаётганини ҳисобга олиб, СЭС фуқароларни шамоллаш белгилари кузатилса, шифокорга мурожаат қилиш, ўзбошимчалик билан дори ичмаслик, гумон бўлганда, коронавирусга тест топширишга чақирди.
Наманганда 3 та фура тўқнашиши оқибатида 3 киши ҳалок бўлди
Поп туманида 3 та МАN юк автомобили тўқнашиб, ёнғин юз берди. Ёнғинни салкам бир соат давомида 4 та қутқарув экипажи бартараф этди. Ҳодиса оқибатида 3 киши ҳалок бўлди.
Уйида «свет» ўчган тошкентликлар қаҳратон қишни қандай ўтказмоқда?
Аномал совуқ туфайли Тошкентнинг Юнусобод, Мирзо-Улуғбек ва бошқа туманларидаги аҳоли бир неча кундан бери чироқсиз қолмоқда, газ босими эса паст, батареялар уйни иситадиган даражада эмас. «Газета.uz» қишга тайёргарлик кўрмаган тошкентликлар энергия таъминотисиз қандай кун кўраётганига қизиқди.
Ўзбекистон президенти давлат ташрифи билан Сингапурда бўлади
Ўзбекистон президенти Шавкат Мирзиёев 16−18 январь кунлари давлат ташрифи билан Сингапурда бўлади. Мамлакат президенти ва бош вазири билан музокаралар ўтказиш, «икки томонлама ҳужжатларнинг салмоқли тўплами»ни имзолаш режалаштирилган.
«Бухоро туризм маркази» учун бошқа ер майдони танланади
Бухоро вилояти ҳокимлиги кўҳна шаҳар марказида қурилиши режалаштирилган «Туризм маркази» учун «бошқа мақбул ер майдонлари танланиши»ни маълум қилди. Маълумотларга кўра, марказ қурилишини тўхтатиш ҳақида президент Шавкат Мирзиёев топшириқ берган.
Тошкентда савдо марказлари ва истироҳат боғлари фаолияти чекланди
Тошкентда электр энергиясини тежаш мақсадида савдо ва хизмат кўрсатиш шохобчалари, савдо-кўнгилочар марказлари ҳамда истироҳат боғларининг иш вақти чекланди. Озиқ-овқат дўконлари ва умумий овқаттланиш шохобчалари фаолияти бундан мустасно.
Қатор ҳудудларда таътил муддати яна узайтирилди
Бир қатор ҳудудларда мактаблар ва мактабгача таълим ташкилотларида таътиллар дастлаб режалаштирилганидек, 17 январга қадар узайтирилди. Хабар янгиланмоқда.
«Кўчани кенгайтиришни қандайдир замонавий нарса деб кўрсатиш бўйича навбатдаги уриниш» — Аркадий Гершман
Танқидлар, президентга мурожаат, мутахассисларнинг маслаҳатлари ва жамоатчилик билан мулоқот қилиш ваъдаларига қарамай, Тошкент шаҳар ҳокимлиги кўчаларни ўзи билганича кенгайтиришда давом этмоқда. Урбанист Аркадий Гершман Келес йўлини реконструкция қилиш лойиҳасини танқид қилди.
Бухоро марказида сайёҳлик марказини қуриш учун ўнлаб бинолар бузилиши мумкин. Аҳоли норози
Бухоро марказида сайёҳлик марказини қуриш режалаштирилмоқда. Буюртмачи сифатида Enter Engineering компанияси танланди. 32,6 га майдонда мажмуани барпо этиш учун ҳокимлик, прокуратура бинолари, стадион ва бошқалар бузилиши мумкин. Аҳоли президентга мурожаат билан чиқди.
Тошкентда иситишни яхшилаш мақсадида иссиқ сув босими пасайтирилди
Тошкентда квартиралар яхши иситилмаётгани сабабли электр тармоқларига юклама кучайган. Ҳар куни ўнлаб трансформатор ва симларда портлаш, ёниб кетиш ҳолатлари қайд этилмоқда. Расмийлар иситишни яхшилаш мақсадида иссиқ сув босимини 3 кунга пасайтиришга қарор қилди.
Ўзбекистон аэропортларида кутиб олувчиларнинг ичкарига киришларига рухсат берилди
14 январдан бошлаб Ўзбекистон аэропортларида кутиб олувчиларнинг учиб келиш залларига кириб, терминал ичида божхона ҳудудигача бўлган жойда йўловчиларни кутишлари мумкин.
Лолагул Каллиханова: «Бошқа судланувчилар учун ҳам қамоқда ўтириб беришга розиман»
Нукус воқеалари бўйича гумондорлардан бири журналист Лолагул Каллиханова суддаги музокаралар давомида «ҳимоя қилмоқчи бўлган Ватани, халқи билан содир бўлган воқеаларда ўзини айбдор деб билишини таъкидлади. У бошқа судланувчиларнинг ўрнига ҳам ўзи қамоққа ўтиришга тайёрлигини билдирди.
Туркманистон Ўзбекистонга газ экспортини вақтинча тўхтатди, етказиб бериш қайта тикланиши керак
Туркманистон совуқ об-ҳаво туфайли юзага келган техник сабабларга кўра 12 январдан бошлаб Ўзбекистонга газ экспортини тўхтатди. Яқин вақт ичида газ етказиб бериш қайта тикланиши кутилмоқда. «Газета.uz» шунингдек, Россия билан газ бўйича музокаралар олиб борилишини аниқлади.
Сурхондарё, Фарғона ва Хоразмдаги ЙТҲларда 3 киши вафот этди
Республиканинг 3 та вилоятида одамлар ўлими билан боғлиқ ЙТҲлар содир бўлди. Уларда 3 киши ҳалок бўлди.
Қурилиш вазири: «Туризм маркази қурилиши ҳозирча лойиҳа»
Қурилиш вазирининг айтишича, Бухорода туризм маркази қурилиши ҳали лойиҳа. Унинг сўзларига кўра, расмийлар лойиҳани амалга оширишга қарор қилган — биноларни хатловдан ўтказилмоқда, ЮНEСКО билан келишув ишлари олиб борилмоқда, шунингдек, аҳолига товон пули тўлаш режалаштирилган.
Юнусободдаги айрим уйларда 1 суткадан буён электр энергияси ва газ йўқлиги айтилмоқда
Юнусобод туманининг 11 даҳасидаги 26, 27, 29, 30 уйлар қарийб 18 соатдан бери «свет», газ ва иссиқлик таъминотидан узилган. Бу ҳолат кўплаб бошқа уйларда ҳам кузатилмоқда. 1 суткадан бери электр энергиясисиз ўтирган юнусободликлар туман ҳудудий электр тармоқлари корхонаси олдида йиғилди.
Ўзбекистонда халқаро автобус қатновлари тўхтатилди
Ўзбекистондан халқаро йўналишларда амалга оширилувчи мунтазам автобус қатновлари 2023 йил 13 январдан вақтинчалик тўхтатилди. Ушбу қарор ноқулай об-ҳаво шароити ва йўловчи ташувлари хавфсизлигини таъминлаш мақсадида қабул қилинган.
Қўшимча имкониятлардан фойдаланиш учун сайтда рўйхатдан ўтинг