«Мароқанд нефть базаси»нинг Булунғур ва Жомбой филиалларида 73,7 млрд сўмлик талон-торож ва камомад аниқланди. Мазкур ҳолатларга ҳуқуқий баҳо бериш ва камомадларга йўл қўйган ходимларга нисбатан қонуний чора кўриш учун тўпланган ҳужжатлар Давлат хавфсизлик хизматига тақдим этилди.
ДХХ томонидан 10,2 минг доллар эвазига Тошкент шаҳридаги Халқаро Вестминстер университетига ўқишга киритиб қўйишни ваъда қилган шахс ушлангани айтилмоқда. Гумонланувчи олдиндан 5 минг доллар олаётган вақтида қўлга олинган.
Ўзбекистонда 2022 йилдан бошлаб, ихтирочилик ва рационализаторлик бўйича кўрик-танлов ўтказилади. Танлов ғолибларига 60 млн сўмдан 90 млн сўмгача пул мукофоти берилади. Шунингдек, ғолиблар магистратурага имтиҳонсиз кириш имкониятига эга бўладилар.
Конья шаҳрида ўтказилаётган Ислом бирдамлиги ўйинларида Ўзбекистон терма жамоаси спортнинг турли йўналишларида яна 14 та — 5 та олтин, 3 та кумуш ва 6 та бронза медалини қўлга киритди.
Қорақалпоғистоннинг Элликқалъа туманида Lacetti ва ЙПХнинг Nexia 3 автомобили тўқнашиб кетди. Оқибатда қарама-қарши йўналишга чиқиб кетган биринчи автомашина ҳайдовчиси ҳалок бўлди.
Марказий банк Ўзбекистонда «Ориёнбанк»нинг (Тожикистон) ваколатхонаси аккредитация қилинганлиги ҳақида хабар берди.
Президент металлга кетадиган харажатлар улуши уй-жой қурилишида 15 фоиз, машинасозликда 40 фоизни ташкил қилаётгани, қолаверса, жаҳон бозорида металл нархи ошаётганини таъкидлади. Бош вазир маслаҳатчиси Бобир Исломов мамлакатда 1,2 млрд тонна темир рудаси захиралари борлигини қайд этди.
Президент Бекободдаги Ўзбекистон металлургия комбинатидаги қиймати 672 млн евролик қуюв прокат мажмуаси қурилишини кўздан кечирди. Уни 2024 йилда ишга тушириш, йилига 1 млн тонна пўлат листлар ишлаб чиқариш режалаштирилган. Давлат раҳбари корхонани тезроқ ишга туширишни буюрди.
Ўзбекистон бўйлаб профилактика ишлари ўтказилиши сабабли 18−25 август кунлари асосан тунги вақтларда телеканаллар эфирларида узилишлар кузатилади. Бу вақтда абонентлардан тюнер ва телевизор созламаларига тегмаслик сўралмоқда.
2022 йилнинг биринчи ярмида Ўзбекистон Тожикистондан умумий қиймати 17,3 млн доллар бўлган 6,6 минг тонна пахта импорт қилди. Пахта импорти ҳажми цемент ҳамда электр энергиясидан ҳам ортиб кетди.
Бир неча салқин кечалар ва ўртача иссиқ кунлардан сўнг, якшанба куни ҳарорат яна кўтарилади, +39 даража атрофида бўлиши кутилмоқда. Фақат жума куни кечаси Наманган ва Фарғона вилоятларининг айрим тоғли ҳудудларида қисқа муддатли ёмғирлар ёғиши ва сел келиши мумкин.
1 июнь ҳолатига кўра, Ўзбекистондаги меҳнат ресурслари сони 19 млн 453,3 минг кишига етди. Шуни 2 млн нафардан ортиғи хориждаги меҳнат мигрантлари ҳисобланади. Мамлакатда ишга муҳтожлар сони йил бошидаги 1,4 млн кишидан (9,6%) июнга келиб 1,3 млн кишигача (8,8%) камайди.
Давактив агентлиги «Чиноз нефтни қайта ишлаш заводи» ҳусусийлаштирилиши юзасидан консультант компаниялар учун танлов эълон қилди. Заводнинг устав капиталидаги 100 фоиз давлат улуши сотилади.
Германия ва Ўзбекистон иқлим ўзгариши соҳасидаги минтақавий лойиҳаларни амалга ошириш бўйича келишувни имзолади. Лойиҳанинг умумий қиймати 10 млн евро бўлиб, 2022−2026 йилларда Марказий Осиёнинг барча мамлакатларида амалга оширилиши режалаштирилган.
Ўта йирик ҳажмда ўғриликни содир этганликда гумонланиб, қидирувга берилган ўзбекистонлик фуқаро АҚШда ушланди. Америка томони уни мамлакатдан чиқариб юборди. АҚШ Иммиграция ва божхона назорати ходимлари гумондорни Тошкент аэропортида Ўзбекистон томонига топширди.
Самарқанд вилоятида «Damas» автомобили тиркамали юк машинаси билан тўқнашиб кетди. Бунинг оқибатида икки киши ҳалок бўлди, яна икки фуқаро жароҳатланди.
Пул ва машина билан мукофотланган шахмат чемпионлари, «Табиат ҳимоячиси» нишони, Тожикистондан ўтувчи «Гулистон-Қўқон» йўналишидаги автобуслар, Тошкентдаги 1-ипотека маркази, ўзбекистонлик йўловчилар муаммосини ёритгани учун таҳдидга учраган ўшлик журналист ва бошқалар — «Газета.uz» да кун дайжести.
Давлат хавфсизлик хизмати ва Иқтисодий жиноятларга қарши курашиш департаменти ноқонуний ер сотишга уринишларни тўхтатиб қолди. Жумладан, Поп тумани ҳокимининг собиқ ўринбосари «Янги Ўзбекистон» массивида саккизта уй қуриш учун рухсатнома бериш учун пул олаётганда ушланди.
Конья шаҳрида ўтказилаётган Ислом бирдамлиги ўйинларида Ўзбекистон терма жамоаси аъзолари спортнинг турли йўналишларида яна 21 та — 5 та олтин, 6 та кумуш ва 10 та бронза медалларини қўлга киритди.
Чилонзорда юзлаб дарахтлар илдизига зарар етказилиши билан боғлиқ можаро тинчимай туриб, Яккасаройда шундай ҳолат такрорланди. Бу сафар танловда иштирок этиш учун уй фасадини «хайрия асосида» таъмирлаётган компания томонидан амалга оширилди. Воқеа жойида блогер Никита Макаренкога таҳдид қилинди.
Қўшимча имкониятларга эга булиш учун сайтда рўйхатдан ўтинг