АҚШ Украинага 725 млн долларлик ҳарбий ёрдам пакетини тайёрламоқда
Байден маъмурияти Украина учун 725 млн долларлик қурол-яроғ пакетини тайёрламоқда. Унга пиёдаларга қарши миналар, дронлар, ракеталар ва HIMARS ракета тизимлари учун ўқ-дорилар киради.
Жума кунидан ҳаво совиб, ёмғир ва қор ёғиши кутилмоқда
Жума кунидан бошлаб Ўзбекистонда ҳаво ҳарорат пасая бошлайди. Жойларда ёмғир ёғади, айрим ҳудудларда у қорга айланиши мумкин. Кечалари ҳарорат −8…+2, кундуз кунлари −2…+8 даража бўлиши кутилмоқда.
Россия Ўзбекистонга газ етказиб беришни кўпайтирмоқчи
Россия президенти Владимир Путин Остона музокаралари якунида Қозоғистон ҳудуди орқали Ўзбекистонга газ етказиб бериш ҳажмини кўпайтириш режаларини маълум қилди.
Марказий банк бир фойдаланувчига бериладиган карталар сонини чеклашни режалаштирмоқда
Ўзбекистон Марказий банки бир фойдаланувчига бериладиган карталар сонини чекламоқчи. Регулятор раиси ўринбосари Беҳзод Ҳамраевнинг таъкидлашича, айрим мижозлар юзлаб карталарга эга бўлиб, бу фирибгарлар томонидан карталардаги маблағ ўзлаштирилишига олиб келмоқда.
Туркиялик 7 нафар мутахассис Ўзбекистон тиббиётини трансформация қилишга ёрдам беради
ССВ Ўзбекистон соғлиқни сақлаш тизимини тиббий суғурта, фармацевтика ва тез тиббий ёрдам каби еттита асосий йўналишда ўзгартиришга ёрдам бериши керак бўлган етти нафар туркиялик мутахассисни жалб қилди. Ҳозир улар барча даражадаги тиббиёт муассасаларини ўрганмоқда ва ҳудудларга сафар уюштирмоқда.
Ҳайдовчи тартибга солинмаган ўтиш жойида пиёдани уриб юборгани учун 5 йилга манзил-колонияга ҳукм қилинди
Май ойида Spark Тошкентнинг Юсуф Хос Ҳожиб кўчасидаги тартибсиз ўтиш жойида аёлни уриб юборганди. Жабрланувчи шифохонада вафот этган. Суд ҳайдовчини 5 йилга озодликдан маҳрум қилди. Жазо манзил-колонияда ўталади. Ушбу кўчадаги пиёдалар ўтиш жойлари ҳамон хавфсизлик талабларига жавоб бермайди.
Ўзбекистонда қарийб 11 ойда 75 киши ис газидан заҳарланиб вафот этди
Ўзбекистонда йил бошидан буён 75 киши ис газидан заҳарланиб вафот этди. Ҳолатларнинг аксарияти Фарғона, Хоразм ва Жиззах вилоятларига тўғри келади. «Ҳудудгазтаъминот» компанияси газ тўпланганда автоматик тўхтатадиган ёки овозли хабар берадиган ускуналарни ўрнатишни тавсия этмоқда.
«Нега пропан нархи кескин ошишига қарши тезкор чоралар кўрилмади?» — «Адолат» депутати давлат органларига сўровлар юборди
«Адолат» партияси депутати Муҳаммад Валиев сўнгги ойларда пропан нархи кескин ошгани сабабли масъул идораларга сўровлар йўллади. Сўровларда нархлар ошишининг сабаблари, уларни барқарорлаштириш ва нарх шаклланишининг шаффофлигини таъминлаш чора-тадбирлари тўғрисидаги саволлар кўтарилган.
Самарқандда трамвайнинг 3-йўналиши очилиши режалаштирилмоқда
Самарқанд шаҳрида трамвайнинг 3-йўналиши очилиши мумкин. Ҳозирда бу учун Европа тикланиш ва тараққиёт банки билан ҳамкорлик қилинмоқда.
Декабрдан Россияга киришда хорижликлар биометриядан ўтади
1 декабрдан бошлаб Россияда эксперимент тарзида хорижлик ва фуқаролиги бўлмаган шахслар мамлакатга киришда биометрик маълумотларини тақдим эта бошлайди. Биринчи босқичда йиғиш Москва ва Москва вилояти аэропортларида, шунингдек, Оренбург вилоятидаги «Маштаково» назорат пунктида амалга оширилади.
Инвестицияларнинг нафақат ҳажмини, балки сифатини ҳам ошириш зарур — президент
Президент ҳузурида хорижий инвестиция жалб қилиш соҳасидаги натижалар танқидий таҳлил қилинди. Давлат раҳбари ёндашувларни тубдан ўзгартириш, инвестицияларнинг нафақат ҳажмини, балки сифатини ҳам ошириш зарурлигини айтди. Ҳар бир доллар саноатни ривожлантириши, янги иш ўрни яратиши керак, деди у.
Самарқандда корхонанинг 6,4 млрд сўмини қиморда ютқазган ҳисобчи ушланди
Самарқанддаги корхоналардан бирининг ҳисобчиси 6,4 млрд сўмни ўзлаштириб, кейинчалик маблағни интернетдаги қимор ўйинларида ютқазиб қўйди. У сохта маълумотлар орқали пулларни ўз номига очилган пластик карталарига ўтказиб олган.
Саидазиз Саидалиевга («Саидазиз медгородок») нисбатан ҳукм ўзгаришсиз қолдирилди
Тошкент шаҳри суди апелляция инстанцияси ёзда 20 йилга озодликдан маҳрум этилган Саидазиз Саидалиевга («Саидазиз медгородок») нисбатан чиқарилган ҳукмни ўз кучида қолдирди. Товламачилик иши бўйича судланган яна 13 нафар шахснинг шикояти ҳам рад этилди.
Қурилиш майдонидаги дарахтларни пайҳон қилиш ва шикастлаш учун маъмурий жавобгарлик белгиланди
Бино қурилиши ва реконструкциясида дарахтларга кимёвий моддалар орқали шикаст етказиш, пайҳон қилиш ёки йўқ қилиш учун маъмурий жавобгарлик белгиланди. Ток ва портловчилардан фойдаланиб овчилик ва балиқчилик, шунингдек, экология инспекторлари ишига тўсқинлик қилганлик учун жарималар кучайтирилди.
Россиянинг Днепр бўйлаб учирган баллистик ракетасида портловчи моддалар бўлмаган — Reuters
Ўтган ҳафта Россия томонидан Украинанинг Днепр дарёси бўйлаб учирилган «Орешник» ўрта масофали баллистик ракетасида портловчи моддалар бўлмаган ва «сезиларсиз» зарар етказган, деб хабар берди Reuters.
Россиядан Тошкент атрофидаги қатновлар учун электропоезд келтирилди
Ўзбекистонга Тошкент атрофидаги қатновлар учун Россияда ишлаб чиқарилган ЭП3Д электропоезди келтирилди, дея хабар қилди «Ўзбекистон темир йўллари» раҳбари Зуфар Нарзуллаев. Президент янги йил арафасида Бухоро ва Хива ўртасидаги электрлаштирилган линияни ҳам ишга тушириши кутилмоқда.
Жамғариб бориладиган мажбурий пенсия бадалларини ҳисоблашнинг янги тартиби тасдиқланди
Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий жамғариб бориладиган пенсия бадалларини ҳисоблаш ва тўлаш тартиби тўғрисидаги низом тасдиқланди.
«Йўлдош» мавзеси ҳудудида дендропарк ташкил этиш режалаштирилмоқда — Тошкент шаҳар ҳокимлиги
«Йўлдош» мавзеси ҳудудидаги ёғоч уйлар бузилиши режалаштирилганди. Пойтахт ҳокимлиги ҳузуридаги Toshkent Invest компанияси мавзеда замонавий дарахтзор барпо этиш режалаштирилганини маълум қилди. Ёғоч уйларда яшаётган аҳоли «Йўлдош» мавзесидан 1,5 км узоқликдаги «Гулшонобод» маҳалласига кўчирилади.
Маҳаллалардаги фаол нуронийлар ҳар ой рағбатлантирилади
Эндиликда ҳар ой маҳаллалардаги фаол уч нафар нуронийга 577,5 минг сўм пул берилади. Бунинг учун улар оилаларни камбағалликдан чиқариши, фарзандларини таълим олишга кўмаклашиши ва пиёда юришни тарғиб қилиши керак. Кексаларни спортга жалб қилиш учун маҳаллаларга йилига 10 млн сўм ажратилади.
Исроил ва «Ҳизбуллоҳ» Ливанда ўт очишни тўхтатишга келишиб олди
Исроил ва «Ҳизбуллоҳ» Ливан-Исроил чегарасидаги ҳарбий ҳаракатларни тўхтатишга келишиб олди. Энди Исроил 60 кун ичида Ливандан ўз қўшинларини олиб чиқиши керак бўлади. Нетаньяҳу агар «Ҳизбуллоҳ» келишувнинг бирор қисмини бузса, Исроил зарба беришда иккиланмаслигини айтди.
Қўшимча имкониятлардан фойдаланиш учун сайтда рўйхатдан ўтинг