Roodell Ўзбекистонда Renault автомобиллари сотувини бошлашга тайёрланмоқда
Roodell Ўзбекистонда сотиладиган Renault автомобиллари тақдимотини ўтказди. Биринчи босқичда учта модел — икки кроссовер ва бир йўлтанламаснинг сотувга чиқиши кутилмоқда.
Долларнинг расмий курси кетма-кет учинчи кун пасайди
Долларнинг сўмга нисбатан расмий курси 12,18 сўмга пасайиб, 10 655,91 сўм этиб белгиланди. Шунингдек, евро курс ҳам пасайди, рубль курси эса кўтарилди.
Президент паралампиячиларни табриклаб, ўйинлардаги қийинчиликлар ҳақида гапирди
Шавкат Мирзиёев паралимпиячилар билан учрашди ва Ўзбекистон терма жамоасининг Паралимпиада якунлари бўйича сўз юритди. «Мусобақанинг дастлабки кунларида 25 нафар спортчимизга нисбатан қаттиқ карантин талаблари қўллангани ҳам, жиддий муаммолар туғдирди», — деди у. Президент, шунингдек, паралимпия ҳаракатини янада ривожлантириш чораларини эълон қилди.
Мактабларда фан олимпиадаларини ўтказиш қоидалари янгиланди
Мактаб ва академик лицейлар ўқувчилари ўртасидаги фан олимпиадаларининг учинчи ва тўртинчи босқичлари ғолибларига пул мукофоти берилади. 4-босқич ғолибларига ихтисослик фани бўйича давлат ОТМларига кириш имтиҳонларида максимал балл олиш ҳуқуқини берувчи ва 3 йил давомида амал қилувчи электрон сертификатлар тақдим этилади.
ОТМларда гуруҳ мураббийи лавозими бекор қилинди
Ҳукумат қарори билан ОТМларда талабалар билан ишлаш бўйича «гуруҳ мураббийи» институти бекор қилинди. 1−3-курс талабалари учун муаммоларни бартараф этишда яқиндан ёрдам кўрсатувчи тьюторларни бириктириш амалиёти йўлга қўйилди.
Хорижий тилларни ўқитиш бўйича энг яхши мактаблар Президент соврини билан мукофотланади
Ҳар йили инглиз, немис, француз тиллари (хорижий тиллар) ўқитиладиган мактаблар ўртасида хорижий тилларни ўқитиш бўйича энг яхши мактаб танлови ўтказилади. Республика босқичида биринчи ўринни эгаллаган мактабга 500 млн сўм мукофот берилади.
БМТнинг Гиёҳванд моддалар ва жиноятчилик бўйича бошқармаси раҳбари Тошкентга келади
БМТ Бош котиби ўринбосари, Гиёҳванд моддалар ва жиноятчилик бўйича бошқармаси ижрочи котиби Геда Вали ноябрда Ўзбекистонга ташриф буюради. Тошкентда бўлиб ўтадиган учрашувда 2022−2025 йилларга мўлжалланган янги минтақавий дастурининг имзоланиши кутилмоқда.
Латвия янги элчиси Рейнис Трокш ўз фаолиятини бошлади
ТИВ раҳбари Абдулазиз Камилов яна бир бор тайинланган Латвия элчиси Рейнис Трокшни қабул қилди.
Мухолифат бўлишидан Ўзбекистон жамияти манфаатдор — Содиқ Сафоев
Сенат раисининг биринчи ўринбосари Содиқ Сафоев мухолифат жамият барқарор ривожланишининг асосий факторларидан бири эканлигини таъкидлади. Унинг фикрича, бугун Ўзбекистоннинг жамияти мухолифат бўлишидан манфаатдор. Сенатор мухолифат табиий тузилиши кераклигини айтиб, «ҳокимият берилмайди, ҳокимият учун курашиш керак» деган ақидани эслади. У ОАВларини ҳозирги кунда ниҳоятда муҳим мухолифат деб билишини қайд этди.
Талабаларга тадбиркорлар томонидан турар жойлар қурилади
Ҳукумат қарори билан талабалар учун давлат-хусусий шериклик асосида турар жойлар қурилади. Бунинг учун вилоят ҳокимлари томонидан 0,5 гектаргача ер жойлардан ажратилади. Республика бўйлаб жами 228 та талабалар турар жойлари (400 ўринли) барпо этилади.
Январь-августь ойларида хориждан Ўзбекистонга $4,9 млрд пул ўтказмалари амалга оширилган
Марказий банк маълумотларига кўра, саккиз ой давомида хориждан Ўзбекистонга пул ўтказмалари ҳажми 4,9 млрд долларни ташкил қилган. Бу 2020 йилнинг мос даврига нисбатан 35 фоизга кўпроқ.
9 сентябрь куни Ўзбекистонда 687 кишида коронавирус аниқланди
Кеча кун давомида Ўзбекистонда 687 кишида коронавирус инфекция қайд этилди. 5 нафар COVID-19 бемори вафот этди. Шунингдек, пайшанба куни 159 кишида пневмония қайд этилди, 2 нафар пневмония бемори вафот этди.
БМТ бош котиби халқаро ҳамжамиятни «Толибон» билан мулоқот қилишга чақирмоқда
Бирлашган Миллатлар Ташкилоти бош котиби Антониу Гутерриш халқаро ҳамжамиятни толиблар билан мулоқот қилишга ва уларни мунозарага жалб қилишга чақирди. Унинг сўзларига кўра, бу Афғонистонда «кўп азоб чекаётган одамлар билан бирдамликни кўрсатиш учун керак».
Статистика: вакцинация бошланганидан бери эмланганларнинг қанчаси коронавирусга чалинди?
Санитария-эпидемиологик осойишталик хизмати бошлиғи ўринбосари Нурмат Отабеков Ўзбекистонда COVID-19га қарши эмланганлар тўғрисидаги статистик маълумотларни тақдим қилди. Унинг сўзларига кўра, оммавий вакцинациялаш бошланганидан бери (1 апрелдан) жами коронавирус билан касалланиш ҳолатларининг бор-йўғи 285 таси ёки тахминан 0,3 фоизи эмланганлар ҳиссасига тўғри келади.
Ҳар бир ОТМга битта президент стипендияси берилиши белгиланди
Бакалавр бочқичи талабалари учун ҳар бир ОТМга биттадан президент стипеднияси берилиши белгиланди. Магистратура ва докторантура талабалари учун президент стипендияси квотаси икки баробарга оширилди.
Жаҳон янгиликлари дайжести
КХШТнинг ўз кучларини замонавий қурол ва техника билан жиҳозлаётгани, КХДР ташкил этилганининг 73 йиллигига бағишланган ҳарбий парад, Афғонистондаги вазият бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Жиззахда 6 ёшли бола асфальт ётқизиш машинаси босиб кетиши оқибатида вафот этди
Пахтакор туманида 6 ёшли бола асфальт ётқизиш машинаси остида қолиб кетди. Оқибатда бола воқеа жойида вафот этган. Ҳолат юзасидан оғир техника воситаси тегишли бўлган фирма раҳбарига маъмурий баённома тузилган ва жиноят иши қўзғатилган.
Ўзбекистонга 1,2 млн дозадан ортиқ Pfizer вакцинаси олиб келинмоқда
Ўзбекистонга 1 млн 200 минг дозадан ортиқ Pfizer/BioNTech ва 600 минг дозадан ортиқ AstraZeneca вакциналари олиб келиниши кутилмоқда.
Август ойида йиллик инфляция даражаси 11,1 фоизни ташкил этди
Марказий банк берган маълумотларга кўра, август ойи якунлари бўйича йиллик инфляция уч-тўрт ойдан буён деярли ўзгаришсиз қолиб 11,1 фоиз даражасида шаклланмоқда. Шунингдек, банклараро пул бозоридаги депозитлар бўйича ўртача фоиз ставкалари апрель ойидаги 14,2 фоиздан июль ойида 8,7 фоизгача пасайди.
Долларнинг расмий курси яна пасайди
Долларнинг сўмга нисбатан расмий курси 14,77 сўмга пасайиб, 10 668,09 сўм этиб белгиланди. Шунингдек, евро курс ҳам пасайди, рубль курси эса кўтарилди.
Қўшимча имкониятларга эга булиш учун сайтда рўйхатдан ўтинг