Нима тайёрлаймиз: товуқ гўштидан таомлар
Бақлажон ва пишлоқли товуқ гўшти, қозон-кабоб, қаймоқ-қўзиқоринли қайлада пиширилган товуқ филеси, кўзачада пиширилган товуқ, гречка ва товуқ оёқчалари, «дангаса» хоним — Zira.uz товуқ гўштидан тайёрланадиган таомлар рецептлари рўйхатини тақдим этади.
«Қамчиқ» довони транспорт ҳаракати учун вақтинча ёпилди
ФВВ қор кўчиш хавфи юзага келганлиги сабабли 12 март соат 9:00 дан бошлаб «Қамчиқ» довони транспорт ҳаракати учун вақтинча ёпилганини маълум қилди.
АҚШ доллар банкноталарини Россияга етказиб беришни тақиқлади
АҚШ навбатдаги санкциялар доирасида Россияга доллар банкноталарини етказиб беришни тақиқлади. Қолаверса, автомобиль, кийим-кечак ва заргарлик буюмлари экспорти чекланди. Бундан ташқари, Россиядан икра, денгиз маҳсулотлари ва спиртли ичимликлар, шунингдек, бриллиант ва олмослар импортига ҳам тақиқ қўйилди.
11 март куни Ўзбекистонда содир бўлган энг муҳим хабарлар дайжести
Ўзбек пахтасига бойкот бекор қилинганига муносабат билдирган президент, Молдовадан эвакуация қилинган 100 га яқин ўзбекистонликлар, «ҳайфсан» олган Фармацевтика агентлиги раҳбари ва «Ўзбекистон темир йўллари» раиси, болаларни 2 ёшдан қабул қилишига рухсат берилган айрим боғчалар, реконструкцияси бошланган Абдулла Қодирий боғи ва бошқалар — «Газета.uz» нинг 11 мартдаги энг муҳим хабарлари дайжестида.
Президент фармацевтика тармоғида мавжуд қувватларни тўлиқ сафарбар этишни топширди
Президент иштирокидаги маҳаллийлаштириш бўйича йиғилишда фармацевтика тармоғида мавжуд қувватларни тўлиқ сафарбар этиш ва импорт ўрнини тўлдириш масаласига тўхталиб ўтилди. Давлат раҳбари хомашё олиб келиб, божхона ҳудудида қайта ишлаб, экспорт қиладиган корхоналарга, апрелдан бошлаб, қатор имтиёз ва енгилликлар беришни ҳам топширди.
Россиядаги ўзбекистонликлар қайси хизматлар орқали уйга пул юборишлари мумкин?
Россияда Visa ва Mastercard тўлов тизимлари ҳамда Western Union платформаси ўз фаолиятини тўхтатди. Россиядаги ўзбекистонликлар ватанга пул юбориш учун ҳозирда қайси хизматлардан фойдаланишлари мумкин? «Газета.uz» ушбу масала юзасидан бир нечта банклардан изоҳ олди.
Украина элчихонаси Ўзбекистонда Россия телеканалларини блоклашни сўради
Украина элчихонаси 1 март куни Ўзбекистон ТИВга мамлакатда Россия телеканаллари эфирини тақиқлашни сўраб нота юборди. Хатда қайд этилишича, Россия ОАВлари олиб бораётган «ахборот уруши ҳарбий кампаниянинг ажралмас қисми» ва «жаҳон ҳамжамиятини дезинформациялашга қаратилган». Элчи Николай Дорошенко «Озодлик» радиосига берган интервьюсида шунингдек, 28 тонналик гуманитар ёрдамни юборгани учун Ўзбекистонга миннатдорчилик билдирди.
Ўзбекистон разведкачилари Покистонда ўтказилган халқаро танловда ғолиб бўлди
Ўзбекистон разведкачилари Покистонда бўлиб ўтган V Халқаро «Жамоа руҳи» мусобақасида 16 та давлат орасида рекорд натижа — 2850 балл билан ғолибликни қўлга киритди. Иккинчи ўрин эса 1860 балл тўплаган Марокаш жамоасига насиб этди.
Уруш пайтида янгиликлар оқимида чўкиб кетмаслик бўйича тавсиялар
Ишончли муаллифларни ўқиш, қарама-қарши тараф билан баҳслашмаслик, ахборот-детокс қилиш — асли россиялик Марк Новиков уруш пайти ахборот маконида одамлар ўзини қандай тутиши кераклиги ҳақида ўз тавсиялари билан бўлишди.
2021 йилда Ўзбекистонга энг кўп сармоя киритган давлатлар бешлиги
2021 йилда Ўзбекистонга дунёнинг 50 дан зиёд мамлакатидан жами 11,1 млрд долларлик хорижий инвестициялар киритилди. Стратегик ривожланиш агентлиги раҳбари ўринбосари Алексей Сим ўзбек иқтисодиётига энг кўп инвестиция киритган давлатлар бешлигини маълум қилди.
Хориждаги ёш ватандошлар Ўзбекистондаги вазирлик ва идораларга ишга жалб қилинади
Хориждаги нуфузли ОТМда ўқиётган ва етакчи компанияларда ишлаётган ёш ватандошларга вазирлик, идора ва ташкилотларда ишлаш учун шароитлар яратилади. Жумладан, уларга хизмат уйлари берилади, камида 2 йил ишлаганларга уй-жой учун ипотека кредитининг дастлабки бадали ва фоизларининг бир қисмини қоплашга субсидия ажратилади. 1 июнгача эса «Ёш ватандошлар реестри» ишга туширилади.
Навоийда радиоактив моддани 50 минг долларга сотмоқчи бўлган шахслар ушланди
Навоий вилоятининг Навбаҳор туманида 250 грамм «Радий» радиоактив моддасини ноқонуний равишда сотишга уринган икки киши ушланди.
«Бу ер каруселлар жойи эмас». Абдулла Қодирий боғини реконструкция қилиш ишлари бошланди
Пойтахтнинг Абдулла Қодирий номидаги боғи душанбадан реконструкция учун ёпилди. Бу ерда суғориш тизими ва пиёдалар йўлаклари янгиланади, ўриндиқлар, чиқинди қутилари, чироқлар ва машғулотлар учун майдонлар ўрнатилади, шунингдек, яшил майдонлар майдони кенгайтирилади. Боғнинг ёз бошида очилиши кутилмоқда.
Долларнинг расмий курси 11 минг сўмга яқинлашди
Марказий банк белгилаган расмий курсга кўра, долларнинг сўмга нисбатан курси 40,70 сўмга қимматлаб, 11 минг сўмга яқинлашди. Рубль курси ҳам бироз ўсди, евро эса пастлади.
«Бу биз учун янги бозорлар дегани». Президент ўзбек пахтасига бойкот бекор қилингани ҳақида
Шавкат Мирзиёев Cotton Campaign ўзбек пахтасига бойкотни бекор қилганига муносабат билдирди. «Бу ҳам биз учун жуда катта имконият, янги бозорлар дегани», — дея таъкидлади у. Шу боис, тайёр маҳсулот ишлаб чиқариб, четга сотувчи корхоналарга экспортёрларнинг имтиёзлари берилиши, дастгоҳлари учун божхона божи ундирилмаслиги маълум қилинди.
Фармацевтика агентлиги раҳбари ва «Ўзбекистон темир йўллари» раисига «ҳайфсан» берилди
Президент жума кунги видеоселектор йиғилишида дунёқарашини ўзгартирмагани, ҳозирги вазиятдан хулоса чиқармаётгани учун Фармацевтика агентлиги директори Сардор Кариевга «ҳайфсан» берди. Унинг икки ўринбосари Дилшод Акбаров ва Алишер Темиров эса ишдан бўшатилиши айтилди. Бундан ташқари, «Ўзбекистон темир йўллари» раиси в.б. Хуснутдин Хасилов ҳам «ҳайфсан» олди.
Ўзбекистон Cotton Campaign бойкотининг бекор қилинганини олқишлади
Ўзбекистон ҳукумати Cotton Campaign коалициясининг ўзбек пахтасига бойкотни бекор қилиш қарорини олқишлади. Президент матбуот котиби бу борадаги ислоҳотлар ортга қайтмаслиги ва бундан буён ҳам қатъий давом этишини таъкидлади, Сенат раиси эса буни «тарихий воқеа» деб атади.
«Самарқанд-Жума» автобекатини «разборка» йўли билан эгалламоқчи бўлган шахслар қўлга олинди
Самарқанд шаҳри ва Пастдарғом туманида ўзаро келишмовчиликларни «разборка» йўли билан ҳал қилмоқчи бўлган шаҳслар қўлга олинди. Ушбу гуруҳларга раҳбарлик қилган ва фаол иштирок этган шахсларга 15 сутка маъмурий қамоқ жазоси тайинланди.
Россия икки йилдан сўнг Ўзбекистонга парвозлар учун қўйилган чекловларни бекор қилди
«Росавиация» икки йил аввал Ўзбекистон ва яна еттита давлатга парвозлар учун коронавирус тарқалишининг олдини олиш мақсадида киритилган чекловларни бекор қилди.
Ўзбекистон ва Россия сайёҳлар оқимини оширишга қарор қилди
Ўзбекистон ва Россия бош вазирлари ўринбосарлари сайёҳлар оқимини кўпайтириш бўйича чора-тадбирлар режасини имзоладилар. У 20 та тадбир, жумладан, Россия ва Ўзбекистон туризм йилини ўтказиш ва «Буюк ипак йўли» трансчегаравий сайёҳлик йўналишини ишга туширишни ўз ичига олади.
Қўшимча имкониятлардан фойдаланиш учун сайтда рўйхатдан ўтинг