Сиёсат
Низоларни судгача ҳал қилиш бўйича апелляция кенгашлари ташкил этилади
Жисмоний ва юридик шахслар ҳамда давлат органлари ўртасидаги низоларни судгача ҳал қилиш учун апелляция кенгашлари ташкил этилади. Шунингдек, низоларни муқобил усулда ҳал қилиш билан шуғулланувчи Медиация марказлари ҳам тузилади. Эксперимент тариқасида, 1 июлдан Тошкентда давлат хизматлари марказларида низолашувчи фуқароларга медиатор хизматидан фойдаланиш учун алоҳида хоналар ажратилади.
Абдулазиз Хайдаров Пенсия жамғармасига раҳбар бўлди
Ҳукумат қарорига биноан Абдулазиз Хайдаров Молия вазирлиги ҳузуридаги бюджетдан ташқари Пенсия жамғармасининг ижро этувчи директори лавозимига тайинланди.
АҚШ: Ўзбекистондаги молиявий шаффофлик минимал талабларга жавоб бермайди
АҚШ ҳукумати Ўзбекистон молиявий шаффофлигини таъминлашда сезиларли ўзгаришлар амалга оширилганига қарамай, ҳалигача бу соҳа минимал талабларга жавоб бермайди дея баҳолади.
Тошкент давлат транспорт университетига ректор тайинланди
Ҳукумат қарори билан Одил Абдурахманов янги ташкил этилган Тошкент давлат транспорт университетининг ректори этиб тайинланди.
57 ҳолатда COVID-19 юқтириш манбаи номаълумлигича қолаётгани айтилди
Тошкентда икки ҳафта ичида аҳоли орасида 482 та коронавирус ҳолати аниқланган, уларнинг 57 тасида вирус қаердан юқтирилгани номаълум. Президент ҳушёрлик ва масъулиятни ўн карра ошириш лозимлигини таъкидлади.
Абдулазиз Камилов «Бир макон, бир йўл» видеоконференциясида қатнашади
Ўзбекистон ташқи ишлар вазири «Бир макон, бир йўл» ташаббуси доирасидаги коронавирусга қарши курашишга бағишланган видеоконференцияда қатнашади.
Тахиатош туманига янги ҳоким тайинланди
Илҳом Маткаримов Қорақалпоғистон Республикаси Тахиатош тумани ҳокими лавозимига тайинланди.
Мудофаа вазирига янги ўринбосарлар тайинланди
Алишер Нарбаев ва Заирджан Базарбаев мудофаа вазирининг янги ўринбосарлари лавозимига тайинланишди.
Сиёсий партиялар Андижондаги ҳолат юзасидан муносабат билдиришди
«Адолат» ва ЎзЛиДеп партиялари сиёсий кенгаши раислари ҳамда Экологик партиянинг аъзоси Андижонда ички ишлар ходимлари томонидан ҳибсга олиниб, қийноққа солиниши оқибатида вафот этган фуқаро билан боғлиқ ҳодисани қоралаб, ички ишлар тизимида тубдан ислоҳотлар амалга оширилиши лозимлигини ва қонун устуворлигини таъминлаш кераклигини таъкидлашди.
Олмазорга яқин ҳудудда 150 минг аҳолига мўлжалланган йўлдош шаҳарча барпо этилади
Тошкентнинг Олмазор туманига яқин ҳудудда 150 минг аҳолига мўлжалланган йўлдош шаҳарча ва саноат зонаси қурилади. «Чорсу бозори», Зарқайнар, Сағбон, Себзор, Қорасарой, Гўзалбоғ ва бошқа кўча-маҳаллаларда, жами 482 гектар майдонда замонавий туристик, савдо ва дам олиш маскани — «очиқ осмон остидаги музей» барпо этилади.
Президент: Инновация вазирлиги йил охиригача натижаларни кўрсатиши керак
Президент Талабалар шаҳарчасида барпо этилган Инновацион ривожланиш вазирлигига ташриф буюрди. «Мамлакатимиз юқори технологик соҳалар бўйича дунёдан ортда қолиб кетган», — деди ва вазирлик йил якунига қадар аниқ амалий натижалар кўрсатиши кераклигини таъкидлади.
Президент — математикани ўқитишнинг янги тизими тўғрисида
Тошкентдаги Талабалар шаҳарчасидаги Математика институтининг янги биносига ташрифида ушбу фанни эски услубини танқид қилиб, математикада рақобат муҳитини яратиш мақсадини қўйди. Эндиликда Математика институти болалар боғчалари, мактаблар ва ОТМларда математикани ўқитишни мувофиқлаштиради.
«Ўзбекистон билан яхши қўшничилик муносабатларни сақлашга интиламиз» — Қирғизистон президенти
Қирғизистон президенти Сооронбай Жээнбеков Ўзбекистон билан иқтисодий алоқаларни мустаҳкамлашдан манфаатдорлигини билдирди ва икки мамлакт ўртасидаги муносабатларни «узоқдаги қариндошдан, яқиндаги қўшни яхши», дея таърифлади.
Ўзбекистон президенти ЕТТБ президенти билан музокара ўтказди
Ўзбекистон президенти Шавкат Мирзиёев ЕТТБ президенти Сума Чакрабарти билан видеоалоқа орқали музокара ўтказди. ЕТТБ раҳбари банк Ўзбекистонда амалга оширилаётган янги ислоҳотларни лойиҳалар портфели ва молиявий-техник кўмак ҳажмини кенгайтириш орқали қўллаб-қувватлашда қатъий эканини таъкидлади
Ўзбекистоннинг анклав ва эксклав ҳудудлари
Анклав ва эксклав ҳудудлар нима? Ўзбекистоннинг қандай анклав ва эксклав ҳудудлари мавжуд?
Сенатнинг навбатдаги ялпи мажлиси 19 июнь кунига белгиланди
Сенатнинг видеоконференцалоқа шаклида ўтказиладиган навбатдаги ялпи мажлисида «Ов қилиш ва овчилик хўжалиги тўғрисида», «Фуқароларнинг жамоат тартибини сақлашда иштирок этиши тўғрисида"ги ва бошқа қонунлар кўриб чиқилади. Ялпи мажлисда адлия вазирининг ҳуқуқий тарғибот ва маърифат соҳасидаги ишлар юзасидан ахбороти ҳам эшитилади.
Қозоғистон ва Қирғизистон барча чегара ўтиш жойларини очишга келишди
Қозоғистон ва Қирғизистон бош вазирлари умумий чегарадаги барча назорат-ўтказиш пунктларини очишга ва тўсиқсиз юк ташишни таъминлашга келишиб олдилар.
АҚШ давлат котиби Ўзбекистонда диний эркинлик билан боғлиқ вазият яхшиланганини таъкидлади
АҚШ давлат котиби Майк Помпео матбуот анжуманида Ўзбекистон ҳукуматини мамлакатда диний эркинлик билан боғлиқ вазият яхшиланганини айтиб ўтди. 2019 йилда мамлакатда диний гуруҳларга қарши қаратилган бирорта ҳам операция ўтказилмагани қайд этилган.
АТКР вазирига янги ўринбосарлар тайинланди
Президент қарори билан Олег Пекось ахборот технологиялари ва коммуникацияларини ривожлантириш вазирининг биринчи ўринбосари, Жамол Махсудов вазирнинг телекоммуникация инфратузилмаси масалалари бўйича ўринбосари этиб тайинланишди. Яна уч нафар амалдаги вазир ўринбосарининг ваколат доираларига аниқлик киритилди.
Халқ таълими вазирига янги ўринбосар тайинланди
Президент қарори билан Рустам Каримжонов халқ таълими вазирининг ўринбосари лавозимига тайинланди. Олдинроқ у вазирлик қошидаги инновацион марказ директори лавозимида ишлаб келаётган эди.
Қўшимча имкониятлардан фойдаланиш учун сайтда рўйхатдан ўтинг