Сиёсат
Президент тадбиркорлар билан мулоқотда энг кўп қайси сўзларни ишлатди?
ИТИМнинг лингвистик таҳлилига кўра, Шавкат Мирзиёев Нукусда ўтган тадбиркорлар билан очиқ мулоқотда салкам 5000 та сўздан фойдаланди. Энг кўп ишлатилган сўзлар «тадбиркор», «корхона», «хизмат», «экспорт», «бозор», «ер», «банк» ва бошқалар бўлди. Батафсил.
Ўзбекистондаги барча сиёсий партияга парламент сайловларида қатнашиш учун рухсат берилди
Марказий сайлов комиссияси барча сиёсий партияга Қонунчилик палатаси ва маҳаллий кенгашлар депутатлар сайловида қатнашиш учун рухсат берди.
Президент — тадбиркорлар билан мулоқот нега Нукусда ўтказилаётгани ҳақида
Шавкат Мирзиёевга кўра, Қорақалпоғистонда бизнес қилишнинг бошқа ҳудудларга нисбатан 3 та устунлиги бор: имтиёзлар пакети кўплиги, ер ажратишнинг содда тизими, катта бозорларга чиқиш учун қулайлик. У шунинг учун 2024 йилги тадбиркорлар билан очиқ мулоқот мазкур ҳудудда ўтказилаётганини айтди.
Ўзбекистонда яшаш жойи бўйича рўйхатга олишнинг ягона тартиби жорий этилади (ҳозир пойтахтда алоҳида тартиб)
Депутатлар пойтахт ва Тошкент вилоятида доимий яшаш жойи бўйича рўйхатга олиш тартиби тўғрисидаги қонунни бекор қилишни муҳокама қила бошлади. Яшаш жойи бўйича рўйхатга олишнинг ягона тартибини ва вақтинча турган жойи бўйича рўйхатга олишнинг хабардор қилиш тизимини жорий этиш таклиф этилмоқда.
2025 йилдан жамоатчилик муносабатларини тартибга солувчи янги норматив-ҳуқуқий ҳужжатлар самарадорлиги баҳоланади
Ўзбекистонда норматив-ҳуқуқий ҳужжатлар лойиҳаларининг тартибга солиш таъсирини баҳолашнинг соддалаштирилган ва кенгайтирилган тартиблари жорий этилади. Хусусан, иқтисодий, ижтимоий ва атроф-муҳитга таъсири юқори бўлган лойиҳалар кенгайтирилган тартибда баҳоланади.
С.Мирзиёева ва Т.Худайбергенов Қорақалпоғистонни ривожлантиришга оид топшириқлар ижросини назорат қилади
Қорақалпоғистонни ривожлантириш бўйича топшириқлар ижросини назорат қилиш президент ёрдамчиси Саида Мирзиёева ва давлат раҳбари маслаҳатчиси Турсинхан Худайбергеновга юклатилди. Президент Кегейли туманида ўтган йиғилишда ҳудудни ривожлантириш бўйича фойдаланилмаётган имкониятларни санаб ўтди.
Шавкат Мирзиёев Қорақалпоғистонга боради
Душанба куни Шавкат Мирзиёев Қорақалпоғистон Республикасига ташриф буюради. Сафар давомида саноат корхоналари, IT ва ижтимоий соҳа объектларини кўздан кечириш режалаштирилган. 20 август куни давлат раҳбари Нукусда тадбиркорлар билан мулоқот ўтказади.
БМТнинг уй-жой ҳуқуқи бўйича махсус маърузачиси Ўзбекистонга келади
БМТнинг уй-жой ҳуқуқи бўйича махсус маърузачиси Балакришнан Ражагопал 19−30 август оралиғида Ўзбекистонда бўлади. У Тошкент, Жиззах, Самарқанд ва Бухорога ташрифи давомида уй-жой арзонлиги ва яроқлилигини ўрганади. У талабалар турар жойлари ва бошпанасиз қолганларнинг манзилларига ҳам боради.
Андижон шаҳри собиқ ҳокими Ободонлаштириш бошқармаси бошлиғи этиб тайинланди
Андижон шаҳри собиқ ҳокими Дилмурод Раҳматуллаев шаҳар Ободонлаштириш бошқармаси бошлиғи бўлди. У 2017 йилда шаҳардаги таълим муассасалари раҳбарларини ҳақоратлагани учун жаримага тортилган, 2019 йилда эса ишдан олинганди.
Ўзбекистон Афғонистон билан савдо айланмасини 3 млрд долларга етказмоқчи
Абдулла Арипов бошчилигидаги Ўзбекистон делегацияси Кобулга борди. Ташрифда савдо айланмасини 3 млрд долларга етказиш, энергетика, транспорт, қишлоқ хўжалиги каби соҳаларда ҳамкорликни чуқурлаштириш муҳокама қилинди. Афғонистонлик тадбиркорларни Ўзбекистонда фаол ишлаши борасида келишув имзоланди.
Ўзбекистоннинг Қозоғистондаги элчиси дипломатик миссиясини якунламоқда
Қозоғистондаги дипломатик миссиясини якунлаётган Ўзбекистон элчиси Саидикром Ниёзхўжаев «улкан ишлар ва икки томонлама муносабатларни мустаҳкамлашга қўшган катта ҳиссаси учун» II даражали «Достиқ» ордени билан тақдирланди. У 2018 йилдан бери Остонада элчилик қилаётганди.
Ниғматилла Йўлдошев Кураш федерацияси раислигига қайта сайланди
Бош прокурор Ниғматилла Йўлдошев Ўзбекистон кураш федерацияси раиси этиб қайта сайланди.
Собиқ вазир Азиз Воитов ва яна 49 кишига оид жиноят иши очиқ судда кўрилади
Азиз Воитов ва бошқаларга (жами 50 киши) оид жиноят ишини биринчи инстанцияда очиқ судда кўриб чиқиш 5 сентябрда бошланади. Улар ЖКнинг ўзлаштириш, фирибгарлик, ваколатни суиистеъмол қилиш, пора ва бошқа моддалари бўйича айбланмоқда. Судланувчиларнинг 29 нафари қамоққа олинган.
Собиқ вазир ва ҳоким Музаффар Салиев 7 йилга қамалди
Уй-жой коммунал хизмат кўрсатиш вазирлиги раҳбари ва Тошкент вилояти Нурафшон шаҳри ҳокими вазифаларида ишлаган Музаффар Салиев 7 йилга озодликдан маҳрум этилди. У талон-торож қилиш ва мансаб сохтакорлиги жиноятларида айбли деб топилган.
Шавкат Мирзиёев Россия президенти билан телефон орқали гаплашди
Ўзбекистон ва Россия президентлари телефон орқали мулоқотда ҳамкорликни кенгайтириш, стратегик шериклик ва иттифоқчиликни чуқурлаштиришни кўриб чиқди. Кремлга кўра, «халқаро ва минтақавий кун тартиби масалалари Россиянинг БРИКСга амалдаги раислигини ҳисобга олган ҳолда муҳокама қилинди».
Сенат «Болаларни зўравонликнинг барча шаклларидан ҳимоя қилиш тўғрисида»ги қонунни маъқуллади
Сенаторлар «Болаларни зўравонликнинг барча шаклларидан ҳимоя қилиш тўғрисида»ги қонунни маъқуллади. Зўравонлик шаклларига ғамхўрлик қилмаслик, эксплуатация ва буллингни ҳам киритиш, шунингдек, болаларни ҳимоялаш тартибини жорий этиш ва тарбия жараёнида жисмоний жазолашни тақиқлаш таклиф этилмоқда.
Сенаторлар Вазирлар Маҳкамаси тўғрисидаги Конституциявий қонунни маъқуллади
Сенат Вазирлар Маҳкамаси фаолиятини янги таҳрирдаги Конституцияга мувофиқлаштиришни назарда тутувчи қонунни маъқуллади. Унга кўра, Вазирлар Маҳкамасининг иқтисодиёт, бюджет, молия, солиқ, ижтимоий соҳа, экология ва атроф-муҳитни муҳофаза қилиш соҳаларидаги ваколатлари аниқ белгилаб қўйилмоқда.
Шавкат Мирзиёев Бухоро вилоятидаги мутасаддилар ишини танқид қилди
Бухоро вилоятида 160 та давлат муассасасида 5 минг нафар раҳбар ходим ишлайди, уларнинг иш ҳақи учун ҳар йили бюджетдан 455 млрд сўм (ҳар бир ходимга ўртача 7,58 млн сўм) ажратилади, деди президенти. Шавкат Мирзиёев вилоят ҳокимига улар учун KPI белгилашни топширди.
Сенат ҳуқуқ-тартибот ходимлари видеоларини «обрўсизлантириш мақсадида» тарқатишни тақиқловчи ўзгартиришни кўриб чиқади
Сенатнинг навбатдаги ялпи мажлиси 15 август куни бўлиб ўтади. Унда ҳуқуқ-тартибот идоралари ходимлари фаолиятига оид тасвирларни «обрўсизлантириш мақсадида» тарқатганлик учун жазони назарда тутувчи ўзгартириш ҳам кўриб чиқилади. Юқори палата мазкур ҳужжатни ҳалигача кўриб чиқмаганди.
Ўзбекистон Марказий Осиёнинг келажаги учун алоҳида масъулиятни ўз зиммасига олган — Абдулазиз Комилов
Ўзбекистон Марказий Осиё келажаги учун масъулиятни ўз зиммасига олган, дейилади президент махсус вакили Абдулазиз Комиловнинг мақоласида. Ўзбекистон тараққиётининг барча ҳаётий масалалари чегарадошлар билан яхши қўшничилик ва олдиндан тахмин қилиш мумкин бўлган муносабатларга боғлиқ, деди у.
Энг кўп ўқилган хабарлар | Сўнгги янгиликлар
- Ўзбекистон ва Кувайт шериклик муносабатларини ривожлантириш тўғрисида қўшма баёнот қабул қилди (1)
- Ўзбекистон президенти ва Кувайт амири тор доирада ва расмий делегациялар аъзолари иштирокида музокара ўтказди (1)
- Канаданинг Ўзбекистондаги янги элчиси тайинланди
- Президент ТДТ оқсоқоллар кенгаши раиси Бинали Йилдирим билан учрашди
Қўшимча имкониятлардан фойдаланиш учун сайтда рўйхатдан ўтинг