Жамият
Давлат ОТМларига ўқишга кириш учун минимал ўтиш баллари ўзгарди
Университетларга кириш имтиҳонларидан минимал ўтиш баллари 56,7 баллдан 75,6 баллгача кўтарилди. Соғлиқни сақлаш, ҳуқуқ, бизнес ва бошқарув йўналишлари учун эса 94,5 балл этиб белгиланди.
Тошкент шаҳри Яшнобод туманида кучли ёнғин содир бўлди
Яшнобод туманидаги мебель ишлаб чиқариш корхонасида ёнғин 1,5 соатда ўчирилди. Жараёнга 15 та ёнғин-қутқарув техникаси ва 2 та сув ташувчи техника жалб этилди.
Деҳлидан Чикагога учган самолёт Тошкентга фавқулодда қўнди
Деҳлидан Чикагога учган Air India самолёти 86 ёшли йўловчи юрак хуружига учрагани сабабли Тошкентга фавқулодда қўнди. Аёл Республика шошилинч тиббий ёрдам илмий марказига олиб кетилди.
7 май куни эълон қилинган энг муҳим янгиликлар дайжести
Уруш қатнашчилари учун 20 млн сўм мукофот, Давлат грантини тақсимлаш бўйича янгича тартиб, Ўзбекистоннинг иқлим ўзгаришига доир миллий режаси, Олий судда оқланган қатағон қурбонлари ва бошқалар — «Газета.uz»нинг кунлик дайжестида.
8 май куни Тошкентда ҳарбийларнинг пиёда юриши бўлиб ўтади
8 май куни Тошкент шаҳрида Мудофаа вазирлиги ҳарбий бўлинмаларининг намойишкорона юриши бўлиб ўтади. Ҳарбий хизматчилар Ғалаба боғидан Magic City паркигача ҳаракатланади. Пойтахтнинг бир қатор кўчалари транспортлар учун ёпилади (харита).
10−12 май кунлари Тошкентдан Самарқандга қўшимча «Афросиёб» поездлари қатнайди
Хотира ва қадрлаш куни муносабати билан 10,11,12 май кунлари Самарқанд — Тошкент — Самарқанд йўналишида қўшимча «Афросиёб» электропоезди ҳаракати йўлга қўйилади. Аввалроқ пойтахтдан Қаршига ҳам 8, 9 майда қўшимча поездлар қатнови бўлиши хабар қилинганди.
БЕКОР ҚИЛИНДИ: Қорақалпоғистон ва Хоразмни боғловчи кўприк 7−9 май кунлари ёпилмайди
Қорақалпоғистонда февраль ойи охирида очилган Амударё устидан ўтувчи кўприк 7−9 май кунлари ёпилиши режалаштирилган эди. «Ўзбекистон темир йўллари» кўприк ёпилмаслигини маълум қилди.
«Камолон ош» маркази асосчиси Саъдулло Саидов вафот этди
Тошкентдаги «Камолон ош» асосчиси Саъдулло Саидов вафот этди. Унинг Таиландга қилган сафари чоғида чўкиб кетгани айтилмоқда. Ош маркази 3 кунга фаолиятини тўхтатди.
Сурхондарёда 360 бош қўй сел келиши оқибатида нобуд бўлди
Шеробод туманида сел оқизиб кетиши оқибатида 360 бош қўй нобуд бўлди. Қўйлар жасади Санитария-эпидемиология бошқармаси томонидан ҳар хил касалликлар тарқамаслиги учун дезинфекция қилиниб кўмилди.
Журналист Абдурауф Қоржовов 68 ёшда вафот этди
Ўзбекистонда хизмат кўрсатган журналист Абдурауф Қоржовов 68 ёшда вафот этди. У МТРК тизимида 27 йил давомида ишлаган, шунингдек, сўнгги йилларда «Янги Ўзбекистон» газетасида фаолият кўрсатиб келаётганди.
Ўзбекистонда иқлим ўзгаришига мослашиш миллий режаси устида иш олиб борилмоқда
Тошкентда бўлиб ўтган иқлим ўзгариши ва мослашув масалаларига бағишланган анжуманда миллий мослашув режасини ишлаб чиқиш бўйича тавсиялар қабул қилинди. Бундай режага эга бўлиш Иқлим бўйича Париж келишувига содиқ бўлган ҳар бир давлат учун мажбурийдир.
Соғлиқ ёмонлашувига олиб келмаган қасддан баданга енгил шикаст етказиш декриминализация қилиниши мумкин
Соғлиқнинг қисқа муддатга ёмонлашувига ёки меҳнат қобилиятининг унча узоқ бўлмаган муддатга йўқолишига олиб келмаган қасддан баданга енгил шикаст етказишни декриминализация қилиб, уни маъмурий ҳуқуқбузарлик тоифасига ўтказилиши кутилмоқда. Депутатлар тегишли қонун лойиҳасини қабул қилди.
Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
Ички ишлар вазирлиги раҳбари автомобилларни қайта рўйхатдан ўтказиш учун аввалги 10 фоизлик БҲМ ставкасини қайтарди, бир ой олдин бу кўрсаткич 68 баробар оширилганди. Аммо оширилган рўйхатга олиш тўловлари (оддий автомобиллар учун 6,84 БҲМ ва электромобиллар учун 1,5 БҲМ) ўзгаришсиз қолди.
Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
Ўткирбек Холмирзаев ва Зайниддин Шамсидинов оилавий зўравонликка доир 10 462 иш асосида ўтказган тадқиқот Ўзбекистонда аёллар ҳимояси учун қабул қилинган қонун уларни жазолашга ҳам хизмат қилаётганини кўрсатди. «Бу парадокс дунёнинг ҳеч бир ҳуқуқий тизими амалиётида учрамаган», дейди тадқиқотчилар.
ДХХ прокурор ўринбосари, ҳоким ўринбосари ва кадастр бошлиғини порада гумонлаб қўлга олди
Кадастрлар палатасининг Янгиҳаёт тумани филиали бошлиғи 25 минг доллар пора олгани айтилмоқда. Шунингдек, ДХХ Фарғонада прокурор ўринбосари, Наманганда ҳоким ўринбосари, Тошкент вилоятида эса электр таъминоти корхонаси бошлиғини қўлга олди.
Олий суд 205 нафар қатағон қурбонларини оқлади. Рўйхат
Ўзбекистон Олий суди 1930−1938 йилларда қатағон қилинган 205 нафар шахсга нисбатан оқлов ҳукмини чиқарди. Ушбу шахсларнинг аксарияти концлагерга жўнатилган, узоқ муддатга озодликдан маҳрум этилган ёки отувга ҳукм қилинган.
Талабалар учун давлат грантини тақсимлаш тартиби ўзгаради
Эндиликда ОТМларда давлат гранти бутун ўқиш даври учун бир талабага берилмай, ҳар йили юқори баҳолар олган талабалар орасида қайта тақсимланади. «Грантга кирган талаба кейинги ўқув йилида ҳам грант учун курашиши керак», — деди «Таълим соҳасидаги лойиҳалар маркази» директори Адҳам Худойқулов.
Сирдарёда ўқувчилари синфда клип томоша қилган мактаб раҳбарияти ишдан олинди
Сардоба туманидаги 5-мактабда ўқувчилар Massa`нинг «Думба» клипини томоша қилаётгани акс этган видео тарқалди. Мактаб таълими бошқармаси ўқувчиларни дарсдан бўш вақтида назоратсиз қолдиргани учун синф раҳбари, директор ва унинг ўринбосари ишдан олинганини билдирди.
Иккинчи жаҳон уруши қатнашчиларининг ҳар бирига 20 млн сўмдан берилади
Шавкат Мирзиёевнинг фармонига кўра, Иккинчи жаҳон урушининг барча қатнашчилари ва ногиронларига 20 млн сўм миқдорида бир марталик пул мукофоти берилади.
Хоразмдаги боғчада болаларга тарсаки туширган тарбиячи ишдан олинди
Гурлан туманидаги 23-боғчада бир-бири билан уришган болаларга тарсаки туширган тарбиячи ишдан бўшатилди. Шунингдек, айни шу тарбиячи эътиборсизлиги сабабли бошқа бир ҳолатда боланинг қўлини эшик қисиб қолгани аниқланди. Унинг бармоғига игна тиқилмаган, балки даволаш учун махсус сим қўйилган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг