Қорақалпоғистондаги тартибсизликлардан сўнг 516 киши қўлга олинган эди. Мустақил комиссиянинг маълум қилишича, уларнинг 100 дан ортиғи жамоат кафиллиги асосида ва қамоқ эҳтиёт чораси уй қамоғига алмаштирилиши натижасида оиласига бағрига қайтарилган, қолганлари эса маъмурий жавобгарликка тортилган.
Шароф Рашидов туманида ўғил отасининг мол-мулкни нотўғри тақсимлаганидан норози бўлиб, отхонасини ёқиб юборди. Оқибатда 102 млн сўмлик 17 бош тойчоқ ва 145 млн сўмлик беда ғарами ҳамда отхонанинг том қисми ёниб кетди. Ҳолат юзасидан жиноят иши қўзғатилди.
Ўзбекистонда 2022 йил январь-октябрь ойларида юз берган 7636 та йўл-транспорт ҳодисаси оқибатида 1931 киши ҳалок бўлди, уларнинг 226 нафари — болалар. Аввалроқ ССВ Ўзбекистонда ЙТҲлар оқибатида 5−14 ёшли болалар ўлими даражаси Европа мамлакатларига қараганда 4 баравар юқорилигини маълум қилган эди
1 декабрдан ҳайдовчилар қоидабузарлиги учун жарима балларни ҳисоблаш тест режимида ишга туширилади. Тест режими вақтида аниқланган қоидабузарликлар бўйича баллар ҳисобга олинмайди.
Ўзбекистонда душанба куни 131 кишининг коронавирусга қарши топширган тести мусбат натижани қайд этди (бир кун аввал 137 киши). Касалланишларнинг аксарияти Тошкент шаҳрида экани маълум бўлди.
Пойтахтнинг 12 та туманидаги кўп қаватли уйлар ҳудудида 170 та мини-поликлиника ташкил этилади. ССВ бу аҳолини оддий кўриклар учун ҳам поликлиникага қатнаш оворагарчилигидан халос қилишини таъкидламоқда. Лойиҳа натижалари таҳлил қилингач, 6 ойдан сўнг бошқа ҳудудларга татбиқ этилади.
Кўчмас мулкка доир янги қонун билан ер участкаси, бино, иншоот ва қурилиш жараёнидаги объектлар, шунингдек, кўп йиллик дарахтлар ва мулкий мажмуа сифатидаги корхоналарга 13 турдаги ҳуқуқлар ёки чекловларни давлат рўйхатидан ўтказиш белгиланди. Қонун эълон қилингандан 3 ой ўтиб кучга киради.
Қамаши туманида «КамАЗ» пиёдалар йўлагидан ўтаётган 2013 йилда туғилган қизни уриб кетди. Жабрланувчи оғир жароҳат олиб вафот этди.
Айни вақтда Бухоро вилояти судида айбланувчилар Нукус воқеаси бўйича ўз фикрини билдирмоқда. Биринчи бўлиб сўзга чиққан Азамат Турданов Даулетмурат Тажимуратов билан тортишиб қолди ва унга қарши кўрсатув берди.
Қоракўл туманида Cobalt ҳайдовчиси йўлини тўсган ИИБ ходими машинасини уриб қочди. У автомашинани Олот туманида ташлаб кетгани аниқланди. Ҳолат юзасидан туман прокуратураси томонидан терговга қадар текширув ҳаракатлари бошланди.
Президент фармони билан Бош прокуратура академияси негизида Ҳуқуқни муҳофаза қилиш академияси ташкил этилади. Муассасада 2023/2024 ўқув йилидан бошлаб тергов фаолияти ва ҳуқуқни муҳофаза қилиш фаолиятининг бошқа соҳаларида бакалавриат ва магистратура ўқув жараёни йўлга қўйилади.
Нукус воқеалари бўйича гумонланувчиларга қўйилган айбловлар, тартибсизликлар натижасида етказилган 6,7 млрд сўм моддий зарар, совуқ об-ҳаво, ҳар пайшанба ОАВ билан мулоқот қиладиган ИИВ, НКМКда ҳалок бўлган машинист, ўзини отиб ўлдирган ИИБ ходими ва бошқалар — «Газета.uz»нинг кун дайжестида.
Президент Нукусгача бўлган темир йўлни электрлаштириш бўйича кўрсатма берди. Бунинг натижасида Тошкент билан Нукус ўртасидаги қатнов вақти 7 соатгача қисқариши керак. Маълум қилинишича, тезюрар электр поезди Урганчга 6 соатда етиб боради (илгари 8 соат дейилганди).
29−30 ноябрь ва 1 декабрь кунлари Чимён тоғлари бўйлаб қор кўчиш хавфи эълон қилинди. Шунингдек, кучли ёғингарчилик сабабли Қамчиқ довони ҳудудидаги автойўлда қор уюмлари юзага келиши мумкин.
Даулетмурат Тажимуратов Нукус воқеалари иши бўйича унга қўйилган айбловни қисман тан олди. Лолагул Қаллиханова ва Азамат Турданов — тўлиқ. Бошқа гумондорлар ҳам ўзининг айбига қисман ёки тўлиқ иқрор бўлишди.
АҚШ Нукус воқеаларида айбланаётганлар устидан бошланган суд жараёнини кузатаётганини маълум қилиб, Ўзбекистон ҳукуматини шаффофликни таъминлаш борасидаги мажбуриятларини бажариш ҳамда куч ишлатар идоралар ходимлари қонунларни бузган бўлса, уларни ҳам жавобгарликка тортишга чақирди.
Бухорода Нукус воқеалари бўйича суднинг биринчи куни якунига етди. Прокуратура 22 гумонланувчига нисбатан айбловларни ўқиб эшиттирди. Тажимуратов Қорақалпоғистонда ҳокимиятни эгаллашга уринишда, Каллиханова тартибсизликларга даъват қилишда, Турданов эса Жўқорғи Кенгес биносини эгаллашда айбланмоқда.
Вьетнамнинг VietJet Air компанияси Камран — Тошкент — Камран йўналиши бўйича тўғридан-тўғри авиарейсларни йўлга қўяди. Парвозлар 26 декабрдан 2023 йилнинг 23 мартигача 367 йўловчига мўлжалланган самолётларда амалга оширилади.
Истеъмолчилар ҳуқуқларини ҳимоя қилиш агентлигига Zo’r TV каналида намойиш этилган «Омадингизни берсин» ўйинида жами 2 млрд сўмлик ютуқларни ололмаётган фуқаролар мурожаат қилди. Ҳолат юзасидан кўрсатув ҳомийси бўлган «MIA- МАА» корхонасига иш очилиб, ҳужжатлар тегишли органларга йўналтирилди.
Бухоро вилояти судида Нукус воқеаларида қатнашганликда гумонланган 22 кишига қўзғатилган жиноят иши хулосаларида тартибсизликлар натижасида 6,7 млрд моддий зарар етказилгани айтилди. Гумонланувчиларнинг шахси аниқланди. Уларга яқинлари билан навбатма-навбат қисқа суҳбат ўтказишга руҳсат берилди.
Қўшимча имкониятларга эга булиш учун сайтда рўйхатдан ўтинг