Жамият
Фарғона вилоятида учта шаҳар ҳудудини кенгайтириш таклифи билдирилди
Фарғона вилоятида туманлар ерлари ҳисобидан шаҳарлар ҳудудини кенгайтиришга оид қарор лойиҳаси жамоатчилик муҳокамаси учун эълон қилинди. Унга кўра, Фарғона, Қўштепа, Тошлоқ, Данғара, Ўзбекистон, Учкўприк, Фарғона туманларидан қишлоқ хўжалиги ер майдонларидан бир қисмини Марғилон, Қўқон ва Фарғона шаҳри таркибига ўтказиш таклиф этилмоқда.
Оҳангаронда итлар оммавий тутилаётгани ва ўлдирилаётгани айтилмоқда
Оҳангаронда итлар оммавий тутилаётгани ва ўлдирилаётгани ҳақида хабарлар тарқалди. Тасдиқланмаган маълумотларга кўра, бу аёл киши ит тишлаши оқибатида вафот этганидан кейин содир бўлмоқда. «Ҳаёт» бошпанаси итларни ўзига олиб кетмоқда. ИИВ вазиятни ўрганаётганини маълум қилди.
Нима тайёрлаймиз: кекслар
Шоколадли кекс, кекс-чизкейк, сметанадан тайёрланган «Зебра» кекси, туршак ва апельсинли кекс — Zira.uz кекслар рецептлари рўйхатини тақдим этади.
Ҳазорасп туман ҳокими ўринбосари $12 минг пора олганликда гумонланмоқда
Хоразм вилояти Ҳазорасп тумани ҳокимининг ўринбосари фуқарога ер ажратиб бериш ҳамда ноқонуний қурилган бинони буздирмаслик эвазига 12 минг доллар пора олаётганда қўлга тушгани айтилмоқда. Унга нисбатан жиноят иши қўзғатилди.
25 март куни Ўзбекистонда содир бўлган энг муҳим хабарлар дайжести
Ўзбекистонга кўчиб ўтмоқчи бўлган IT-компаниялар учун яратилган шароитлар, сотувга қўйилган MOBIUZ ва Tashkent City, 1 апрелдан тўлиқ ишга тушадиган Самарқанд аэропорти, тугаётган ёмғир мавсуми, Тошкент ва Олмаота ўртасида йўлга қўйилган поезд қатнови, 2030 йилгача вазирлик ва идоралар хизмат машиналарини электромобилга алмаштириш таклифи ва бошқалар — «Газета.uz» нинг 24 мартдаги энг муҳим хабарлари дайжестида.
Маҳаллалар ва жамоалардаги кексалар фаоллиги янада оширилади
Президент қарорига мувофиқ, Маҳалла ва нуронийларни қўллаб-қувватлаш вазирлиги кексалар билан янада фаол ҳамкорлик қилади. Бунда «тарбияси оғир» ёшлар билан мулоқотда бўлганларга «Бир нуроний ўн ёшга масъул» тамойилига мувофиқ моддий ёрдам кўрсатилади.
Энергетика вазирлиги ҳузурида «Миллий диспетчерлик маркази» ташкил этилади
Энергетика вазирлиги ҳузурида «Миллий диспетчерлик маркази» давлат унитар корхонаси ташкил этилади. Марказга ягона электр энергетика тизимини бошқариш, ушбу тизимнинг қўшни давлатлар энергетика тизимлари билан параллель ишлашини таъминлаш, авария ҳолатлари юзага келишининг олдини олиш ва уларни бартараф этиш каби вазифалар топширилади.
Тошкент ва Олмаота ўртасида йўловчи поезд қатнови йўлга қўйилади
2 майдан бошлаб Тошкент ва Олмаота ўртасида йўловчи поезд ҳаракати йўлга қўйилади. Рейслар ҳафтасига уч мартадан амалга оширилади.
Фарғона вилоятида атмосферани ифлослантираётган 2 та корхона фаолияти вақтинча тўхтатилди
Фарғона вилояти Ўзбекистон тумани ҳудудидаги атмосфера ҳавосида аммиак моддаси 4 та нуқтада — 1,5 дан 23,6 мартагача, водород сулфиди моддаси 2 та нуқтада — 3,2 дан 4,6 мартагача белгиланган меъёрлардан ортиқлиги аниқланди. Ўрганиш якунида цемент ва гипс ишлаб чиқарувчи 2 та корхона фаолияти вақтинча тўхтатилди.
Ўзбекистонда Skype бўйича чекловлар олиб ташланди
Ўзбекистонда Skype шахсга доир маълумотлар тўғрисидаги қонунни бузувчилар реестридан чиқарилди. АКТ вазирлиги ушбу реестрга киритилган бошқа хизматларга тақиқни босқичма-босқич олиб ташлаш бўйича ишлар олиб борилаётганини қайд этди.
2023 йилдан янги қурилган биноларда электромобилни қувватлаш мосламаларини ўрнатиш мажбурий бўлиши мумкин
Президент қарори лойиҳасига кўра, 2023 йилдан янги барпо этиладиган турар ва нотурар тижорат кўчмас мулкларида электромобиль қувватлаш станцияларини ўрнатишни мажбурий этиб белгилаш таклиф этилмоқда. Қолаверса, Тошкент шаҳри ва вилоятидаги барча АГТКШ ва АЁҚШлари электромобилни қувватлаш станциялари билан таъминланади.
Шанба куни яна ёмғир ёғиши кутилмоқда, якшанбада эса ёғингарчилик тўхтайди
Ўзгидромет шанба куни Ўзбекистонга яна нам ва салқин ҳавонинг бир қисми кириб келишини маълум қилди. Шу куни республиканинг шимолидан бошқа барча ҳудудларда ёмғир ёғади. Якшанба куни ёмғир тўхтайди. Дам олиш кунларидаги ҳарорат +15 даражагача исиши кутилмоқда.
Наманганда «Калашников» автоматини сотмоқчи бўлган шахс ушланди
Наманганда муқаддам судланган шахс Қирғизистондан контрабанда йўли билан олиб келган АКС-74 жанговор ўқотар қуролини сотмоқчи бўлганида ушланди.
Тест: Вокзалга қараб шаҳарни топинг!
Вокзал — сайёҳлар шаҳарга келиши билан кўрадиган ва уларда таассурот уйғотадиган биринчи бино. 2000-йиллар ўртасида Тошкент Шимолий вокзали реконструкция қилинди, натижада вокзал архитектураси оқ алюкобонд ва кўк ойналар билан «безатилди» ва бино тўсиқлар билан ўраб олинди. Пойтахт вокзалининг янги кўриниши мамлакатдаги бошқа бекатларга ҳам ўрнак бўлди. Бугунги кунда бизнинг вокзалларимиз бир-бирига жуда ҳам ўхшаш. Сиз уларни ажрата оласизми?
Қишлоқ хўжалиги ерларини ижарага беришда ҳоким қарори талаб қилинмайди
Президент қишлоқ хўжалигига мўлжалланган ерларни ижарага беришда ҳоким қарори талаб қилинмаслигини кўзда тутган фармонни имзолади. Шунингдек, 1 мартдан кейин хориждан қайтиб келган мигрантларга очиқ электрон танлов орқали ижарага беришда алоҳида устуворлик берилади.
24 март куни Ўзбекистонда содир бўлган энг муҳим хабарлар дайжести
Инвесторлар муваффақиятини кафолатлашини айтган президент, йил охиригача ўзгармайдиган ипотека ва таълим кредитларининг фоиз ставкалари, Autodriver Study атрофидаги воқеалар, шакар нархи ошишига «ваҳимачи тадбиркорлар» сабабчи эканлиги, ЙПХ ходими суратини унинг рухсатисиз тарқатишни тақиқлаш таклифи ва бошқалар — «Газета.uz» нинг 24 мартдаги энг муҳим хабарлари дайжестида.
Тўққизта ҳудудда сел-сув тошқин ҳодисалари кузатилиши мумкин
26−27 март кунлари тўққизта вилоятнинг тоғ олди ва тоғли ҳудудларида сел-сув тошқин хавфи эълон қилинди.
ЙПХ ходими суратини унинг рухсатисиз тарқатишни тақиқлаш таклиф этилмоқда
ИИВ ЙПХ ходимининг фото ва видеосини унинг рухсатисиз тарқатишни тақиқлашга оид таклиф назарда тутилган Вазирлар Маҳкамаси қарори лойиҳасини эълон қилди. Жамоатчилик вакиллари эса бунга қарши муносабат билдирди, жумладан, Davletovuz ёзишича, «бу ёпиқликка, орқага ташланган қадам». Нурбек Алимов эса бу билан жамоатчилик назорати йўқолишини таъкидлади. Хушнудбек эса ВМнинг бундай чеклов ўрнатишга ваколати йўқлигини эслатиб ўтди.
USAID ССВга туберкулёзни бир кунда аниқлайдиган 16 та экспресс-диагностика тизимини совға қилди
24 март — Бутунжаҳон силга қарши кураш кунида USAID Соғлиқни сақлаш вазирлигига 16 та GeneXpert диагностика ускунасини совға қилди. Ушбу тизимлар бир кун ичида сил касаллигини диагностика қилиш имконини беради, бошқа муқобиллари эса натижаларни 80 кунда чиқариб беради.
Кармана, Китоб ва Шаҳрисабзда олти йил давомида канализация қурилади
Жорий йилда Навоий вилоятининг Кармана, Қашқадарёнинг Шаҳрисабз шаҳри ва Китоб туманида марказий оқова сув тизимларини қуриш ва реконструкция қилиш бўйича олти йиллик лойиҳалар бошланади. Уларнинг умумий қиймати 119 млн еврони ташкил этади, шундан 105 млн евроси Франция тараққиёт агентлиги томонидан кредит шаклида тақдим этилган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
Қўшимча имкониятлардан фойдаланиш учун сайтда рўйхатдан ўтинг