Навоий вилоятининг Хатирчи туманида бир неча такси ҳайдовчилари қоидабузарликларни суратга олган 2 нафар фуқарони калтаклашди. Таксичилар уларнинг суратга олган телефонини тортиб олишган ва Spark автомашинасига моддий зарар етказган.
Ўзбекистонга хитой-ўзбек ZF-UZ-VAC2001 вакцинасининг навбатдаги 1 млн дозаси олиб келинди.
Коронавирус тарқалиши сабабли 28 июндан карантин чекловлари кучайтирилди. Лекин оммавий тадбирларни ушбу чекловларга амал қилмаган ҳолда ташкиллаштириш давом этмоқда, жамоат транспортида уларга риоя қилишнинг эса иложи йўқ.
Мудофаа вазири барча куч тузилмаларининг жанговар шайлигини синовдан ўтказиши, Шавкат Мирзиёев ва Гурбангули Бердимуҳамедовнинг телефон орқали суҳбати, Жаҳонгир Отажоновнинг ҳақоратомуз видео чиқишларига Тошкент ИИББнинг муносабати, UzReport TV Beeline`ни судда ютиши — «Газета.uz»нинг 29 июндаги энг муҳим хабарлари дайжестида.
UzReport TV муаллифлик ва турдош ҳуқуқлар бузилганлиги даъвоси бўйича Beeline`ни судда ютди. Суднинг қарорига кўра, жавобгарга Beeline TV мобил иловасидан UzReport TV ҳамда Futbol TV телеканалларини олиб ташлаш, келгусида ушбу телеканалларни UzReport TV ахборот агентлиги билан шартнома тузмасдан намойиш этмаслик мажбуриятлари юкланди.
Идоравий норматив ҳуқуқий ҳужжатларни тайёрлаш ва қабул қилиш қоидаларига ўзгартишлар киритилди. Эндиликда ҳужжатлар лойиҳасининг коррупцияга қарши экспертизаси натижалари юзасидан коррупциявий омилларни аниқлаш бўйича чеклист тўлдирилади, бир нечта идоралар фаолиятига тааллуқли НҲҲ лойиҳаси эса улар ўртасида ягона электрон тизим орқали келишилади.
Президент Шавкат Мирзиёев «Ёшлар дафтари» орқали кредит олиб, ўз ишини бошлаган қизга мактуб йўллади. Давлат раҳбари мактубида Азиза ва унинг онасига 3 хонали уй берилишини маълум қилди.
«Ипак Йўли» банкининг мижозлари учун MyID сервиси орқали масофали идентификациядан ўтиш имконияти пайдо бўлди. Идентификация учун ҳужжатлар керак бўлмайди.
Жаҳонгир Отажоновнинг давлат органлари хизматчиларига нисбатан ҳақоратомуз видео чиқишларида туҳмат ва ҳақорат қилиш аломатлари мавжуд бўлгани сабабли, ҳолатга тегишли тартибда ҳуқуқий баҳо берилади. Маълум қилинишича, Жаҳонгир Отажонов ўз чиқишлари орқали яқинларининг ҳуқуқбузарликларини яшириш, ўзининг маиший муаммоларига омма эътиборини тортишга уринган.
Мудофаа вазири Баҳодир Қурбонов раҳбарлигида авиация, артиллерия ва батальон тактик гуруҳларининг жанговар шайлиги текширилди. Вазир СУ-25 қирувчи самолётида чегарани бузиб ўтган шартли душманга авиазарба берилишини бевосита кузатди.
Навоий вилоятида Cobalt Howo русумли юк автомашинаси билан тўқнашиб, ЙТҲ содир этди. Енгил автомобиль ҳайдовчиси ва йўловчиси воқеа жойида вафот этди.
1 июлдан Ўзбекистонда бўладиган ўзгаришлар, ППХ ходимининг ўзига ўқ узиши, президентнинг иш ҳафтаси графики, август ойида Ўзбекистонга олиб келинадиган вакцина — «Газета.uz»нинг 28 июндаги энг муҳим хабарлари дайжестида.
Давлат молиявий назорати департаменти Экология ва атроф муҳитни муҳофаза қилиш қўмитаси тизимидаги ташкилотларда 2017−2020 йилларда жами 87,3 млрд сўмлик молиявий хато ва камчиликларга йўл қўйилганини аниқлади.
Август ойида COVAX дастури доирасидаги вакциналардан бири Ўзбекистонга олиб келиниши кутилмоқда. У AstraZeneca (CovieShield эмас), Pfizer, Moderna ёки ЖССТ тасдиқлаган бошқа вакцина бўлиши мумкин.
Ҳафта давомида Ўзбекистон бўйича асосан кам булутли об-ҳаво бўлиши кутилмоқда. Кундузи ҳарорат +38…+41 даражагача кўтарилади.
Жиззах шаҳридаги газ қуйиш шохобчасида хавфсизлик қоидаларига риоя қилинмагани сабабли ёнғин содир бўлди. Оқибатда иккита машина ёниб кетди.
«Тошшартрансхизмат» Тошкент вилоятининг турли ҳудудларигача қатновларни амалга оширадиган 24 та автобус ўз иш тартибида давом эттиришини маълум қилди. ЙПХ пост масканлари автомобиллар ҳаракати учун ёпилган ҳолларда, автобуслар ҳаракати ушбу пост масканларигача ташкил қилинади.
Ўзбекистондаги ЙТҲларнинг аксариятида пиёдалар жабр кўрмоқда. Бунинг сабаби нимада ва бундай ҳодисалар сонини қандай камайтириш мумкин? Бу ҳақда батафсил Самарқанд бош режасини ишлаб чиқаётган россиялик мутахассислар жамоасининг «Газета.uz»га берган интервьюсида.
Ангренда ППХ ходими табель қуролидан ўзининг жағ қисмига қарата бир маротаба ўқ узиб, вафот этди. Ижтимоий тармоқларда тарқалган видеода айтилишича, унга нисбатан босим бўлган ва пул сўралаган. Ҳолат ички ишлар вазирининг шахсан назоратига олинган.
Пенсия ва нафақаларнинг оширилиши, 24 та туман ва шаҳар қурилиш материалларини ишлаб чиқаришга ихтисослаштирилаётгани, олис ва чекка ҳудудлардаги боғчалар ва паррандачиларга субсидия берилиши, онкологик ва гематологик беморларнинг вилоятлардан республика марказларига келиш харажатлари қоплаб берилиши, мансабдор шахсларнинг хизмат сафарлари харажатлари ошкор қилиниши — 1 июлдан Ўзбекистон қонунчилигида қандай ўзгаришлар бўлади?
Қўшимча имкониятларга эга булиш учун сайтда рўйхатдан ўтинг