27 май куни пойтахтнинг Яккасарой туманида Nexia ва Isuzu автобуси тўқнашуви оқибатида енгил автомобиль ҳайдовчиси вафот этди. Худди шу куни Яшнобод туманида пиёда Matiz уриб юбориши натижасида вафот этди.
Пойтахтнинг Миробод туманида 3 нафар аёл 24 ёшли кар-соқов бўлган аёлни калтаклаб, тан жароҳати етказишди. Жабрланувчи тез тиббий ёрдам машинасини тўхтатиб, қўл ҳаракатлари билан тиббий ёрдамга муҳтожлигини маълум қилган. Ҳолат юзасидан жиноят иши қўзғатилди.
Ҳайдовчилик гувоҳномалари учун имтиҳонни хусусий сектор ҳам ўтказиши, болалар қатор дорилар билан бепул таъминланиши, ички бозорда баъзи товарларнинг фақат биржа орқали сотилиши, Uzbekistan Airways Москвага рейсларини бошқа аэропортга кўчириши, аҳоли ва тадбиркорларга давлат хизматларидан фойдаланишда бир қатор қулайликлар — 1 июндан Ўзбекистон қонунчилигида қандай ўзгаришлар бўлади?
Қонунчилик палатаси йиғилишида ҳозирда 1,7 миллион ўзбекистонлик чет элда, асосан Россия ва Қозоғистонда меҳнат қилаётганлиги маълум қилинди.
«Ашхобод» сайилгоҳи бошқарувчиси бўлган J-United Group компанияси рекламалардаги нотўғри маълумот сабаб ташриф буюрувчиларга етказилган моддий зарарни қоплаши керак. Суд Истеъмолчилар ҳуқуқларини ҳимоя қилиш агентлигининг қарорини ўз кучида қолдирди.
БМТ, Евроиттифоқ ва АҚШ Ўзбекистон ва Марказий Осиёнинг бошқа давлатларига можароли ҳудудлардан қайтарилган аёллар ва болаларни жамиятга қайта интеграциялашувига кўмаклашиш учун техник ва молиявий ресурсларни тақдим этади.
«Трест 12» 5 трлн сўмга яқин лойиҳаларни тендерсиз амалга оширганлиги, ЮНЕСКОнинг 44-сессияда Шаҳрисабз масаласи кўтарлиши, Исроил билан авиақатновларнинг йўлга қўйилиши, Миср самолётининг Тошкентдан учиб ўтиши — «Газета.uz»нинг 27 майдаги энг муҳим хабарлари дайжестида.
Нархларнинг, тарифларнинг кўтарилиши ёки янги божларнинг жорий қилиниши ҳақида сўз борганда, кимдир ҳазиллашиб, яна кимдир умидсизликка тушиб: «Балки, ҳавони ҳам пуллик қиларсизлар?» деб қўяди. Шаҳар дарахтларининг аҳамияти ва уларни кесишни тўхтатиш лозимлигини эслата туриб, «Газета.uz» колумнисти Ботир Қобилов ҳар бир дарахтнинг қиймати жуда юқори эканлиги ва шаҳар аҳолиси анчадан буён нафақат пул билан, балки ўз соғликлари билан ҳам бунинг бадалини тўлаб келаётганини таъкидламоқда.
Пастдарғом туманидаги каналдан 17 ёшли қизнинг мурдаси топилгани юзасидан ўзини ўзи ўлдиришга ундаш моддаси билан жиноий иш қўзғатилди.
Самарқанддаги 63-сонли ақли заиф болалар учун ихтисослаштирилган мактаб-интернати тарбияланувчилари калтаклангани бўйича ҳолат Бола омбудсмани томонидан ўрганиб чиқилди. Суратдаги 2 нафар болани отаси уйига қайтариб олиб кетган, кўзи кўкарган бола эса тенгдоши билан уришганини айтган. «Муассасада носоғлом муҳит ҳукм сурмоқда», — дейилади хабарда.
Мисрнинг «Fly Egypt» авиакомпанияси самолёти Тошкентнинг марказий ҳудудидан учиб ўтди. Транспорт вазирлиги мазкур ҳолатни изоҳлаб, самолёт «Тошкент» аэропортидан парвозни амалга ошириш жараёнида нотўғри манёврни амалга оширганини таъкидлади.
Бош прокуратура маълумотига кўра, ТАТУнинг Самарқанд филиали бўлими бошлиғи ва унинг шериги самарқандлик фуқарога Қозоғистондаги институтлардан бирида ўқиётганлиги ҳақида ҳужжат тайёрлаб бериш эвазига 3000 доллар олганида ушланган.
ЮНЕСКО Умумжаҳон мероси қўмитасининг Хитойда бўлиб ўтадиган 44-сессиясида Шаҳрисабзнинг тарихий қисмини регенерация қилиш лойиҳаси муҳокама қилинади. Ўзбекистон таклифига биноан хорижлик экспертлар 3 хил концепцияни ишлаб чиққан. Лойиҳалардан бири танлангач, 2022 йилдан амалий ишлар бошланиши мумкин.
Ўзбекистонда коронавирусга қарши эмланганлар сони 1,7 млн нафардан ошган бўлиб, эмланганлар орасида 499 094 нафар фуқаро вакцинанинг 2-дозасини қабул қилган. Шунингдек, сўнгги кун ичида 269 нафар бемор касалликдан соғайган бўлиб, Ўзбекистонда соғайиш кўрсаткичи 96 фоизни ташкил этмоқда.
Жиззахда Lacetti ҳаракатланаётган пайтида «люк» дан тана қисмини чиқариб кетган қиз акс этган видео тарқалди. Вилоят ИИБ томонидан фуқарога нисбатан маъмурий баённома тузилиб, 245 минг сўм миқдорида жаримага тортилди.
Сенатнинг ўнг бешинчи ялпи мажлиси, Тошкент вилоятида бир ярим минг гектардан ортиқ ер ўзбошимчалик билан эгаллаб олиниши, Equinox`нинг Қозоғистондаги нархи, Самарқандда мактаб-интернати тарбияланувчилари калтакланиши, Шаҳрисабзда масжид ҳовлисида айвон қурилиши нима сабабдан тўхтатилгани — «Газета.uz»нинг 26 майдаги энг муҳим хабарлари дайжестида.
Вазирлар маҳкамаси масъул ходими мурожаат билан келган собиқ меҳрибонлик уйи тарбияланувчиларига масала ҳал қилиниши бўйича тушунтириш берилганлигини таъкидлади. Унинг сўзларига кўра, мурожаатчилар ҳар бирига 100 млн сўмдан пул тўлаб берилмаса, уйларига қайтмасликларини айтиб шарт қўйган. Ҳукумат аппарати ходими воқеа Вазирлар маҳкамаси биносида эмас, бинонинг олдида, фуқаролар қабул қилинадиган ҳудудда содир бўлганлигини маълум қилди.
Тошкентда МИБ ходими икки йил ичида депозит ҳисобварағига келиб тушган 596 млн сўмдан кўпроқ пулни талон торож қилгани айтилмоқда. У буни электрон тўлов топшириқномаларига сохта маълумотларни киритиш йўли билан амалга оширган. Судланувчига 2 йил муддатга ахлоқ тузатиш ишлари жазоси тайинланган.
Ижтимоий тармоқларда ЖИБ Янгийўл шаҳар суди мажлислар залида судланувчилар қўлларини кесиб, тартибсизликни юзага келтиргани акс этган видео тарқалди. ИИВ маҳбуслар лезвия бўлаклари билан ўзларига тан жароҳати етказгани, ноўрин талабларни қўйиб, ички ишлар ходимларининг қонуний талабларини бажармаганини маълум қилди. Вилоят ИИББ эса воқеанинг келиб чиқиш сабабларини ўрганмоқда.
Режиссёр Зулфиқор Мусоқов раҳбарлигидаги Focus мактаби бадиий фильмлар режиссёрлигининг ўзбек тилидаги гуруҳига аризалар қабулини эълон қилди.
Қўшимча имкониятларга эга булиш учун сайтда рўйхатдан ўтинг