Жамият
Дам олиш кунлари булутли об-ҳаво бўлиши кутилмоқда
Республика бўйлаб жума ва шанба кунлари булутли об-ҳаво устунлик қилади, баъзи ҳудудларда ёғингарчиликлар кузатилиши мумкин. Якшанба куни тоғ олди ва тоғли ҳудудларида қисқа муддатли ёмғир ёғади, ҳаво ҳарорати меъёрдан +2…+4 даража паст бўлиши кутилмоқда.
17 июнь куни Ўзбекистонда содир бўлган энг муҳим хабарлар дайжести
ДХХнинг собиқ биноси сотилиши, президентнинг Aндижонга ташрифи, антикоррупция агентлигига юклатилган янги вазифалар, давлат органлари очиқлаши керак бўлган ижтимоий аҳамиятга молик маълумотлар рўйхати — «Газета.uz»нинг 17 июндаги энг муҳим хабарлари дайжестида.
БМТТДнинг минтақавий раҳбари Ўзбекистонга ташриф буюрди
БМТТДнинг минтақавий раҳбари Миряна Сполярич Эггер ўзининг расмий икки кунлик ташрифини чоғида Ўзбекистон билан ҳамкорлик қилишга содиқлигини яна бир бора тасдиқлади.
БМТ давлат тўнтариши иши бўйича қамалган собиқ дипломат Қодир Юсуповни ҳимоя қилиб чиқди
БМТнинг Ўзбошимчалик билан ҳибсга олиш бўйича ишчи гуруҳи Ўзбекистонни давлат тўнтариши тўғрисидаги иш бўйича қамалган собиқ дипломат Қодир Юсуповни зудлик билан озод қилишга чақирди. Олтита инсон ҳуқуқлари ташкилоти ҳам худди шу баёнот билан чиқди.
«Аёл ишли бўлиб, кайфияти яхши бўлса, оиласи ҳам бахтли бўлади» — Шавкат Мирзиёев
Президент Шавкат Мирзиёев Андижон вилояти Избоскан туманидаги маҳсулотлари 100 фоиз экспортга йўналтириш режалаштирилган тикув-трикотаж корхонаси билан танишди. Фабрикада 830 нафар хотин-қиз иш билан таъминланган. «Қачон Избосканда мана шундай замонавий корхона бўлган? Хотин-қизларимиз учун ҳамма шароитларни яратамиз. Аёл ишли бўлиб, кайфияти яхши бўлса, оиласи ҳам бахтли бўлади», — деди давлат рахбари.
Иштихон ҳокимлиги матбуот котиби журналистнинг «флешка"сини емаганлиги айтилди
Иштихон ҳокимлиги матбуот хизмати раҳбари журналист камерасининг хотира картасини еб қўймаганлигини маълум қилди. «MY5» мухбири ҳам бу ҳақда фақат бошқалардан эшитганлиги, ўзи кўрмаганлигини маълум қилди. Матбуот котибига «ҳайфсан» берилди. Журналист эса камера бузилганлиги ҳолати бўйича судга мурожаат қилмаслигини билдирди.
ОТМга кириш имтиҳонлари жараёни интернетда жонли эфирга узатилади
Эндиликда ОТМларнинг бакалавриат ва магистратура имтиҳонлари, ўқишни кўчириш билан боғлиқ имтиҳонлар ва нострификация тест синовлари жараёнлари интернетда жонли эфирга узатилади.
Сирдарёда террорчилик ташкилотларини тарғиб қилганликда гумонланаётган 20 киши қўлга олинди
Сирдарёда интернет орқали экстремистик ва террорчилик ташкилотлар таъсирига тушиб, радикал ғояларни тарғиб қилишда гумонланаётган 20 киши қўлга олинди. Уларга нисбатан жиноят иши қўзғатилди.
Жамоат саломатлигини сақлашдаги фавқулодда вазиятларга тезкор жавоб қайтариш маркази очилди
Соғлиқни сақлаш вазирлиги ҳузурида Жамоат саломатлигини сақлашдаги фавқулодда вазиятларга тезкор жавоб қайтариш маркази очилди. Марказ АҚШ Касалликларни назорат қилиш ва олдини олиш марказлари кўмагида ишга туширилди.
Хусусий ОТМларга 500 та грант берилади, ётоқхоналар учун ерлар аукцион орқали ажратилади
Навбатдаги ўқув йилида давлат хусусий ОТМларга 22 йўналиш бўйича 500 та грант ўринлари ажратади. ОТМларга ҳужжат топшириш жараёни беш кун ичида бошланади. Президент талабаларни турар жойлар билан таъминлаш ишлари доирасида бюджетдан 50 млрд сўм ажратилишини маълум қилди. Ётоқхона ва хостеллар қуриладиган ер майдонлари аукцион орқали тақдим этилади.
Бухородаги бюджет ташкилотларидан бири деярли 65 млрд сўмлик давлат харидларини тендерсиз амалга оширган
Монополияга қарши кураш қўмитаси «Бухоро йўллардан мунтазам фойдаланиш» унитар корхонаси 2019 йилда 31,4 млрд ва 2020 йилда 33,4 млрд сўмлик давлат харидларини аукцион ва тендерсиз амалга оширганлигини аниқлади.
Самарқандда «Минск» хиёбонидаги қурилиш бўйича жиноят иши қўзғатилди
Самарқанддаги «Минск» хиёбонида қурилиш учун ҳужжатлар сохталаштирилганлиги бўйича жиноят иши қўзғатилди. Маҳалла аҳолиси, фаоллар ва депутат хабар қилишича, қурувчи компания уй-жой, болалар боғчаси ва савдо биноларини ноқонуний равишда қурмоқда.
Қашқадарё ҳокими Зойир Мирзаев ёшлар фестивалида мақом куйлади
Қашқадарёнинг Шаҳрисабз шаҳрида 13−15 июнь кунлари ўтказилган ёшлар фестивалида вилоят ҳокими Зойир Мирзаев мақом куйлади. Шунингдек, фестиваль доирасида журналист ва блогерлар мукофотланган.
Тошкентдаги Webster университетида «Таълим ва инновациялар» соҳасида магистратурага қабул бошланди
2021 йил август ойидан бошлаб Тошкентдаги Webster университети «Таълим ва инновациялар» йўналишида янги бир йиллик магистратура дастурини (MA EDIN) йўлга қўяди.
Жомбойдаги мактаб синфхоналарини таъмирлаган ўқувчилар ота-оналарининг розилиги билан борганлиги айтилди
Самарқанд вилояти Жомбой туманидаги 28-мактабда ўқийдиган ўғил болалар мактабни таъмирлаш ишларига ёрдам бериш учун ота-оналарининг розилиги билан келганлиги айтилди. 5 нафар қиз-ўқувчилар эса якуний давлат имтиҳонларининг баҳоларини билиш мақсадида мактабга келганлиги аниқланган. Вилоят Халқ таълими бошқармаси ўқувчилар ўзи ва ота-оналарининг ихтиёрига зид равишда таъмирлаш ишларига жалб қилинмаганлигини таъкидлади.
Жиззахда Nexia юк автомобилига урилди. Икки киши вафот этди
Жиззах вилоятида Nexia ва SHACMAN русумли юк автомобили иштирокида тўқнашув содир бўлди. Енгил автомобил ҳайдовчиси ва йўловчиси вафот этди. Яна икки йўловчи касалхонага ётқизилган.
Янгиқўрғонда тадбиркорнинг қўйлари туман ҳокимлиги биноси томонга ҳайдалди
Наманган вилоятининг Янгиқўрғон туманида маҳаллий тадбиркорга тегишли қўйлар подаси туман ҳокимлиги биноси томонга ҳайдалди. Тадбиркор туман маъмуриятидан талаб қилган ерни ажратмаганидан норози бўлган. Ҳокимлик унга иккита ер майдонини танлашни таклиф қилишганига аниқлик киритди, аммо у таклиф қилинган вариантлардан бош тортган.
15 июнь куни Ўзбекистонда содир бўлган энг муҳим хабарлар дайжести
Ўзбекистон фуқаролигини олиш тартиби соддалаштирилиши ҳақидаги қонун, янги тайинловлар, Aл-Хоразмийнинг янги ҳайкали Урганчда ўрнатилиши, камеранинг хотира картасини «еб қўйгани» айтилаётган матбуот хизмати ходими — «Газета.uz»нинг 15 июндаги энг муҳим хабарлари дайжестида.
Иштихон ҳокимияти матбуот хизмати ходими журналист камерасининг хотира картасини «еб қўйгани» айтилмоқда
Иштихон тумани ҳокимлиги ахборот хизмати ходими деҳқон бозоридани ёнғинни ёритишга борган журналистларнинг камерасига ташланиб, ундаги хотира картасини «еб қўйгани» айтилмоқда. Ҳокимлик ахборот хизмати раҳбари тушунмовчилик бўлганини қайд этди. Самарқанд вилояти ҳокимлиги ҳолат АОКА вакиллари ва икки томон иштирокида ўрганиб чиқилишини маълум қилди.
Тошкент метросининг чалкаш кўрсаткичлари
2020 йилда Тошкент метрополитенининг ер усти Ҳалқа йўли ва Сергели йўналиши ишга туширилди, Юнусобод йўналишига яна иккита бекат қўшилди. Тошкент метросининг янги ва эски бекатларидаги йўл кўрсаткичларидаги ноаниқликлар, у ердаги ташкилотчилик, бекат ва унинг ташқарисидаги навигация — Оғабек Самисов ва Евгений Сорочин репортажида.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг