Жамият
ЕОИИ доирасида Ўзбекистон фармацевтикаси учун ижобий ва салбий томонлар ҳақида Сардор Қориев
«Бу каби интеграция, глобализация бор экан маҳаллий ишлаб чиқаришни қўллаб-қувватлаш бироз қийин», деди Ўзбекистон фармацевтика саноатини ривожлантириш агентлиги раҳбари Сардор Қориев ЕОИИ интеграциялашувнинг камчиликлари ҳақида. Агентлик раҳбари Иттифоқнинг плюс жиҳатлари орасида унинг «катта бозор"лигини таъкидлади.
Effect.uz журналистлари суд биносидаги воқеадан кейин қидирувга берилди
Effect.uz сайтининг икки мухбири январь ойида жиноят ишлари бўйича Термиз туман судидаги ҳодисадан сўнг қидирувга берилиб, сиртдан ҳибсга олинди. Улар ҳокимият вакилига қаршилик кўрсатиш ва терговга ёки суд ишларининг ҳал қилинишига халақит берганликда сиртдан айбланмоқда. Ўз навбатида, нашр раҳбари ходимларининг бирига чақирув қоғози келмагани, бири икки марта прокуратурага борганини маълум қилди. Ҳодиса тафсилотлари.
Қашқадарёда шифохонага ишга жойлашини айтиб, 11 нафар фуқарони алдаган шахслар ушланди
Қашқадарё вилоятида она ва бола Шаҳрисабз шаҳар тиббиёт бирлашмасига қарашли шифохона ва поликлиникаларга 11 нафар фуқарони ишга жойлашини айтиб, улардан 4300 доллар олган. Бундан ташқари, тиббиёт бирлашмаларига раҳбарларига қўнғироқ қилиб, мазкур фуқароларни ишга олишини талаб қилган. Ҳолат юзасидан жиноят иши қўзғатилди.
Тошкентда ташқи реклама объектларига мораторий эълон қилинди
Тошкент шаҳрида ташқи реклама объектларини жойлаштириш, ўрнатиш, ўзгартириш ва паспортларининг берилишига мораторий эълон қилинди. Ушбу тақиқ 1 апрелдан 31 декабрга қадар амал қилади ва у ташқи реклама конструкцияларида жойлашган рекламага тааллуқли эмас.
17 майдан «Ҳаж» ва «Умра» сафарига рухсат берилиши мумкин — Дин ишлари бўйича қўмита
Дин ишлари бўйича қўмита раисининг биринчи ўринбосари Музаффар Камилов 17 май санасидан «Ҳаж» ва «Умра» сафарларига рухсат берилиши мумкинлигини қайд этди. У сафар масаласи Саудия Арабистонидаги эпидемиологик вазият барқарорлашишига боғлиқлигини қўшимча қилди.
Тошкентдан Москвага мунтазам авиақатновлар ҳар шанба куни
Uzbekistan Airways 2021 йилнинг апрель ойидан бошлаб, ҳар шанба куни Тошкент — Москва — Тошкент йўналиши бўйича мунтазам авиақатновлар қайта жорий этилиши ҳақида хабар берди.
Мактаблардаги муаммоларни юзимизга солиш ўрнига, ёрдам берадиган раҳбарлар кўпаяверсин — халқ таълими вазири
Шерзод Шерматовнинг таъкидлашича, мактаблардаги муаммоларни ҳал этиш ўрнига, «баъзилар ўзини кўрсатишга ҳаракат қилишдан нарига ўта олмаяпти». У президент топшириқларини тўғри тушунган раҳбарлар бюджетдан ташқари маблағларни топиб, мактабларга ёрдам беришга ҳаракат қилишини айтди.
Туризм ва спорт вазирлиги ҳузурида Маданий мерос агентлиги ташкил этилди
Маданият вазирлиги ҳузуридаги Маданий мерос департаменти ва хориждаги Ўзбекистон маданий бойликларни ўрганиш маркази асосида Маданий мерос агентлиги ташкил этилди.
Ўзбекистонда 2021 йилнинг биринчи чорагида 9213 та ажрим қайд этилди
Ўзбекистонда 2021 йилнинг биринчи чорагида 9213 та ажрим қайд этилди. Статистик маълумотларга қараганда, энг кўп ҳолат Тошкент шаҳрида, энг кам кўрсаткич эса Қорақалпоғистонда рўйхатга олинган.
Ўзбекистонда 1 км йўлни қуриш нархи 950 минг долларни ташкил этади — Абдураҳмон Абдувалиев
Ўзбекистонда 1 км йўлни қуришнинг энг қиммат нархи 950 минг долларни ташкил этиши маълум қилинди. Мазкур нархга ўтиш йўлаклари, лотоклар ва бошқаларни таъмирлаш ҳамда ўрнатиш ҳам киради. «Лекин дунёда ҳеч ким бунақа суммада йўл қурмайди», — деди Автомобиль йўллари давлат қўмитаси раиси.
Ёшлар иттифоқи раиси Сергели тумани ҳокимининг биринчи ўринбосари бўлди
Акмал Жумабоев Тошкент шаҳар Сергели тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди. У бунга қадар Ўзбекистон ёшлар иттифоқи Марказий Кенгаши раиси сифатида фаолият олиб борган.
Тошкентда авиачипта сотувчи операторлар 130 минг долларни талон-торож қилишди
Тошкентда авиачипта сотувчи операторлар авиачипталар сотувидан тушган 771,2 млн сўм ва 58,7 минг АҚШ долларини кирим қилмасдан талон-торож қилишганликлари аниқланган.
Аҳолини ичимлик суви билан таъминлаш учун ажратилган 493 млн сўм талон-торож қилинди
Тошкент вилоятидаги 3 та шаҳар ва 3 та туман аҳолисини тоза ичимлик суви билан таъминлаш учун ажратилган 500 млнга яқин пул маблағлари талон-торож қилингани аниқланди.
Тошкентда 5 та автомобиль иштирокида ЙТҲ содир бўлди
Миробод туманида Lacetti, Toyota, Spark, Malibu ва Nexia автомобилларининг тўқнашуви содир бўлди. Nexia ҳайдовчисига тиббий ёрдам кўрсатилган.
Сенатор қурол тўғрисидаги қонунчиликда мавжуд «ҳуқуқий бўшлиқ»ни маълум қилди
Сенатнинг мудофаа ва хавфсизлик масалалари қўмитаси «ҳуқуқий бўшлиқ"лар мавжуд бўлган қурол тўғрисидаги қонунчиликка ўзгартиш киритишни кўриб чиқмоқда, дея қайд этди сенатор Фарҳод Боқиев. Қурол ва ўқ-дорилар муомаласи устидан давлат назорати функцияларини Миллий гвардиядан ички ишлар органларига ўтказиш, қолаверса, ўқотар бўлмаган қурол муомаласи қоидаларини бузиш учун жавобгарлик белгилаш кўзда тутилмоқда.
Қонликўлда боғча опалар намойиш ўтказгани юзасидан маълумот берилди
Уч йил давомида қарийб 400 млн сўмлик молиявий хато-камчиликларга йўл қўйган Қонликўлдаги 1-ДМТТ директори суд томонидан лавозимига қайта тикланган. Бундан норози бўлган тарбиячилар намойиш ўтказди. Қорақалпоғистон Мактабгача таълим вазирлиги боғча мудирасини қайтадан лавозимидан четлаштирди.
Собиқ бош инфекционист Гулжаҳон Йўлдошевага суд ҳукми ўқилди
Тошкент вилоят юқумли касалликлар шифохонасининг собиқ бош шифокори Гулжаҳон Йўлдошевага нисбатан қарийб 3,5 йилга озодликни чеклаш жазоси тайинланди.
Тошкентда ИИБда сўроқ қилингандан сўнг вафот этган фуқаро юзасидан расмий муносабат билдирилди
Тошкентнинг Юнусобод туманида кечки пайт 3 нафар фуқаро ИИБга сўров учун олиб келинган. Фуқаролар қўйиб юборилгандан кейин тахминан 6 соатлардан сўнг улардан бирининг мурдаси топилган. Суд-тиббиёт экспертизасида марҳумнинг бир нечта касалликлари бўлгани аниқланди.
Ҳокимликдаги машиналар четдан келадиган меҳмонлар учун керак — Шавкат Aбдураззоқов
Наманган вилояти ҳокими Шавкат Aбдураззоқов ҳокимликдаги қимматбаҳо машиналар четдан келадиган меҳмонлар учун кераклигини таъкидлади. У бу орқали кўплаб инвестициялар келиши мумкинлигига урғу қаратди.
Тошкентда иситиш мавсуми 7 апрелдан якунланади
Пойтахт ҳокимининг қарорига мувофиқ, 7 апрелдан Тошкентда иситиш мавсуми якунланади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг