Жамият
Қисқа ёмғирдан сўнг Тошкент кўчаларини сув босди (видео)
Куннинг биринчи ярмида Тошкент шаҳрида ёғиб ўтган қисқа ва шиддатли ёмғир кўчаларни сувга тўлдирди. Тарқалган видеоларда маҳаллалар, автомобиль йўллари ва бозорларни сув босганини кўриш мумкин. Видео.
Ижтимоий ҳимоя агентлиги ва Uzum Market реабилитация воситалари билан таъминлаш бўйича қўшма лойиҳани ишга туширди
Uzum Market Ижтимоий ҳимоя миллий агентлиги билан биргаликда реабилитация воситаларини етказиб бериш лойиҳасини ишга туширди.
Андижонда Lacetti пиёдалар ўтиш жойида ўтаётган фуқарони уриб юборди
Пахтаобод туманида 21 ёшли Lacetti ҳайдовчиси светофорнинг яшил чироғида пиёдалар ўтиш жойидан ўтаётган фуқарони уриб юборди. ЙТҲ оқибатида 41 ёшли пиёда оёқ синиши билан боғлиқ жароҳат олди.
«Аёллар кўпроқ руҳий зўравонликка учрамоқда, 86−87 фоиз зўравонлик оилаларда кузатиляпти» — ИИВ вакили
Хотин-қизлар кўпроқ руҳий, шунингдек, жисмоний ва иқтисодий зўравонликка учрамоқда, деди ИИВ Ҳуқуқбузарликлар профилактикаси хизмати бошлиғи ўринбосари Умида Абдуллаева. Унинг айтишича, 86−87 фоиз зўравонлик оилаларда кузатиляпти. 2024 йилнинг уч ойида аёлларга 10 мингдан зиёд ҳимоя ордери берилган.
Тошкент шаҳридаги Бобур кўчасининг айрим қисмларида йўл бир томонлама ёпилди
Яккасарой туманидаги Бобур кўчасининг айрим қисмларида йўл бир томонлама номаълум муддатга ёпилди. У ерда 15 май куни соат 22:00 дан бошлаб таъмирлаш ишлари бошланди. Ҳайдовчилардан ёндош кўчалардан ҳаракатланиш сўралган.
Самарқандда уй қулаб тушгани бўйича жиноят иши қўзғатилди
Пастдарғом туманида қулаб тушган уй эгаси ИИБга мурожаат қилиб, унга 300 минг доллар миқдорида моддий зарар етказилганини билдирди. Ҳолат юзасидан жиноят иши қўзғатилди. Қурилиш вазирлиги унинг қўшниси лойиҳа ҳужжатларига амал қилмасдан ер қазиш ишларини олиб борганини маълум қилди.
Реҳина Мария Кастижио ЮНИСЕФнинг Ўзбекистондаги ваколатхонаси раҳбари бўлди
Реҳина Мария Кастижио БМТ Болалар жамғармаси (ЮНИСEФ)нинг Ўзбекистондаги ваколатхонаси раҳбари бўлди. Бунгача у фонднинг Хорватия ва Парагвайдаги ваколатхоналарини бошқарган.
Тошкентда иккита автобус тўқнашди
Тошкент шаҳри Яшнобод туманида MAN ва Yutong автобуслари тўқнашди. ЙТҲда жароҳат олганлар йўқ, суриштирув ишлари олиб борилмоқда.
15 май куни эълон қилинган энг муҳим янгиликлар дайжести
Ёшларни терроризм таъсиридан ҳимоя қилиш чоралари, Ўзбекистонда очиладиган бешинчи Coca Cola заводи, ХВЖнинг даромадлар декларацияси бўйича тавсияси, аҳоли яшаш ҳудудига кириб қолган айиқ ва бошқалар — «Газета.uz»нинг кунлик дайжестида.
Ногиронлиги бўлган шахслар учун давлат хизматларидан фойдаланиш қанчалик имконли?
Мониторинг ДХМларнинг ногиронлиги бўлган шахсларга хизмат кўрсатишга шайлик даражаси турлича эканини кўрсатди. Нима учун бир шаҳарда давлат хизматлари турлича тақдим этилади? «Газетa.uz» колумнисти Дилмурод Юсупов ягона стандартларни жорий этиш орқали муаммони ҳал қилиш мумкин, деб ҳисоблайди.
Самарқандда хандақ қазилгани ортидан қўшни уй қулаб тушди (видео)
Самарқанд вилояти Пастдарғом туманидаги нотурар жойда хандақ қазилиши оқибатида қўшни уй қулаб тушди. Келтирилган зарар ёки жабрланиш ҳолатлари ҳақида маълумот берилмади.
Сурхондарёда турар жой ва мактаб ҳудудига кирган айиқ отиб ўлдирилди
Сариосиё туманидаги маҳаллага келиб қолган айиқ отиб ўлдирилди. Экология вазирлиги ҳайвон ИИБ ходимига жароҳат етказгани, мактабга кириб, ўқувчилар ҳаётига хавф солгани учун «тезкор чора кўриш талаб қилинганини» билдирди.
Фарғонада диний экстремистик оқим аъзоси 12 йилга қамалди
Олтиариқ туманида «Ҳизб ат-таҳрир ал-исломий» диний экстремистик оқими аъзоси қўлга олинди. У Россиядан қайтиб, Telegram`даги турли гуруҳларда ақидапарастлик ғояларини тарқатиб келган. Бағдод тумани суди уни 12 йил муддатга озодликдан маҳрум этди.
Тўққизта ҳудудда сел келиши кутилмоқда
Ўзбекистоннинг 9 та вилоятидаги тоғли жойларда 16−22 май кунлари сел-сув тошқини ҳодисалари юзага келиши мумкин. Ёмғир сувлари тўпланиши оқибатида ҳудудларни сув босиши эҳтимоли бор.
Фарғонадаги «заправка»да 3,6 млрд сўмлик электрдан ноқонуний фойдаланилгани аниқланди
Риштон туманидаги автомобилларга газ қуйиш шохобчаси компрессор агрегатларига ноқонуний уланиб, 2,7 млн кВт соат электр энергиясини ишлатгани маълум бўлди. Бу 3,6 млрд сўмга тенг. Ҳолат юзасидан жиноят иши қўзғатилди.
Фарғонада 200 долларга қалбаки ҳайдовчилик гувоҳномасини ясаб берган шахслар ушланди
Олтиариқ туманида 200 АҚШ доллари эвазига қалбаки ҳайдовчилик гувоҳномаси ясаб берган шахслар қўлга олинди. Уларга нисбатан жиноят иши қўзғатилди.
ЯИДХП ногиронлиги борлар учун порталдан фойдаланиш имконини яхшилаш мақсадида сўровнома ўтказмоқда
Ягона интерактив давлат хизматлари портали ишлаб чиқувчилари ногиронлиги бўлган шахслар учун қўшимча қулайликлар яратиш мақсадида сўровнома ўтказмоқда.
Хоразмда 17 ёшли йигит 5-қаватдан тушиб кетди
Урганч шаҳрида 17 ёшли йигит 5-қаватдан автомашина устига қулади. Жабрланувчи шифохонага ётқизилди. Ҳодиса сабаблари аниқланмоқда.
Қашқадарёда отасининг тазйиқларига учраган қизларга холаси васий бўлди
Қашқадарёда отасининг зўравонлигига учраган 16 ва 14 ёшли қизларнинг вазияти болалар омбудсмани назоратига олинганди. Сурайё Раҳмонованинг маълум қилишича, Қарши шаҳри ҳокими қарори билан уларга холаси васий этиб тайинланган.
Фарғонада мактаб ўқувчисига тарсаки туширган Миллий гвардия ходими ишдан олинди
Фарғонадаги мактабда ўқувчини урган Миллий гвардия ходими лавозимидан озод этилди. У мактабда инспектор-психолог лавозимида ишлаган, ҳозирда уни бошқа лавозимга қўйиш масаласи кўриб чиқилмоқда.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Қисқа ёмғирдан сўнг Тошкент кўчаларини сув босди (видео)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг