Жамият
Видео: ДХХ Наманганда салкам 3 кг наркотик моддаларни тўхтатиб қолди
Поп туманида тўхтатилган икки машинадан салкам 3 килограмм опий мусодара қилинди. ДХХ маълумотига кўра, наркотик моддалар Тожикистон ва Қирғизистондан олиб кирилган. Ҳолатлар юзасидан жиноят иши қўзғатилиб, тергов олиб борилмоқда.
Нима тайёрлаймиз: Иссиқ таомлар
Карам баргларидан дўлма, бедана тухумли тефтеллар, қозонда пиширилган қиймакабоб, нон-палов, печда пиширилган товуқ ва картошка ҳамда бошқалар — Zira.uz мазали ва тўйимли иссиқ таомлар рўйхатини тақдим этади.
«Ноқонуний топшириқларни бажаришни хоҳламайман». Расул Кушербаев — Тошкент ҳокими этиб тайинланиши мумкинлиги ҳақида
Расул Кушербаев интернетда уни Тошкент ҳокими этиб тайинлаш таклифига жавобан: «бу халқнинг хоҳиши бўлиши мумкин, аммо раҳбариятнинг эмас», — деди. У бунга рози бўлмаслигини, чунки «ноқонуний топшириқлар»ни бажаришни истамаслиги, раҳбарият ҳам буни хоҳламаслигини билдирди.
20 январь куни Ўзбекистонда содир бўлган энг муҳим хабарлар дайжести
Андижонда фуқароларни калтаклаб, кейин видеода узр сўраттирган ИИБ ходимлари, ўқитувчилардан узр сўраган Ангрен шаҳар прокурори, Наманганда жаримага тортилган ҳоким ҳайдовчиси, совуқ дам олиш кунлари, газдан ноқонуний фойдаланган тадбиркорлар ва бошқалар — «Газета.uz»нинг кун дайжестида.
Ўзбекистон ОТМ, коллеж ва лицейларида ўқиш 23 январдан бошланади
Олий таълим вазирлиги ОТМ, коллеж, касб-ҳунар мактаблари ва академик лицейларда ўқиш 23 январдан бошланишини маълум қилди.
Андижонда ИИБ ходимлари фуқароларни калтаклаб, кейин видео орқали узр сўраттирди
Асакада ички ишлар ходимлари жамоат тартибини бузганликда айблаб, фуқароларга куч ишлатди. Туман ИИБга олиб кетилган фуқаролар узр сўраб, ходимларга совуқда тартибни сақлаётгани учун миннатдорлик билдирди. Уларнинг калтаклангани акс этган видеони тарқатиш эса яхши иш бўлмаганини айтди.
Ўзбекистонда 60 км тезлик чеклови тақиқловчи белгилар ўрнатилгандан сўнг кучга киради
Ўзбекистонда ҳаракат тезлиги 60 км этиб белгиланган чеклов кўчаларда тақиқловчи белгилар ва мослаштирилган тезликни аниқловчи мосламалар ўрнатилгач кучга киради. ЙҲХХ масъули ҳайдовчилардан янги тартибга ҳозирдан амал қилишни сўради.
«Мактаб қордан тозаланмаган, ўқитувчилар эса ойлик олиб ётибди» — Ангрен прокурори
Ангренда шаҳар прокурори 22-мактабга бориб, муассаса ҳовлиси муз ва қордан тозаланмаганидан норозилигини билдирди. Унинг ташрифидан сўнг ўқитувчилар ҳудудни тозалашга жалб қилинди. Ҳолат муҳокамаларга сабаб бўлгач, ўрганиш олиб борилиб, прокурорга интизомий жазо чораси қўлланди.
Чет эллик ва фуқаролиги бўлмаганларнинг фарзандларини мактабларга қабул қилиш хизмати ишга тушди
Хориж фуқаролари ва чет элда яшовчи фуқаролиги бўлмаган шахсларнинг фарзандларини умумтаълим мактабларига қабул қилиш бўйича давлат хизмати йўлга қўйилди. Хизмат кўрсатиш бепул амалга оширилади.
Наманганда бошқарув пайтида телефондан фойдаланган ҳоким ҳайдовчиси жаримага тортилди
Тармоқларда Мингбулоқ тумани ҳокимининг ҳайдовчиси бошқарув вақтида қўл телефонидан фойдалангани акс этган сурат тарқалди. ЙҲХХ Trailblazer автомобили ҳайдовчисига нисбатан баённома расмийлаштирилгани ва у 900 минг сўм жарима тўлаганини маълум қилди.
Совуқ ҳаво дам олиш кунларида ҳам сақланиб туради
Ўзбекистонда шанба ва якшанба кунлари ёғингарчилик бўлмайди. Ҳарорат кечалари −8…−13 даража, кундузи −2…+3, баъзи жойларда −5 даража атрофида бўлиши кутилмоқда.
3 та вилоятда тадбиркорлар жами 673,4 минг куб метр газдан ноқонуний фойдалангани айтилмоқда
Жиззах, Тошкент ҳамда Бухоро вилоятларида табиий газга ноқонуний уланиб олганликда гумонланаётган тадбиркорлар аниқлади. Улар жами 673,4 минг куб метр газдан руҳсатсиз фойдаланган. Оқибатда давлат ва жамият манфаатларига 545,3 млн сўм зарар етган. Ҳозирда ҳолатлар тергов остида.
Видео: Тошкентда 3 та машина тўқнашиб, 2 киши шифохонага ётқизилди
Яккасарой туманида Malibu, Spark ва Nexia-3 тўқнашиб кетди. ЙТҲ оқибатида икки ҳайдовчи касалхонага олиб кетилди.
Даулетмурат Тажимуратов судда ўз ҳимояси учун нималар деди?
Тажимуратов судда унинг айбини тасдиқловчи далиллар тақдим этилмагани, амалдорлар фарқли кўрсатмалар берганини маълум қилди. У намойишларгача давлат органларидан жим турмасликни сўрагани ва мустақиллик учун уринмаганини айтди. Айни вақтда, «мустақилликни орзу қилиш жиноят эмас»лигини таъкидлади.
19 январь куни Ўзбекистонда содир бўлган энг муҳим хабарлар дайжести
Ўзбекистонда тезлик 60 км/соатгача пасайтирилган кўчалар, маҳкумларни алмашишни режалаштираётган Ўзбекистон-Қозоғистон, қирғизистонлик сиам эгизакларини операцияда ажратиб олган ўзбек шифокорлар, «ҳозир ҳеч кимга қизиқ бўлмай қолган» ковид статистикаси ва бошқалар — «Газета.uz»нинг кун дайжестида.
Ўзбекистоннинг турли ҳудудлари аҳолиси қаҳратонни қандай ўтказмоқда?
Тошкентликлар пойтахтнинг сўнгги аёзли кунлардаги оғир аҳволи вилоятлар аҳолиси учун одатий экани ҳақида кўп эшитди. «Газета.uz» Ўзбекистон ҳудудлари аҳолиси билан суҳбатлашиб, бу йилги қиш аввалгиларидан нимаси билан фарқ қилаётгани, газ, «свет» ва транспорт муаммолари ҳақида сўради.
Тожикистондан келтирилган салкам 5 кг наркотик модда мусодара қилинди
ДХХ гиёҳванд моддаларнинг ноқонуний айланмасига қарши кўп босқичли тезкор тадбир ўтказди. Жараёнда Навоий ва Самарқанд вилоятларида Тожикистондан кириб келган 5 килограммга яқин гашиш ва опий моддалари аниқланди. Ҳолатлар юзасидан жиноят иши қўзғатилиб, тергов ҳаракатлари олиб борилмоқда.
Метан «заправка»лар айрим машиналарга таниш-билиш қилиб, газ тўлдириб бераётгани рад этилди
«Ўзтрансгаз» баъзи «заправка»лар машиналарга таниш-билиш қилиб, газ тўлдириб бераётганини рад этди. Унга кўра, куннинг маълум қисмида 1 соатдан 3 соатгача давлат ташкилотлари автомобилларига хизмат кўрсатилмоқда. Ҳарорат кўтарилгач, барча шохобчалар одатдаги иш тартибига қайтади.
Ўзбекистон ва Қозоғистон маҳкумларни ўзаро алишиши мумкин
Қозоғистонда депутатлар Ўзбекистон билан маҳкумларни алишиш бўйича келишувни маъқуллади. Бош прокурор ўринбосари 225 нафар ўзбекистонлик маҳкум жазони ватанида ўташ истагини билдирганини айтди. «Ўзбекистонда 20 нафар судланган фуқароларимиз бор, улар ҳам қайтишга қарши эмас, деб ўйлаймиз», деди у.
Ўзбекистонлик шифокорлар сиам эгизакларини операция ёрдамида ажратиб олди (фото)
Неонатал хирургия маркази шифокорлари танасининг қорин қисми бирлашган қирғизистонлик сиам эгизакларини жарроҳлик йўли билан ажратиб олди. Болаларнинг аҳволи стабил дея баҳоланмоқда. Яқинда улар уйига рухсат берилиши мумкин. ССВ раҳбари ушбу операцияда қатнашган шифокорларни тақдирлади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг