Жамият
Ҳафта давомида иссиқ ҳарорат сақланиб қолади
Ушбу ҳафтада ҳаво иссиқ ва асосан қуруқ бўлади, кундузи ҳарорат +30 даражагача етади. Сешанба ва пайшанба кунлари айрим ҳудудларда вақти-вақти билан ёмғир ёғиши мумкин.
Қашқадарёда «КамАЗ» тиркамаси чиқиб кетиб, 3 та транспортга урилди, бир киши жароҳатланди
Деҳқонобод туманида «КамАЗ»нинг тиркамаси ҳаракат вақтида асосдан чиқиб кетди. Бошқарувсиз қолган тиркама 3 та транспортга урилди. Ҳодисада ҳайдовчилардан бири жароҳатланди.
«Тошкентдаги дарахтларнинг реестри 2,5 йилда шакллантирилади» — экология вазири
Сентябрь охиридан пойтахтдаги дарахтларнинг реестрини шакллантириш бошланади. Экология вазирига кўра, жараён 2,5 йил давом этади. «Бунга 100 нафар волонтёр жалб этилиб, ҳар бирига планшет берилади. Электрон базага дарахтларнинг тури, ҳолати ва бошқа жиҳатлари киритилади», — деди Азиз Абдуҳакимов.
Ходимларига куч ишлатган Inbazar кийим дўкони муҳокама мавзусига айланди. Тафсилотлар
Inbazar кийим дўкони ходими бошқа бир ходимни калтаклагач, воқеа жамоатчилик эътиборига тушди. Шундан сўнг дўкон асосчисининг ходимларига хатоси учун куч ишлатгани акс этган видеолари ҳам тарқалди. Раҳбарга нисбатан терговга қадар текширув кетмоқда. Воқеалар ривожи.
Тошкентда кўчмас мулк билан боғлиқ фирибгарликда гумонланган 3 киши қўлга олинди
Тошкентда 3 эркак фуқароларнинг кўчмас мулкини алдов йўли билан эгаллаб, уни ўзига гаров сифатида расмийлаштирганликда айбланмоқда. Гаров қарз миқдоридан 3−4 баравар кўп бўлган ва қарз олувчиларга келишилганидан камроқ маблағлар берилган. Улар қамоққа олинган.
Илмий ва инновацион фаолият юритувчи юридик шахсларнинг реестрини жорий этиш режалаштирилмоқда
Ўзбекистонда илмий ва инновацион фаолият юритувчи юридик шахсларнинг реестри жорий этилиши кўзда тутилмоқда. Улар ҳар йиллик фаолияти натижалари бўйича баҳолаб борилади. Илмий танловларда ва буюртмаларни шакллантиришда уларнинг рейтинг баҳолаш натижалари кўрсаткичлари эътиборга олинади.
Фото, видео: Водород сульфид сизиб чиққан М-25 конидаги қудуқда сўндириш жараёни якунланди
Бойсун туманидаги «Мустақилликнинг 25 йиллиги» конида водород сульфид сизиб чиққан қудуқда сўндириш жараёни якунланди. Жараёнга Россия ва АҚШдан мутахассислар жалб қилинди. Eriell оқибатларни бартараф этиш давомида жамоатчиликка ҳеч қандай хавф бўлмаганини таъкидлади.
Тошкентдаги Пушкин ҳайкали атрофида замонавий сувтушар боғ барпо этилади (фото)
Яккасарой туманидаги Пушкин ҳайкали ўрнатилган хиёбонда замонавий сувтушар боғ барпо этилади. 2,5 гектардан иборат мазкур ҳудуддаги ҳайкал, фаввора ва барча дарахтлар сақлаб қолинади. Шунингдек, Шота Руставели кўчасининг 1,8 км қисми 24/7 режимидаги гастрономик кўчага айлантирилмоқда.
Таниқли шоира Бибисора Туробова 72 ёшида вафот этди
Ёзувчилар уюшмаси аъзоси, таниқли шоира Бибисора Туробова 72 ёшида вафот этди. Марҳуманинг 10 га яқин шеърий китоблари нашр этилган. Айниқса, 2011 йилда ёзилган «Ўлсам, жанозамни булбул ўқисин» шеъри машҳур.
Ўзбекистон Мудофаа вазирлиги жамоаси Жанубий Кореяда ўтказилган мусобақада ғолиб бўлди
Ўзбекистон Мудофаа вазирлиги жамоаси Жанубий Кореяда ўтказилган Халқаро илмий-жанговар тайёргарлик мусобақасида иккинчи бор ғолиб бўлди. Фото, видео.
Янги Chery автомобилларининг тақдимоти: нархлар эълон қилинди
Chery брендининг Ўзбекистондаги расмий ишлаб чиқарувчиси ва дистрибьютори ADM Global 12 сентябрь куни янги Tiggo 8 Pro Max, Tiggo 7 Pro ва Arrizo 6 Pro автомобиллари тақдимотини ташкил қилди.
Hamkorbank ўзининг янги логотипини тақдим этди
Hamkorbank банкнинг трансформацияси ва унинг замонавий молиявий ечимларга интилишини акс эттирувчи янги логотипни тақдим этди.
Ўзбекистонга Россия, Тожикистон ва Қирғизистондан наркотик моддалар олиб киришга уринганлар қўлга олинди
ДХХ чегара қўшинлари хизматчилари Россия, Тожикистон ва Қирғизистон мамлакатларидан Ўзбекистонга олиб келинган гиёҳванд моддаларни тўхтатиб қолди. Мазкур ҳолатларда қўлга олинган гумондорларга жиноят ишлари қўзғатилди, тергов ҳаракатлари олиб борилмоқда.
Шерободдаги ҳибсхонада маҳбуслар учун етарли шароитлар яратилмагани аниқланди
Сурхондарё вилояти Шеробод туманидаги вақтинча сақлаш ҳибсхонасида маҳбусларга етарли шароитлар яратилмаган, дея омбудсман мониторинг натижаларини эълон қилди. Камераларда қатор жиҳозлар етишмайди, чойшаб ва ёстиқ жилдлари ҳам мониторинг куни алмаштирилган, ювиниш хоналари гигиенага жавоб бермайди.
Фарғонадаги газ «заправка»да автобус ёниб кетди
Фарғона вилояти Қўқон шаҳридаги газ қуйиш шохобчасида Isuzu автобусининг двигатель қисмида ёнғин содир бўлди. Ҳолат ўт ўчирувчилар томонидан бартараф этилди, жароҳатланганлар йўқ.
13 сентябрь куни эълон қилинган энг муҳим янгиликлар дайжести
UzAuto Motors’га нисбатан иш очган Рақобат қўмитаси, қўшма машғулотлар ўтказган Ўзбекистон ва Қозоғистон ҳаво мудофаа кучлари, икки баравар ошган пропан нархлари, маймунчечакка қарши илк вакцина ва бошқалар — «Газета.uz»нинг кунлик дайжестида.
Самарқандда «Омонқўтон» боғига ноқонуний кириб, дарахтларни кесганлар табиатга 1 млрд сўмдан ортиқ зарар етказди
Самарқанд вилоятидаги «Омонқўтон» миллий табиат боғига экскаватор ва бульдозерлар билан ноқонуний кириб, жами 64 та дарахт ва бутага зарар етказган ҳамда Қизил китобга киритилган ўсимликларни пайҳон қилган шахслар табиатга 1 млрд 115 млн сўм зарар етказгани аниқланди.
Тошкент ҳокими қишга тайёргарлик кўришга оид фармойишни имзолади. Нималар режалаштириляпти?
Тошкент ҳокими Шавкат Умурзоқов иқтисодиёт тармоқлари, ижтимоий соҳа объектлари ва кўп квартирали уйларни куз-қиш мавсумига тайёрлашга доир фармойишни имзолади. Газ, электр, сув ва иссиқлик тармоқлари, уйлар, қозонхоналарни таъмирлаш режалаштирилмоқда. Бу мақсадлар учун 732,6 млрд сўм йўналтирилади.
Ўзбекистон ва Қозоғистон ҳаво ҳудуди ҳимояси бўйича қўшма машғулот ўтказди
Ўзбекистон ва Қозоғистон ҲҲК ҳаво ҳудудини ҳимоя қилиш бўйича қўшма машғулотлар доирасида ҳаво мудофааси воситаларидан биргаликда фойдаланиш, шунингдек, жанговар экипажларнинг қўшни Қирғизистон ва Тожикистон қўмондонлик ва бошқарув пунктлари билан ўзаро ҳамкорлиги тартибини ишлаб чиқди.
Тошкентдаги ташқи рекламаларда букмекерлик товар белгисини намойиш қилган агентликка чора кўрилди
Юнусобод ва Мирзо Улуғбек туманларида ташқи реклама конструкциялари орқали букмекерлик товар белгиси кўрсатилгани аниқланди. Рақобат қўмитаси рекламани жойлаштирган агентликка нисбатан молиявий жарима қўллади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг