«дхх» тегли мақолалар
Сурхондарёда 11 кг «гашиш»ни Ўзбекистонга олиб киришга уринганлар ушланди
Сурхондарё вилоятида 11 кг «гашиш» гиёҳвандлик моддасини мамлакатга олиб ўтишга уринганликда гумонланган 11 нафар шахс қўлга олинди. Уларга нисбатан жиноят иши қўзғатилди.
Наманганда $200 мингни ноқонуний равишда хорижга олиб чиқиб кутаётган шахс ушланди
«Наманган-Нанай» йўналиши бўйлаб ҳаракатланаётган Cobalt автомобили тўхтатилганда, салон қисмида 200 минг АҚШ доллари борлиги аниқланиб, процессуал тартибда расмийлаштириб олинди. Фуқаро пулларни ноқонуний равишда Қирғизистонга ўтказмоқчи бўлгани айтилмоқда.
Тошкент вилоятида қарийб 3,2 млрд сўмлик муддати ўтган дорилар савдоси олди олинди
Тошкент вилоятидаги яшаш хонадонида яширин цех ташкил этиб, хорижда ишлаб чиқарилган ва яроқлилик муддати ўтган дори воситаларини қайта қадоқлаш орқали сотувга чиқариш билан шуғулланган шахс аниқланди. Цехдан қадоқлаш ва дориларининг муддатини ўзгартириш ускуналари, қалбаки муҳрлар топилди.
Тошкентда Isuzu ҳайдовчиси ҳужжатлари бўлмаган 433 млн сўмлик пиротехникалар билан ушланди
6 октябрь куни пойтахтда божхоначилар ва ДХХ ходимлари олдиндан кузатувга олинган шахс бошқарувидаги Isuzu юк машинасини тўхтатганда ундан 433 млн сўмлик пиротхеника воситалари топилди. Орган ходимлари ҳодиса бўйича терговга қадар текширув бошлади.
ДХХ психотроп дорилар айланмасига чек қўйди
ДХХ Фарғонадан Тошкентга келаётган фуқаро машинасида психотроп дори воситалари борлигини аниқлади. Гумонланувчи «Регапен» ва «Тропикамид» таблеткаларини вояга етмаган қизи орқали олиб ўтмоқчи бўлган. Ҳолат юзасидан жиноят иши қўзғатилди.
ДХХ афғонистонлик наркокурьерлар олиб кирган 95 кг наркотик айланмасига чек қўйди
ДХХ Тошкент ва Сурхондарёда жами 95 кг гиёҳванд моддаларни айланмаси билан шуғулланганликда гумонланган шахслар ушлади. Моддалар афғонистонлик наркокурьерлар томонидан контрабанда йўли билан мамлакатга олиб кирилгани аниқланди.
ДХХ томонидан учта ҳолатда $45 минг пора олаётган адвокатлар ушланди
Тошкентда адвокат солиқ текширувидаги ҳуқуқбузарлик учун молиявий жарима қўлламаслик эвазига тадбиркордан 23 минг доллар олганликда гумонланмоқда. Яна икки ҳолатда адвокатлар маҳбуслар жазосини енгилроғига алмаштиришни ҳал қилиб бериш учун 22 минг доллар олганликда гумонланиб, қўлга олинган.
Наманганда $2 млндан ортиқ валютани ноқонуний тарзда хорижга олиб чиқишга уринишди
ДХХ томонидан Наманганда 2 млн доллардан ортиқ валютанинг Қирғизистонга ноқонуний олиб чиқиб кетилишига чек қўйилди. Гумонланувчи икки шахсга тегишли автоуловдан 1,8 млн доллар, уларга валюта етказиб берувчи шахс автомобилидан эса 167 минг доллар топилгани айтилмоқда.
ДХХ психотроп таблеткалар савдосига чек қўйди
ДХХ тўртта ҳолатда жами 9740 та «Регапен» ва 2990 та «Тропикамид» психотроп дори воситаларининг ноқонуний айланмасига чек қўйди.
400 минг доллардан зиёдроққа ноқонуний ер сотмоқчи бўлганлар ушланди
Давлат хавфсизлик хизмати ва Иқтисодий жиноятларга қарши курашиш департаменти ноқонуний ер сотишга уринишларни тўхтатиб қолди. Жумладан, Поп тумани ҳокимининг собиқ ўринбосари «Янги Ўзбекистон» массивида саккизта уй қуриш учун рухсатнома бериш учун пул олаётганда ушланди.
ДХХ олтита вилоятда қарийб 20 кг гиёҳванд моддалар айланмасига чек қўйди
Ўзбекистоннинг олтита вилоятида ҳуқуқ-тартибот органлари айрим шахслар ёнида қарийб 15 кг «опий» ҳамда салкам 4 кг «гашиш» моддаси борлигини аниқлади. Уларнинг аксарияти моддаларни қўшни давлатлардан олиб кириб, сотишни режалаштиргани айтилмоқда. Гумондорларга нисбатан жиноят иши қўзғатилди.
Учта ҳудудда ўқишга киритиб қўйишни ваъда қилган шахслар ушланди
Пойтахтнинг Чилонзор туманида $10 минг эвазига Тошкент тиббиёт академиясига, Сирдарёда $5 минг эвазига Гулистон давлат университетига киритиб қўйишга уринганликда гумонланган шахслар қўлга олинди. Самарқандда эса сохта ҳужжатлар асосида Қозоғистондан ўқишни кўчирмоқчи бўлган шахс ушланди.
Фарғонада қарийб 300 минг долларнинг Қирғизистонга ноқонуний олиб чиқилишига чек қўйилди
ДХХ Фарғонада иккита ҳолатда қарийб 300 минг долларни Қирғизистонга ноқонуний равишда олиб чиқишга бўлган уринишларга чек қўйилди.
Сурияга кетишни режалаштиришда гумонланаётган 20 ёшли «мойкачи» қўлга олинди
Сурхондарёда Суриядаги жангарилар сафига қўшилишни режалаштиришда гумон қилинаётган 20 ёшли фуқаро қўлга олинди. У интернет орқали «Тавҳид ва жиҳод катибаси» ходими билан мулоқот қилиб, унинг ғоявий таъсири оситида «жиҳод» қилишни мақсад қилгани айтилмоқда.
Оқолтин тумани ҳокими ўринбосари пора олаётганда ушланди
ДХХ Оқолтин тумани ҳокими ўринбосарларидан бирини ўз хизмат хонасида МЧЖ иш юритувчисидан 400 доллар пора олаётганда ушлади. У МЧЖни «қора рўйхат»га киритиш билан қўрқитиб, 500 доллар талаб қилган.
90 минг долларни Тожикистонга олиб ўтмоқчи бўлган аёл тўхтатиб қолинди
ДХХ ҳамда божхона қўмитаси ходимлари 90 минг долларни Тожикистонга олиб ўтмоқчи бўлган аёлни тўхтатиб қолди. У чегарадан пулнинг бир қисмини аввал оёқ кийимлари ичига, кейинги сафар эгнидаги кийимлари орасига яширган ҳолда ўтмоқчи бўлган.
Қашқадарёда «Жиҳодчилар» оқими ғояларини тарғиб қилган 29 ёшли аёл 3 йилга уй қамоғига ҳукм қилинди
Қарши шаҳар суди «Жиҳодчилар» оқими ғояларини тарғиб қилган 29 ёшли аёлни 9 ойлик фарзанди борлигини ҳисобга олиб, 3 йилга уй қамоғига ҳукм қилди. Бундан ташқари, ДХХ экстремистик оқим ғояларини тарқатганликда гумонлаб, яна икки нафар фуқарони қўлга олди. Уларга нисбатан жиноят иши қўзғатилди.
Хоразмда 40 сотих ерни $100 мингга олиб беришга уринган шахслар қўлга олинди
Гурлан туманида икки фуқаро танишлари орқали 100 минг доллар эвазига 40 сотих ер майдонини омборхона қуриш учун олиб беришга уринганликда айбланмоқда. Гумондорлар олдиндан 25 минг доллар ва 65 млн сўмни олганида ушланган. Уларга нисбатан жиноят иши қўзғатилди.
Туркияга қизларни фоҳишаликка юборишга уринганликда гумонланган шахс ушланди
Тошкент халқаро аэропортида янгийўллик 40 ёшли аёл 20 ва 23 ёшли икки нафар қизни алдов йўли билан Туркияга чиқариб юборишга уринганида қўлга тушди. Унга нисбатан одам савдоси моддаси билан жиноят иши қўзғатилди.
Тожикистонга $356 мингни яширинча олиб чиқишга уринган шахслар ушланди
Бекободлик икки нафар аёл 356 минг долларни кийимлари орасига яширган ҳолда Тожикистонга олиб чиқишга уринганида қўлга олинди. Улар бу ишни хизмат ҳақи эвазига тожикистонлик фуқаро илтимосига кўра амалга оширгани айтилмоқда. Ҳозирда пулларнинг ҳақиқий эгаларини аниқлаш ишлари олиб борилмоқда.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг