«экология» тегли мақолалар
Ўзбекистонда Аи-80 бензинидан тўлиқ воз кечиш 2028 йилга қолдирилди
Ўзбекистонда Аи-80 бензинидан фойдаланишни тақиқлаш 2028 йилдан босқичма-босқич амалга оширилиши режалаштирилмоқда. Аввалроқ 2025 йилдан бошлаб ушбу маркадаги ёнилғидан воз кечилиши хабар қилинган эди.
Тошкентни «пиёдалар шаҳри»га айлантириш, яшил ҳудудлар ва сув ҳавзаларини кўпайтириш режа қилинмоқда
Президент Тошкент шаҳрида ҳаво сифатини яхшилаш бўйича кечиктириб бўлмас чора-тадбирлар дастурини тасдиқлади. Унда «Шаҳар — пиёдалар учун» тамойилини жорий этиш, сунъий сув ҳавзалари ва яшил зоналар барпо этиш, корхоналарда тозалаш ускуналарини ўрнатиш ва бошқа тадбирлар кўзда тутилмоқда.
Тошкент ва унинг атрофида 2030 йилдан бошлаб ёқилғи сифатида мазутдан фойдаланиш тақиқланади
Ўзбекистонда чанг бўронларига қарши курашиш бўйича миллий дастур тасдиқланди. Шунингдек, 2030 йилдан Тошкент шаҳар ва унга туташ Тошкент вилоятининг ҳудудларида жойлашган иситиш ва электр энергия ишлаб чиқариш корхоналарига ёқилғи сифатида мазутдан фойдаланиш тақиқланади.
«Омонқўтон» боғида ноёб ва Қизил китобдаги дарахтлар кесилгани юзасидан жиноят иши очилди
Самарқанддаги «Омонқўтон» миллий табиат боғида жами 2500 тупдан ортиқ ноёб ва Қизил китобга киритилган дарахтлар кесиб кетилгани юзасидан жиноят иши қўзғатилди. Тергов юзасидан Бош прокуратура назорати ўрнатилди.
Президент Тошкентда чанг бўронларига қарши курашиш ва ҳаво сифатини яхшилаш чора-тадбирлари билан танишди
Президентга 2030 йилгача чанг бўронларига қарши курашиш дастури, шунингдек, Тошкентда ҳаво сифатини яхшилаш чоралари тақдим этилди. МЖТКга қурилишда ҳавони муҳофаза қилиш талабларига риоя қилмаслик, дарахт кесиш ва қуритиш учун жазо чораларини кучайтириш тўғрисидаги моддани киритиш таклиф этилмоқда.
Самарқандда «Омонқўтон» боғига ноқонуний кириб, дарахтларни кесганлар табиатга 1 млрд сўмдан ортиқ зарар етказди
Самарқанд вилоятидаги «Омонқўтон» миллий табиат боғига экскаватор ва бульдозерлар билан ноқонуний кириб, жами 64 та дарахт ва бутага зарар етказган ҳамда Қизил китобга киритилган ўсимликларни пайҳон қилган шахслар табиатга 1 млрд 115 млн сўм зарар етказгани аниқланди.
Деновда йўл қуриш учун минглаб дарахтларни кесиш масаласи яна кун тартибига чиқди
2023 йил июлида Эковазирлик рад жавобидан кейин Сурхондарё ва Бухородаги автомобиль йўли қурилишида ўн минглаб дарахт кесилиши тўхтатиб қолинганди. Вазирлик «инсон ҳаёти хавфсизлигини таъминлаш нуқтаи назаридан» лойиҳани амалга ошириш масаласи ҳукумат комиссиясида кўриб чиқилаётганини маълум қилди.
Ўзбекистонда «яшил» шаҳарлар рейтинги пайдо бўлди. Тошкент — рейтингнинг қуйи қисмида
Иқлим ўзгариши миллий маркази Ўзбекистон шаҳарларининг «яшил» рейтингини тақдим этди. Мамлакат шаҳарлари экологик тозалик кўрсаткичлари бўйича баҳоланади ва натижалар Green Cities платформасига киритилади. 14 та маъмурий марказ орасида Наманган етакчиликни қўлга киритди, Тошкент 12-ўринни эгаллади.
Сурхондарёда электр қармоқ билан балиқ овланиши оқибатида табиатга 1,4 млрд сўм зарар етди
Сурхондарё вилояти Шўрчи туманида 221 бош балиқни электр қармоқ билан овлаган 4 нафар фуқаро ушланди. Улар табиатга 1,4 млрд сўм зарар етказган.
Самарқандда қурилиш компанияси 31 туп дарахтни кесиб ташлагани аниқланди
Самарқанд шаҳридаги боғчада қўшимча бино қуриш вақтида 30 туп қимматбаҳо, 1 туп кам қимматли дарахтни кесиб ташлаган корхона табиатга 260 млн сўм зарар етказгани маълум бўлди. Тегишли ҳужжатлар ҳуқуқни муҳофаза қилувчи органларга юборилди.
Чирчиқ дарёси ўзанида чиқиндихона ташкил қилган эркак қарийб 4 йилга озодликдан маҳрум этилди
Тошкент вилоятида узоқ вақт давомида пул эвазига Чирчиқ дарёси ўзанига чиқинди ташлаб юрган шахс у ерда чиқинди тўғони ҳосил қилгани аниқланди. У 3 йил 9 ой муддатга озодликдан маҳрум қилиниши ва 3 млрд сўм зарарни қоплаши белгиланди.
Тошкентдаги собиқ МХХ биносидаги дарахтларни кўчиришга масъул компания раҳбари фотографга тўсқинлик қилиб, энергетик ичимлик сепди
Экология вазирлиги собиқ МХХ биноси ҳудудидаги эман дарахтларини Улуғбек қишлоғига кўчиришга рухсат бермаган (бундай тартиб йўқ). Жараёнга масъул компания раҳбари кўчирилган дарахтларни суратга олмоқчи бўлган фотографга тўсқинлик қилди. У ўзини агрессив тутиб, фотографга энергетик ичимлик сепди.
Юнусободдаги эман дарахтлари кесилмаяпти, кўчириляпти — Экология бошқармаси
Тошкент шаҳри Экология бошқармаси собиқ МХХ биноси олдидаги 26 туп эман дарахти кесилмаётганини, аксинча бошқа ҳудудга белгиланган тартибда кўчириб ўтқазилаётганини маълум қилди. Ушбу дарахтлар кейинги 3 йил давомида доимий парвариш остида бўлади, дея таъкидлади бошқарма.
Оҳангарондаги тўқайзор ёқиб юборилиши оқибатида табиатга салкам 460 млн сўм зарар етган
Тошкент вилояти Оҳангарон туманидаги тўқайзорда олдин тахмин қилинганидек 1500 та эмас, 775 та дарахт ва бута ёқиб юборилгани аниқланди. Оқибатда табиатга 459,6 млн сўм зарар етган. Экология бўлими ерни аукциондан олиб, давлатга қайтариш бўйича прокуратурага сўровнома юборди.
Ўзбекистонда сув ва тупроқни хавфли кимёвий моддалардан тозалашга қаратилган лойиҳа амалга оширилмоқда
Ўзбекистонда ФАО ва Европа Иттифоқи кўмагида хавфли кимёвий моддаларни бошқаришни таъминлаш лойиҳаси амалга оширилмоқда. 4 млн евролик лойиҳа хавфли пестицидларни сув ва тупроқ таркибидан ажратиш, кимёвий чиқиндиларни тозалаш, зараркунандаларга қарши кураш ва бошқаларни назарда тутади.
Пойтахт ҳокими Тошкент экологиясидан қанчалик хавотирда?
Тошкент ҳокими «Газета.uz» мухбирининг «Пойтахт экологияси сизни хавотирга соладими?» деган саволига жавобан шундай деди: «Хавотирга солгани учун 75 гектарда истироҳат боғларини қурдик, ҳозир яна 25 гектарда яшил ҳудудлар барпо этяпмиз. Ҳар бир қурувчига дарахт ва бута экишни мажбур қилиб қўйдим».
10 кунда 500 дан ортиқ машина ҳавога меъёридан ортиқ зарарли моддалар чиқаргани аниқланди
«Тоза ҳаво» ойлиги доирасида 10 кун ичида Ўзбекистон бўйлаб 60 мингга яқин автомобиль экологик назоратдан ўтказилди. Бунда 518 та транспорт воситаси атмосферага меъёридан ортиқ зарарли моддалар чиқаргани аниқланди. 300 дан ортиқ ҳайдовчи жаримага тортилди.
Автомобиллар учун экостикерлар бепул бўлади, экозоналарга кирганлик учун жарима ва компенсациялар жорий этилади. Тафсилотлар
Автомобиллар учун экостикерлар нафақат Тошкентда, балки Ўзбекистоннинг барча ҳудудларида жорий этилади. Экодиагностика 1 июндан босқичма-босқич йўлга қўйилади. Аксарият машиналар учун стикерлар бепул бўлади. Экозоналарга кириш учун компенсациялар ва жарималар жорий этилади. Янги қарор тафсилотлари.
Ўзбекистонда «зарарли» автомобилларни «тоза»сига алмаштириш учун субсидия бериш режа қилинмоқда
Ўзбекистонда «зарарли» тоифадаги автомобилларни «тоза» тоифадаги автомобилларга алмаштириш учун субсидия бериш режалаштирилмоқда. Иқтисодиёт ва молия вазирлигига бир ой муддатда мазкур ташаббусни жорий этиш бўйича таклифлар ишлаб чиқиш топширилди.
Экология соҳасидаги 30 нафар ҳоким ўринбосари ва вазирлик масъули жазоланди
«Яшил макон» доирасида баҳорги экиш мавсумини ташкил қилиш ва чиқинди билан ишлаш тизимига жавобгар 30 нафар масъул жазоланди. 4 та туман ҳокими ўринбосарлари ишдан олинди. Қолганларига ҳайфсан берилди. Барча экология бошқармалари бошлиқларига синов муддати тайинланди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг