Arxiv
O‘zbekistondagi yirik savdo tarmoqlari oziq-ovqat isrofgarchiligini kamaytirmoqchi
Adliya vazirligi va O‘zbekistondagi yirik savdo tarmoqlari vakillari oziq-ovqat chiqindilarini kamaytirish masalasini muhokama qilmoqda. Shu maqsadda fudshering platformasini ishga tushirish rejalashtirilgan. Statistikaga ko‘ra, Toshkentda har kuni 2 tonna non mahsulotlari, respublika bo‘ylab yiliga 3 million tonna oziq-ovqat mahsulotlari chiqindiga tashlanadi.
Matilda Dimovska: «Yashil makon» loyihasi puxta rejalashtirish va samarali muvofiqlashtirishni talab qiladi
BMT Taraqqiyot dasturining O‘zbekistondagi doimiy vakili Matilda Dimovskaning fikricha, «Yashil makon»ning butun mamlakat bo‘ylab 1 mlrd daraxt ekish bo‘yicha katta loyihasi havoni tozalash va odamlar hayotini saqlab qolishga xizmat qiladi. Shu bilan birga, daraxtlarni ekish va parvarishlash jarayonini boshqarish bo‘yicha kompleks yondashuv qabul qilinmasa, daraxtlarning taqdiri mavhum bo‘lib qoladi. Shuning uchun ko‘chat ekishni texnik-iqtisodiy asoslash va loyiha ishtirokchilarining sa’y-harakatlarini samarali muvofiqlashtirish tizimi zarur.
O‘zbekiston Afg‘onistondagi terrorchilik harakatlarini qoraladi
O‘zbekiston TIV Afg‘onistonning Kobul, Mozori-Sharif va Qunduz shaharlarida sodir etilgan terrorchilik harakatlarini qoralab bayonot berdi. O‘zbekiston tomoni halok bo‘lganlarning oila a’zolari va yaqinlariga hamdardlik bildirdi.
Yakshanba kuni yomg‘ir yog‘ishi kutilmoqda
Shanba kuni O‘zbekistonning aksariyat hududlarida quruq va iliq havo davom etadi, yakshanba kuni yomg‘ir yog‘ishi, momaqaldiroq bo‘lishi mumkin. Harorat biroz pasayib, kunduzi +25 darajadan oshmaydi.
Murotjon Azimov Qashqadaryo viloyati hokimi etib tasdiqlandi
2021 yil noyabr oyidan buyon Qashqadaryo viloyati hokimi vazifasini bajarib kelayotgan Murotjon Azimov viloyat hokimi etib tasdiqlandi.
“Ichan-Qal'a” davlat muzey-qo‘riqxonasidagi 101 ta eksponatning soxtaligi aniqlandi
“Ichan-Qal'a” davlat muzey-qo‘riqxonasida o‘tkazilgan o‘rganishlarda noyob deb kelingan 101 ta muzey ashyosining kirim kitobidagi tavsifnomalari o‘lcham, material, ishlanish uslubi va yaratilgan davri bo‘yicha mos kelmasligi aniqlandi. Tegishli hujjatlar huquqni muhofaza qilish organlariga taqdim etildi.
Samarqand tumanida fermer hokimning soxta qarori bilan 19 ming dollarga yer sotgani aniqlandi
Samarqand tumanida fermer ikki fuqaroga tuman hokimining 2020 yildagi soxta qarori bilan 19,7 ming dollarga yer maydonini sotgani aniqlandi. Tergovga qadar tekshiruv davomida gumonlanuvchi 500 dollar va 4,5 mln so‘mni ixtiyoriy ravishda qaytargan.
Nobank tashkilotlarga islomiy moliyalashtirish xizmatlarini ko‘rsatish huquqi berildi
Endilikda nobank tashkilotlar islomiy moliyalashtirish asosida xizmat ko‘rsatishi mumkin bo‘ladi. Shuningdek, nobank tashkilotlarning sug‘urta, omonat va savdo ishlari bo‘yicha faoliyatiga cheklov o‘rnatilgan.
Nogironligi bo‘lgan shaxslarni ishga qabul qilganlarga subsidiya beriladi
Hukumat qarori bilan nogironligi bor kishilarni ishga olgan shaxslarga har bir xodim uchun BHMning1,5 baravari (405 ming so‘m) miqdorida subsidiya beriladi. Mazkur tartib budjet tashkilotlari, davlat korxonalari, ustav kapitalida davlat ulushi 50 foiz va undan ortiq bo‘lgan yuridik shaxslarga nisbatan amal qilmaydi.
O‘zbekistonning Kiyevdagi elchixonasi ish faoliyatini to‘liq tikladi
O‘zbekistonning Kiyev shahridagi elchixonasi 22 apreldan o‘z ish faoliyatini to‘liq tiklagani ma’lum qilindi. Elchixona vaqtincha Lvov shahrida faoliyat ko‘rsatayotgan edi.
O‘zbek banklari sanksiyaga tushgan banklar bilan ishlashda ikkilamchi sanksiyalardan qochishga harakat qilmoqda
O‘zbekistonda banklar qat’iy sanksiyaga tushgan banklardan olingan kreditlarni ikkilamchi sanksiyalar xavfini yaratmasdan qaytarish bo‘yicha xalqaro yuridik konsalting kompaniyalarini jalb qilmoqda, deya xabar qildi MB.
Toshkentdagi Xalqaro biznes markazidan tushib ketgan erkak o‘z joniga qasd qilganligi aytilmoqda
21 aprel kuni Xalqaro biznes markazining 9-qavatidan tushib ketgan 42 yoshli erkak o‘z joniga qasd qilgan bo‘lishi mumkinligi aytilmoqda. Voqea joyi o‘rab olingan. Yunusobod tuman prokuraturasi holatni o‘rganmoqda.
Foto: Jizzaxda sodir bo‘lgan sel oqibatlari
20 aprel kuni Jizzaxda sel va suv toshqinlaridan eng ko‘p zarar ko‘rgan Egizbuloq mahallasida 5 kishi, shu jumladan ikki nafar yosh bola halok bo‘ldi. Bundan tashqari, 53 ta xonadon to‘liq talofat ko‘rdi. 25 ta uyda yashovchi 100 dan ortiq fuqaro vaqtincha boshqa joyga ko‘chirildi. Favqulodda vaziyatlar vaziri Abdulla Qo‘ldoshev va Jizzax viloyati hokimi Ergash Soliyev voqea joyida bo‘lib turibdi. Tafsilotlar «Gazeta.uz» fotoreportajida.
XTV Toshkentdagi Mehribonlik uyidagi vaziyat yuzasidan izoh berdi
Toshkentdagi 21-Mehribonlik uyida yuzaga kelgan vaziyat o‘rganilganda, muassasa tarbiyalanuvchilari tomonidan xodimlardan biriga nisbatan e’tiroz kayfiyati shakllangani aniqlandi, deb xabar berdi XTV.
Ayrim nodavlat tashkilotlar «Elektron hukumat» tizimidan shaxsga doir ma’lumotlarni olish huquqiga ega bo‘ldi
1 sentabrdan ayrim nodavlat tashkilotlarga «Elektron hukumat» tizimi orqali shaxsga doir ma’lumotlardan foydalanish imkoniyati yaratilmoqda. Ular shaxsga doir ma’lumotlarni oshkor qilmaslik bo‘yicha zarur choralarni ko‘rishlari shart.
Toshkentda Nikolay II davriga oid deb qalbaki tilla tangalarni sotayotgan shaxs ushlandi
Toshkentning Uchtepa tumanida Nikolay IIning nominal qiymati 5 rubl bo‘lgan 20 dona qalbaki tilla tangani sotmoqchi bo‘lgan yigit qo‘lga olindi. U har bir tangani 300 dollarga baholagan.
SHHT sintetik giyohvandlik vositalarining tez tarqalishini mintaqaviy xavfsizlikka jiddiy tahdid deb hisoblaydi
Sintetik giyohvandlik vositalari va yangi turdagi psixofaol moddalarning tez sur’atlarda tarqalishi, shuningdek, giyohvandlik vositalari ishlab chiqarishda kimyoviy moddalarning noqonuniy aylanishining kuchayishi mintaqaviy xavfsizlikka jiddiy tahdid soladi. Bu haqda Shanxay hamkorlik tashkilotiga a’zo davlatlarning giyohvandlik moddalariga qarshi kurashish bo‘yicha vakolatli organlar rahbarlarining yig‘ilishi yakuni bo‘yicha ma’lum qilindi.
«Amir Temurning janglarda g‘olib bo‘lish merosi o‘rganilmagan» — prezident
Shavkat Mirziyoyev Qashqadaryoga safari oldidan Amir Temurning To‘xtamishxon bilan jangi haqida o‘qigani, Sohibqironning janglarni shaxsan o‘zi boshqargani uning uchun yangilik bo‘lganini ta’kidladi.
«Bu bizga ham ta’sir qilmay qolmaydi». Shavkat Mirziyoyev — dunyo bozoridagi vaziyat haqida
«Shakar zavodlarimiz ishlashi uchun xomashyoni Braziliyadan keltirar edik. Afsuski, hozirgi ayrim siyosiy vaziyatlar tufayli yo‘llar yopilib qolib, ishlar to‘xtadi», — deya ma’lum qildi prezident. U neft mahsulotlari 50 foiz, o‘simlik yog‘i esa 70 foizga qimmatlashganini qayd etdi. Shavkat Mirziyoyev narx oshishi va inflyatsiyaning odamlar hayotiga salbiy ta’sirining oldini olish uchun yanada ko‘proq harakat qilish kerakligini ta’kidladi.
Jizzaxda sel tufayli halok bo‘lganlar soni 5 nafarga yetdi
Jizzax viloyatida bir kun avval bedarak yo‘qolgani aytilgan yana bir fuqaroning jasadi topildi. Sel qurbonlarining umumiy soni besh nafarga yetdi. Jizzax viloyati prokuraturasi tergovga qadar tekshiruv o‘tkazmoqda. Tabiiy ofat oqibatlarini bartaraf etishga harbiylar ham jalb qilingan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting