Arxiv
OTB O‘zbekistonda moliyaviy bozorlarni rivojlantirish uchun 100 mln dollar ajratadi
Osiyo taraqqiyot banki O‘zbekistonda raqobatbardosh moliyaviy bozorlarni rivojlantirish uchun 100 mln dollarlik kreditni ma’qulladi. Kredit mablag‘lari mamlakatda moliyaviy bozorlar uchun qulay muhit yaratishda zarur bo‘lgan davlat siyosati, qonunchilik hamda institutsional islohotlarni qo‘llab-quvvatlash uchun yo‘naltirilishi ko‘zda tutilmoqda.
Adabiyot bo‘yicha Nobel mukofoti Abdulrazoq Gurnaga topshiriladi
Tanzaniyalik yozuvchi Abdulrazoq Gurna adabiyot yo‘nalishida 2021 yilgi Nobel mukofotining sohibi bo‘ldi. U «kolonializm oqibatlari va qochqinlar taqdiriga murosasiz va rahmdillik bilan kirishgani» uchun taqdirlangan.
Indoneziyada xitoy-o‘zbek vaksinasidan favqulodda foydalanishga ruxsat berildi
Indoneziya Oziq-ovqat mahsulotlari va dori preparatlari nazorati agentligi ZF-UZ-VAC2001 vaksinasidan favqulodda foydalanishga ruxsat berdi. Ushbu vaksinaning III faza sinovlarida jami 4000 nafar ko‘ngilli ishtirok etgan va 92,92% foiz samaradorlikni ko‘rsatgan.
Toshkent viloyati hokimligi IIBBga 3 mlrd so‘m ajratadi
Toshkent viloyati hokimligi mahalliy budjet hisobidan IIBBga jamoat tartibini saqlash va boshqa maqsadlar uchun 3 mlrd so‘m ajratadi.
O‘zbekiston va Tolibon hukumati TIV rahbarlari Kobulda uchrashdi
O‘zbekiston tashqi ishlar vaziri Abdulaziz Kamilov Afg‘oniston tashqi ishlar vazirligi rahbari vazifasini bajaruvchi Amir Xon Mottakiy bilan uchrashuvda tranzit, energetika va savdo masalalarini muhokama qildi. Afg‘oniston tomoni Mozori-Sharifdagi aeroportni rekonstruksiya qilish va boshqa sohalardagi yordam uchun O‘zbekistonga minnatdorchilik bildirdi.
Dollarning rasmiy kursi ko‘tarildi
Dollarning so‘mga nisbatan rasmiy kursi 6,85 so‘mga ko‘tarilib, 10 677,89 so‘m etib belgilandi. Shuningdek, yevro va rubl kurslari ham ko‘tarildi.
Elektr haqini to‘lamagan Afg‘oniston sobiq hukumati amaldorlarining mol-mulki sotuvga qo‘yilishi mumkin
Afg‘onistonning energetika kompaniyasi elektr energiyasi haqini to‘lamagan sobiq hukumat amaldorlarining mol-mulkini sotuvga qo‘ymoqchi. Mamlakat aholisi kompaniyaning bu qarorini qo‘llab-quvvatlayotganligi aytilmoqda. Ma’lumotga ko‘ra, kompaniyaga to‘lanishi kerak bo‘lgan elektr energiyasidan qarzlarning umumiy miqdori 5,5 mln dollardan ortiq.
XMK maktablar qurish uchun investitsiya jalb qilishga yordam beradi
Xalqaro moliya korporatsiyasi O‘zbekiston hukumatiga mamlakat viloyatlarida zamonaviy va energiya jihatidan tejamkor 15 tagacha maktablarni moliyalashtirish, loyihalashtirish, qurish va xizmat ko‘rsatish uchun xususiy operatorni tanlashda tender o‘tkazishga yordam beradi.
Shavkat Mirziyoyev Sirdaryoda “Guliston siti” qurilishini taklif qildi
O‘zLiDePdan prezidentlikka nomzod Shavkat Mirziyoyev Guliston shahrining eski dehqon bozori o‘rnidagi 42 gektar maydonda “Guliston siti” barpo etilishini taklif qildi. Avvalroq, “Adolat” partiyasidan prezidentlikka nomzod Bahrom Abduhalimov shaharlarda “siti” qurishga ruju qo‘yilganligini tanqid qilgan edi.
«Chorvoq oromgohi» yaxlit mulk sifatida sotuvga qo‘yildi
«Chorvoq oromgohi» maskanining 8 ta alohida lotlar bo‘yicha savdo jarayonlari to‘xtatildi va oromgoh yaxlit mulkiy majmua sifatida auksionga qo‘yildi. Xaridorga hududdagi mehmonxona va turizm infratuzilmasini saqlab qolish hamda Chorvoq oromgohining Germaniya kompaniyasi oldidagi 573 ming 568 yevro qarzini to‘lash talabi qo‘yilmoqda.
O‘zbekiston prezidentining Rossiyaga tashrifi noyabr oyida bo‘lib o‘tishi kutilmoqda
Noyabr oyida O‘zbekiston prezidentining Rossiyaga tashrifi kutilmoqda. Shavkat Mirziyoyev va Vladimir Putin telefon orqali tashrifga tayyorgarlikni muhokama qildilar.
Probatsiya xizmati 60 mingdan ortiq shaxsni nazoratga olgan
sentabr holatiga Probatsiya xizmati tomonidan 60 ming 434 kishi nazorat ostiga olingan. Ularning 91,5 foizini erkaklar, 8,5 foizini ayollar, 28 foizini yoshlar va 1 foizdan kamrog‘ini voyaga yetmaganlar tashkil qiladi. 2001 yilda bitta inspektor 13 kishini nazorat qilgan bo‘lsa, 2021 yilga kelib bu ko‘rsatkich 108 kishiga yetdi.
Facebook uzilishlar oqibatida qariyb 100 mln dollar yo‘qotdi
Fortune hisob-kitoblariga ko‘ra, yetti yarim soatlik uzilishlar natijasida Facebook taxminan 99,75 mln dollar yo‘qotgan. Forbes nashri platformadagi nosozlik sabab kompaniya aksiyalari narxi 4,8 foizga pasaygani va oqibatda Mark Sukerberg 5,9 mlrd dollar yo‘qotganini ma’lum qildi.
O‘zbekiston Rossiyadan 1 mln gektar yer maydonini ijaraga olmoqchi
O‘zbekiston Rossiya hududidan 1 mln gektar yer maydonini qishloq xo‘jaligi mahsulotlarini yetishtirish uchun ijaraga olmoqchi. Bunga O‘zbekistondagi suv resurslari tanqisligi sabab ekanligi aytilmoqda. Ijara yerlaridan olingan hosil O‘zbekistonning ichki bozoridagi talabni qondirishga yo‘naltiriladi. O‘tgan yilning dekabr oyida prezident Shavkat Mirziyoyev tadbirkorlarga Rossiya hududida qishloq xo‘jaligi mahsulotlarini yetishtirishni taklif qilgan edi.
AKT vaziriga yangi o‘rinbosar tayinlandi
“O‘zkomnazorat” boshlig‘i o‘rinbosari bo‘lib ishlab kelgan Doniyor Rustamov axborot texnologiyalari va kommunikatsiyalarini rivojlantirish vazirining o‘rinbosari lavozimiga tayinlandi.
Tabiiy gaz importchilari bojxona bojini to‘lashdan ozod qilindi
Tabiiy gazni eksportga realizatsiya qilishda aksiz solig‘i stavkasining nol foiz miqdorida belgilangani, tabiiy gaz importchilarining bojxona bojidan ozod qilinayotgani, geologiya-qidiruv va izlanish ishlarining qator soliq va to‘lovlardan ozod qilinayotgani va boshqa yangiliklar — prezident yer qa’ridan foydalanuvchilarni soliqqa tortish bo‘yicha yangi farmonni imzoladi.
Chirchiq hokimligi matbuot kotibi ishdan olindi
Chirchik shahar hokimligi matbuot kotibi Fahriddin Qodirov ijtimoiy tarmoqlardagi izohlaridan keyin ishdan olindi. AOKAning ta’kidlashicha, u davlat xizmatchisining axloqiy me’yorlari va kodeksini buzgan.
OAV: Afg‘onistonning sobiq prezidenti Ashraf G‘ani O‘zbekiston orqali qochgan
Afg‘onistonning Hasht e Subh Daily gazetasi mamlakatning sobiq prezidenti Ashraf G‘anining qochish tafsilotlarini yoritdi. Nashrning yozishicha, u va uning atrofidagilar avval O‘zbekistonga borib, Termiz aeroportida bir kundan ko‘proq qolishgan, so‘ngra Qozog‘iston aviakompaniyasi samolyoti bilan BAAga uchishgan.
Jahon banki 2021 yilda O‘zbekistonda YAIM o‘sishi prognozini yaxshiladi
Jahon banki O‘zbekistonning YAIM o‘sishi bo‘yicha prognozini qaytadan ko‘rib chiqdi va uni 4,8 foizdan 6,2 foizga oshirdi. Iqtisodiy faollikning tiklanishiga ichki investitsiyalar, xalqaro savdo va pul o‘tkazmalarining tiklanishi sabab bo‘lmoqda.
6 oktabr kuni O‘zbekistonda sodir bo‘lgan eng muhim xabarlar dayjesti
Yangi e’lon qilingan qaror va farmonlar, energetika vazirligining benzin narxi oshishiga izohi, “Narxoz"ning sobiq prorektori 2 mln dollarni o‘zlashtirganlikda gumonlanishi — “Gazeta.uz"ning 6 oktabrdagi eng muhim xabarlari dayjestida.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting