Arxiv
Shavkat Mirziyoyev va Gurbanguli Berdimuhamedov muzokaralarni boshlashdi
O‘zbekiston va Turkmaniston mintaqaviy va xalqaro masalalarda bir-birini qo‘llab-quvvatlaydi, chunki mamlakatlarning maqsadlari hamohang. Bu haqda Shavkat Mirziyoyev va Gurbanguli Berdimuhamedov o‘rtasida bo‘lib o‘tgan tor doiradagi uchrashuvda aytildi.
Hokimiyat vakiliga yoki fuqaroviy burchini bajarayotgan shaxsga qarshilik uchun jinoiy javobgarlik kuchaytirildi
Hokimiyat vakiliga yoki fuqaroviy burchini bajarayotgan shaxsga qarshilik ko‘rsatganlik uchun jinoiy javobgarlik kuchaytirildi. Jarima miqdori BHMning 50 baravaridan 100 baravarigacha oshirildi. Shuningdek, 1 yildan 3 yilgacha ozodlikni cheklash jazo chorasi kiritilmoqda va ozodlikdan mahrum qilish jazosi 1 yildan 3 yilgacha uzaytirildi.
Bolalarda yurak nuqsonlarini davolash uchun 2021 yilda 500 ta okklyuder xarid qilinadi
Prezident qaroriga muvofiq, bolalarda yurak nuqsonlarini davolash uchun 2021 yilda 10 mlrd so‘mga 500 ta okklyuder xarid qilinadi, kelgusi yildan ularning soni 5 martagacha oshiriladi. Qolaversa, tuman va shahar darajasida kam invaziv va yuqori texnologik jarrohlik amaliyotlari keng joriy etiladi.
Chirchiqda o‘zbek tilini targ‘ib qiluvchi varaqalar paydo bo‘ldi
Chirchiq ma’muriyati jamoat joylarida o‘zbek va rus tillarida tez-tez ishlatiladigan so‘zlar aks etgan varaqalar joylashtirib, o‘zbek tilidagi so‘zlardan foydalanishga chaqirdi. Hokimiyat xabariga ko‘ra, O‘zbek tili kuni arafasida o‘tkazilayotgan «chellenj»dan maqsad — o‘zlashma so‘zlar o‘rniga o‘zbek tilidagi so‘zlarni ishlatishni targ‘ib qilishdan iborat.
Kecha 14 iyundan buyon kunlik koronavirus holatlarining eng past ko‘rsatkichi qayd etildi
Kecha kun davomida O‘zbekistonda 304 kishida koronavirus infeksiya qayd etildi. Bu 14 iyundan beri eng past ko‘rsatkich bo‘lib, bir kun oldin qayd etilgan kasallanish holatlaridan 198 taga kam. Shuningdek, dushanba kuni 12 kishida pnevmoniya qayd etildi. Bu SSV pnevmoniya holatlari bo‘yicha ma’lumot berishni boshlagan 5 iyuldan beri eng past ko‘rsatkich.
Bolalarni qo‘llab-quvvatlash jamoat fondi tashkil etiladi
Parlament va Vazirlar Mahkamasining muassisligida Bolalarni qo‘llab-quvvatlash jamoat fondi tashkil etilmoqda. Uning asosiy maqsadlariga ehtiyojmand oilalarning farzandlarini, chin yetimlarni, og‘ir kasallikka chalingan va nogironligi bo‘lgan bolalarni davolash, ularning ta’lim olishini, uy-joy bilan ta’minlanishini hamda kasb egallashlarini qo‘llab-quvvatlash kiradi.
Eksportyorlarga tashish xarajatlarining 50 foizgacha qismi qoplab beriladi
Hukumat qaroriga muvofiq, mahsulotlarini O‘zbekiston bilan chegaradosh bo‘lmagan davlatlarga eksport qiluvchilarga tashish harajatlarining 50 foizgacha qismi to‘lab beriladi. Ariza va tegishli hujjatlar Eksportni rag‘batlantirish agentligiga taqdim etiladi. Kompensatsiya taqdim etish shartlari va uni rad etish tartibi ham belgilab berildi.
4 oktabr kuni O‘zbekistonda sodir bo‘lgan eng muhim xabarlar dayjesti
Yangi e’lon qilingan qaror va farmonlar, Turkmaniston prezidentining O‘zbekistonga tashrifi, Sirdaryoda tuman hokimi 860 dan ortiq daraxtni kesishga ruxsat berishi — “Gazeta.uz"ning 4 oktabrdagi eng muhim xabarlari dayjestida.
Jahon yangiliklari dayjesti
Janubiy Kaliforniyada katta miqdordagi neftning okeanga to‘kilgani, Finlyandiya prezidentining bir kun davomida 16 yoshli qiz bilan birgalikda ishlashi, Eron va Ummonga kelgan to‘fon oqibatida 9 kishining halok bo‘lgani va boshqa yangiliklar — «Gazeta.uz»ning jahon yangiliklari dayjestida.
Sirdaryoda tuman hokimi 860 dan ortiq daraxtni kesishga ruxsat berdi
Sirdaryo viloyatining Boyovut tumani hokimi Dilfuza O‘rolova bir kunning o‘zida (4 oktabr) 866 tup daraxtni kesishga oid 12 ta qarorni imzoladi. Daraxtlar zararkunandalar va iqlim ta’siri oqibatida qurib qolgani sabab qilib ko‘rsatilgan. Holat yuzasidan tuman hokimligi va Davlat ekologiya qo‘mitasi munosabat bildirdi.
Gurbanguli Berdimuhamedov Toshkentga yetib keldi
Turkmaniston prezidenti Gurbanguli Berdimuhamedov rasmiy tashrif bilan Toshkentga yetib keldi. Aeroportda uni prezident Shavkat Mirziyoyev shaxsan kutib oldi. Ertaga ikkala davlat rahbarlari o‘rtasida muzokaralar bo‘lib o‘tishi kutilmoqda.
Prezident AQSh delegatsiyasi bilan Afg‘onistondagi vaziyat yuzasidan fikr almashdi
Dushanba kuni Shavkat Mirziyoyev AQSh Davlat kotibining birinchi o‘rinbosari Uendi Shermanni qabul qildi. Uchrashuvda ustuvor yo‘nalishlarda hamkorlikni kengaytirish masalalari qatorida tomonlar Afg‘onistondagi vaziyat yuzasidan ham fikr almashdi. Qolaversa, O‘zbekiston yetakchisi AQSh tomoniga beg‘araz yetkazilgan 5 mln dozadan ortiq vaksina uchun minnatdorchilik bildirdi.
Rossiyada ishlamoqchi bo‘lgan o‘zbekistonliklarga qurilish sohasida 10 mingta ish o‘rni taklif etildi
Rossiyaning turli hududlarida bir qator salohiyatli ish beruvchilari tomonidan O‘zbekiston fuqarolari uchun qurilish sohasida 10 mingta bo‘sh ish o‘rinlari taklif qilinmoqda. Fuqarolar nomiga Rossiyada ishlash huquqini beruvchi patent O‘zbekistonda rasmiylashtiriladi.
Iyul-sentabr oylarida 675 ta qarindoshlar o‘rtasida nikoh qayd etilgan
Iyul-sentabr oylarida FHDYO organlari tomonidan qarindosh bo‘lgan 675 nafar kelin-kuyovning nikohlari qayd qilingan. Eng ko‘p bunday nikoh qayd qilingan hududlar Surxondaryo, Qashqadaryo va Sirdaryo viloyatlari hissasiga to‘g‘ri keladi.
Rossiyada barcha ommaviy tadbirlar bekor qilindi
Rossiyada koronavirus bilan kasallanish holatlarining keskin ko‘payishi oqibatida mamlakat bo‘ylab barcha ommaviy tadbirlar bekor qilindi.
Samarqandda bolalar bog‘chasida yong‘in sodir bo‘ldi
Samarqand shahridagi bog‘chalardan birida yong‘in sodir bo‘ldi. Hodisa oqibatida jabrlanganlar yo‘q. Yong‘inning kelib chiqish sababi va moddiy zarar miqdori aniqlanmoqda.
Dollarning rasmiy kursi to‘rt kunlik o‘sishdan so‘ng biroz pasaydi
Dollarning so‘mga nisbatan rasmiy kursi 14,94 so‘mga pasayib, 10 677,66 so‘m etib belgilandi. Shuningdek, yevro va rubl kurslari ham pasaydi.
Tibbiyot bo‘yicha Nobel mukofoti yangi retseptorlarni kashf qilgan olimlarga berildi
Tibbiyot sohasidagi Nobel mukofoti «harorat va sezish retseptorlarini kashf qilgan» olimlar Devid Julius va Ardem Pataputyanga topshirildi.
Qo‘llanma: «Tonirovka» uchun onlayn ruxsatnoma olish
1 oktabrdan boshlab avtomobil oynalarini qoraytirish uchun ruxsatnomani faqat YAIDXP orqali rasmiylashtirish mumkin. O‘quvchilarning iltimosiga ko‘ra, «Gazeta.uz» «tonirovka» sertifikatini olish bo‘yicha qo‘llanmani taqdim etadi.
«Pandora Papers» oshkor qilgan ofshor operatsiyalari va O‘zbekistonga aloqador ma’lumotlar
Taniqli siyosatchilar, davlat va hukumat rahbarlari, mashhur boylarning ofshor operatsiyalari haqida e’lon qilingan «Pandora Papers» hujjatlarida O‘zbekistonga millionlab investitsiya kiritgan irland kompaniyalari hamda Gulnora Karimovaga pora berganlikda gumon qilinadigan Telia kompaniyasi vakillari haqida ham so‘z boradi. Shuningdek, surishtiruv doirasidagi hujjatlarda Ozarbayjon prezidenti Ilhom Aliyevning oilasi, Ukraina prezidenti Vladimir Zelenskiy, Iordaniya qiroli, Buyuk Britaniya sobiq bosh vaziri va boshqa taniqli shaxslarning ofshor operatsiyalari haqida ma’lumot keltirilgan.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting