Arxiv
6 avgust kuni O‘zbekistonda sodir bo‘lgan eng muhim xabarlar dayjesti
O‘zbekistonda pandemiya boshidan beri eng ko‘p kunlik koronavirus holatlari aniqlanishi, “Milliy tiklanish” Alisher Qodirov nomzodini prezidentlik saylovlarida ilgari surishi, o‘zbekistonlik kurashchi Bekzod Aburahmonov Olimpiadada bronza medali olishi — “Gazeta.uz"ning 6 avgustdagi eng muhim xabarlari dayjestida.
O‘zbekiston va Rossiya harbiylari Surxondaryoda shartli jangarilarni yo‘q qildilar
O‘zbekiston va Rossiya harbiy xizmatchilari shartli jangarilar guruhini yo‘q qilish bo‘yicha maxsus operatsiyani amalga oshirdilar. Dushmanga aviatsiya, artilleriya, zirhlangan jangovar texnikalar va barcha turdagi o‘t ochish vositalari yordamida zarbalar berildi. Mashg‘ulotlarda Rossiyaning to‘rtta Tu-22M3 bombardimonchi samolyoti qatnashdi.
Markaziy Osiyo davlatlari rahbarlari nimalarga kelishib oldilar?
Markaziy Osiyo davlatlari prezidentlari xavfsizlik va hamkorlik bo‘yicha doimiy muloqotni yo‘lga qo‘yish, shuningdek, kasalliklar va bioxavfsizlik ustidan nazorat bo‘yicha mintaqaviy markazlar tarmog‘ini hamda BMT shafeligida Transport-kommunikatsiya aloqalarini rivojlantirish mintaqaviy markazini tashkil etishga kelishib oldilar. Davlatlar iqlim o‘zgarishlari oqibatlarini yumshatish, muzliklarni saqlab qolish, o‘rmonlar maydonlarini kengaytirish va tabiiy ofatlar xavfini kamaytirishda birgalikda ishlashni davom ettiradi.
Test materiallari surati internetda tarqalgan abituriyentlar imtihondan chetlatilmoqda — DTM
Davlat test markazi ijtimoiy tarmoqlarda suratlari tarqalgan test materiallariga taalluqli bo‘lgan abituriyentlarni test sinovidan chetlashtirmoqda. 6 avgust kuni bunday holatlar Toshkent shahri va Qashqadaryo viloyatlarida aniqlandi. Shuningdek, DTM surati tarqalgan ayrim test topshiriqlari kitobi joriy imtihonlarga tegishli emasligini qayd etdi.
Tokio-2020: O‘zbekiston Olimpiadaning o‘n to‘rtinchi kunida bronza medaliga sazovor bo‘ldi
Tokioda bo‘lib o‘tayotgan Olimpiya o‘yinlarining o‘n to‘rtinchi kunida o‘zbekistonlik sportchilar kanoeda eshkak eshish, badiiy gimnastika, erkin kurash hamda zamonaviy beshkurash bellashuvlarida qatnashishdi. Musobaqaning navbatdagi kunida O‘zbekiston erkin kurash bo‘yicha bronza medaliga ega chiqib, delegatsiya medallari sonini 4 taga yetkazib oldi.
Yana 1 mln doza xitoy-o‘zbek vaksinasi olib kelindi
6 avgust kuni O‘zbekistonga ZF-UZ-VAC2001 vaksinasining yana 1 mln dozasi olib kelindi. Shunday qilib, jami vaksina zaxirasi 13 mln 580 ming 60 dozani tashkil qilmoqda.
USAID o‘zbek maktablari uchun ingliz tili va IT bo‘yicha xorijiy darsliklarni sotib oldi
USIAD xalqaro nashriyotlar tomonidan ishlab chiqilgan O‘zbekistondagi maktablar uchun informatika va ingliz tili darsliklarini sotib oldi. Ular 2021−2022 o‘quv yilida mamlakatning 200 ta maktabida sinovdan o‘tkaziladi. Shuningdek, agentlik O‘zbekiston uchun maxsus ishlab chiqilgan ona tili, matematika va informatika bo‘yicha ta’lim standartlarini Xalq ta’limi vazirligiga topshirdi.
Shimoliy Osetiya dovonidagi graffiti ko‘rgazmasi (foto)
30 iyul kuni Shimoliy Osetiya tog‘lari hududida strit-art rassomlari ishtirokida «Back to the roots» nomli graffiti suratlari ko‘rgazmasi bo‘lib o‘tdi. Unda rassomlar sun’iy qoyalarga chizgan turli tasvirlar namoyish qilindi. Ushbu san’at asarlaridan ayrimlarining suratlarini «Gazeta.uz» taqdim etadi.
Dollarning rasmiy kursi uch kunlik pasayishdan so‘ng biroz ko‘tarildi
Dollarning rasmiy kursi 21,61 so‘mga pasaydi va jami 10 639,79 so‘m etib belgilandi. Shuningdek, yevro va rubl kurslari ham biroz ko‘tarildi.
Tokio-2020. O‘zbekistonlik kurashchi Bekzod Aburahmonov bronza medali sohibi bo‘ldi
O‘zbekistonlik erkin kurashchi Bekzod Abdurahmonov qozog‘istonlik Daniyar Kaysanovni mag‘lub etib, Tokio-2020 Olimpiya o‘yinlarining bronza medaliga sazovor bo‘ldi.
«Mintaqa muammolarining yechimiga birgalikda erishamiz. Boshqa muqobil yo‘l yo‘q!» — Shavkat Mirziyoyev
Shavkat Mirziyoyev Markaziy Osiyo davlatlari rahbarlarining uchinchi Maslahat uchrashuvida nutq so‘zladi. Unda davlat rahbari pandemiya sababli to‘xtatilgan transport harakatini to‘liq tiklash, test natijalari va emlash sertifikatlarini tan olish bo‘yicha yagona axborot tizimini ishga tushirish, oziq-ovqat xavfsizligini monitoring qilish bo‘yicha mintaqaviy tizimni joriy qilishni taklif etdi.
«Saylovda g‘olib bo‘lishni niyat qilyapmiz» — Alisher Qodirov
«Milliy tiklanish» partiyasi rahbari Alisher Qodirov prezidentlik saylovlarida g‘alaba qozonishni niyat qilayotganini bildirdi. Uning ta’kidlashicha, ushbu saylov avvalgilaridan farq qiladi. Shuningdek, u agar prezident etib saylansa, dastlab ta’lim va tarbiya sohalarida islohotlarni amalga oshirishini aytib o‘tdi.
Dam olish kunlari issiq havo saqlanib qoladi
Dam olish kunlari butun O‘zbekiston bo‘ylab issiq havo davom etadi. Faqat respublikaning tog‘li hududlarida mahalliy yomg‘irlar kuzatiladi.
Afg‘oniston: Markaziy va Janubiy Osiyo o‘rtasidagi ko‘prikmi yoki ajratuvchi omil?
Afg‘oniston Markaziy va Janubiy Osiyoning o‘zaro bog‘liqligini rivojlantirishda geografik jihatdan muhim rol o‘ynaydi. Mustaqil tadqiqotchi Akram Umarov mintaqalar davlatlari o‘rtasidagi hamkorlikni rivojlantirish yo‘lidagi muammolar va imkoniyatlarda Afg‘oniston omili haqida yozadi.
Markaziy Osiyo mamlakatlari rahbarlarining norasmiy uchrashuvi (foto)
Turkmanistonning «Avaza» milliy sayyohlik zonasida Markaziy Osiyo mamlakatlari prezidentlarining norasmiy formatdagi uchrashuvi bo‘lib o‘tdi.
«Milliy tiklanish» Alisher Qodirov nomzodini prezidentlik saylovlarida ilgari suradi
2021 yilgi prezidentlik saylovlariga «Milliy tiklanish» demokratik partiyasidan Alisher Qodirov nomzodi e’lon qilindi.
Buxorodagi «Abdullaxon» madrasasi devorining qulashi bo‘yicha jinoyat ishi qo‘zg‘atildi
Iyul oyi oxirida Buxoro shahridagi «Abdullaxon» madrasasi devorining bir qismi qulab tushgan edi. Holat yuzasidan «mansabga sovuqqonlik bilan qarash» moddasi bilan jinoyat ishi qo‘zg‘atildi.
Enter Engineering Samarqand me’morchiligining oltin merosini rekonstruksiya qilmoqda
Enter Engineering kompaniyasi Imom al-Buxoriy yodgorlik majmuasida rekonstruksiya ishlarini olib bormoqda. Ziyoratgohda 9200 o‘rinli masjid, jismoniy imkoniyati cheklangan kishilarning harakatlanishi uchun zamonaviy liftlar, maxsus nishab yo’lkalar va boshqa qulayliklar yaratilishi ko‘zda tutilgan.
Shavkat Mirziyoyev Turkmaniston prezidenti bilan uchrashdi
Prezident Shavkat Mirziyoyev 6 avgust kuni Turkmaniston prezidenti Gurbanguli Berdimuhamedov bilan uchrashdi. Davlat rahbarlari transport-logistika, savdo-iqtisodiy va madaniy-gumanitar aloqalarni muhokama qildilar.
Kasallanish holatlari ortmoqda: bir kunda qariyb 1000 kishida koronavirus aniqlandi
Koronavirus infeksiyasiga chalinish holatlarining kunlik rekordi yangilandi. Payshanba kuni respublika bo‘ylab 974 nafar fuqaroda virus aniqlangan. 6 nafar bemor vafot etdi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting